7.3.2012

MT

Il-Ġurnal Uffiċjali tal-Unjoni Ewropea

C 69/1

---

Ebda oppożizzjoni għal konċentrazzjoni notifikata

(Każ COMP/M.6480 – PetroFina/Fina Antwerp Olefins)

(Test b’relevanza għaż-ŻEE)

2012/C 69/01

Fl-24 ta’ Frar 2012, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq komuni. Din id-deċiżjoni hi bbażata fuq l-Artikolu 6(1)b tar-Regolament tal-Kunsill (KE) Nru 139/2004. It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/en/index.htm) fid-dokument li jġib in-numru 32012M6480. Il-EUR-Lex hu l-aċċess fuq l-internet għal-liġi Ewropea.

---

7.3.2012

MT

Il-Ġurnal Uffiċjali tal-Unjoni Ewropea

C 69/2

---

Rata tal-kambju tal-euro (1)

Is-6 ta’ Marzu 2012

2012/C 69/02

1 euro =

	Munita	Rata tal-kambju
USD	Dollaru Amerikan	1,3153
JPY	Yen Ġappuniż	106,66
DKK	Krona Daniża	7,4344
GBP	Lira Sterlina	0,83255
SEK	Krona Żvediża	8,8906
CHF	Frank Żvizzeru	1,2055
ISK	Krona Iżlandiża
NOK	Krona Norveġiża	7,4520
BGN	Lev Bulgaru	1,9558
CZK	Krona Ċeka	24,866
HUF	Forint Ungeriż	293,43
LTL	Litas Litwan	3,4528
LVL	Lats Latvjan	0,6981
PLN	Zloty Pollakk	4,1495
RON	Leu Rumen	4,3538
TRY	Lira Turka	2,3485
AUD	Dollaru Awstraljan	1,2418
CAD	Dollaru Kanadiż	1,3137
HKD	Dollaru ta' Hong Kong	10,2103
NZD	Dollaru tan-New Zealand	1,6150
SGD	Dollaru tas-Singapor	1,6604
KRW	Won tal-Korea t'Isfel	1 479,71
ZAR	Rand ta' l-Afrika t'Isfel	10,0079
CNY	Yuan ren-min-bi Ċiniż	8,3024
HRK	Kuna Kroata	7,5548
IDR	Rupiah Indoneżjan	12 080,27
MYR	Ringgit Malażjan	3,9854
PHP	Peso Filippin	56,624
RUB	Rouble Russu	38,8666
THB	Baht Tajlandiż	40,485
BRL	Real Brażiljan	2,3007
MXN	Peso Messikan	16,9779
INR	Rupi Indjan	66,2710

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

---

7.3.2012

MT

Il-Ġurnal Uffiċjali tal-Unjoni Ewropea

C 69/3

---

Proċedura ta’ sejħa għall-offerti miftuħa għall-għoti u l-użu ta’ liċenzji għall-esplorazzjoni u l-esplojtazzjoni ta’ idrokarburi

ŻONI: IL-GOLF TA’ PATRAIKOS (PUNENT) (LIL HINN MILL-KOSTA), KATAKOLO (LIL HINN MILL-KOSTA), ΙOANNINA (FUQ L-ART)

2012/C 69/03

Introduzzjoni

1.

Ir-Repubblika Ellenika, filwaqt li taġixxi permezz tal-Awtorità Kompetenti tagħha, il-Ministeru tal-Ambjent, l-Enerġija u t-Tibdil fil-Klima (minn hawn ‘il quddiem, il-MINISTERU), tistieden lil persuni fiżiċi jew entitajiet ġuridiċi kwalifikati jew kwalunkwe grupp ta’ persuni tali (minn hawn ‘il quddiem, l-APPLIKANT) biex japplikaw għall-għoti u l-użu ta’ liċenzji għall-esplorazzjoni u l-esplojtazzjoni ta’ idrokarburi fir-rigward ta’ ċerti ejkers ta’ art fil-Punent tal-Greċja.

2.

L-istedina tirreferi għal tliet żoni disponibbli skont it-Taqsima 2, §17(c) tal-Liġi Nru 2289/1995, kif emendata bit-Taqsima 156, §10 tal-Liġi Nru 4001/2011; iż-żona fuq l-art magħrufa bħala “Ioannina” u ż-żoni lil hinn mill-kosta “il-Golf ta’ Patraikos (punent)” u “Katakolon”. L-applikanti jistgħu jippreżentaw offerta għall-għoti ta’ liċenzji f’aktar minn żona waħda.

3.

Din l-istedina hi soġġetta għad-dispożizzjonijiet tal-Liġi Nru 2289/1995 (il-Gazzetta tal-Gvern, Ħarġa Nru 27/A/8.2.1995) bit-titlu, “L-ipprospettar, l-Esplorazzjoni u l-Esplojtazzjoni ta' Idrokarburi u dispożizzjonijiet oħra”, kif emendata bil-Liġi Nru 4001/2011 (il-Gazzetta tal-Gvern, Ħarġa Nru 179/A/22.8.2011) bit-titlu “Il-Funzjonament tas-Swieq tal-Enerġija tal-Elettriku u tal-Gass, għall-Esplorazzjoni, il-Produzzjoni u n-netwerks tat-trażmissjoni tal-Idrokarburi, u dispożizzjonijiet oħra”.

4.

L-applikazzjonijiet/offerti kollha se jiġu ġġudikati skont it-termini tal-leġiżlazzjoni msemmija hawn fuq u fl-isfond tal-ħtieġa kontinwa għal esplorazzjoni komprensiva, effiċjenti, sikura u bla telf ta’ żmien sabiex jiġu identifikati r-riżorsi taż-żejt u l-gass tal-Greċja filwaqt li jitqiesu kif xieraq il-kunsiderazzjonijiet ambjentali.

Il-Kriterji Ewlenin tal-għażla

5.

L-offerti se jiġu meqjusa abbażi ta' dawn il-kriterji: (a) il-kapaċità finanzjarja tal-applikant biex iwettaq l-esplorazzjoni u, jekk ikun il-każ, il-produzzjoni ta’ idrokarburi miż-żoni inkwistjoni, (b) l-għarfien espert tekniku pprovat li jopera, mhux biss fil-fażi esploratorja, iżda anke fil-fażijiet tal-iżvilupp u l-produzzjoni (l-esplojtazzjoni), (c) il-parametri tekniċi u fiskali tal-offerta, (d) il-kwalità tal-programm ta’ ħidma u l-iskeda proposta għall-evalwazzjoni tal-potenzjal globali taż-żona li għaliha tkun saret l-applikazzjoni, (e) l-għarfien ġeoloġiku tal-applikant dwar iż-żona ġeografika inkwistjoni, u kif il-liċenzjat(i) jipproponi/jipproponu li jwettaq/jwettqu l-esplorazzjoni effiċjenti u sikura għall-idrokarburi, (f) l-esperjenza ta’ tħaffir fil-fond f’ambjenti ġeoloġiċi diffiċli (eż. ta’ tħaffir f’żoni u dijapiri ta’ pressjoni għolja, jew ta’ twettiq ta’ operazzjonijiet fil-preżenza tas-sulfur tal-idroġenu), (g) l-esperjenza ta’ twettiq ta’ operazzjonijiet f’żoni sensittivi mil-lat ambjentali u f’żoni fejn it-turiżmu huwa sors ta’ qligħ importanti, (h) għandha tingħata importanza għal kwalunkwe nuqqas ta’ effiċjenza u ta' responsabbiltà jew nuqqas ta’ prestazzjoni li jkun intwera min-naħa tal-applikant fit-twettiq ta’ obbligi tiegħu skont il-liċenzji li jkun ingħata preċedentement, (i) meta applikanti japplikaw bħala parti minn grupp, għandhom jitqiesu l-kompożizzjoni tal-grupp, l-operatur rakkomandat u l-kompetenza kollettiva tal-grupp.

