27.7.2012

MT

Il-Ġurnal Uffiċjali tal-Unjoni Ewropea

C 223/1

---

Rata tal-kambju tal-euro (1)

Is-26 ta’ Lulju 2012

2012/C 223/01

1 euro =

	Munita	Rata tal-kambju
USD	Dollaru Amerikan	1,2260
JPY	Yen Ġappuniż	95,79
DKK	Krona Daniża	7,4384
GBP	Lira Sterlina	0,78280
SEK	Krona Żvediża	8,4505
CHF	Frank Żvizzeru	1,2010
ISK	Krona Iżlandiża
NOK	Krona Norveġiża	7,3990
BGN	Lev Bulgaru	1,9558
CZK	Krona Ċeka	25,505
HUF	Forint Ungeriż	284,81
LTL	Litas Litwan	3,4528
LVL	Lats Latvjan	0,6963
PLN	Zloty Pollakk	4,1506
RON	Leu Rumen	4,6230
TRY	Lira Turka	2,2317
AUD	Dollaru Awstraljan	1,1790
CAD	Dollaru Kanadiż	1,2356
HKD	Dollaru ta' Hong Kong	9,5107
NZD	Dollaru tan-New Zealand	1,5353
SGD	Dollaru tas-Singapor	1,5336
KRW	Won tal-Korea t'Isfel	1 404,59
ZAR	Rand ta' l-Afrika t'Isfel	10,1680
CNY	Yuan ren-min-bi Ċiniż	7,8283
HRK	Kuna Kroata	7,5260
IDR	Rupiah Indoneżjan	11 622,38
MYR	Ringgit Malażjan	3,8766
PHP	Peso Filippin	51,485
RUB	Rouble Russu	39,6880
THB	Baht Tajlandiż	38,729
BRL	Real Brażiljan	2,4806
MXN	Peso Messikan	16,5217
INR	Rupi Indjan	68,0740

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

---

27.7.2012

MT

Il-Ġurnal Uffiċjali tal-Unjoni Ewropea

C 223/2

---

Wiċċ nazzjonali ġdid tal-muniti tal-euro maħsuba għaċ-ċirkolazzjoni

2012/C 223/02

Il-wiċċ nazzjonali tal-munita kommemorattiva l-ġdida ta' EUR 2, maħsuba għaċ-ċirkulazzjoni u maħruġa minn Monako.

Il-muniti tal-euro maħsuba għaċ-ċirkolazzjoni huma valuta legali fiż-żona euro kollha. Il-Kummissjoni tippubblika deskrizzjoni tad-disinji tal-muniti ġodda kollha bil-ħsieb li tinforma lill-pubbliku u lill-partijiet kollha li jużaw il-muniti (1). Skont il-konklużjonijiet tal-Kunsill tal-10 ta' Frar 2009 (2), l-Istati Membri taż-żona euro u l-pajjiżi li kkonkludew ftehim monetarju mal-Komunità li jipprovdi għall-ħruġ ta' muniti tal-euro, għandhom il-permess joħorġu muniti tal-euro kommemorattivi intenzjonati għaċ-ċirkulazzjoni, sakemm jiġu rrispettati ċerti kundizzjonijiet, partikolarment li tintuża biss id-denominazzjoni ta’ EUR 2. Dawn il-muniti għandhom l-istess karatteristiċi tekniċi bħall-muniti l-oħra ta’ EUR 2, iżda l-wiċċ nazzjonali tagħhom ikun fih disinn kommemorattiv li jkun simboliku ħafna f'termini nazzjonali jew Ewropej.

Pajjiż tal-ħruġ: Monako

Suġġett tal-kommemorazzjoni: il-500 anniversarju mit-twaqqif tas-Sovranità ta’ Monako, mill-fundatur Lucien 1 GRIMALDI.

Deskrizzjoni tad-disinn: Il-parti ta’ ġewwa tal-munita fiha stampa ta' wiċċ Lucien 1 GRIMALDI fi profil iħares lejn ix-xellug. Il-kliem “SOUVERAINETE DE MONACO” jidhru fuq l-istampa f'arka matul it-tarf ta' fuq tal-parti ta' ġewwa tal-munita, u ħdejhom hemm is-snin “1512” u “2012”. Hemm minquxa żewġ dettalji ornamentali fil-bidu u fl-aħħar tat-test. Fil-qiegħ, il-qarn tal-abbundanza, il-marka taz-zekka “Monnaie de Paris” u l-“fleurette”, il-marka tas-siġill tal-post tat-tinqix, ilkoll jinsabu biswiet l-istampa fuq ix-xellug u l-lemin rispettivament. Fuq il-marka taz-zekka hemm minquxa l-iskrizzjoni “Lucien Ier”.

