This document is an excerpt from the EUR-Lex website
Document JOL_2005_232_R_0063_01
2005/639/: Council Decision of 18 July 2005 concerning the conclusion of an agreement between the European Community and the Government of the Republic of Kazakhstan on trade in certain steel products#Agreement between the European Community and the Government of the Republic of Kazakhstan on trade in certain steel products
Deċiżjoni tal-Kunsill tat- 18 ta' Lulju 2005 dwar il-konklużjoni ta’ ftehim bejn il-Komunità Ewropea u l-Gvern tar-Repubblika tal-Każakstan dwar il-kummerċ ta’ ċerti prodotti ta’ l-azzar
Ftehim bejn il-Komunità Ewropea u l-gvern tar-Repubblika tal-Każakstan dwar il-Kummerċ ta’ ċerti prodotti ta’ l-azzar
Deċiżjoni tal-Kunsill tat- 18 ta' Lulju 2005 dwar il-konklużjoni ta’ ftehim bejn il-Komunità Ewropea u l-Gvern tar-Repubblika tal-Każakstan dwar il-kummerċ ta’ ċerti prodotti ta’ l-azzar
Ftehim bejn il-Komunità Ewropea u l-gvern tar-Repubblika tal-Każakstan dwar il-Kummerċ ta’ ċerti prodotti ta’ l-azzar
ĠU L 232, 8.9.2005, p. 63–82
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 168M, 21.6.2006, p. 241–260
(MT)
|
21.6.2006 |
MT |
Il-Ġurnal Uffiċjali ta' l-Unjoni Ewropea |
241 |
DEĊIŻJONI TAL-KUNSILL
tat-18 ta' Lulju 2005
dwar il-konklużjoni ta’ ftehim bejn il-Komunità Ewropea u l-Gvern tar-Repubblika tal-Każakstan dwar il-kummerċ ta’ ċerti prodotti ta’ l-azzar
(2005/639/KE)
IL-KUNSILL TA’ L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 133, flimkien ma’ l-Artikolu 300(2) tiegħu,
Wara li kkunsidra l-proposta mill-Kummissjoni,
Billi:
|
(1) |
Il-Ftehim tas-Sħubija u Koperazzjoni bejn il-Komunitajiet Ewropej u l-Istati Membri tagħhom u r-Repubblika tal-Każakstan (1) (minn hawn ’il quddiem imsejjaħ “il-PCA”) daħal fis-seħħ fl-1 ta’ Lulju 1999. |
|
(2) |
L-Artikolu 17(1) tal-PCA jipprovdi li l-kummerċ ta’ ċerti prodotti ta’ l-azzar għandu jkun regolat mit-Titolu III ta’ dak il-Ftehim, ħlief għall-Artikolu 11 tiegħu, u mid-disposizzjonijiet ta’ ftehim dwar arranġamenti kwantitattivi. |
|
(3) |
Għas-snin mill-2000 sa l-2004, il-kummerċ ta’ ċerti prodotti ta’ l-azzar kien is-suġġett ta’ ftehim li saru bejn il-Partijiet għall-PCA. Huwa għalhekk opportun li jiġi konkluż ftehim ġdid li jieħu kont ta' l-iżviluppi fir-relazzjonijiet bejn il-Partijiet. |
|
(4) |
Il-Ftehim għandu jiġi approvat, |
IDDEĊIEDA KIF ĠEJ:
Artikolu 1
Il-Ftehim bejn il-Komunità Ewropea u l-Gvern tar-Repubblika tal-Każakstan dwar il-kummerċ ta’ ċerti prodotti ta’ l-azzar huwa b'dan approvat f’isem il-Komunità.
It-test tal-Ftehim huwa mehmuż ma’ din id-Deċiżjoni.
Artikolu 2
Il-President tal-Kunsill huwa b'dan awtorizzat sabiex jaħtar il-persuna jew il-persuni li jkollhom is-setgħa jiffirmaw il-Ftehim sabiex jorbot lill-Komunità.
Magħmula fi Brussell, nhar it-18 ta’ Lulju 2005.
Għall-Kunsill
Il-President
J. STRAW
(1) ĠU L 196, tat-28.7.1999, p. 3.
FTEHIM
bejn il-Komunità Ewropea u l-gvern tar-Repubblika tal-Każakstan dwar il-Kummerċ ta’ ċerti prodotti ta’ l-azzar
IL-KOMUNITÀ EWROPEA,
minn naħa waħda, u
L-GVERN TAR-REPUBBLIKA TAL-KAŻAKSTAN,
min-naħa l-oħra,
li huma l-Partijiet għal dan il-Ftehim,
BILLI l-Ftehim tas-Sħubija u Koperazzjoni (minn hawn ’il quddiem imsejjaħ “il-PCA”) bejn il-Komunitajiet Ewropej u l-Istati Membri tagħhom u r-Repubblika tal-Każakstan (1), iffirmat fit-23 ta’ Jannar 1995, daħal fis-seħħ fl-1 ta’ Lulju 1999;
BILLI l-Komunità Ewropea (minn hawn ‘il quddiem imsejħa “il-Komunità”) u l-Gvern tar-Repubblika tal-Każakstan (minn hawn ‘l quddiem imsejjaħ “il-Każakstan”) huma ħerqana li jippromwovu l-iżvilupp regolat u ekwu tal-kummerċ ta' prodotti ta’ l-azzar bejn il-Komunità u l-Każakstan;
BILLI l-Artikolu 17(1) tal-PCA jipprovdi li l-kummerċ ta’ ċerti prodotti ta’ l-azzar (jiġifieri, il-prodotti ta’ l-azzar ta' l-ex Komunità Ewropea tal-Faħam u l-Azzar, minn hawn ’il quddiem imsejħa “KEFA”) ikun regolat mit-Titolu III tal-PCA, ħlief għall-Artikolu 11 tiegħu, u mid-disposizzjonijiet ta’ Ftehim; billi dan il-Ftehim jikkostitwixxi Ftehim fis-sens ta’ l-Artikolu 17(1) tal-PCA;
BILLI għas-snin mill-2000 sa l-2004 il-kummerċ ta’ dawn il-prodotti ta’ l-azzar kien is-suġġett ta’ ftehim, li huwa kunsiljabbli li jinbidel bi ftehim ieħor li jieħu kont ta' l-iżviluppi fir-relazzjonijiet bejn il-Partijiet;
BILLI dan il-Ftehim huwa maħsub sabiex jipprovdi qafas li jippermetti t-tneħħija ta’ restrizzjonijiet kwantitattivi fuq il-kummerċ ta’ ċerti prodotti ta’ l-azzar, dejjem jekk jintlaħqu ċerti kondizzjonijiet u b’mod partikulari meta jkunu ġew stabbiliti kondizzjonijiet ta’ kompetizzjoni xierqa fir-rigward tal-prodotti ta’ l-azzar koperti minn dan il-Ftehim;
BILLI ma' dan il-Ftehim għandu jkun hemm ukoll il-koperazzjoni bejn il-Partijiet fir-rigward ta' l-industriji tagħhom ta’ l-azzar, inkluż l-iskambju adegwat ta’ informazzjoni fi ħdan il-Grupp ta’ Kuntatt kif previst fl-Artikolu 17(2) tal-PCA,
QABLU KIF ĠEJ:
Artikolu 1
1. Dan il-Ftehim japplika għall-kummerċ tal-prodotti ta’ l-azzar (ta’ dik li qabel kienet il-KEFA).
2. Il-kummerċ tal-prodotti ta’ l-azzar elenkati fl-Anness I jistgħu jkunu suġġetti għal limiti kwantitattivi.
3. Il-kummerċ tal-prodotti ta’ l-azzar mhux elenkati fl-Anness I ma għandhomx ikunu suġġetti għal limiti kwantitattivi.
4. Fil-każ ta’ prodotti ta’ l-azzar u materji li ma jkunux koperti b’dan il-Ftehim, għandhom japplikaw id-disposizzjonijiet rilevanti tal-PCA.