Liċenzji

6.	Il-MINISTERU, skont il-Liġi Griega Nru 2289/1995 dwar il-Petroljum, kif emendata, għandu jidħol fi ftehim mal-Kuntrattur abbażi ta’ arranġamenti ta' Ħlas ta' Drittijiet/Taxxi (Ftehim ta' Kiri).

Proċedura ta' Evalwazzjoni

7.

Kull persuna li tixtieq tipparteċipa fil-proċedura ta’ sejħa għall-offerti ta’ ejkers ta’ art bħala applikant individwali għandu jkollha l-kwalifiki li tipparteċipa, b’mod partikolari billi tissodisfa l-kriterji finanzjarji u tekniċi. Il-kwalifiki tal-applikant jiġu evalwati abbażi tal-kapaċitajiet li jirnexxilu juri. Fil-każ ta’ grupp ta’ persuni, il-persuna li tiġi indikata bħala l-operatur trid tissodisfa l-kriterji tekniċi kif ukoll dawk finanzjarji, filwaqt li l-persuni l-oħra jridu jissodisfaw il-kriterji finanzjarji biss.

8.	Wara l-evalwazzjoni tal-kwalifiki tal-applikanti, kull persuna li tikkwalifika għall-offerta tiġi mistiedna mill-MINISTERU għal negozjar kompetittiv għall-ejkers ta’ art offerti. In-negozjar kompetittiv huwa kontinwazzjoni tal-proċess ta’ sejħa għall-offerti.

9.	In-negozjar isir abbażi tal-Abbozz ta’ Ftehim-Mudell u tal-elementi li jistgħu jsiru offerti għalihom flimkien mal-aspetti l-oħra kollha ta’ interess għall-MINISTERU u l-persuni li jkollhom il-kwalifiki li jipparteċipaw, għajr għal elementi li diġà huma mniżżla speċifikament fil-liġi Griega.

10.	Il-MINISTERU jirriżerva d-dritt, fi kwalunkwe żmien u fid-diskrezzjoni tiegħu biss, li jiddikjara nulla kwalunkwe offerta jew il-proċedura sħiħa, jew li jiskwalifika kwalunkwe applikant li jkun ikkwalifika.

Reġim Fiskali

11.

Il-ħlas ta’ drittijiet (Royalties) huwa marbut mal-proporzjon R/C, fejn R hija d-dħul gross akkumulat u C hija l-ispejjeż akkumulati. Bħala linja gwida, il-MINISTERU qed jipproponi dawn l-arranġamenti, li huma negozjabbli. Huwa maħsub li l-ħlas ta’ drittijiet ikun marbut mal-proporzjon R/C skont skala progressiva li tkun magħmula minn diversi kwoti tal-proporzjon bejn id-dħul (R) u l-ispejjeż (C). Il-ħlas ta’ drittijiet ikun ivarja minn limitu minimu ta’ 2 % tal-kwantità ta’ idrokarburi prodotta, fi flus jew in natura, sa limitu massimu ta’ 20 %. Għall-fini tat-taxxa, il-ħlas ta’ drittijiet huwa deduċibbli.

12.

Skont it-Taqsima 8, §1 tal-Liġi Nru 2289/1995, kif emendata bit-Taqsima 161, §1 tal-Liġi Nru 4001/2011, il-Kuntrattur għandu jkun soġġett għal taxxa speċjali fuq id-dħul, b’rata ta’ għoxrin fil-mija (20 %) u għal taxxa reġjonali, b’rata ta’ ħamsa fil-mija (5 %), u eżentat minn kwalunkwe kontribuzzjoni ordinarja jew straordinarja addizzjonali, dazju jew oneru ieħor ta’ kwalunkwe tip, favur l-Istat jew kwalunkwe parti terza oħra.

Preżentazzjoni ta’ Offerti

13.

Id-dettalji sħaħ u d-dokumenti rilevanti kollha, inkluż il-mapep taż-żoni offruti flimkien ma' lista tal-koordinati, il-pakketti ta’ informazzjoni eżistenti, tagħrif dwar l-għoti u l-użu ta’ liċenzji, it-termini ta’ Abbozz ta’ Ftehim-Mudell, id-dejta neċessarja li trid tintbagħat mal-offerta, l-ammont tat-tariffa li trid titħallas għall-parteċipazzjoni fis-sejħa għall-offerti, it-tariffa għat-taħriġ ta’ persunal tal-amministrazzjoni pubblika li jaħdem f’dan is-settur, kif ukoll kwalunkwe dettall neċessarju ieħor għall-proċedura tas-sejħa għall-offerti u tal-għażla tal-Kuntrattur, se jkunu disponibbli fid-data li s-Sejħa tiġi ppubblikata f’Il-Ġurnal Uffiċjali tal-Unjoni Ewropea, fuq dan il-websajt: http://www.ypeka.gr/Default.aspx?tabid=765&language=en-US

14.

L-offerti għandhom jiġu ppreżentati, bil-Grieg jew bl-Ingliż, f’envelop issiġillat, fi tliet kopji, lil: Ministeru tal-Ambjent, l-Enerġija u t-Tibdil fil-Klima Segretarjat Ġenerali għall-Enerġija u t-Tibdil fil-Klima Direttorat Ġenerali għall-Enerġija Direttorat għall-Politika tal-Petroljum 119 Mesogion Avenue 101 92 Athens GREECE

15.

Fil-kuntest tal-proċedura ta’ sejħa għall-offerti miftuħa, l-offerti jistgħu jiġu ppreżentati sal-aħħar jum tax-xogħol tal-ewwel u t-tieni semestru ta’ kull sena kalendarja. Fil-kuntest tal-proċedura ta’ sejħa għall-offerti attwali, l-offerti jistgħu jiġu ppreżentati fil-perjodu li jintemm fit-3:00 pm tat-2 ta’ Lulju 2012. L-envelops li jaslu fil-MINISTERU wara din id-data ma jistgħux jitqiesu fil-proċedura ta’ sejħa għall-offerti attwali.

16.

Għal kwalunkwe informazzjoni addizzjonali, il-partijiet interessati jistgħu jikkuntattjaw lil: (a) Is-Sur Athanasios ZACHAROPOULOS, Viċi-Kap tad-Direttorat għall-Politika tal-Petroljum, tel.: +30 2106969312, fax: +30 2106969034, email: ZacharopoulosA@eka.ypeka.gr u (b) Is-Sur Charalampos PIPPOS, Kap tad-Direttorat għar-Relazzjonijiet Pubbliċi u l-Affarijiet Barranin, tel.: +30 2106969166, fax: +30 2106969569, email: ChPippos@eka.ypeka.gr

17.	Il-kjarifiki jistgħu jingħataw ukoll mill-MINISTERU bil-miktub, fuq inizjattiva tiegħu stess jew fuq talba ta' applikant, u jiġu kkomunikati lill-applikanti kollha.

AREAS UNDER CONCESSION IN WESTERN GREECE

---

7.3.2012

MT

Il-Ġurnal Uffiċjali tal-Unjoni Ewropea

C 69/6

---

Notifika minn qabel ta' konċentrazzjoni

(Każ COMP/M.6305 – DFDS/C.RO Ports/Älvsborg Ro/Ro)

(Test b’relevanza għaż-ŻEE)

2012/C 69/04

1.