Iċ-ċirku ta' barra tal-munita juri t-12-il stilla tal-bandiera Ewropea.

Għadd ta' muniti li se jinħarġu:

Data tal-ħruġ: 1 ta’ Lulju 2012.

---

(1)  Ara ĠU C 373, 28.12.2001, p. 1 għall-uċuħ nazzjonali tal-muniti kollha li nħarġu fl-2002.

(2)  Ara l-konklużjonijiet tal-Kunsill tal-Affarijiet Ekonomiċi u Finanzjarji tal-10 ta' Frar 2009 u r-Rakkomandazzjoni tal-Kummissjoni tad-19 ta' Diċembru 2008 dwar linji gwida komuni għall-uċuħ nazzjonali u l-ħruġ ta’ muniti tal-euro maħsuba għaċ-ċirkolazzjoni (ĠU L 9, 14 1 2009, p. 52).

---

27.7.2012

MT

Il-Ġurnal Uffiċjali tal-Unjoni Ewropea

C 223/3

---

Informazzjoni kkomunikata mill-Istati Membri dwar l-għeluq tas-sajd

2012/C 223/03

F'konformità mal-Artikolu 35(3) tar-Regolament tal-Kunsill (KE) Nru 1224/2009 tal-20 ta' Novembru 2009 li jistabbilixxi sistema Komunitarja ta' kontroll għall-iżgurar tal-konformità mar-regoli tal-Politika Komuni tas-Sajd (1), ittieħdet deċiżjoni li s-sajd jingħalaq kif deskritt fit-tabella hawn taħt:

Data u ħin tal-għeluq	12.6.2012
Tul ta' żmien	12.6.2012-31.12.2012
Stat Membru	Spanja
Stokk jew Grupp ta' stokkijiet	BLI/5B67-
Speċi	Linarda (Molva dypterygia)
Żona	L-ilmijiet internazzjonali u tal-UE taż-żoni Vb, VI, VII
Tip(i) ta' bastimenti tas-sajd	—
Numru ta' referenza	—

---

(1)  ĠU L 343, 22.12.2009, p. 1.

---

27.7.2012

MT

Il-Ġurnal Uffiċjali tal-Unjoni Ewropea

C 223/4

---

SEJĦA GĦALL-PROPOSTI

“Appoġġ għal miżuri ta’ informazzjoni relatati mal-politika agrikola komuni (PAK)”

L-implimentazzjoni ta' miżuri ta' informazzjoni skont l-intestatura tal-baġit 05 08 06 għall-2013

2012/C 223/04

1.   INTRODUZZJONI

Din is-sejħa għall-proposti hija bbażata fuq ir-Regolament tal-Kunsill (KE) Nru 814/2000 tas-17 ta’ April 2000 dwar il-miżuri ta' informazzjoni li għandhom x’jaqsmu mal-politika agrikola komuni (PAK) li jiddefinixxi t-tip u l-kontenut tal-miżuri ta’ informazzjoni li l-Unjoni tista’ tikkofinanzja. Ir-Regolament tal-Kummissjoni (KE) Nru 2208/2002, emendat bir-Regolament tal-Kummissjoni (KE) Nru 1820/2004, jistabbilixxi r-regoli ddettaljati għall-applikazzjoni tar-Regolament tal-Kunsill (KE) Nru 814/2000.

Din hija sejħa għall-proposti għall-finanzjament ta’ miżuri ta’ informazzjoni, kif deskritti fl-Artikolu 3(1) tar-Regolament tal-Kunsill (KE) Nru 814/2000, mill-approprjazzjonijiet tal-baġit tal-2013. Din is-sejħa għall-proposti tikkonċerna miżuri ta’ informazzjoni li għandhom jiġu implimentati (inklużi l-preparazzjoni, l-implimentazzjoni, is-segwitu u l-evalwazzjoni) bejn l-1 ta’ Marzu 2013 u t-28 ta’ Frar 2014.

Miżura ta' informazzjoni hija sensiela indipendenti u koerenti ta' attivitajiet ta’ informazzjoni mwettqa abbażi ta' baġit uniku.

Kif speċifikat fl-Artikolu 4(2) tar-Regolament tal-Kummissjoni (KE) Nru 2208/2002, l-applikanti għal din is-sejħa għall-proposti għandhom ikunu persuni ġuridiċi kkostitwiti legalment fi Stat Membru għal mill-anqas sentejn fil-ħin tat-tressiq tal-offerta.