Artikolu 2
1. Il-Partijiet jiftehmu li jistabbilixxu u jżommu għal kull sena kalendarja limiti kwantitattivi fuq l-esportazzjonijiet tal-Każakstan lejn il-Komunità kif esposti fl-Anness II għall-prodotti esposti fl-Anness I. Dawn l-esportazzjonijiet għandhom ikunu suġġetti għal sistema ta’ verifika doppja kif speċifikat fil-Protokoll A.
2. Il-Partijiet itennu l-impenn tagħhom sabiex jiksbu l-liberalizzazzjoni sħiħa tal-kummerċ fir-rigward tal-prodotti ta’ l-azzar imsemmija fl-Anness I, dejjem jekk ikunu ġew stabbiliti kondizzjonijiet kompatibbli ta’ kompetizzjoni.
3. Restrizzjonijiet kwantitattivi, dazji tad-dwana, ħlasijiet jew kwalunkwe miżura oħra simili imposti fuq l-esportazzjonijiet ta’ ruttam u skart tal-ħadid taħt l-intestatura 7204 tan-Nomenklatura Magħquda huma projbiti bejn il-Partijiet.
4. Il-Partijiet jiftehmu li l-importazzjonijiet fil-Komunità mill-Każakstan tal-prodotti msemmija fl-Anness I mill-1.1.2005 sakemm jidħol fis-seħħ dan il-Ftehim għandhom jitnaqqsu mil-limiti kwantitattivi esposti fl-Anness II.
5. L-importazzjonijiet ta’ kwantitajiet iżjed minn dawk il-prodotti msemmija fl-Anness II għandhom ikunu awtorizzati fejn l-industrija tal-Komunità ma tkunx tista’ tlaħħaq mad-domanda interna li jwassal għal nuqqas ta’ provvista ta’ wieħed jew aktar mill-prodotti msemmija fl-Anness I. Il-konsultazzjonijiet għandhom iseħħu minnufih mat-talba ta’ kwalunkwe waħda mill-Partijiet sabiex jiġi stabbilit il-livell ta’ nuqqas abbażi ta’ prova oġġettiva. Wara l-konklużji tal-konsultazzjonijiet, il-Komunità għandha tibda l-proċeduri interni tagħha sabiex iżżid il-kwantitajiet esposti fl-Anness II.
6. Fil-każ li pajjiżi kandidati għas-sħubija fl-Unjoni Ewropea jaderixxu qabel ma jintemm dan il-Ftehim, il-Partijiet jiftehmu li jikkunsidraw żjieda fil-limiti kwantitattivi esposti fl-Anness II.
7. Kwalunkwe wieħed mill-Partijiet jista’, fi kwalunkwe ħin, jitlob sabiex isiru konsultazzjonijiet dwar:
|
— |
il-livelli tal-limiti kwantitattivi esposti fl-Anness II, fejn il-kondizzjonijiet fir-rigward tal-prodotti msemmija fl-Anness I marru għall-agħar jew tjiebu b’mod sostanzjali; |
|
— |
il-possibbiltà li jiġu trasferiti, għal gruppi oħrajn, l-ammonti mhux użati minn gruppi ta’ prodotti li l-użu tagħhom huwa żgħir. |
Artikolu 3
1. L-importazzjonijiet fit-territorju doganali tal-Komunità għaċ-ċirkolazzjoni libera ta’ prodotti ta’ l-azzar imsemmija fl-Anness I għandhom ikunu suġġetti għall-preżentazzjoni ta’ liċenzja ta’ awtorizzazzjoni li tinħareġ mill-awtorità kompetenti ta’ Stat Membru fuq bażi tal-preżentazzjoni ta’ liċenzja ta’ l-esportazzjoni maħruġa mill-awtoritajiet tal-Każakstan u għal ċertifikat ta’ l-oriġini, skond id-disposizzjonijiet tal-Protokoll A.
2. L-importazzjonijiet fit-territorju doganali tal-Komunità ta’ prodotti ta’ l-azzar imsemmija fl-Anness I ma għandhomx ikunu suġġetti għal-limiti kwantitattivi esposti fl-Anness II sakemm dawn ikunu ġew dikjarati li huma għall-esportazzjoni mill-ġdid barra l-Komunità fl-istess stat jew wara l-ipproċessar, fi ħdan is-sistema amministrattiva ta’ kontroll preżenti fil-Komunità.
3. Ir-riport għal-limiti kwantitattivi tas-sena kalendarja segwenti ta’ l-ammonti tal-limiti kwantitattivi esposti fl-Anness I li ma jkunux intużaw fl-ewwel sena kalendarja huwa awtorizzat sa 10% tal-limitu kwantitattiv rilevanti għas-sena li fiha ma jkunx intuża. Il-Każakstan għandu jinnotifika lill-Komunità, mhux aktar tard mill-31 ta’ Marzu tas-sena segwenti bl-intenzjoni tiegħu jekk jiddeċiedi li jagħmel użu minn din id-disposizzjoni.
4. Il-limitu kwantitattiv għal xi grupp partikolari ta’ prodotti jista’ jiġi aġġustat darba matul sena kalendarja sa 10% tal-limitu kwantitattiv suġġett għall-qbil dwar dan bejn iż-żewġ Partijiet. Kull aġġustament li jsir fil-limiti kwantitattivi li jirriżulta minn xi trasferiment għandu jolqot biss is-sena kalendarja kurrenti. Fil-bidu tas-sena kalendarja segwenti, il-limiti kwantitattivi għandhom ikunu dawk li jidhru fl-Anness II, mingħajr preġudizzju għad-disposizzjonijiet tal-paragrafu 3 hawn fuq. Il-Każakstan għandu jinnotifika lill-Komunità mhux aktar tard mill-31 ta’ Mejju, bl-intenzjoni tiegħu jekk jiddeċiedi li jagħmel użu minn din id-disposizzjoni.
Artikolu 4
1. Sabiex is-sistema ta’ verifika doppja tkun kemm jista’ jkun effettiva u sabiex jiġu kemm jista’ jkun minimizzati l-opportunitajiet għall-abbuż u l-elużjoni:
|
— |
l-awtoritajiet tal-Każakstan għandhom jinformaw lill-awtoritajiet tal-Komunità mhux aktar tard mit-28 jum ta’ kull xahar dwar il-liċenzji ta’ l-esportazzjoni li jkunu ħarġu matul ix-xahar ta’ qabel; |
|
— |
l-awtoritajiet tal-Komunità għandhom jinformaw lill-awtoritajiet tal-Każakstan mhux aktar tard mit-28 jum ta’ kull xahar dwar l-awtorizzazzjonijiet ta’ importazzjoni li jkunu ħarġu matul ix-xahar ta’ qabel. |
F’każ ta’ diskrepanza sostanzjali b'kont meħud tal-fatturi ta' żmien involuti fir-rigward ta' tali informazzjoni, kull Parti tista’ titlob li jsiru konsultazzjonijiet li għandhom jibdew minnufih.