Fis-27 ta’ Frar 2012, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi DFDS A/S (“DFDS”, id-Danimarka) u C.RO Ports SA (“C.RO Ports”, il-Lussemburgu), jakkwistaw fi ħdan it-tifsira tal-Artikolu 3(1) (b) tar-Regolament dwar l-Għaqdiet kontroll konġunt ta' Älvsborg Ro/Ro AB (“Älvsborg”, l-Isvezja) permezz tax-xiri ta' ishma.

2.

L-attivitajiet kummerċjali tal-impriżi kkonċernati huma: — DFDS hija attiva fit-trasport marittimu/bil-laneċ tal-passiġġieri fuq distanzi qosra fl-Ewropa ta’ Fuq, li jinkludi Ro-Ro u trasport tal-kontenituri bil-baħar, servizzi tat-terminals (fin-Norveġja, fid-Danimarka, fir-Renju Unit, fi Franza u fil-Pajjiżi l-Baxxi), servizzi għat-trasport tal-passiġġieri u dispaċċ tal-merkanzija, loġistika tal-kuntratti u servizzi ta’ karrijiet, — C.RO Ports tipprovdi servizzi tat-terminals Ro-Ro (fir-Renju Unit, fil-Belġju u fil-Pajjiżi l-Baxxi). Hija taqa’ taħt l-istess proprjetarju ta’ CLdN Lignes Régulières SA, li topera netwerk ta’ servizzi bil-baħar Ro-Ro, — Älvsborg tipprovdi servizzi tat-terminals Ro-Ro fil-Port ta’ Gothenburg fl-Isvezja.

3.	Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6305 – DFDS/C.RO Ports/Älvsborg Ro/Ro, fl-indirizz li ġej: Il-Kummissjoni Ewropea Direttorat Ġenerali għall-Kompetizzjoni Reġistru tal-Amalgamazzjonijiet J-70 1049 Bruxelles/Brussel BELGIQUE/BELGIË

---

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

---

7.3.2012

MT

Il-Ġurnal Uffiċjali tal-Unjoni Ewropea

C 69/7

---

Notifika minn qabel ta' konċentrazzjoni

(Każ COMP/M.6531 – Toshiba/HDD assets of Western Digital)

Każ li jista' jiġi kkunsidrat għal proċedura simplifikata

(Test b’relevanza għaż-ŻEE)

2012/C 69/05

1.

Fit-28 ta’ Frar 2012, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha Toshiba Corporation (“Toshiba”, il-Ġappun) takkwista, skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll esklussiv ta’ ċerti assi tanġibbli u intanġibbli għall-produzzjoni ta’ 3,5′′ ħardisk drives (flimkien, in-“Negozju Mibjugħ”) permezz tax-xiri tal-ishma minn Western Digital Corporation (“WD”, l-Istati Uniti tal-Amerika).

2.

L-attivitajiet kummerċjali tal-impriżi kkonċernati huma: — għal Toshiba: ir-riċerka, l-iżvilupp, il-produzzjoni, id-distribuzzjoni, u l-bejgħ ta’ firxa wiesgħa ta’ prodotti u servizzi fuq bażi globali f’erba’ oqsma tan-negozju: (i) prodotti diġitali, (ii) mezzi elettroniċi, inkluż ħardisk drives, (iii) infrastruttura soċjali u apparat domestiku, — għan-Negozju Mibjugħ: il-produzzjoni ta’ 3,5′′ ħardisk drives għal desktops, elettronika tal-konsumatur u għal użu aħħari kritiku għan-negozju.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6531 – Toshiba/HDD assets of Western Digital, fl-indirizz li ġej: Il-Kummissjoni Ewropea Direttorat Ġenerali għall-Kompetizzjoni Reġistru tal-Amalgamazzjonijiet J-70 1049 Bruxelles/Brussel BELGIQUE/BELGIË

---

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

(2)  ĠU C 56, 5.3.2005, p. 32 (“Avviż ta’ proċedura simplifikata”).

---

7.3.2012

MT

Il-Ġurnal Uffiċjali tal-Unjoni Ewropea

C 69/8

---

Notifika minn qabel ta' konċentrazzjoni

(Każ COMP/M.6249 – Princes/ARIA)

(Test b’relevanza għaż-ŻEE)

2012/C 69/06

1.

Fid-29 ta’ Frar 2012, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Princes Limited (“Princes”, ir-Renju Unit), ikkontrollata minn Mitsubishi Corporation (“Mitsubishi”, il-Ġappun) takkwista, fi ħdan it-tifsira tal-Artikolu 3(1)(b) tar-Regolament dwar l-Għaqdiet, kontroll ta’ ċerti assi, u l-kummerċ li attwalment huwa kkontrollat minn AR Industrie Alimentari SpA (“ARIA”, l-Italja) permezz ta’ xiri ta’ ishma f’kumpanija ġdida, Princes Industrie Alimentari S.r.L. (“PIA”, l-Italja).

2.

L-attivitajiet kummerċjali tal-impriżi kkonċernati huma: — għal Princes: il-produzzjoni, it-tqegħid fis-suq u d-distribuzzjoni ta' prodotti tal-ikel u tax-xorb, — għal Mitsubishi: kumpanija ta' kummerċ ġenerali attiva f'diversi industriji inklużi tal-enerġija, tal-metalli, tal-makkinarju, tal-kimiċi, tal-ikel u tal-merkanzija ġenerali, — għal PIA: il-produzzjoni, it-tqegħid fis-suq u d-distribuzzjoni ta’ prodotti tal-ikel, li jkunu bbażati prinċipalment fuq it-tadam.

3.	Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6249 – Princes/ARIA, fl-indirizz li ġej: Il-Kummissjoni Ewropea Direttorat Ġenerali għall-Kompetizzjoni Reġistru tal-Amalgamazzjonijiet J-70 1049 Bruxelles/Brussel BELGIQUE/BELGIË

---

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

---

7.3.2012

MT

Il-Ġurnal Uffiċjali tal-Unjoni Ewropea

C 69/9

---

Notifika minn qabel ta' konċentrazzjoni

(Każ COMP/M.6470 – TE/Deutsch)

(Test b’relevanza għaż-ŻEE)

2012/C 69/07

1.

Fis-27 ta’ Frar 2012, il-Kummissjoni rċeviet notifika ta’ konċentrazzjoni proposta skont l-Artikolu 4 u skont referenza għal Artikolu 4(5) tar-Regolament tal-Kunsill (KE) Nru 139/2004 (1) li permezz tagħha l-impriża TE Connectivity Ltd (2) (“TE”, l-Isvizzera) takkwista, fi ħdan it-tifsira tal-Artikolu 3(1)(b) tar-Regolament dwar l-Għaqdiet, il-kontroll sħiħ tal-impriża Deutsch Group SAS (“Deutsch”, Franza) permezz ta' xiri ta' titoli.

2.

L-attivitajiet kummerċjali tal-impriżi kkonċernati huma: — għal TE: id-disinn, il-manifattura u l-bejgħ ta’ prodotti elettroniċi lil klijenti f'firxa wiesgħa ta' industriji inklużi dawk tal-karozzi, tat-trasport mhux bil-karozzi, industrijali u tad-difiża, — għal Deutsch: il-manifattura ta' varjetà ta' soluzzjonijiet ta’ interkonnessjoni għal firxa ta’ industriji inklużi tad-difiża, tal-offshore taż-żejt u tal-gass u tat-trasport mhux bil-karozzi.