Din is-sejħa għall-proposti hija rregolata wkoll mir-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej u r-Regolament tal-Kummissjoni (KE, Euratom) Nru 2342/2002 tat-23 ta’ Diċembru 2002 li jistipula regoli ddettaljati għall-implimentazzjoni tar-Regolament tal-Kunsill (KE, Euratom) Nru 1605/2002 dwar ir-Regolament Finanzjarju li jgħodd għall-baġit ġenerali tal-Komunitajiet Ewropej,

2.   IL-PRIJORITAJIET U TIPI TA’ MIŻURI GĦALL-2013

2.1.   Prijoritajiet

L-2013 ser tkun sena ewlenija fid-diskussjonijiet dwar il-Politika Agrikola Komuni ġdida.

Suġġett prijoritarju

Is-suġġett prijoritarju għal din is-sejħa għall-proposti ser ikun il-PAK b’mod ġenerali, u r-riformi proposti tal-politika, b’mod partikolari.

Skont din il-prijorità, il-proġetti proposti għandhom ifittxu l-għanijiet biex:

—	jiżguraw aħjar l-għarfien pubbliku tal-PAK, partikolarment fil-kuntest tal-proposti għar-riforma;

—	juru r-rwol tal-PAK fl-iżvilupp tat-tkabbir li huwa intelliġenti, sostenibbli u inklussiv, kif stipulat fl-istrateġija Ewropa 2020;

—	jiġi mtejjeb il-fehim tal-kontribut tal-Politika Agrikola Komuni li jiggarantixxi l-produzzjoni tal-ikel tajjeb għas-saħħa u ta’ kwalità liċ-ċittadini Ewropej, għall-preservazzjoni tal-ambjent u biex jgħin biex jiġu żviluppati ż-żoni rurali fl-Unjoni Ewropea;

—	jistimulaw l-interess pubbliku fir-rwol tal-bdiewa, l-agrikoltura u l-iżvilupp rurali fis-soċjetà tagħna bil-promozzjoni ta' diversi rwoli u juru l-kontributi tal-PAK billi jappoġġjaw lill-bdiewa, l-agrikoltura u l-iżvilupp rurali fl-Unjoni Ewropea.

Il-Kummissjoni Ewropea (“il-Kummissjoni”) tinkoraġġixxi bil-qawwa l-kooperazzjoni tad-diversi partijiet interessati fil-livell nazzjonali u dak Ewropew.

Xi eżempji tat-tip tal-għodod ta’ komunikazzjoni li jistgħu jiġi proposti bħala parti minn kampanji ta’ informazzjoni huma mogħtija fil-punt 2.2.

Miżuri prijoritarji

Il-Kummissjoni ser tagħti prijorità lil proġetti fil-livell nazzjonali jew tal-UE li aktarx li jkollhom impatt kbir, li huma innovattivi u kreattivi.

Il-Kummissjoni se tagħti prijorità wkoll għal miżuri ta’ informazzjoni proposti minn netwerks stabbiliti formalment jew informalment fil-livell Ewropew jew miżuri ta’ informazzjoni li jinkludi l-istabbiliment u/jew l-iżvilupp ta’ dawn in-netwerks.

2.2.   Tipi ta’ miżuri ta’ informazzjoni

Fil-kuntest tas-sejħa attwali għall-proposti, il-Kummissjoni tipprevedi li tagħżel żewġ tipi ta’ miżuri integrati ta’ komunikazzjoni għall-pubbliku:

—	fil-livell nazzjonali, billi jingħaqdu flimkien diversi sħab fi proġett kbir konġunt;

—	fil-livell Ewropew, f’għadd massimu ta’ Stati Membri sabiex jiżdied l-impatt tal-miżuri.

Dawn il-kampanji ta’ komunikazzjoni integrati huma kampanji li jipproponu l-aħjar taħlita ta’ għodod ta’ komunikazzjoni sabiex jinkisbu l-għanijiet stabbiliti minn qabel u sabiex jilħqu kemm jista’ jkun persuni mill-pubbliku.

Il-kampanji ta’ komunikazzjoni integrati għandu jkollhom impatt sinifikanti li jista' jiġi mkejjel permezz ta’ indikaturi oġġettivament verifikabbli esterni u interni li għandhom jiġu stabbiliti billi jitqiesu l-kriterji SMART (speċifiċi, li jistgħu jitkejlu u li jistgħu jintlaħqu, rilevanti u orjentati lejn iż-żmien).

L-attivitajiet differenti għandhom ikunu interkonnessi, ċari fl-approċċ kunċettwali tagħhom u fir-rigward tar-riżultati li għandhom jinkisbu. L-iskeda tax-xogħol għandha tkun konformi mal-għanijiet tal-proġett u għandha tkun realistika.

Il-kampanji għandhom jinkludu diversi attivitajiet ta’ komunikazzjoni jew għodod elenkati hawn taħt (il-lista mhix eżawrjenti):

—	Il-produzzjoni u d-distribuzzjoni ta’ materjal awdjoviżiv u multimedjatiku.