2. Mingħajr preġudizzju għall-paragrafu 1 u bil-ħsieb li jkun żgurat il-funzjonament effikaċi ta’ dan il-Ftehim, iż-żewġ Partijiet jiftehmu li jieħdu l-miżuri kollha meħtieġa sabiex jevitaw, jinvestigaw u jieħdu kull azzjoni legali u/jew amminstrattiva meħtieġa kontra kull elużjoni, trasbord, devjazzjoni, dikjarazzjoni falza dwar il-pajjiż ta’ l-oriġini, falsifikazzjoni ta’ dokumenti, dikjarazzjoni folza dwar id-deskrizzjoni jew il-klassifikazzjoni tal-kwantitajiet in kwistjoni tal-merkanzija, jew bi kwalunkwe mezz ieħor. Għalhekk, il-Partijiet jiftehmu li jistabbilixxu d-disposizzjonijiet legali u l-proċeduri amministrattivi meħtieġa li jippermettu li tittieħed azzjoni effettiva kontra tali elużjoni, li għandha tinkludi l-adozzjoni ta’ miżuri korrettivi legalment obbligatorji kontra l-esportaturi u/jew l-importaturi involuti.
3. Jekk fuq il-bażi ta' l-informazzjoni disponibbli xi waħda mill-Partijiet temmen li dan il-Ftehim ikun qiegħed jiġi eluż, tista’ jitlob li jsiru konsultazzjonijiet mal-Parti l-oħra, li għandhom isiru minnufih.
4. Sakemm joħorġu r-riżultati tal-konsultazzjonijiet imsemmija fil-paragrafu 3, u jekk jintalab mill-Komunità dejjem abbażi ta' prova suffiċjenti, il-Każakstan għandu jiżgura li kwalunkwe aġġustament tal-limiti kwantitattivi li jista’ jirriżulta minn tali konsultazzjonijiet, isir għas-sena kalendarja li fiha tkun saret it-talba għall-konsultazzjonijiet taħt il-paragrafu 3, jew inkella għas-sena ta’ wara jekk il-limitu għal dik is-sena jkun ġie eżawrit.
5. Jekk waqt il-konsultazzjonijiet imsemmija fil-paragrafu 3, il-Partijiet ma jkunux jistgħu jilħqu ftehim sodisfaċenti għaż-żewġ naħat, il-Komunità għandha jkollha d-dritt, fejn ikun hemm evidenza suffiċjenti li l-prodotti ta’ l-azzar koperti b’dan il-Ftehim li joriġinaw mill-Każakstan ikunu ġew importati bi ksur ta’ dan il-Ftehim, li tikkumpensa għall-kwantitajiet rilevanti skond il-limiti kwantitattivi esposti fl-Anness II.
6. Jekk matul il-konsultazzjonijiet imsemmija fil-paragrafu 3, il-Partijiet ma jkunux jistgħu jsibu soluzzjoni sodisfaċenti għat-tnejn, il-Komunità għandha jkollha d-dritt li tirrifjuta li timporta l-prodotti konċernati fejn ikun hemm prova suffiċjenti turi dikjarazzjoni falza dwar id-deskrizzjoni jew il-klassifikazzjoni tal-kwantitajiet in kwistjoni.
7. Il-Partijiet jiftehmu li jikkoperaw bis-sħiħ sabiex jipprevjenu u jindirizzaw b’mod effettiv il-problemi kollha li jiġu mill-elużjoni ta’ dan il-Ftehim.
Artikolu 5
1. Il-limiti kwantitattivi esposti fl-Anness II fuq l-importazzjonijiet fil-Komunità tal-prodotti ta’ l-azzar esposti fl-Anness I ma għandhomx jinqasmu mill-Komunità f’ishma reġjonali.
2. Il-Partijiet għandhom jikkoperaw sabiex jevitaw kull bidla ħesrem u dannuża fil-flussi kummerċjali tradizzjonali fil-Komunità. Jekk ikun hemm xi bidla ħesrem u dannuża fil-flussi kummerċjali tradizzjonali (inkluża xi konċentrazzjoni reġjonali jew telf ta' fornituri tradizzjonali), il-Komunità għandha jkollha d-dritt li titlob sabiex isiru konsultazzjonijiet ħalli tinstab soluzzjoni tajba għall-problema. Dawn il-konsultazzjonijiet għandhom isiru minnufih.
3. Il-Każakstan għandu jaħdem sabiex jiżgura li l-esportazzjonijiet lejn il-Komunità tal-prodotti ta’ l-azzar imsemmija fl-Anness I ikunu mqassma kemm jista’ jkun b’mod bilanċjat matul is-sena. Jekk ikun hemm żjieda ħesrem u dannuża fl-importazzjonijiet, il-Komunità għandha jkollha d-dritt li titlob li jsiru konsultazzjonijiet sabiex tinstab soluzzjoni sodisfaċenti għall-problema. Dawn il-konsultazzjonijiet għandhom isiru minnufih.
4. Barra mill-obbligazzjoni li hija stabbilita fil-paragrafu 3, fejn il-liċenzji maħruġa mill-awtoritajiet tal-Każakstan jkunu laħqu d-90 % tal-limiti kwantitattivi għas-sena kalendarja in kwistjoni, kwalunkwe waħda mill-Partijiet tista’ titlob li jsiru konsultazzjonijiet dwar il-limiti kwantitattivi għal dik is-sena. Dawn il-konsultazzjonijiet għandhom isiru minnufih. Sakemm joħorġu r-riżultati ta’ dawn il-konsultazzjonijiet l-awtoritajiet tal-Każakstan jistgħu jkomplu joħorġu l-liċenzji ta’ l-esportazzjoni għall-prodotti koperti minn dan il-Ftehim sakemm dawn ma jaqbżux il-kwantitajiet esposti fl-Anness II.
Artikolu 6
1. Fejn kwalunkwe prodott kopert minn dan l-Ftehim ikun qiegħed jiġi importat fil-Komunità mill-Każakstan taħt dawn il-kundizzjonijiet b’tali mod li jkun qiegħed joħloq jew jhedded li joħloq ħsara sostanzjali lill-produtturi Komunitarji ta' prodotti simili, il-Komunità għandha tipprovdi l-informazzjoni rilevanti kollha lill-Każakstan bil-ħsieb li tinstab soluzzjoni aċċettabbli għaż-żewġ Partijiet. Il-Partijiet għandhom jibdew il-konsultazzjonijiet tagħhom minnufih.
2. Jekk il-konsultazzjonijiet imsemmija fil-paragrafu 1 ma jwasslux sabiex jintlaħaq ftehim fi żmien 30 jum mit-talba tal-Komunità sabiex isiru l-konsultazzjonijiet, il-Komunità tista’ tuża d-dritt li tieħu azzjoni dwar il-miżuri ta’ salvagwardja skond id-disposizzjonijiet tal-PCA.
3. Minkejja d-disposizzjonijiet ta’ dan il-Ftehim, id-disposizzjonijiet ta’ l-Artikolu 13.6 tal-PCA għandhom japplikaw.
Artikolu 7
1. Il-klassifikazzjoni tal-prodotti koperti b’dan il-Ftehim hija bbażata fuq in-nomenklatura tariffarja u statistika tal-Komunità (minn hawn ’il quddiem imsejħa in-“nomenklatura magħquda”, jew fil-qosor “NM”) u kwalunkwe emenda tagħha. Kwalunkwe emenda fin-nomenklatura magħquda li ssir skond il-proċeduri li jkun hemm fis-seħħ fil-Komunità dwar il-prodotti koperti minn dan il-Ftehim jew kwalunkwe deċiżjoni dwar il-klassifikazzjoni tal-merkanzija ma għandhiex twassal sabiex tnaqqas il-limiti kwantitattivi esposti fl-Anness II.