3.	Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6470 – TE/Deutsch, fl-indirizz li ġej: Il-Kummissjoni Ewropea Direttorat Ġenerali għall-Kompetizzjoni Reġistru tal-Amalgamazzjonijiet J-70 1049 Bruxelles/Brussel BELGIQUE/BELGIË

---

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

(2)  Qabel kienet magħrufa bħala Tyco Electronics Ltd, il-kumpannija bidlet isimha għal TE Connectivity f'Marzu 2011.

---

7.3.2012

MT

Il-Ġurnal Uffiċjali tal-Unjoni Ewropea

C 69/10

---

Pubblikazzjoni ta' applikazzjoni skont l-Artikolu 6(2) tar-Regolament tal-Kunsill (KE) Nru 510/2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel

2012/C 69/08

Din il-pubblikazzjoni tagħti d-dritt għall-oġġezzjoni skont l-Artikolu 7 tar-Regolament tal-Kunsill (KE) Nru 510/2006 (1). Id-dikjarazzjonijiet ta’ oġġezzjoni għandhom jaslu għand il-Kummissjoni Ewropea fi żmien sitt xhur mid-data ta’ din il-pubblikazzjoni.

DOKUMENT UNIKU

IR-REGOLAMENT TAL-KUNSILL (KE) Nru 510/2006

“ACEITUNA ALOREÑA DE MÁLAGA”

KE Nru: ES-PDO-0005-0785-03.08.2009

IĠP ( ) DPO ( X )

1.   Isem:

“Aceituna Aloreña de Málaga”

2.   Stat Membru jew pajjiż terz:

Spanja

3.   Deskrizzjoni tal-prodott agrikolu jew tal-oġġett tal-ikel:

3.1.   Tip tal-prodott:

Klassi 1.6.

Frott, ħaxix u ċereali, friski jew ipproċessati.

3.2.   Deskrizzjoni tal-prodott bl-isem mogħti fil-punt 1:

Żebbuġa tal-mejda mħawra, miksuba mill-frott bnin taż-żebbuġ (Olea europea, L.) tal-varjetà “Aloreña”, maħsuda meta tkun saret biżżejjed qabel ma tkanġi l-kulur, maqsuma, u bil-ħlewwa miżjuda fis-salmura permezz tal-fermentazzjoni naturali. Iż-żebbuġ jitħawwar bis-sagħtar, bil-bużbież, bit-tewm u bil-bżar, jew b'estratti ta’ dawn il-ħwawar fi proporzjon li jvarja bejn 1 % u 3 %. Dan il-proċess jissejjes fuq drawwiet li ġejjin mill-qedem, li ntirtu minn ġidd għal ġidd tul is-sekli.

L-“Aceituna Aloreña de Málaga” tiġi ppreparata fi tliet forom differenti: verdes frescas (żebbuġ aħdar u frisk), tradicionales (tradizzjonali) u curadas (immaturat). Dawn it-tliet tipi jaqsmu karatteristiċi fiżiċi u kimiċi, imnissla esklussivament mill-metodu ta’ preparazzjoni mħaddem fir-reġjun fejn iż-żebbuġ jitkabbar u jiġi pproċessat:

(a)

Iż-żebbuġ jiġi mmaturat fis-salmura. B'kontenut baxx ta’ olewropejina, dan iż-żebbuġ m'għandux bżonn trattament b'idrossidu tas-sodju biex tiżdiedlu l-ħlewwa, u b'hekk joħlew biss fl-ilma mielaħ, u jitħawru bis-sagħtar, bil-bużbież, bit-tewm u bil-bżar. Iż-żebbuġ ikun frisk u naturali, bi gradi varji ta’ fermentazzjoni.

(b)	Hueso flotante, jiġifieri għadma li tinqala' faċilment minn mal-laħam taż-żebbuġa. Din il-karatteristika hija mfittxa ħafna fiż-żebbuġ tal-ikel.

(c)	F'dak li jirrigwarda l-karatteristiċi ta’ ġewwa, ta’ min jissemma l-preġju li d-dewwieqa jagħtu lil dan iż-żebbuġ għall-proporzjon ta' bejn il-laħam u l-għadma, għall-konsistenza tqarmeċ, u għall-omoġeneità u sodizza tiegħu.

(d)	Billi dan il-prodott ma jiġix ittrattat bl-alkali, iż-żebbuġ jispikka għall-preżenza tal-ġilda u għall-konsistenza mlaħħma tiegħu.

(e)

Fejn jidħlu r-riħa u t-togħma, f'diversi analiżijiet organolettiċi, id-dewwieqa faħħru t-taħwir, l-aroma, il-bilanċ xieraq bejn il-melħ u l-isfumatura ta’ mrar (li huwa tipiku wkoll tal-metodu ta’ tħejjija mingħajr trattament bl-alkali), eċċ. Il-livell ta’ mrar jiddependi mill-grad ta’ fermentazzjoni taż-żebbuġ; b'hekk, iż-żebbuġ aħdar u frisk ġeneralment ikun iktar morr miż-żebbuġ li jkunu għaddew mill-fermentazzjoni sħiħa.

L-ipproċessar tal-“Aceituna Aloreña de Málaga” jwassal għal tliet prodotti li jistgħu jintgħażlu minn xulxin, skont il-metodu ta’ fermentazzjoni mħaddem:

1.   “Aceituna Aloreña de Málaga”verde fresca (żebbuġ aħdar u frisk):

Iż-żebbuġ jinqasam u jitqiegħed minnufih f'reċipjenti f'post frisk, fejn jista' jinżamm mingħajr ma jintlaqtu l-karatteristiċi tiegħu organolettiċi u fiżiko-kimiċi tipiċi ta' din iż-żebbuġa; jista' jinżamm ukoll fi kmamar frigorifiċi b'temperatura massima ta' 15 °C, ukoll biex ma jintlaqtux il-karatteristiċi organolettiċi u fiżiko-kimiċi tipiċi ta' dan il-metodu ta' produzzjoni. Iridu jgħaddu tal-anqas 3 ijiem minn meta ż-żebbuġ jinqasam u jitqiegħed fis-salmura sa meta jiġu ppakkjati.

Karatteristiċi organolettiċi

Iż-żebbuġ tat-tip verde fresca (aħdar u frisk) huwa karatterizzat minn lewn aħdar ċar, b'riħa pjaċevoli ta’ frott aħdar u ta’ ħaxix, li tissuġġerixxi l-freskizza u l-ħsad riċenti tiegħu. B'mod simili, jispikkaw ukoll il-ħwawar karatteristiċi użati fil-preparazzjoni tiegħu. Dan iż-żebbuġ għandu konsistenza soda u tqarmeċ, bl-għadma tinqala' faċilment minn mal-laħam. Il-fdal tal-qoxra jibqa' wara li ż-żebbuġ ikun ġie mixtarr. Fost it-togħmiet bażiċi, ta’ min isemmi l-isfumatura morra karatteristika tiegħu, kif ukoll, xi minn daqqiet, il-preżenza tal-melħ skont kif ikun tħawwar. Bħala sensazzjonijiet fuq il-palat, iż-żebbuġ ikun qares u pikkanti.

