Το έγγραφο αυτό έχει ληφθεί από τον ιστότοπο EUR-Lex
Έγγραφο JOL_2006_340_R_0033_01
2006/812/EC: Decision of the European Parliament of 27 April 2006 on the discharge for implementation of the European Union general budget for the financial year 2004, Section IV — Court of Justice#Resolution of the European Parliament with comments forming an integral part of the decision on the discharge for implementation of the European Union general budget for the financial year 2004, Section IV — Court of Justice
2006/812/KE: Deċiżjoni tal-Parlament Ewropew tas- 27 ta' April 2006 dwar il-kwittanza għall-implimentazzjoni tal-baġit ġenerali ta' l-Unjoni Ewropea għas-sena finanzjarja 2004, Sezzjoni IV – Qorti tal-Ġustizzja
Riżoluzzjoni tal-Parlament Ewropew b'kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit ġenerali ta' l-Unjoni Ewropea għas-sena finanzjarja 2004, Taqsima IV – Qorti tal-Ġustizzja
2006/812/KE: Deċiżjoni tal-Parlament Ewropew tas- 27 ta' April 2006 dwar il-kwittanza għall-implimentazzjoni tal-baġit ġenerali ta' l-Unjoni Ewropea għas-sena finanzjarja 2004, Sezzjoni IV – Qorti tal-Ġustizzja
Riżoluzzjoni tal-Parlament Ewropew b'kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit ġenerali ta' l-Unjoni Ewropea għas-sena finanzjarja 2004, Taqsima IV – Qorti tal-Ġustizzja
ĠU L 340, 6.12.2006, σ. 33 έως 35
(ES, CS, DA, DE, ET, EL, EN, FR, IT, LV, LT, HU, MT, NL, PL, PT, SK, SL, FI, SV)
6.12.2006 |
MT |
Il-Ġurnal Uffiċjali ta’ l-Unjoni Ewropea |
33 |
DEĊIŻJONI TAL-PARLAMENT EWROPEW
tas-27 ta' April 2006
dwar il-kwittanza għall-implimentazzjoni tal-baġit ġenerali ta' l-Unjoni Ewropea għas-sena finanzjarja 2004, Sezzjoni IV – Qorti tal-Ġustizzja
(2006/812/KE)
IL-PARLAMENT EWROPEW,
— |
wara li kkunsidra l-baġit ġenerali ta' l-Unjoni Ewropea għas-sena finanzjarja 2004 (1), |
— |
wara li kkunsidra l-kontijiet annwali finali tal-Komunitajiet Ewropej għas-sena finanzjarja 2004, Volum III (N6-0027/2005 – C6-0360/2005), |
— |
wara li kkunsidra r-rapport annwali tal-Qorti ta' l-Awdituri għas-sena finanzjarja 2004, akkumpanjat mir-risposti ta' l-istituzzjonijiet li ġew verifikati (2), |
— |
wara li kkunsidra d-dikjarazzjoni ta' assigurazzjoni dwar l-affidabilità tal-kontijiet u l-legalità u r-regolarità tat-tranżazzjonijiet bażiċi, ipprovduti mill-Qorti ta' l-Awdituri skond l-Artikolu 248 tat-Trattat KE (3), |
— |
wara li kkunsidra r-rakkomandazzjoni tal-Kunsill ta' l-14 ta' Marzu 2006 (5971/2006 – C6-0092/2006), |
— |
wara li kkunsidra l-Artikoli 272(10), 275 u 276 tat-Trattat KE, |
— |
wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-Baġit ġenerali tal-Komunitajiet Ewropej (4), u b'mod partikulari l-Artikoli 50, 86, 145, 146 u 147 tiegħu, |
— |
wara li kkunsidra r-Regolament Finanzjarju tal-21 ta' Diċembru 1977 li huwa applikabbli għall-baġit ġenerali tal-Komunitajiet Ewropej (5), |