2. L-oriġini tal-prodotti koperti b’dan il-Ftehim għandha tiġi stabbilita skond ir-regoli li jkun hemm fis-seħħ fil-Komunità. Kull emenda li ssir lil dawn ir-regoli ta’ l-oriġini għandha tiġi komunikata lill-Każakstan u ma għandhiex twassal sabiex jitnaqqsu l-limiti kwantitattivi esposti fl-Anness II. Il-proċeduri għall-kontroll ta’ l-oriġini tal-prodotti msemmija hawn fuq huma stabbiliti fil-Protokoll A.
Artikolu 8
1. Mingħajr preġudizzju għall-iskambju perjodiku ta' informazzjoni dwar il-liċenzji ta’ l-l-esportazzjoni u l-awtorizzazzjonijiet ta’ l-importazzjoni skond l-Artikolu 4 (1), il-Partijiet jiftehmu li jiskambjaw bejniethom l-informazzjoni statistika kollha dwar il-prodotti msemmija fl-Anness I f’intervalli adegwati b'kont meħud ta' l-iqsar perjodi li fihom l-informazzjoni in kwistjoni tiġi preparata li għandha tkopri l-liċenzji ta’ l-esportazzjoni u l-awtorizzazzjonijiet ta’ l-importazzjoni li jkunu nħarġu skond l-Artikolu 3, l-istatistiċi dwar l-importazzjoni u l-esportazzjoni fir-rigward tal-prodotti in kwistjoni.
2. Kull Parti tista’ titlob li jsiru konsultazzjonijiet f’każ li jkun hemm diskrepanzi sostanzjali bejn l-informazzjoni skambjata.
Artikolu 9
1. Mingħajr preġudizzju għad-disposizzjonijiet dwar il-konsultazzjonijiet previsti fir-rigward taċ-ċirkostanzi speċifiċi fl-Artikoli preċedenti, għandhom isiru konsultazzjonijiet, fuq talba ta’ kwalunkwe waħda mill-Partijiet, fuq kwalunkwe problema li tiġi mill-applikazzjoni ta’ dan il-Ftehim. Kwalunkwe konsultazzjoni għandha ssir fi spirtu ta’ koperazzjoni u b’xewqa li jiġu rikonċiljati id-differenzi bejn il-Partijiet.
2. Fejn dan il-Ftehim jipprovdi li l-konsultazzjonijiet għandhom isiru minnufih, il-Partijiet Kontraenti jikkommettu ruħhom li jużaw il-mezzi raġonevoli kollha sabiex jiżguraw li dan isir tabilħaqq.
3. Il-konsultazzjonijiet l-oħra kollha għandhom ikunu regolati mid-disposizzjonijiet li ġejjin:
|
— |
kull talba għal konsultazzjonijiet għandha ssir lill-Parti l-oħra bil-miktub, |
|
— |
fejn ikun xieraq, it-talba għandha tiġi segwita fi żmien raġonevoli minn rapport li jistabbilixxi r-raġunijiet għall-konsultazzjonijiet, |
|
— |
il-konsultazzjonijiet għandhom jibdew fi żmien xahar mid-data tat-talba, |
|
— |
il-konsultazzjonjijiet għandhom iwasslu għal soluzzjoni reċiprokament aċċettabbli fi żmien xahar mill-bidu tagħhom, sakemm il-perjodu ma jiġix estiż bi ftehim bejn il-Partijiet. |
4. Jistgħu jsiru wkoll konsultazzjonijiet addizzjonali speċifiċi bi ftehim bejn il-Partijiet.
Artikolu 10
Iż-żewġ Partijiet għandhom il-għan li jiksbu l-liberalizzazzjoni sħiħa tal-kummerċ ta’ prodotti ta’ l-azzar u jirrikonoxxu li hija kondizzjoni importanti, għall-promozzjoni tal-kummerċ bejniethom, li jkunu kompatibbli d-disposizzjonijiet dwar il-kompetizzjoni, dwar l-għajnuna mill-Istat u dwar l-ambjent li jkunu applikabbli fi ħdan kull Parti. Għal dan il-għan, u fuq talba mill-Każakstan, il-Komunità għandha tipprovdi assistenza teknika sabiex tgħin lill-Każakstan jadotta u jimplimenta disposizzjonijiet leġislattivi kompatibbli ma’ dawk adottati u applikati mill-Komunità. Tali assistenza għandha tiġi speċifikata fil-proġetti li dwarhom għandu jsir ftehim miż-żewġ Partijiet u li għandhom jidentifikaw b'mod ċar, inter alia, l-għanijiet, il-mezzi u d-dati.
Artikolu 11
1. Dan il-Ftehim għandu jidħol fis-seħħ fil-jum li fih jiġi ffirmat. Għandu jkun applikabbli sal-31 ta’ Diċembru 2006 sakemm ma jiġix denunzjat jew terminat skond id-disposizzjonijiet tal-paragrafu 3 jew 4 rispettivament.
2. Kwalunkwe waħda mill-Partijiet tista’ fi kwalunkwe żmien tipproponi tibdil għal dan il-Ftehim li fuq talba ta’ kwalunkwe waħda mill-Partijiet għandu jkun is-suġġett ta’ konsultazzjonijiet.
3. Kwalunkwe waħda mill-Partijiet tista’ tiddenunzja dan il-Ftehim, sakemm jingħata pre-avviż ta’ sitt xhur. F’dak il-każ, il-Ftehim għandu jasal fi tmiemu meta jagħlaq il-perjodu tal-pre-avviż u l-limiti kwantitattivi fil-Komunità esposti fl-Anness 2 għandhom jitnaqqsu fuq bażi pro rata sad-data li fiha issir effettiva d-denunzja sakemm il-Partijiet ma jiddeċidewx mod ieħor.
4. Fil-każ li l-Każakstan jaderixxi mad-WTO qabel ma jiskadi dan il-Ftehim, il-Ftehim għandu jiġi terminat mad-data ta’ l-adeżjoni.
5. Il-Komunità tirriżerva d-dritt li, fi kwalunke waqt, tieħu miżuri xierqa, inkluża r-reintroduzzjoni ta’ sistema ta’ kwoti awtonomi fir-rigward ta' l-esportazzjonijiet mill-Każakstan tal-prodotti msemmija fl-Anness I, fejn il-Partijiet ma jkunux jistgħu jilħqu soluzzjoni reċiprokament sodisfaċenti fil-konsultazzjonijiet previsti fl-Artikoli preċedenti jew fejn kwalunkwe wieħed mill-Partijiet jiddenunzja l-Ftehim.
6. L-Annessi, il-Minuta Miftehma u l-Protokoll A annessi ma’ dan il-Ftehim għandhom jifformaw parti integrali minnu.
Artikolu 12
Dan il-Ftehim għandu jitfassal duplikatament biċ-Ċek, bid-Daniż, bl-Olandiż, bl-Ingliż, bl-Estonjan, bil-Finlandiż, bil-Franċiż, bil-Ġermaniż, bil-Grieg, bl-Ungeriż, bit-Taljan, bil-Latvjan, bil-Litwan, bil-Malti, bil-Pollakk, bil-Portugiż, bl-Islovakk, bl-Isloven, bl-Ispanjol, bl-Isvediż, bil-Każaki, u bir-Russu, b’kull wieħed minn dawn it-testi ugwalment awtentiku.
Hecho en Bruselas, el diecinueve de julio del dos mil cinco.
V Bruselu dne devatenáctého července dva tisíce pět.
Udfærdiget i Bruxelles den nittende juli to tusind og fem.