2.   “Aceituna Aloreña de Málaga”tradicional (tradizzjonali):

Wara t-twassil, il-klassifikazzjoni u l-qsim, iż-żebbuġ jitqiegħed f'reċipjienti li jinżammu f'postijiet mingħajr kundizzjonament tal-arja, tul mhux inqas minn għoxrin jum, biex imbagħad jiġi ppakkjat għall-konsum. Iż-żebbuġ jista' jibqa' f'dawn il-kundizzjonijiet sakemm ma jintlaqtux il-karatteristiċi organolettiċi u fiżiko-kimiċi tipiċi ta’ din il-forma ta' preparazzjoni.

Karatteristiċi organolettiċi

Iż-żebbuġ imħawwar b'mod tradizzjonali huwa ta’ lewn aħdar li jagħti fl-isfar pallidu, inqas sfiq mill-aħdar taż-żebbuġ tat-tip verdes frescas. Ir-riħa tiegħu tfakkar fil-frott frisk u fil-ħwawar tipiċi użati fil-preparazzjoni tiegħu, mingħajr l-isfumatura ta’ ħaxix frisk li jkollu ż-żebbuġ tat-tip verdes frescas. Għandu konsistenza inqas soda iżda xorta tqarmeċ, bl-għadma tinqala' faċilment minn mal-laħam, u bil-preżenza tal-qoxra. Dan iż-żebbuġ huwa kemxejn morr, u inqas qares u pikkanti minn tat-tip verdes frescas.

3.   “Aceituna Aloreña de Málaga”curada (immaturat):

Wara t-twassil u t-tlaħliħ, iż-żebbuġ ta’ dan it-tip jitqiegħed, mingħajr ma jinqasam, f'kontenituri ta’ fermentazzjoni fejn jgħaddi minn proċess ta’ maturazzjoni ta’ mhux inqas minn 90 jum, biex imbagħad jiġi ppakkjat għall-konsum. Iż-żebbuġ jista' jibqa' f'dawn il-kundizzjonijiet sakemm ma jintlaqtux il-karatteristiċi organolettiċi u fiżiko-kimiċi tipiċi ta’ din il-forma ta' preparazzjoni.

Karatteristiċi organolettiċi

Iż-żebbuġ immaturat huwa kkaratterizzat minn lewn isfar li jagħti fl-ismar, b'riħa ta’ frott misjur u ta’ ħaxix frisk. Barra minn hekk, tispikka l-preżenza tal-ħwawar u ta’ sfumaturi tal-ħalib, karatteristiċi li ġejjin mill-elaborazzjoni u fermentazzjoni tiegħu. Dan iż-żebbuġ għandu konsistenza inqas soda u tqarmeċ, bl-għadma tinqala' faċilment minn mal-laħam. Il-fdal tal-qoxra jibqa' wara li ż-żebbuġ ikun ġie mixtarr. Għandu togħma aċiduża u mhux morra, u jħalli togħma pikkanti fit-tul.

Iż-żebbuġ protett bid-Denominazzjoni tal-Oriġini “Aceituna Aloreña de Málaga” għandu jkun bilfors żebbuġ ta’ kwalità suprema jew superior:

Żebbuġ ta’ kwalità suprema: Jinkludi ż-żebbuġ tal-kategorija extra, skont ir-regolamenti tekniċi tas-saħħa għall-kummerċjalizzazzjoni taż-żebbuġ tal-ikel, b'daqs ta' 140-200.

Żebbuġ ta’ kwalità superior: Jinkludi ż-żebbuġ tal-kategorija I, skont ir-regolamenti tekniċi tas-saħħa għall-kummerċjalizzazzjoni taż-żebbuġ tal-ikel, b'daqs ta' 140-260.

Il-metodu ta’ valutazzjoni tal-karatteristiċi organolettiċi jissejjes fuq l-istandard COI/OT/NC Nru 1. L-istandard kummerċjali applikabbli għaż-żebbuġ tal-mejda huwa COI/OT/MO Nru 1, 2008. Il-metodu għall-analiżi sensorjali taż-żebbuġ tal-ikel, li jissejjes fuq ir-riċerka mwettqa mid-Dipartiment tax-Xjenza u t-Teknoloġija Alimentari tal-Università ta' Córdoba, huma miġbur fil-manwal tal-kwalità u tal-proċeduri tal-organu ta’ spezzjoni.

3.3.   Materja prima (għall-prodotti pproċessati biss):

Mhux applikabbli.

3.4.   Għalf (għall-prodotti li ġejjin mill-annimali biss):

Mhux applikabbli.

3.5.   Stadji speċifiċi fil-produzzjoni li għandhom isiru fiż-żona ġeografika ddefinita:

L-istadji kollha tal-produzzjoni tal-“Aceituna Aloreña de Málaga” għandhom isiru fiż-żona ġeografika ddefinita: il-produzzjoni tal-materja prima, l-elaborazzjoni tal-prodott, u l-ippakkjar aħħari.

L-ippakkjar isir hekk kif jaslu l-ordnijiet, u ż-żebbuġ għandu jitħalla tal-anqas tliet ijiem fir-reċipjenti qabel ma jiġi ppakkjat. Meta ż-żebbuġ jasal biex jiġi ppakkjat, jiżdiedu miegħu l-ħwawar tipiċi lokali. Minħabba li dan il-prodott jitħassar biż-żmien, u minħabba l-karatteristiċi speċifiċi u l-metodu ta' produzzjoni tiegħu, l-ippakkjar għandu jsir dejjem fiż-żona ġeografika tal-produzzjoni u tal-elaborazzjoni tad-DPO “Aceituna Aloreña de Málaga”; b'hekk jinżammu l-karatteristiċi organolettiċi tipiċi ta' dan iż-żebbuġ sa wara li jkun tqiegħed fis-suq.

3.6.   Regoli speċifiċi dwar il-qtugħ, il-ħakk, l-ippakkjar, eċċ.:

L-ippakkjar isir skont il-kategorija, hekk kif inhu stipulat fir-regolamenti tekniċi tas-saħħa. F'dan is-sens, iż-żebbuġ protett bid-Denominazzjoni tal-Oriġini “Aceituna Aloreña de Málaga” għandu jkun bilfors żebbuġ ta’ kwalità suprema jew superior.

Biex jittawwal il-perjodu tal-kummerċjalizzazzjoni tiegħu, iż-żebbuġ jista' jgħaddi minn ċertu trattament, bħal ngħidu aħna l-pasturizzazzjoni jew l-ippakkjar bil-vakwu f'atmosfera kkontrollata, bil-kundizzjoni li l-prodott aħħari jżomm il-karatteristiċi organolettiċi u fiżiċi oriġinali tiegħu.

3.7.   Regoli speċifiċi dwar it-tikkettar:

Fit-tikketta għandha tidher b'mod obbligatorju t-tismija tad-DPO “Aceituna Aloreña de Málaga”. L-ippakkjar għandu jkollu siġill innumerat ta' garanzija maħruġ mill-organu ta’ spezzjoni.

Fuq it-tikketta għandu jiġi speċifikat it-tip taż-żebbuġ: verdes frescas (aħdar u frisk), tradicionales (tradizzjonali) jew curadas (immaturat).

4.   Deskrizzjoni fil-qosor taż-żona ġeografika:

Iż-żona ta' produzzjoni tinstab fix-Xlokk tal-provinċja ta' Málaga, u tinkludi total ta' 19-il muniċipalità: Alhaurín de la Torre, Alhaurín el Grande, Almogía, Álora, Alozaina, Ardales, El Burgo, Carratraca, Cártama, Casarabonela, Coín, Guaro, Málaga, Monda, Pizarra, Ronda, Tolox, El Valle de Abdalajís u Yunquera.