—	Il-produzzjoni u d-distribuzzjoni ta' materjal stampat (pubblikazzjonijiet, kartelluni, eċċ).

—	It-twaqqif ta’ għodod tal-internet u ta’ netwerking soċjali.

—	L-avvenimenti tal-midja.

—	Konferenzi, seminars jew sessjonijiet ta’ ħidma.

—	Avvenimenti tat-tip “ażjenda agrikola fil-belt” (city farm) li jgħinu biex tiġi spjegata l-importanza tal-agrikoltura lill-popolazzjoni urbana.

—	Avvenimenti tat-tip “bibien miftuħa” li jimmiraw li juru r-rwol tal-agrikoltura liċ-ċittadini.

—	Wirjiet statiċi jew mobbli jew punti ta’ informazzjoni.

2.3.   Gruppi fil-mira

Il-pubbliku inġenerali (b’enfasi speċjali fuq iż-żgħażagħ fiż-żoni urbani), il-midja, is-soċjetà ċivili u l-atturi ewlenin fis-settur rurali.

3.   TUL TA' ŻMIEN U BAĠIT

Din is-sejħa għall-proposti tikkonċerna miżuri ta' informazzjoni li għandhom jiġu implimentati (inklużi l-preparazzjoni, il-prestazzjoni, is-segwitu u l-evalwazzjoni) bejn l-1 ta' Marzu 2013 u t-28 ta' Frar 2014.

Il-pakkett finanzjarju globali għall-miżuri ta’ informazzjoni li għandhom jitwettqu skont din is-sejħa għall-proposti huwa ta' EUR 3 000 000. Dan l-ammont ser jitqassam fost l-applikanti li jkunu ġabu l-ogħla marki mill-Kumitat tal-Evalwazzjoni skont il-kriterji tal-evalwazzjoni stabbiliti fl-Anness I u li jissodisfaw il-kriterji kollha tal-għażla, l-esklużjoni u l-eliġibbiltà stabbiliti fl-Anness III. Il-Kummissjoni tirriżerva d-dritt li tnaqqas dan l-ammont globali li għandu jingħata jekk tqis li l-kwalità tal-proposti ma tkunx suffiċjenti.

L-ammont totali tal-għotja mitluba mill-Kummissjoni għandu jkun bejn EUR 100 000 u EUR 500 000 għal kull ftehim ta’ għotja li jkopri l-miżuri ta’ informazzjoni kif imsemmija fil-punt 2.2 (inkluż ammont fiss għall-ispejjeż tal-persunal).

Il-parteċipazzjoni finanzjarja tal-Kummissjoni fl-applikazzjonijiet magħżula huwa limitat għal 50 % tal-ispejjeż eliġibbli globali (ara l-Anness IV – it-tfassil tal-baġit). L-ispejjeż eliġibbli ġenerali ma jinkludux l-ispejjeż tal-persunal. L-ispejjeż tal-persunal huma koperti b'ammont separat fiss b’massimu ta’ EUR 10 000 għal miżuri li l-ispejjeż totali eliġibbli tagħhom (eskluża r-rata fissa għall-ispejjeż tal-persunal) huma anqas minn EUR 400 000 u b'massimu ta’ EUR 25 000 għal miżuri li l-ispejjeż totali eliġibbli tagħhom (eskluża r-rata fissa għall-ispejjeż tal-persunal) huma bejn EUR 400 000 u EUR 950 000.

Għall-miżuri ta’ informazzjoni ta’ natura eċċezzjonali, u jekk l-applikant jitlob dan, il-perċentwali tal-kontribuzzjoni tal-Kummissjoni jista' jitla’ sa 75 %.

Miżura ta’ informazzjoni tiġi rikonoxxuta bħala ta’ natura eċċezzjonali kif imsemmi fl-Artikolu 7(2) tar-Regolament (KE) Nru 2208/2002 jekk jiġu ssodisfati l-kundizzjonijiet kollha li ġejjin:

(1)

tkun tinkludi pjan ta’ tixrid li jkun kapaċi jilħaq firxa wiesgħa kemm jista' jkun ta’ pubbliku, li jkopri l-pubbliku ta’ tal-anqas 3 Stati Membri, u li r-riżultati mistennija (ex-ante) u miksuba (ex-post) jintwerew bi prova esterna suffiċjenti (stabbiliment ta’ indikaturi ta’ għanijiet ivverifikati esternament li jqisu l-kriterji SMART),

(2)	f'kull Stat Membru kopert mill-miżura, din għandha tiġi implimentata minn, tal-inqas, koorganizzatur nazzjonali,

(3)	il-Kumitat tal-evalwazzjoni, (minn hawn ’il quddiem “il-Kumitat”), ikun taha tal-anqas 75 punt minn 100 għall-kriterji tal-evalwazzjoni stipulati fl-Anness I.