Geschehen zu Brüssel am neunzehnten Juli zweitausendfünf.
Kahe tuhande viienda aasta juulikuu üheksateistkümnendal päeval Brüsselis.
Έγινε στις Βρυξέλλες, στις δεκαεννέα Ιουλίου δύο χιλιάδες πέντε.
Done at Brussels on the nineteenth day of July in the year two thousand and five.
Fait à Bruxelles, le dix-neuf juillet deux mille cinq.
Fatto a Bruxelles, addi' diciannove luglio duemilacinque.
Briselē, divtūkstoš piektā gada deviņpadsmitajā jūlijā.
Priimta du tūkstančiai penktų metų liepos devynioliktą dieną Briuselyje.
Kelt Brüsszelben, a kettőezer ötödik év július tizenkilencedik napján.
Magħmul fi Brussel, fid-dsatax jum ta' Lulju tas-sena elfejn u ħamsa.
Gedaan te Brussel, de negentiende juli tweeduizend vijf.
Sporządzono w Brukseli dnia dziewiętnastego lipca roku dwutysięcznego piątego.
Feito em Bruxelas, em dezanove de Julho de dois mil e cinco.
V Bruslju, devetnajstega julija leta dva tisoč pet.
V Bruseli dňa devätnásteho júla dvetisícpäť.
Tehty Brysselissä yhdeksäntenätoista päivänä heinäkuuta vuonna kaksituhattaviisi.
Som skedde i Bryssel den nittonde juli tjugohundrafem.
Совершено в городе Брюсселе девятнадцатого iюля две тьlсячi пятого года.
Por la Comunidad Europea
Za Evropské společenství
For Det Europæiske Fællesskab
Für die Europäische Gemeinschaft
Euroopa Ühenduse nimel
Για την Ευρωπαϊκή Κοινότητα
For the European Community
Pour la Communauté européenne
Per la Comunità europea
Eiropas Kopienas vārdā
Europos bendrijos vardu
az Európai Közösség részéről
Għall-Komunità Ewropea
Voor de Europese Gemeenschap
W imieniu Wspólnoty Europejskiej
Pela Comunidade Europeia
Za Európske spoločenstvo
Za Evropsko skupnost
Euroopan yhteisön puolesta
På Europeiska gemenskapens vägnar
За Европейское сообщество
Por el Gobierno de la República de Kazajstán
Za vládu Republiky Kazachstán
For regeringen for Republikken Kasakhstan
Im Namen der Regierung der Republik Kasachstan
Kasahstani Vabariigi valitsuse nimel
Για την κυβέρνηση της Δημοκρατίας του Καζακστάν
For the Government of the Republic of Kazakhstan
Pour le gouvernement de la République du Kazakhstan
Per il governo della Repubblica del Kazakstan
Kazahstānas Republikas valdības vārdā
Kazachstano Respublikos Vyriausybės vardu
a Kazah Köztársaság Kormánya részéről
Għall-Gvern tar-Repubblika tal-Kazakastan
Voor de regering van de Republiek Kazachstan
W imieniu rządu Republiki Kazachstanu
Pelo Governo da República do Cazaquistão
Za vládu Kazašskej republiky
Za Vlado Republike Kazahstan
Kazakstanin tasavallan hallituksen puolesta
På Republiken Kazakstans regerings vägnar
За Правiтельство Республiкi Казахстан
(1) ĠU L 196, 28.7.1999, p. 3.
ANNESS I
SA Prodotti rrumblati ċatti
SA1. Kojl
|
|
7208100000 |
|
|
7208250000 |
|
|
7208260000 |
|
|
7208270000 |
|
|
7208360000 |
|
|
7208370010 |
|
|
7208370090 |
|
|
7208380010 |
|
|
7208380090 |
|
|
7208390010 |
|
|
7208390090 |
|
|
7211140010 |
|
|
7211190010 |
|
|
7219110000 |
|
|
7219121000 |
|
|
7219129000 |
|
|
7219131000 |
|
|
7219139000 |
|
|
7219141000 |
|
|
7219149000 |
|
|
7225200010 |
|
|
7225301000 |
|
|
7225309000 |
SA2. Pjanċa tqila
|
|
7208400010 |
|
|
7208512010 |
|
|
7208512091 |
|
|
7208512093 |
|
|
7208512097 |
|
|
7208512098 |
|
|
7208519110 |
|
|
7208519190 |
|
|
7208519810 |
|
|
7208519891 |
|
|
7208519899 |
|
|
7208529110 |
|
|
7208529190 |
|
|
7208521000 |
|
|
7208529900 |
|
|
7208531000 |
|
|
7211130000 |
SA3. Prodotti irrumblati ċatti oħrajn
|
|
7208400090 |
|
|
7208539000 |
|
|
7208540000 |
|
|
7208900010 |
|
|
7209150000 |
|
|
7209161000 |
|
|
7209169000 |
|
|
7209171000 |
|
|
7209179000 |
|
|
7209181000 |
|
|
7209189100 |
|
|
7209189900 |
|
|
7209250000 |
|
|
7209261000 |
|
|
7209269000 |
|
|
7209271000 |
|
|
7209279000 |
|
|
7209281000 |
|
|
7209289000 |
|
|
7209900010 |
|
|
7210110010 |
|
|
7210122010 |
|
|
7210128010 |
|
|
7210200010 |
|
|
7210300010 |
|
|
7210410010 |
|
|
7210490010 |
|
|
7210500010 |
|
|
7210610010 |
|
|
7210690010 |
|
|
7210701010 |
|
|
7210708010 |
|
|
7210903010 |
|
|
7210904010 |
|
|
7210908091 |
|
|
7211140090 |
|
|
7211190090 |
|
|
7211232010 |
|
|
7211233010 |
|
|
7211233091 |
|
|
7211238010 |
|
|
7211238091 |
|
|
7211290010 |
|
|
7211900011 |
|
|
7212101000 |
|
|
7212109011 |
|
|
7212200011 |
|
|
7212300011 |
|
|
7212402010 |
|
|
7212402091 |
|
|
7212408011 |
|
|
7212502011 |
|
|
7212503011 |
|
|
7212504011 |
|
|
7212506111 |
|
|
7212506911 |
|
|
7212509013 |
|
|
7212600011 |
|
|
7212600091 |
|
|
7219211000 |
|
|
7219219000 |
|
|
7219221000 |
|
|
7219229000 |
|
|
7219230000 |
|
|
7219240000 |
|
|
7219310000 |
|
|
7219321000 |
|
|
7219329000 |
|
|
7219331000 |
|
|
7219339000 |
|
|
7219341000 |
|
|
7219349000 |
|
|
7219351000 |
|
|
7219359000 |
|
|
7225401290 |
|
|
7225409000 |
ANNESS II
LIMITI KWANTITATTIVI
|
(Tunnellati metriċi) |
||
|
Prodotti |
2005 |
2006 |
|
SA. Prodotti ċatti |
||
|
SA1. Kojl |
85 000 |
87 125 |
|
SA2. Pjanċa tqila |
0 |
0 |
|
SA3. Prodotti ċatti oħrajn |
115 000 |
117 875 |
MINUTA MIFTEHMA
Fil-kuntest ta’ dan il-Ftehim, il-Partijiet jiftehmu li:
|
— |
għall-finijiet ta' l-iskambju ta' informazzjoni previst fl-Artikolu 4(1) dwar il-liċenzji ta’ l-esportazzjoni u l-awtorizzazzjonijiet ta’ l-importazzjoni, il-Partijiet jipprovdu dik l-informazzjoni b’referenza għall-Istati Membri flimkien ma' dik b’referenza għall-Komunità bħala entità waħda, |
|
— |
sakemm tinstab soluzzjoni sodisfaċenti mill-konsultazzjonijiet previsti fl-Artikolu 5(2), il-Każakstan jikkopera, jekk hekk jiġi mitlub mill-Komunità, billi ma joħroġx liċenzji ta’ l-esportazzjoni li jkomplu jaggravaw il-problemi li jirriżultaw minn bidliet ħesrem u dannużi fil-flussi kummerċjali tradizzjonali; u |
|
— |
il-Każakstan jieħu kont dovut tan-natura sensittiva tas-swieq reġjonali żgħar fil-Komunità kemm fir-rigward tal-ħtiġijiet tradizzjonali tagħhom ta' fornitura kif ukoll sabiex ikunu evitati konċentrazzjonijiet reġjonali. |
PROTOKOLL A
TITOLU I
KLASSIFIKAZZJONI
Artikolu 1
1. L-awtoritajiet kompetenti tal-Komunità jimpenjaw ruħhom li jgħarrfu lill-Każakstan dwar kull tibdil fin-nomenklatura magħquda (NM) fir-rigward tal-prodotti koperti bil-Ftehim qabel id-data tad-dħul fis-seħħ ta’ dan fil-Komunità.