5.   Rabta maż-żona ġeografika ddefinita:

5.1.   L-ispeċifiċità taż-żona ġeografika:

Ir-reġjun naturali ta’ Guadalhorce (Sierra de las Nieves u Valle del Guadalhorce) jinsab fiż-żona tal-ktajjen tal-muntanji magħrufin bħala l-Cordilleras Béticas. Ix-xmara u l-wied tal-Guadalhorce huma delimitati minn sensiela ta' muntanji u għoljiet. Din is-sistema ta' muntanji tħaddan biċ-ċar iż-żona ta’ produzzjoni, bl-unika fetħa tkun l-estwarju tax-xmara Guadalhorce.

Il-klima ta’ dan ir-reġjun hija taħlita ta’ dik kontinentali u dik tipika tal-baċin Mediterran, jiġifieri mikroklima partikulari ħafna li tagħti lok għal diversità wiesgħa ta’ wċuħ tar-raba', li jvarjaw minn dawk tipiċi taż-żoni tropikali (bħall-avokado) saċ-ċereali tipiċi tal-agrikultura f'art watja. F'dan l-ambjent, is-siġar taż-żebbuġ jinstabu l-iktar f'żoni niexfa tul il-wileġ li jdawru l-wied. Dan, flimkien mal-klima moderata, jinfluwenza sew il-karatteristiċi aħħarija tal-prodott, iż-żmien tal-ħsad, id-daqs tas-siġar, eċċ.

Mill-banda l-oħra, l-orografija tal-art hija mħarbta ħafna, bl-imsaġar taż-żebbuġ jikbru tul il-wileġ li jdawru l-wied ta' Guadalhorce, li min-naħa tiegħu jinsab perfettament iddelimitat mill-katina ta' muntanji. Dan ifisser li s-siġar taż-żebbuġ jikbru f'ħamrija marġinali u fqira, u b'hekk ma jkollhomx il-produttività għolja tas-siġar tal-art watja. Il-produttività ta' dan it-tip ta' żebbuġ hija baxxa, iżda ta' kwalità liema bħalha.

Fost it-tekniċi agrikoli għat-tkabbir tas-siġar taż-żebbuġ fil-wied ta' Guadalhorce, l-iktar teknika li tolqot il-karatteristiċi aħħarija tal-prodott hija ż-żabra, ikkaratterizzata f'dan ir-reġjun għas-severità tagħha u għall-istruttura finali tas-siġra. Din iż-żabra ssir l-iktar fuq l-iżgħar friegħi, mingħajr ma jitneħħew il-friegħi ewlenin tas-siġra li jagħtu lis-siġra sura ta’ tazza tal-inbid u li fuqhom titħalla veġetazzjoni ħafifa, wara li jkunu tneħħew fil-biċċa l-kbira minnhom il-friegħi sekondarji. Dan jagħti lis-siġra struttura sferika, partikulari għaliha.

Il-proċess tal-preparazzjoni taż-żebbuġ jinkludi diversi trattamenti li jneħħulu l-imrar u jżidulu l-ħwawar. Dan il-proċess jissejjes fuq drawwiet tal-qedem, mgħoddija minn ġidd għal ġidd tul is-sekli. Il-metodu ta’ llum huwa prattikament l-istess bħal fil-qedem, u għaldaqstant, huwa distint u partikularissmu għaż-żona oriġinarja ta’ dan il-prodott.

5.2.   L-ispeċifiċità tal-prodott:

1.

Il-kontenut ta’ olewropejina, polifenol li jagħti liż-żebbuġ it-togħma morra tagħhom. Iż-żebbuġ tad-DPO “Aceituna Aloreña de Málaga” jkollu madwar 103 mg olewropejina kull kilo, u b'hekk tista' tiżdiedlu l-ħlewwa biss permezz ta’ trattament bis-salmura. Wara 48 siegħa fl-ilma mielaħ, iż-żebbuġ ikun ħola.

2.

Iż-żebbuġa jkollha għadma flotante, jiġifieri li tinqala' faċilment minn mal-laħam. Fit-tradizzjoni lokali, biex wieħed jiddetermina l-iktar mument xieraq għall-ħsad, għandu jaqsam iż-żebbuġa mill-ewkatur, u jekk il-laħam jinqala' faċilment minn fuq l-għadma, ikun ifisser li wasal iż-żmien għall-ħsad. Din hija karatteristika mfittxija ħafna fiż-żebbuġ tal-mejda, u li ftit varjetajiet taż-żebbuġ igawdu minnha.

3.	Il-proporzjon ta’ bejn il-laħam u l-għadma, b'minumu ta’ 3:1, huwa fost l-ogħla proporzjonijiet għaż-żebbuġ tal-mejda.

4.

L-“Aceituna Aloreña de Málaga” ikollha daqs ta’ bejn 140 u 260, firxa li tikklassifikaha fil-kategorija extra, skont il-punt 3.2.1 tal-“Klassifika kwantitattiva” tal-istandard COI/OT/NC Nru 1. Tradizzjonalment, dan il-parametru huwa apprezzat ħafna mill-produtturi u mill-konsumaturi, u b'hekk jinħolqu u jitwettqu prattiċi agrikoli speċifiċi biex jiksbuh.

5.

Deskrizzjoni organolettika tat-tipi differenti tal-“Aceituna Aloreña de Málaga”: 5.1. Verde fresca (aħdar u frisk): Iż-żebbuġ tat-tip verde fresca (aħdar u frisk) huwa karatterizzat minn lewn aħdar ċar, b'riħa pjaċevoli ta’ frott aħdar u ta’ ħaxix, li tissuġġerixxi l-freskizza u l-ħsad riċenti tiegħu. B'mod simili, jispikkaw ukoll il-ħwawar karatteristiċi użati fil-preparazzjoni tiegħu. Dan iż-żebbuġ għandu konsistenza soda u tqarmeċ, bl-għadma tinqala' faċilment minn mal-laħam. Il-fdal tal-qoxra jibqa' wara li ż-żebbuġ ikun ġie mixtarr. Fost it-togħmiet bażiċi, ta’ min isemmi l-isfumatura morra karatteristika tiegħu, kif ukoll, xi minn daqqiet, il-preżenza tal-melħ skont kif ikun tħawwar. Bħala sensazzjonijiet fuq il-palat, iż-żebbuġ ikun qares u pikkanti. 5.2. Tradicional (tradizzjonali): Iż-żebbuġ imħawwar b'mod tradizzjonali juri lewn aħdar li jagħti fl-isfar pallidu, inqas sfiq mill-aħdar intens taż-żebbuġ tat-tip verde fresca. Ir-riħa tiegħu tfakkar fil-frott frisk u fil-ħwawar tipiċi użati fil-preparazzjoni tiegħu, mingħajr l-isfumatura ta’ ħaxix frisk li jkollu ż-żebbuġ aħdar frisk. Għandu konsistenza inqas soda iżda xorta tqarmeċ, bl-għadma tinqala' faċilment minn mal-laħam, u bil-preżenza tal-qoxra. Dan iż-żebbuġ huwa kemxejn morr, u inqas qares u pikkanti miż-żebbuġ aħdar frisk. 5.3. Curada (immaturat): Iż-żebbuġ immaturat huwa kkaratterizzat minn lewn isfar li jagħti fl-ismar, b'riħa ta’ frott misjur u ta’ ħaxix frisk. Barra minn hekk, tispikka l-preżenza tal-ħwawar u ta’ sfumaturi tal-ħalib, karatteristiċi li ġejjin mill-elaborazzjoni u fermentazzjoni tiegħu. Dan iż-żebbuġ għandu konsistenza inqas soda u tqarmeċ, bl-għadma tinqala' faċilment minn mal-laħam. Il-fdal tal-qoxra jibqa' wara li ż-żebbuġ ikun ġie mixtarr. Għandu togħma aċiduża u xejn morr, u jħalli togħma pikkanti fit-tul.