— |
wara li kkunsidra l-Artikolu 71 u l-Anness V tar-Regoli ta' Proċedura tiegħu, |
— |
wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għal-Libertajiet Ċivili, il-Ġustizzja u l-Intern (A6-0112/2006), |
1. |
Jagħti kwittanza lir-Reġistratur tal-Qorti tal-Ġustizzja fir-rigward ta' l-implimentazzjoni tal-baġit għas-sena finanzjarja 2004; |
2. |
Jagħmel il-kummenti tiegħu fir-riżoluzzjoni ta' hawn taħt; |
3. |
Jagħti istruzzjonijiet lill-President tiegħu sabiex jgħaddi din id-deċiżjoni u r-riżoluzzjoni li tagħmel parti integrali minnha lill-Kunsill, lill-Kummissjoni, lill-Qorti ta' l-Awdituri, lill-Qorti tal-Ġustizzja, lill-Kumitat Ekonomiku u Soċjali Ewropew, lill-Kumitat tar-Reġjuni, lill-Ombudsman Ewropew u lill-Kontrollur Ewropew għall-Protezzjoni tad-Dejta, u li jippubblikahom fil-Ġurnal Uffiċjali ta' l-Unjoni Ewropea (serje L). |
Il-President
Josep BORRELL FONTELLES
Is-Segretarju Ġenerali
Julian PRIESTLEY
(2) ĠU C 301, 30.11.2005, p. 1.
(3) ĠU C 301, 30.11.2005, p. 9.
(4) ĠU L 248, 16.9.2002, p. 1.
(5) ĠU L 356, 31.12.1977, p. 1.
RIŻOLUZZJONI TAL-PARLAMENT EWROPEW
b'kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit ġenerali ta' l-Unjoni Ewropea għas-sena finanzjarja 2004, Taqsima IV – Qorti tal-Ġustizzja
IL-PARLAMENT EWROPEW,
— |
wara li kkunsidra l-baġit ġenerali ta' l-Unjoni Ewropea għas-sena finanzjarja 2004 (1), |
— |
wara li kkunsidra l-kontijiet annwali finali tal-Komunitajiet Ewropej għas-sena finanzjarja 2004, Volum III (N6-0027/2005 – C6-0360/2005), |
— |
wara li kkunsidra r-rapport annwali tal-Qorti ta' l-Awdituri għas-sena finanzjarja 2004, akkumpanjat mir-risposti ta' l-istituzzjonijiet li ġew verifikati (2), |
— |
wara li kkunsidra d-dikjarazzjoni ta' assigurazzjoni dwar l-affidabilità tal-kontijiet u dwar il-legalità u r-regolarità tat-tranżazzjonijiet bażiċi, ipprovduti mill-Qorti ta' l-Awdituri Ewropea skond l-Artikolu 248 tat-Trattat KE (3), |
— |
wara li kkunsidra r-rakkomandazzjoni tal-Kunsill ta' l-14 ta' Marzu 2006 (5971/2006 – C6-0092/2006), |
— |
wara li kkunsidra l-Artikoli 272(10), 275 u 276 tat-Trattat KE, |
— |
wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-Baġit ġenerali tal-Komunitajiet Ewropej (4), u b'mod partikulari l-Artikoli 50, 86, 145, 146 u 147 tiegħu, |
— |
wara li kkunsidra r-Regolament Finanzjarju tal-21 ta' Diċembru 1977 li huwa applikabbli għall-baġit ġenerali tal-Komunitajiet Ewropej (5), |
— |
wara li kkunsidra l-Artikolu 71 u l-Anness V tar-Regoli ta' Proċedura tiegħu, |
— |
wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għal-Libertajiet Ċivili, il-Ġustizzja u l-Intern (A6-0112/2006), |
1. |
Jinnota li fl-2004 l-Qorti Ewropea tal-Ġustizzja (l-ECJ) amministrat baġit ta' EUR 235 041 565, b'rata ta' użu ta' 94 %; |
2. |
Jinnota li b'konsegwenza tat-tkabbir in-numru ta' l-istaff fl-ECJ żdied fl-2004 b'xi 40 % (6); |