2. L-awtoritajiet kompetenti tal-Komunità jimpenjaw ruħhom li jinformaw lill-awtoritajiet kompetenti tal-Każakstan bi kwalunkwe deċiżjoni konnessa mal-klassifikazzjoni ta’ prodotti koperti minn dan il-Ftehim sa mhux aktar tard minn xahar mill-adozzjoni tagħhom.
Dawn id-deskrizzjonijiet għandhom jinkludu:
|
(a) |
deskrizzjoni tal-prodotti konċernati, |
|
(b) |
il-kodiċi rilevanti tan-NM, |
|
(ċ) |
ir-raġunijiet li wasslu għad-deċiżjoni. |
3. Fejn deċiżjoni dwar klassifikazzjoni twassal għal bidla fil-prattika tal-klassifikazzjoni ta’ kwalunkwe prodott kopert minn dan il-Ftehim, l-awtoritajiet kompetenti tal-Komunità għandhom jipprovdu pre-avviż ta’ 30 jum, mid-data tal-komunikazzjoni tal-Komunità, qabel ma' d-deċiżjoni tidħol fis-seħħ. Il-prodotti imbarkati qabel id-data tad-dħul fis-seħħ tad-deċiżjoni għandhom jibqgħu suġġetti għall-prattika ta’ klassifikazzjoni ta’ qabel, dejjem jekk l-oġġetti konċernati ikunu preżentati għall-importazzjoni fil-Komunità fi żmien 60 jum minn dik id-data.
4. Fejn deċiżjoni tal-Komunità dwar klassifikazzjoni li tirriżulta f’bidla fil-prattika ta’ klassifikazzjoni ta’ kwalunkwe prodott kopert minn dan il-Ftehim tolqot kategorija suġġetta għal limiti kwantitattivi, il-Partijiet jiftehmu li jkollhom konsultazzjonijiet skond il-proċeduri deskritti fl-Artikolu 9 (3) tal-Ftehim bl-għan li jonorow l-obbligazzjoni li tinsab fl-Artikolu 7(1) tal-Ftehim.
5. F’każ ta’ opinjonijiet diverġenti bejn l-awtoritajiet kompetenti tal-Każakstan u tal-Komunità fil-punt tad-dħul fil-Komunità dwar il-klassifikazzjoni tal-prodotti koperti mill-Ftehim, il-klassifikazzjoni għandha tkun ibbażata provviżorjament fuq indikazzjonijiet provduti mill-Komunità, sakemm isiru l-konsultazzjonijiet skond l-Artikolu 9 bl-għan li jintlaħaq ftehim dwar il-klassifikazzjoni definittiva tal-prodotti konċernati.
TITOLU II
ORIĠINI
Artikolu 2
1. Il-prodotti li joriġinaw mill-Każakstan skond ir-Regolamenti Komunitarji rilevanti fis-seħħ għall-esportazzjoni lejn il-Komunità skond l-arranġamenti stabbiliti permezz tal-Ftehim għandu jkollhom magħhom ċertifikat ta’ l-oriġini tal-Każakstan konformi mal-mudell mehmuż ma’ dan il-Protokoll.
2. Iċ-ċertifikat ta’ l-oriġini għandu jiġi ċċertifikat mill-organizzazzjonijiet tal-Każakstan li jkunu awtorizzati għal dawn il-finijiet taħt il-liġi tal-Kazakstan dwar jekk il-prodotti in kwistjoni għandhomx jitqiesu bħala prodotti li joriġinaw fil-Każakstan.
Artikolu 3
Iċ-ċertifikat ta’ l-oriġini għandu jinħareġ biss għal applikazzjoni li tkun saret bil-miktub mill-esportatur jew, taħt ir-responsabbiltà ta’ l-esportatur, mir-rappreżentant awtorizzat tiegħu. L-organizzazzjonijiet tal-Każakstan awtorizzati għal dawn l-finijiet taħt il-liġi tal-Kazakstan għandhom jiżguraw li ċ-ċertifikat ta’ l-oriġini jimtela kif suppost, u għal dan il-għan dawn għandhom jesiġu kwalunkwe prova dokumentata meħtieġa jew iwettqu kull verifika li huma jqisu bħala meħtieġa.
Artikolu 4
Diskrepanzi żgħar misjuba bejn id-dikjarazzjonijiet magħmula fiċ-ċertifikat ta’ l-oriġini u dawk magħmula fid-dokumenti preżentati lill-uffiċċju tad-dwana sabiex isiru l-formalitajiet għall-importazzjoni tal-prodotti ma għandhomx ipso facto jitfgħu dubbju fuq id-dikjarazzjonijiet fiċ-ċertifikat.
TITOLU III
SISTEMA TA’ VERIFIKA DOPPJA GĦALL-PRODOTTI SUĠĠETTI GĦAL LIMITI KWANTITATTIVI
TAQSIMA I
Esportazzjoni
Artikolu 5
L-awtoritajiet adatti tal-gvern tal-Każakstan għandhom joħorġu liċenzja ta’ l-esportazzjoni għall-kunsinni kollha ta’ prodotti ta’ l-azzar mill-Każakstan li jkunu koperti bil-Ftehim sal-limiti kwantitattivi esposti fl-Anness II tal-Ftehim.
Artikolu 6
1. Il-liċenzja ta’ l-esportazzjoni għandha tkun taqbel mal-mudell mehmuż ma’ dan il-Protokoll u għandha tkun valida għall-esportazzjonijiet fit-territorju doganali kollu tal-Komunità.
2. Kull liċenzja ta’ l-esportazzjoni għanda tiċċertifika inter alia li l-kwantità tal-prodott in kwistjoni ġiet attribwita fil-konfront tal-limitu kwantitattiv rilevanti stabbilit għall-prodott konċernat fl-Anness II tal-Ftehim.
Artikolu 7
L-awtoritajiet kompetenti tal-Komunità għandhom ikunu mgħarrfa minnufih dwar l-irtirar jew il-modifika ta’ kull liċenzja ta’ l-esportazzjoni li tkun inħarġet diġà.
Artikolu 8
1. L-esportazzjonijiet għandhom jiġu attribwiti fil-konfront tal-limiti kwantitattivi stabbiliti għas-sena li fiha jkun saret l-imbarkazzjoni tal-merkanzija anke jekk il-liċenzja ta’ l-esportazzjoni tkun inħarġet wara din l-imbarkazzjoni.