5.3.   Rabta kawżali bejn iż-żona ġeografika u l-kwalità jew il-karatteristiċi speċifiċi tal-prodott:

Kif ġie spjegat aktar 'il fuq, is-siġra taż-żebbuġ hija sensittiva ħafna għall-kundizzjonijiet ambjentali li fihom titkabbar u tiġi manipulata. Is-siġra taż-żebbuġ hija versatili ħafna, fis-sens li tadatta ruħha faċilment għall-kundizzjonijiet tal-ambjent. Ta’ min jisħaq fuq il-fatt li ż-żona ta' produzzjoni tal-imsaġar taż-żebbuġ Aloreño tinsab perfettament iddelimitata minn katina ta' muntanji li tikkundizzjona l-karatteristiċi speċjali tal-klima, tal-ħamrija u tal-riliev tagħha. Dan, flimkien mal-esperjenza u s-sengħa tal-popolazzjoni lokali, wassal għal prodott li jiddistingwi ruħu biċ-ċar mill-bqija taż-żebbuġ tal-mejda li nsibu fis-suq.

Il-kontenut ta’ olewropejina tal-“Aceituna Aloreña de Málaga” huwa wieħed mill-elementi li ddeterminaw l-iktar il-proċess ta’ produzzjoni u elaborazzjoni ta’ dan it-tip ta’ żebbuġ. Bis-saħħa tal-kontenut baxx ta' dan il-polifenol, iż-żebbuġ jista' joħla fi ftit jiem permezz ta’ trattament sempliċi bis-salmura. Dan iwassal ukoll biex iż-żebbuġa tinqasam, b'mod li s-salmura tidħol aktar faċilment ġewwa l-frott u tneħħi l-olewropejina li tagħti togħma morra li żebbuġ.

It-tqegħid tal-“Aceituna Aloreña de Málaga” fis-salmura jiddetermina l-konsistenza mlaħħma u tqarmeċ tal-prodott. Il-konsistenza mlaħħma tal-frott frisk tiġi kkonservata sforz il-fatt li ma jiġix mgħolli fl-idrossidu tas-sodju. Din il-konsistenza mlaħħma hija influwenzata wkoll mit-tipi tal-ħamrija fejn jikbru l-imsaġar taż-żebbuġ, is-soltu f'art marġinali ta’ żoni muntanjużi.

Il-faċilità li biha tinqala' l-għadma minn mal-laħam taż-żebbuġa, magħrufa fiż-żona bħala hueso flotante, influwenzat sew il-forma ta’ preparazzjoni tal-“Aceituna Aloreña de Málaga”. Din il-karatteristika tippermetti li ż-żebbuġ jiġi ppreparat maqsum, b'mod li l-għadma tibqa' ħielsa fil-laħam. Fit-tradizzjoni taż-żona, biex wieħed jiddetermina l-iktar mument xieraq għall-ħsad, iż-żebbuġa għandha tinqasam min-nofs, u jekk il-laħam jinfired faċilment fi tnejn, ikun ifisser li wasal iż-żmien għall-ħsad.

It-togħma u l-aroma proprji tal-“Aceituna Aloreña de Málaga” huma marbutin mill-qrib mal-forma ta’ preparazzjoni tagħha, jiġifieri l-fattur tabilħaqq uman. Il-prodott jiġi ppreparat skont drawwiet qodma, li ntirtu tul is-sekli minn ġidd għal ġidd, bl-użu tal-ħwawar tipiċi taż-żona ġeografika: taħlita ta’ xtieli aromatiċi li tinkludi s-sagħtar, il-bużbież, il-bżar u t-tewm. Storikament, dawn il-ħwawar kienu jitkabbru jew jinħasdu fl-istess żona, iżda jistgħu jinġiebu wkoll minn postijiet oħra.

Id-daqs tal-“Aceituna Aloreña de Málaga” hija karatteristika oħra mill-aktar apprezzata u mfittxija ta’ dan il-prodott. Biex jinkiseb dan id-daqs, il-bdiewa jsegwu tekniki taż-żabra tipiċi taż-żona, li jispikkaw għas-severità tagħhom, u għas-sura sferika, b'veġetazzjoni ħafifa, li jagħtu lis-siġar. Dan it-tip ta’ tekniki kulturali jinfluwenza wkoll il-proporzjon ta’ bejn il-laħam u l-għadma, li d-dewwieqa kklassifikaw bħala eċċellenti.

Referenza għall-pubblikazzjoni tal-ispeċifikazzjoni tal-prodott:

(l-Artikolu 5(7) tar-Regolament (KE) Nru 510/2006)

It-test sħiħ tal-ispeċifikazzjoni tal-prodott huwa disponibbli fl-indirizz:

http://www.juntadeandalucia.es/agriculturaypesca/portal/export/sites/default/comun/galerias/galeriaDescargas/cap/industrias-agroalimentarias/denominacion-de-origen/Pliegos/Pliego_aceituna.pdf

jew inkella, huwa disponibbli wkoll fuq il-paġna ewlenija tas-sit elettroniku tal-Consejería de Agricultura y Pesca

(http://www.juntadeandalucia.es/agriculturaypesca/portal), billi wieħed isegwi l-mogħdija li ġejja: “Industrias Agroalimentarias”/“Calidad y Promoción”/“Denominaciones de Calidad”/“Otros Productos” – l-ispeċifikazzjoni tinsab taħt l-isem tad-denominazzjoni tal-kwalità.

---

(1)  ĠU L 93, 31.3.2006, p. 12.

---

7.3.2012

MT

Il-Ġurnal Uffiċjali tal-Unjoni Ewropea

C 69/15

---

Pubblikazzjoni ta' applikazzjoni skont l-Artikolu 6(2) tar-Regolament tal-Kunsill (KE) Nru 510/2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel

2012/C 69/09

Din il-pubblikazzjoni tagħti d-dritt li wieħed joġġezzjona għat-talba skont l-Artikolu 7 tar-Regolament tal- Kunsill (KE) Nru 510/2006 (1). L-istqarrijiet ta’ oġġezzjoni għandhom jaslu għand il-Kummissjoni Ewropea fi żmien sitt xhur mid-data ta’ din il-pubblikazzjoni.

DOKUMENT UNIKU

IR-REGOLAMENT TAL-KUNSILL (KE) Nru 510/2006

“NEWMARKET SAUSAGE”

KE Nru: UK-PGI-0005-0882-21.06.2011

IĠP ( X ) DPO ( )

1.   Isem:

“Newmarket Sausage”

2.   Stat Membru jew pajjiż terz:

Ir-Renju Unit

3.   Deskrizzjoni tal-prodott agrikolu jew tal-oġġett tal-ikel:

3.1.   Tip ta’ prodott:

Il-kategorija 1.2

Prodotti abbażi ta’ laħam (imsajrin, immellħin, affumikati, eċċ)

3.2.   Deskrizzjoni tal-prodott li għalih japplika l-isem fil-punt 1:

In-Newmarket Sausage huwa zalzett imħawwar tal-laħam tal-majjal magħmul mill-użu ta' qatgħat ewlenin u friski tal-laħam mill-karkassa sħiħa, l-ispalla jew iż-żaqq u mħawwar b’għażla ta’ ħxejjex aromatiċi u ħwawar.