3. |
Jinnota b'diżapprovazzjoni li fl-2004 l-ECJ reġgħet naqset milli timplimenta għadd ta' standards interni ta' kontroll; |
4. |
Jiġbed l-attenzjoni dwar is-sejba spjegata fil-paragrafu 9.13 tar-rapport annwali tal-Qorti ta' l-Awdituri li l-awditur intern ta' l-ECJ għandu jeżerċita l-funzjoni ta' kap tat-“taqsima tal-verifika” li tagħmel kontrolli ex-ante ta' l-operat; jaqbel mal-Qorti ta' l-Awdituri li dan it-tip ta' involviment fil-qadi ta' operazzjonijiet finanzjarji mhuwiex kompatibbli mad-dmirijiet ta' awditur intern indipendenti; jikkritika l-fatt li mill-ħatra tiegħu fl-2003, l-awditur intern għadu ma temm l-ebda waħda mill-verifiki li hemm fil-programm ta' ħidma tiegħu; iħeġġeġ lill-ECJ sabiex tqabbad għajnuna barranija biex tiżgura t-tmiem fil-ħin tal-verifiki pendenti fil-programm ta' ħidma; |
5. |
Juri dispjaċir għall-fatt li r-rapport ta' attività annwali ta' l-ECJ ma setgħax jiġi kkunsidrat fit-tħejjija tar-rapport annwali tal-Qorti ta' l-Awdituri peress li kien għadu ma tlestiex qabel ma ntemmet il-verifika tal-Qorti ta' l-Awdituri; jifhem li din il-kwistjoni ġiet solvuta fir-rigward tar-Rapport ta' Attività Annwali ta' l-2005; |
6. |
Jirrimarka dwar il-fatt li l-ECJ, għall-kuntrarju tal-biċċa l-kbira ta' l-istituzzjonijiet, ma tinkludix fir-rapport ta' attività annwali tagħha dikjarazzjoni ta' assigurazzjoni ffirmata mill-uffiċjal iddelegat biex jawtorizza; jinnota li, minkejja dan, ir-Reġistratur ħejja u ffirma memorandum bid-data tal-21 ta' Ġunju 2005 li fih jagħti assigurazzjoni lill-President ta' l-ECJ dwar ir-regolarità tal-kontijiet tiegħu ta' l-2004; jitlob lill-ECJ sabiex tħejji dikjarazzjoni bħal din fis-snin li ġejjin u jawgura li din il-kwistjoni tkun irregolata fir-reviżjoni attwali tar-Regolament Finanzjarju; |
7. |
Jifraħ lill-ECJ għat-tfassil, għal-kontenut u għal-leġibilità tar-rapport annwali ta' attività tagħha u, b'mod partikulari, għall-analiżi fit-tmiem ta' kull kapitlu tat-tip u l-livell tar-riskju assoċjat mal-ħidmiet li huma deskritti fih; jemmen li l-utilità tar-rapporti ta' attività annwali tista' titkabbar kieku l-istituzzjoniiet kollha jsegwu dan l-eżempju; |
8. |
Jilqa' t-tnaqqis fid-dewmien medju tal każijiet quddiem l-ECJ minn 25 xahar fl-2003 għal 20 xahar fl-2004, fi sfond ta' numru dejjem jikber ta' każijiet imressqa; iqis li 20 xahar għal kull każ xorta waħda huwa żmien twil wisq; jistieden lill-ECJ sabiex tnaqqas aktar it-tul taż-żmien għall-każijiet; |
9. |
Jinnota li l-ebda verifika ex-post ma saret fl-2004 minħabba li s-servizz tal-verifika ex-ante kellu bżonn li jikkonċentra fuq it-twaqqif taċ-ċirkwit finanzjarju l-ġdid; |
10. |