Mhu ser jingħata l-ebda finanzjament minn qabel għall-miżuri ta’ informazzjoni li jirċievu għotja skont din is-sejħa għall-proposti. Il-benefiċjarju jista’ jitlob ħlas intermedju billi jressaq rapport tekniku intermedju u rapport finanzjarju. L-ammont ta’ ħlas intermedju ma jaqbiżx it-30 % tal-ammont totali (esklużi l-ispejjeż tal-persunal) previst fil-ftehim tal-għotja. L-ammont ser jiġi determinat abbażi tal-miżura li tkun qed titwettaq u tal-ispejjeż eliġibbli realment imħallsa, ippreżentat fid-dikjarazzjoni finanzjarja intermedja u vvalidata mill-Kummissjoni; il-perċentwali tal-kofinanzjament previst fil-ftehim tal-għotja ser jiġi applikat għal dawn l-ispejjeż. L-ammont b’rata fissa għall-ispejjeż tal-persunal jingħata biss mal-pagament finali.

L-għażla ta’ applikazzjoni ma tobbligax lill-Kummissjoni tagħti l-ammont sħiħ mitlub mill-applikant. Fl-ebda ċirkostanza l-għotja ma għandha taqbeż l-ammont mitlub. Għotja ma tistax tingħata lil miżura li tkun qed tirċievi finanzjament ieħor mill-Unjoni Ewropea.

4.   STRUZZJONIJIET ĠENERALI GĦAT-TRESSIQ TA’ TALBA

4.1.   Kif għandha titħejja applikazzjoni

Kull applikant huwa awtorizzat iressaq applikazzjoni għal miżura ta’ informazzjoni waħda biss għal kull sena tal-baġit.

L-applikazzjoni għandha titressaq bil-formoli xierqa disponibbli fl-indirizz tal-internet li ġej: http://ec.europa.eu/agriculture/grants-for-information-measures/

L-applikazzjoni għandha titfassal b'waħda mil-lingwi uffiċjali tal-Unjoni Ewropea. Madankollu, sabiex ikun iffaċilitat l-ipproċessar fil-pront, l-applikanti huma mħeġġa jressqu l-applikazzjoni tagħhom bl-Ingliż jew bil-Franċiż, jew jekk dan ma jkunx possibbli, l-applikanti għandhom tal-anqas jinkludu traduzzjoni tad-deskrizzjoni ddettaljata tal-proposta bl-Ingliż jew bil-Franċiż (il-Formola 3).

L-applikazzjoni għandha tinkludi d-dokumenti li ġejjin li l-mudelli tagħhom huma disponibbli fl-indirizz tal-internet imsemmi hawn fuq:

—

l-ittra tal-applikazzjoni li ssemmi t-titolu tal-miżura ta’ informazzjoni proposta u li tindika l-ammont tal-għotja mitluba, iffirmata mir-rappreżentant awtorizzat legalment fl-organizzazzjoni li tkun qed tapplika; wieħed għandu jinnota li l-ammont tal-għotja mitlub fl-ittra għandu jkun identiku għall-ammont ta' kofinanzjament mill-Unjoni Ewropea indikat fit-tabella tad-dħul tal-baġit (il-punti g u h);

—

Il-Formola 1 (Informazzjoni dwar l-applikant), il-Formola 2 (Informazzjoni dwar il-koorganizzaturi eventwali), il-Formola 3 (Deskrizzjoni dettaljata tal-miżura ta’ informazzjoni). Jekk mistoqsija ma tkunx tapplika għall-miżura ta’ informazzjoni proposta, għandek iddaħħal “mhux applikabbli” jew “mhix disponibbli”. Jiġu kkunsidrati biss l-applikazzjonijiet ippreżentati fuq dawn il-formoli. Barra minn hekk, jekk il-Formola 2 ma tapplikax jekk jogħġbok ikteb “Mhux Applikabbli” fuq l-ewwel paġna tagħha;

—	baġit għall-miżura ta' informazzjoni proposta (li jkun magħmul minn tabella dettaljata tan-nefqa u tabella dettaljata tad-dħul ibbilanċjati), debitament mimli kif xieraq, iffirmat u ddatat mir-rappreżentant awtorizzat legalment fl-organizzazzjoni li tkun qed tapplika;

—	id-dokumenti addizzjonali kollha elenkati fl-Anness II.