2. Għall-finijiet ta' l-applikazzjoni tal-paragrafu 1, l-imbarkazzjoni tal-merkanzija titqies li tkun saret fid-data tat-tagħbija tagħhom fuq il-mezz tat-trasport ta’ l-esportazzjoni.
Artikolu 9
Il-preżentazzjoni ta’ liċenzja ta’ l-esportazzjoni, fl-applikazzjoni ta’ l-Artikolu 11, għandha ssir mhux aktar tard mill-31 ta’ Marzu tas-sena ta’ wara dik li fiha tiġi mbarkata l-merkanzija koperta mil-liċenzja.
TAQSIMA II
Importazzjoni
Artikolu 10
Ir-rilaxx għaċ-ċirkolazzjoni libera fil-Komunità ta’ prodotti ta’ l-azzar suġġetti għal limiti kwantitattivi għandu jkun suġġett għall-preżentazzjoni ta’ awtorizzazzjoni ta’ l-importazzjoni.
Artikolu 11
1. L-awtoritajiet kompetenti tal-Komunità għandhom joħorġu l-awtorizzazzjoni ta’ l-importazzjoni msemmija fl-Artikolu 10 fi żmien għaxart ijiem ta’ xogħol, mill-preżentazzjoni min-naħa ta’ l-importatur ta’ l-oriġinali tal-liċenzja ta’ l-esportazzjoni korrispondenti.
2. L-awtorizzazzjonijiet ta’ l-importazzjoni għandhom ikunu validi għal erba’ xhur mid-data tal-ħruġ tagħhom għall-importazzjonijiet fit-territorju doganali kollu tal-Komunità.
3. L-awtoritajiet kompetenti tal-Komunità għandhom jikkanċellaw l-awtorizzazzjoni ta’ l-importazzjoni li diġà nħarġet meta l-liċenzja ta’ l-esportazzjoni korrispondenti tkun ġiet irtirata. Madanakollu, jekk l-awtoritajiet kompetenti tal-Komunità jiġu notifikati bl-irtirar jew kanċellament tal-liċenzja ta’ l-esportazzjoni biss wara r-rilaxx għaċ-ċirkolazzjoni libera tal-prodotti fil-Komunità, il-kwantitajiet rilevanti għandhom jiġu attribwiti fil-konfront tal-limiti stabbiliti għall-prodott.
Artikolu 12
Jekk l-awtoritajiet kompetenti tal-Komunità jsibu li l-kwantitajiet totali koperti mil-liċenzji ta’ l-esportazzjoni maħruġa mill-awtoritajiet kompetenti tal-Każakstan jeċċedu l-limitu kwantitattiv rilevanti stabbilit għall-prodotti koperti bl-Anness II mal-Ftehim, l-awtoritajiet tal-Komunità għandhom jissospendu l-ħruġ ta’ aktar awtorizzazzjonijiet ta’ importazzjoni fir-rigward ta' prodotti koperti mil-limitu kwantitattiv konċernat. F’dan il-każ, l-awtoritajiet kompetenti tal-Komunità għandhom jinformaw minnufih lill-awtoritajiet tal-Każakstan u għandhom jibdew konsultazzjonijiet minnufih skond l-Artikolu 9(2) tal-Ftehim.
TITOLU IV
FORMA U PREŻENTAZZJONI TA' LIĊENZJI TA’ L-ESPORTAZZJONI U TA' ĊERTIFIKATI TA’ L-ORIĠINI, U DISPOSIZZJONIJIET KOMUNI DWAR L-ESPORTAZZJONIJIET LEJN IL-KOMUNITÀ
Artikolu 13
1. Il-liċenzja ta’ l-esportazzjoni u ċ-ċertifikat ta’ l-oriġini jistgħu jinkludu kopji addizzjonali debitament indikati bħala tali. Dawn għandhom isiru bl-Ingliż. Jekk dawn jimtlew bl-idejn, l-entrati għandhom jiddaħħlu bil-linka u b'ittri kapitali.
Dawn id-dokumenti għandhom ikunu ta' daqs ta’ 210 x 297 mm. Il-karta għandha tkun karta bajda tal-kitba, ta' daqs uniformi, li ma tkunx magħmula minn polpa mekkanika u li tkun tiżen mhux inqas minn 25 g/m2. Jekk id-dokumenti jkollhom ħafna kopji dik ta’ fuq biss, li tkun l-oriġinali, għandha tiġi stampata bi sfond b’disinn guilloche. Din il-kopja għandha tkun markata b’mod ċar bħala “oriġinali” u l-kopji l-oħrajn bħala “kopji”. L-oriġinali biss għandha tiġi aċċettata mill-awtoritajiet kompetenti tal-Komunità bħala valida għall-esportazzjoni lejn il-Komunità skond id-disposizzjonijiet ta’ dan il-Ftehim.
2. Kull dokument għandu jindika fuqu stess numru tas-serje standardizzat, kemm jekk huwa stampat u kemm jekk mhuwiex, li bih dan ikun jista’ jiġi identifikat minnufih.
Dan in-numru għandu jkun magħmul mill-elementi li ġejjin:
|
— |
żewġ ittri li jidentifikaw il-pajjiż esportatur kif ġej:
|
|
— |
żewġ ittri li jidentifikaw l-Istat Membru previst għall-iżdoganar tal-merkanzija kif ġej:
|
|
— |
numru ta’ figura waħda li jkun juri s-sena in kwistjoni li tikkorrispondi ma’ l-aħħar figura fis-sena, eż. “5” għas-sena 2005, |
|
— |
numru b’żewġ figuri minn 01 sa 99, li jkun juri l-uffiċċju tal-ħruġ konċernat fil-pajjiż esportatur, |
|
— |
numru b’ħames figuri konsekuttivament minn 00001 sa 99999 li jkun allokat lill-Istat Membru previst għall-iżdoganar tal-merkanzija. |
Artikolu 14
Il-liċenzja ta’ l-esportazzjoni u ċ-ċertifikat ta’ l-oriġini jistgħu jinħarġu wara l-imbarkazzjoni tal-prodotti li għalihom huma jkunu jikkorrispondu. F’dawn il-każijiet, dawn għandhom jindikaw fuqhom stess l-espressjoni “issued retrospectively”.
Artikolu 15
1. Fil-każ li liċenzja ta’ l-esportazzjoni jew ċertifikat ta’ l-oriġini jinsterqu, jintilfu jew jinqerdu, l-esportatur jista’ japplika għand l-awtoritajiet kompetenti għall-ħruġ liċenzji, tal-gvern tal-Każakstan, jew għand l-organizzazzjonijiet tal-Każakstan awtorizzati sabiex joħorġu ċertifikati ta’ oriġini skond il-leġislazzjoni tal-Każakstan, rispettivament, għal dokument duplikat li għandu jsir abbażi tad-dokumenti ta’ l-esportazzjoni fil-pussess tiegħu. Il-liċenzja jew iċ-ċertifikat duplikati maħruġa b’dan il-mod għandhom jindikaw fuqhom stess l-espressjoni “duplicate”.
2. Id-dokument duplikat għandu jkollu fuqu stess id-data tal-liċenzja jew ċertifikat oriġinali.
TITOLU V
IL-KOOPERAZZJONI AMMINISTRATTIVA
Artikolu 16
Il-Partijiet għandhom jikkoperaw mill-qrib fl-implimentazzjoni tad-disposizzjonijiet ta’ dan il-Protokoll. Għal dan il-għan, għandhom ikunu aġevolati l-kuntatti u l-iskambji ta’ fehmiet, fosthom dawk dwar affarijiet tekniċi, miż-żewġ Partijiet.