Jinnota li l-ECJ tinsab attwalment tmexxi proġett sostanzjali għall-kostruzzjoni ta' bini ġdid li jikkonsisti f'żewġ torrijiet u “ċirku” għall-akkomodazzjoni tal-persunal meħtieġ b'riżultat ta' aktar tkabbir fil-futur, flimkien ma' massimu ta' 40 imħallef u l-kabinetti tagħhom, bi spiża stmata ta' EUR 296 924 590 (bil-prezzijiet tas-sena 2000); jitlob lill-ECJ għal deskrizzjoni bil-miktub ta' l-arranġamenti għall-iċċekkjar ta' fatturi u l-verifikar ta' proġetti, kif ukoll għal spjegazzjoni bil-miktub ta' liema mill-partijiet involuti tkun responsabbli ghar-riskju possibbli ta' spejjeż mhux maħsuba; jistieden lill-ECJ sabiex toħloq entitajiet ta' kontroll adegwati li jkollhom responsabilità permanenti għal dan il-proġett kbir ta' kostruzzjoni u sabiex tiċċekkja li l-skadenzi jinżammu, timmonitorja l-ispejjeż u tagħmel kull tibdil meħtieġ; |
11. |
Jiġbed l-attenzjoni li, skond tqabbil ta' spejjeż bejn l-istituzzjonijiet fil-qasam tal-bini imħejji mis-servizzi tal-Kummissjoni f'Lulju 2005, l-ECJ għandha l-ogħla spiża għal kull okkupant (EUR 250/m2, li madankollu hija spjegata miż-żmien għal ħlasijiet lura iqsar min-normal magħżul mill-ECJ (15-il sena); |
12. |
Jemmen li, fl-interess tat-trasparenza, għandha tingħata iktar publiċità lir-Regolament tal-Kunsill Nru. 422/67/EEC, 5/67/Euratom tal-25 ta' Lulju 1967 li jiddetermina s-salarji tal-President u l-Membri tal-Kummissjoni u tal-Kunsill tal-President, L-Imħallfin, l-Avukati Ġenerali u r-Reġistratur tal-Qorti tal-Ġustizzja u tal-President, il-Membri u r-Reġistratur tat-Tribunal tas-Servizz Ċivili ta' l-Unjoni Ewropea (7) u li jistipula s-salarji ta' l-imħallfin ta' l-ECJ, possibilment billi jiġi ppubblikat fuq il-websajt ta' l-ECJ; |
13. |
Jinnota li għalissa l-ECJ ma timponi l-ebda obbligu fuq imħallfin sabiex jiddikjaraw interessi finanzjarji, bħalma huma pussess ta' ishma, karigi ta' diretturi u kuntratti ta' konsulenza; jiġbed l-attanzjoni li kemm il-Membri tal-Kummissjoni kif ukoll l-Membri tal-PE huma meħtieġa li jiddikjaraw interessi ta' dan it-tip f'reġistru pubbliku u li l-Membri tal-Qorti ta' l-Awdituri jagħtu dikjarazzjoni ta' l-interessi finanzjarji tagħhom lill-President tal-Qorti; jirrakkomanda li fl-interess tat-trasparenza, anke fin-nuqqas attwali ta' rekwiżit legali, l-ECJ għandha titlob sabiex jitfasslu regoli ta' dan it-tip li jorbtu; |
14. |
Ifakkar, fir-rigward ta' karozzi uffiċjali għall-użu ta' l-ECJ, li r-riżoluzzjoni tal-Parlament tas-27 ta' Ottubru 2005 (8) talbet lill-ECJ sabiex temenda sa l-1 ta' Novembru 2005 d-deċiżjoni amministrattiva tagħha tal-31 ta' Marzu 2004 b'mod li jiġi eskluż l-użu privat ta' karozzi uffiċjali. |
(2) ĠU C 301, 30.11.2005, p. 1.
(3) ĠU C 301, 30.11.2005, p. 9.
(4) ĠU L 248, 16.9.2002, p. 1.
(5) ĠU L 356, 31.12.1977, p. 1.
(6) Sors: rapport ta' attività annwali.
(7) ĠU L 187, 8.8.1967, p. 1. Regolament kif emendat l-aħħar bir-Regolament (KE, Euratom) Nru 202/2005 (ĠU L 33, 5.2.2005, p. 1).
(8) Testi Adottati, P6_TA(2005)0410.