4.2.   Skadenza u indirizz fejn jintbagħtu l-applikazzjonijiet

L-applikanti għandhom jibagħtu kopja tal-applikazzjoni sħiħa tagħhom sa mhux aktar tard mill-31 ta' Ottubru 2012 bil-posta rreġistrata li tkun tinkludi rikonoxximent li l-applikazzjoni waslet (it-timbru tal-posta fuq l-envelopp iservi ta' prova tad-data ta' meta tkun intbagħtet) fl-indirizz li ġej:

European Commission

Unit AGRI. K.1.

Call for proposals 2012/C 223/04

Attn. Angela Filote

L130 4/148A

1049 Bruxelles/Brussel

BELGIQUE/BELGIË

L-applikazzjonijiet għandhom jintbagħtu ġo envelopp jew kaxxa tal-kartun issiġillata li titqiegħed ġo envelopp ieħor jew kaxxa tal-kartun issiġillata. Fuq l-envelopp jew il-kaxxa tal-kartun ta’ ġewwa, barra l-indirizz tad-destinatarju, kif inhu indikat fis-sejħa għall-proposti, għandu jkun hemm ukoll it-titlu “Sejħa għall-proposti – M'għandux jinfetaħ mis-servizzi postali”. Meta jintużaw enveloppijiet li jkun fihom il-kolla, dawn għandhom ikunu ssiġillati b’tejp adeżiv u min jibgħathom għandu jiffirma fuq dak it-tejp.

Peress li d-dokumenti kollha li jintbagħtu lill-Kummissjoni għandhom jiġu skennjati paġna paġna, l-applikanti huma mitluba biex ma jwaħħlux flimkien il-paġni tal-ittra ta’ applikazzjoni jew l-annessi tagħhom. Barra minn hekk, għal raġunijiet ambjentali, l-applikanti huma mħeġġa jressqu l-applikazzjoni tagħhom fuq karti riċiklati u jistampawhom fuq iż-żewġ naħat tal-paġna.

Fl-istess ħin, mhux aktar tard minn nofsillejl (ħin ta’ Brussell) tal-31 ta' Ottubru 2012, l-applikanti għandhom jibagħtu wkoll verżjoni elettronika tal-applikazzjoni tagħhom, li jkun fiha għall-inqas l-ittra ta' applikazzjoni, il-Formoli 1, 2 u 3 u l-baġit fl-indirizz li ġej:

AGRI-GRANTS-APPLICATIONS-ONLY@ec.europa.eu

L-applikanti huma responsabbli li jiżguraw li kemm l-applikazzjoni elettronika kif ukoll l-applikazzjonijiet bil-miktub tagħhom ikunu identiċi, mimlija kompletament u mibgħuta sad-data tal-iskadenza. L-applikazzjonijiet (l-applikazzjoni bil-miktub u l-verżjoni elettronika) li jintbagħtu wara d-data tal-iskadenza jiġu rrifjutati. F’każ ta’ diskrepanza bejn il-verzjoni elettronika u l-applikazzjonijiet bil-miktub, l-informazzjoni bil-miktub dejjem tieħu preċedenza.

Jistgħu jintbagħtu mistoqsijiet dwar is-sejħa għall-proposti fl-indirizz tal-posta elettronika AGRI-GRANTS@ec.europa.eu mhux aktar tard mis-17 ta’ Ottubru 2012. Il-Kummissjoni Ewropea m’għandha l-ebda obbligu li twieġeb il-mistoqsijiet irċevuti wara dik id-data.

Ir-risposti ser jingħataw mhux aktar tard mill-24 ta’ Ottubru 2012. Fl-interess ta’ trattament ugwali tal-applikanti, il-Kummissjoni Ewropea ma tistax tagħti opinjoni minn qabel dwar l-eliġibbiltà tal-applikant, il-miżura ta’ informazzjoni jew l-attivitajiet speċifiċi li jinsabu fiha. Il-mistoqsijiet li jistgħu jkunu rilevanti għal applikanti oħra, flimkien mat-tweġibiet, ser ikunu ppubblikati fuq is-sit tal-Internet tad-Direttorat Ġenerali għall-Agrikoltura u l-Iżvilupp Rurali fit-taqsima tal-Mistoqsijiet Frekwenti dwar it-tħejjijja ta' applikazzjoni għal għotja:

http://ec.europa.eu/agriculture/grants-for-information-measures/

5.   PROĊEDURA U SKEDA TAŻ-ŻMIEN

5.1.   Wasla u reġistrazzjoni tal-applikazzjonijiet

Il-Kummissjoni tirreġistra l-applikazzjoni u tibgħat konferma tal-wasla tagħha bil-posta elettronika bin-numru assenjat għall-applikazzjonijiet fi żmien 15-il jum mit-terminu tas-sottomissjoni.