Artikolu 17
Sabiex tkun żgurata l-applikazzjoni korretta ta’ dan il-Protokoll, il-Partijiet għandhom joffru għajnuna lil xulxin għall-kontrolli ta’ l-awtentiċità u ta’ l-eżattezza tal-liċenzji ta’ l-esportazzjoni u taċ-ċertifikati ta’ l-oriġni maħruġa jew ta’ kwalunkwe dikjarazzjoni li ssir skond it-termini ta’ dan il-Protokoll.
Artikolu 18
Il-Każakstan għandu jibgħat lill-Komunità (lill-Kummissjoni Ewropea) l-ismijiet u l-indirizzi ta’ l-awtoritajiet kompetenti tal-Każakstan li huma awtorizzati li joħorġu u jivverfikaw il-liċenzji ta’ l-esportazzjoni u ċ-ċertifikati ta’ l-oriġini flimkien ma’ kampjuni tat-timbri u l-firem li jużaw. Il-Każakstan għandu wkoll jgħarraf lill-Komunità (lill-Kummissjoni Ewropea) bi kwalunkwe bidla f’din l-informazzjoni.
Artikolu 19
1. Il-verifika sussegwenti taċ-ċertifikati ta’ l-oriġini jew tal-liċenzji ta’ l-esportazzjoni għandha ssir fuq bażi każwali, jew kull meta l-awtoritajiet kompetenti tal-Komunità jkollhom dubbju raġonevoli dwar l-awtentiċità taċ-ċertifikat jew tal-liċenzja jew dwar l-eżattezza ta' l-informazzjoni dwar l-oriġini vera tal-prodotti in kwistjoni.
2. F’dawn il-każijiet, l-awtoritajiet kompetenti fil-Komunità għandhom jibagħtu lura ċ-ċertifikat ta’ l-oriġini jew il-liċenzja ta’ l-esportazzjoni jew kopja ta’ dawn lill-awtoritajiet kompetenti tal-Każakstan filwaqt li jagħtuhom, fejn ikun il-każ, ir-raġunijiet rigward forma jew kontenut, li jiġġustifikaw li ssir inkjesta. Jekk tkun ġiet preżentata l-fattura, tali fattura jew kopja tagħha għandha tiġi mehmuża maċ-ċertifikat jew mal-liċenzja jew mal-kopji tagħhom. L-awtoritajiet għandhom jgħaddu wkoll kull informazzjoni li tissuġġerixxi li d-dettalji mogħtija fiċ-ċertifikat jew fil-liċenzja ma jkunux korretti.
3. Id-disposizzjonijiet tal-paragrafu 1 għandhom japplikaw ukoll għall-verifiki sussegwenti taċ-ċertifikati ta’ l-oriġini previsti fl-Artikolu 2.
4. Ir-riżultati tal-verifiki sussegwenti li jkunu saru skond il-paragrafi 1 u 2 għandhom jiġu komunikati lill-awtoritajiet kompetenti Komunitarji fi żmien mhux aktar tard minn tliet xhur. L-informazzjoni komunikata għandha tindika jekk iċ-ċertifikat, jew il-liċenzja jew id-dikjarazzjoni kontestati japplikawx għall-merkanzija li fil-fatt ġiet esportata u jekk il-merkanzija tistax tiġi esportata lejn il-Komunità taħt il-Ftehim. L-informazzjoni għandha tinkludi wkoll, fuq it-talba ta' l-awtoritajiet kompetenti Komunitarji, kopji tad-dokumentazzjoni kollha neċessarja sabiex jiġu determinati l-fatti b’mod sħiħ, inkluża, b’mod partikolari, l-oriġini tal-merkanzija.
Jekk tali verifiki jiżvelaw irregolaritajiet sistematiċi fl-użu taċ-ċertifikati ta’ l-oriġini, il-Komunità tista’ tissuġġetta l-importazzjonijjiet tal-prodotti konċernati għad-disposizzjonijiet ta’ l-Artikolu 2(1).
5. Għall-finijiet ta' verifika sussegwenti taċ-ċertifikati ta’ l-oriġini, il-kopji taċ-ċertifikati kif ukoll ta' kull dokumenti ta’ l-esportazzjoni li jirreferi għalihom għandhom jinżammu mill-awtoritajiet kompetenti tal-Każakstan għal mill-inqas sena wara t-tmiem tal-Ftehim.
6. Ir-rikors għall-proċedura ta’ verifika każwali speċifikata f’dan l-Artikolu ma għandux joħloq ostakolu għar-rilaxx tal-prodotti in kwistjoni għaċ-ċirkolazzjoni libera.
Artikolu 20
1. Fejn il-proċedura tal-verifika msemmija fl-Artikolu 19 jew fejn l-informazzjoni disponibbli għall-awtoritajiet kompetenti tal-Komunità jew tal-Każakstan jkunu juru jew jidher li juru li d-disposizzjonijiet tal-Ftehim ikunu qegħdin jiġu elużi jew miksura, iż-żewġ Partijiet għandhom jikkoperaw mill-qrib u bl-urġenza adegwata sabiex jipprevjenu tali elużjoni jew ksur.
2. Għal dan il-għan, l-awtoritajiet kompetenti tal-Kazżakstan għandhom, fuq inizjattiva tagħhom stess jew fuq talba mill-Komunità, jagħmlu l-inkjesti meħtieġa, jew jagħmlu arranġamenti sabiex ikunu jistgħu jsiru dawn l-inkjesti, dwar operat li jkun, jew jidher għall-Komunità li jkun qiegħed jeludi jew jikser dan il-Protokoll. Il-Każakstan għandu jgħaddi r-riżultati ta’ dawn l-inkjesti lill-Komunità, flimkien ma’ kwalunkwe informazzjoni pertinenti oħra li tgħin sabiex tiġi determinata l-kawża ta' l-elużjoni jew ksur, inkluża l-oriġini vera tal-merkanzija.
3. Bi ftehim bejn il-Partijiet, l-uffiċjali maħtura mill-Komunità jistgħu jkunu preżenti fl-inkjesti msemmija fil-paragrafu 2.
4. Għall-finijiet tal-koperazzjoni msemmija fil-paragrafu 1, l-awtoritajiet kompetenti tal-Komunità u tal-Każakstan għandhom jiskambjaw kull informazzjoni meqjusa minn kull Parti bħala utli sabiex jiġu prevenuti l-elużjoni jew il-ksur tad-disposizzjonijiet tal-Ftehim. Dawn l-iskambji jistgħu jinkludu informazzjoni dwar il-kummerċ tal-prodotti koperti bil-Ftehim bejn il-Każakstan u pajjiżi terzi, partikolarment fejn il-Komunità jkollha raġunijiet tajba li temmen li l-prodotti in kwistjoni jistgħu jkunu qegħdin fi transitu fit-territorju tal-Każakstan qabel l-importazzjoni tagħhom fil-Komunità. Din l-informazzjoni tista’ tinkludi, fuq talba mill-Komunità, kopji tad-dokumenti rilevanti kollha, fejn dawn ikunu disponibbli.
5. Fejn ikun hemm prova suffiċjenti li d-disposizzjonijiet ta’ dan il-Protokoll ġew elużi jew miksura, l-awtoritajiet kompetenti tal-Każakstan u l-Komunità jistgħu jiftehmu li jieħdu kull miżura li tkun meħtieġa sabiex tali elużjoni jew ksur ma jitħallewx jirrepetu ruħhom.