5.2.   Evalwazzjoni tal-applikazzjonijiet fid-dawl tal-kriterji tal-għotja

Matul din il-fażi, il-Kumitat għandu jevalwa l-applikazzjonijiet fid-dawl tal-kriterji tal-evalwazzjoni deskritti fl-Anness I (il-kriterji tal-evalwazzjoni). Għandhom jiġu ammessi għall-fażi li jmiss l-applikazzjonijiet biss li matul din il-fażi tal-valutazzjoni, jkunu kisbu total ta’ tal-anqas 60 minn 100 punt disponibbli, u tal-anqas 50 % tal-punti disponibbli għal kull kriterju.

Id-dokumenti li jingħataw inqas minn 60 mill-100 punt potenzali ser jiġu rrifjutati. Id-dokumenti li jingħataw inqas minn 50 % tal-punti disponibbli f'wieħed mid-diversi kriterji se jiġu rrifjutati wkoll.

Wieħed għandu jinnota li jekk l-evalwazzjoni ta’ kriterju twassal għaċ-ċaħda ta’ applikazzjoni għaliex ma tkunx kisbet tal-anqas 50 % tal-punti disponibbli għal dak il-kriterju, il-kriterji tal-evalwazzjoni li jmiss mhux se jiġu vvalutati.

Madankollu, il-fatt li miżura tirċievi 60 mill-100 punt disponibbli mhuwiex garanzija li l-miżura ta’ informazzjoni se tingħata l-għotja. Il-Kummissjoni tista' tgħolli r-rata minima aċċettabbli fid-dawl tal-għadd ta' applikazzjonijiet ta' suċċess u tar-riżorsi baġitarji disponibbli.

5.3.   Eżami tal-applikazzjonijiet fid-dawl tal-kriterji tal-għażla tal-eliġibbiltà u tal-esklużjoni

L-applikanti li jgħaddu mill-ewwel fażi ser jiġu eżaminati fid-dawl tal-għażla, tal-kriterji tal-esklużjoni u tal-eliġibbiltà.

Kumitat ta’ evalwazzjoni ad hoc għandu jeżamina l-għażla, il-kriterji tal-esklużjoni u l-eliġibbiltà tal-applikazzjonijiet fuq il-bażi tad-dokumenti previsti fl-Anness II.

5.3.1.   Kriterji tal-għażla – il-kapaċità teknika u finanzjarja tal-applikanti

Matul din il-fażi, il-kumitat ad hoc ser jeżamina l-kapaċità teknika u finanzjarja tal-applikanti eliġibbli fuq il-bażi tal-informazzjoni pprovduta fl-applikazzjoni u skont il-kriterji deskritti fl-Anness III (1) (Kriterji tal-għażla). Ser jiġu evalwati biss l-applikanti li jgħaddu minn din il-fażi fid-dawl tal-kriterji tal-esklużjoni u tal-eliġibbiltà.

5.3.2.   Kriterji tal-esklużjoni

Il-Kumitat ad hoc tal-evalwazzjoni għandu jeżamina l-kriterji tal-esklużjoni. Kwalunkwe applikant li fiż-żmien tal-proċedura, jkun f'waħda mis-sitwazzjonijiet deskritti fl-Anness III (2) (kriterji tal-esklużjoni) ser jiġi eskluż u l-applikazzjoni tiegħu mhux se tiġi evalwata fid-dawl tal-kriterji tal-eliġibbiltà.

5.3.3.   Il-kriterji tal-eliġibbiltà

Matul din il-fażi l-Kumitat ad hoc ser jeżamina l-eliġibbiltà tal-applikanti u l-applikazzjonijiet fuq il-bażi tad-dokumenti pprovduti u skont il-kriterji deskritti fl-Anness III (3) (Kriterji tal-eliġibbiltà).

5.4.   Kif tingħata għotja

Fi tmiem il-proċess tal-għoti tal-kuntratt u wara d-deċiżjoni tal-għotja meħuda mill-Kummissjoni, l-applikant magħżul ser jirċievi ftehim tal-għotja (liema kampjun jista’ jitniżżel mill-Internet mis-sit elettroniku mogħti fil-punt 4.1 ta’ din is-sejħa għall-proposti), denominat f'euro, li jispeċifika l-kundizzjonijiet u l-ammont tal-finanzjament, li jista’ jkun inqas mill-ammont mitlub fl-applikazzjoni. Fil-każ ta’ żbalji ta' kalkolu, l-ispejjeż li jeċċedu l-ammonti massimi eliġibbli u l-ispejjeż ikkunsidrati bħala mhux eliġibbli jew mhux realistiċi, il-Kummissjoni tista’ titlob kjarifiki u tikkorreġi l-baġit jekk ikun neċessarju. Jekk il-korrezzjoni twassal għal ammont ogħla tal-ispejjeż totali, l-ammont mitlub mill-Kummissjoni għandu jibqa’ mhux mibdul u l-kontribuzzjoni tal-applikant għandha tiżdied kif xieraq. Il-Kummissjoni Ewropea tirriżerva d-dritt li titlob evidenza ulterjuri mingħand l-applikant, u, jekk ikun meħtieġ, titlob dokumenti ġustifikattivi oħrajn (jiġifieri l-ftehimiet għax-xandir, ir-reklamar, il-produzzjoni awdjoviżiva, eċċ.). Dawn il-verifiki jistgħu jwasslu lill-Kummissjoni biex tirrifjuta l-applikazzjoni fil-każ ta' dikjarazzjoni falza. Huwa għalhekk fl-interess tal-applikanti li jipprovdu informazzjoni korretta u realistika u baġit kosteffettiv.

Jekk l-applikazzjoni tiġi rrifjutata f’waħda mill-fażijiet, l-applikanti għandhom jirċievu notifika bil-miktub li tispeċifika r-raġunijiet għar-rifjut fi tmiem il-proċess tal-għoti tal-kuntratt.

Il-proċess tal-għoti tal-kuntratt huwa skedat li jintemm fi tmiem Jannar 2013. Is-servizzi tal-Kummissjoni mhumiex awtorizzati li jinfurmaw lill-applikanti dwar l-istat tal-evalwazzjoni tal-fajls tagħhom qabel id-deċiżjoni tal-għotja. Għal din ir-raġuni, l-applikanti huma mitluba biex ma jċemplux jew jiktbu lill-Kummissjoni biex ikunu jafu dwar ir-riżultat tal-applikazzjoni tagħhom qabel dik id-data.

Il-kandidat għandu jinnotifika lill-Kummissjoni Ewropea bi kwalunkwe bidla (status, rappreżentant legali, kundanna legali, eċċ.) li seħħet bejn it-trasmissjoni tal-applikazzjoni u l-iffirmar tal-ftehim. Il-Kummissjoni Ewropea tirriżerva d-dritt li ma tagħtix l-għotja jekk din l-informazzjoni ma tkunx ġiet notifikata jew jekk il-Kummissjoni tiġġudika li l-applikazzjoni tqanqal dubji.

6.   PROMOZZJONI

6.1.   Responsabbiltajiet tal-benefiċjarju

Għall-azzjonijiet kollha, il-benefiċjarji għandhom l-obbligu li jiżguraw, bil-mezzi adegwati kollha u skont il-kundizzjonijiet stabbiliti fil-ftehim tal-għotja, li tul iż-żmien kollu tal-miżura, kull komunikazzjoni jew pubblikazzjoni jew materjal promozzjonali dwar il-miżura għandu jsemmi l-fatt li l-Unjoni Ewropea tkun qed tagħti appoġġ finanzjarju għal dan.

Barra minn hekk, kull komunikazzjoni jew pubblikazzjoni mill-benefiċjarju, fi kwalunkwe forma u format, għandha tispeċifika li l-informazzjoni pprovduta hija r-responsabbiltà tal-awtur u li din mhux neċessarjament tkun tirrappreżenta il-pożizzjoni uffiċjali tal-Kummissjoni.

L-evidenza ta’ dan ir-reklamar għandha tiġi inkluża fir-rapporti tekniċi ta’ implimentazzjoni. Mudell tal-logo tal-UE jista’ jitniżżel mill-indirizz tal-internet li ġej: http://europa.eu/about-eu/basic-information/symbols/flag/index_mt.htm u jissemma “Proġett appoġġjat mill-Unjoni Ewropea”.

Jekk l-organizzazzjoni benefiċjarja ma tikkonformax mal-obbligi ta' hawn fuq, il-Kummissjoni tirriżerva d-dritt li tnaqqas l-ammont tal-għotja allokat għall-miżura ta' informazzjoni konċernata jew saħansitra li tirrifjuta li tħallasha.

7.   PROTEZZJONI TAD-DEJTA PERSONALI

Il-Kummissjoni Ewropea għandha tiżgura li kwalunkwe dejta personali inkluża fl-applikazzjoni tiġi ipproċessata skont ir-Regolament (KE) Nru 45/2001 tal-Parlament Ewropew u tal-Kunsill tat-18 ta’ Diċembru 2000 dwar il-protezzjoni ta' individwu fir-rigward tal-ipproċessar ta' data personali mill-istituzzjonijiet u l-korpi tal-Komunità u dwar il-moviment liberu ta' dak id-data (1). Dawn id-dispożizzjonijiet japplikaw b’mod partikolari għall-kunfidenzjalità u s-sigurtà tad-dejta inkwistjoni.

---

(1)  ĠU L 8, 12.1.2001, p. 1.

---

---

---

---

---