Iz-zalzett mhux imsajjar għandu l-kulur naturali tal-laħam tal-majjal, roża-kafellatte skur bi ftit tikek viżibbli ta' ħwawar, b’għamla niexfa u raffa b'xi bċejjeċ viżibbli ta' dgħif u xaħam, li jagħtu z-zalzett ċerta konsistenza mal-gidma. It-togħma hija prinċipalment tal-laħam tal-majjal u mħawra moderatament bit-taħlita ta' ħxejjex aromatiċi u ħwawar użati fil-produzzjoni tiegħu, għalkemm it-togħma u l-kulur jistgħu jvarjaw skont it-taħlita partikolari ta’ ħwawar li juża l-biċċier.

It-taħwir tradizzjonali għan-Newmarket Sausages jinkludi taħlit ta' dan li ġej u għandu jifforma sa massimu ta' 3 % tal-prodott lest:

—	bżar iswed

—	bżar abjad

—

melħ

—

sagħtar

—

tursin

—	noċemuskata

Barra minn hekk, jistgħu anke jiġu miżjuda t-togħmiet naturali tal-lumi niexef bħala antiossidant, sulfiti bħala preservattivi u fosfat tas-sodju bħala aġent li jgħaqqad. Iz-zalzett għandu jkollu kontenut minimu ta’ laħam ta’ 70 % li jinkludi kontenut ta’ xaħam ta’ anqas minn 20 %. Il-bqija tal-ingredjenti huma ħobż, qarmeċ u ilma skont ir-riċetta tal-manifattur.

In-Newarket Sausages is-soltu jiġu ppreżentati f’tul ta’ madwar 10 sa 15-il ċm, dijametru ta’ 2,5 sa 3,5 ċm, u huma kemxejn mgħawġin fid-dehra. Jiġu prodotti anke bħala: zalzett stil chipolata li hu twil bejn 8 u 12-il ċm, zalzett cocktail (6 ċm) u “jumbo” (bejn 20 u 24 ċm).

Jinbigħu ppakkjati minn qabel jew wieħed wieħed mill-ħanut permezz ta’ bejjiegħa bl-imnut u delicatessens.

3.3.   Materja prima (għal prodotti proċessati biss):

In-Newmarket Sausages huwa zlazet imħawra tal-laħam tal-majjal magħmula mill-użu ta' qatgħat ewlenin u friski tal-laħam mill-karkassa sħiħa, l-ispalla jew iż-żaqq u mħawra b’għażla ta’ ħxejjex aromatiċi u ħwawar. Il-laħam użat fit-tħejjija tan-Newmarket Sausages għandu jkun laħam tal-majjal li ma jkunux inqata' b’mod raffinat, u b’hekk ikollu għamla raffa. Il-laħam jista' jkun ġej minn barra ż-żona ġeografika, iżda ma għandu jkollu ebda ġilda, qarquċa, qoxra, ġewwiena jew kwalunkwe forma ta' laħam irkuprat b’mod mekkaniku.

3.4.   Għalf (għall-prodotti li ġejjin mill-annimali biss):

—

3.5.   Stadji speċifiċi fil-produzzjoni li għandhom isiru fiż-żona ġeografika definita:

Il-produzzjoni, l-ipproċessar u t-tħejjija tan-Newmarket Sausage għandhom iseħħu fiż-żona ġeografika definita. Dan jinkludi l-preparazzjoni tal-materja prima kif ġej:

—	Ikkapuljar tal-laħam

—	Żieda ta’ ħwawar u ingredjenti oħra

—	Taħlit u għaġin tal-ingredjenti

—	Mili fl-imsaren naturali tal-majjal

—

iffurmar

3.6.   Regoli speċifiċi għat-tqattigħ, għall-ħakk, għall-ippakkjar, eċċ.:

Xejn

3.7.   Regoli speċifiċi għat-tikkettar:

Xejn

4.   Definizzjoni fil-qosor taż-żona ġeografika:

Iż-żona ta’ produzzjoni tan-Newmarket Sausage tinkludi l-belt ta’ Newmarket u r-reġjun tal-madwar, speċifikament is-sistema tat-toroq li ġejja: mill-ħruġ 37 fuq l-A14, direzzjoni Tramuntana fuq l-A142, fuq ix-xellug ta' River Lane, li tgħaddi minn Fordham għal Collins Hill sal-ħruġ B1102. Max-xellug mal-ħruġ għall-B1102 sakemm tiltaqa' mal-A142. Imbagħad itla’ lejn it-Tramuntana tul l-A142 għall-ħruġ tagħha mal-A1123. Ibqa’ għaddej mill-villaġġ ta’ Wicken fid-direzzjoni tal-Majjistral, dur lejn in-Nofsinhar minn Upware Road għall-villaġġ ta’ Upware. Kompli għaddej mit-toroq minuri, li huma Great Drove, Headlake Drove, Little Fen Drove, Marston Drove, Fair Green għall-villaġġ ta’ Reach. Kompli sejjer għal Swaffham Prior, ikser lejn il-Lbiċ fuq il-B1102 għal Swaffham Bulbeck, u mbagħad ikser fid-direzzjoni tal-Grigal lejn Swaffham Heath Road, aqsam għall-A14 sa fejn tiltaqa' mal-A1304 għal Dullingham. Aqsam il-B1061 f’Dullingham, kompli sejjer fuq Stetchworth Road u minn Ditton Green, għal Woodditton. Minn hemmhekk ikser fuq il-lemin (Xlokk) għal Kirtling Road, u għal Woodditton Road għal Kirtling Green. Ikser fuq ix-xellug (Tramuntana) għal The Street u lejn Kirtling. Itla’ lejn il-Grigal minn Kirtling u aqbad l-ewwel waħda fuq il-lemin (Xlokk) f'Upend lejn il-B1063, u dur lejn it-Tramuntana fuq il-B1063. Segwi l-B1063 lejn fejn tikser lejn it-Tramuntana għall-B1085 sa Dalham, segwi l-B1085 u dur fid-direzzjoni tal-Majjistral sa Kentford biex terġa' tidħol fl-A14 u segwi l-A14 lejn il-Punent għall-ħruġ 37.

5.   Rabta maż-żona Ġeografika:

5.1.   Speċifiċità taż-żona ġeografika:

Il-belt ta’ Newmarket ilha magħrufa għat-tiġrijiet taż-żwiemel mis-seklu 17. Iz-zalzett żviluppa mit-tradizzjoni tat-trobbija tal-majjali assoċjata mal-istalel taż-żwiemel tat-tiġrijiet, fejn l-majjali kienu jinżammu biex jirgħu fuq il-fdalijiet tal-ikel mill-istalel u jżommuhom ħielsa mill-iskart. Sa mill-bidu tas-seklu 20, numru ta' biċċiera fi Newmarket bdew jipproduċu z-zalzett kif ippruvat fiċ-ċensimenti tal-1881 u tal-1891.

Newmarket ilu assoċjat mat-tlielaq taż-żwiemel minn mindu r-Re Ġakbu I organizza hemmhek l-ewwel tellieqa fl-1622. Ir-Re kien żar Newmarket fis-27 ta' Frar 1604 meta kien mar għall-kaċċa tal-fniek fil-moxa madwar il-belt, u minn dak iż-żmien sar viżitatur frekwenti tal-belt. L-aktar tellieqa taż-żwiemel antika fid-dinja, The Town Plate, 1ġiet stabbilita fl-1665 minn Karlu II fi Newmarket, u tradizzjonalment in-Newmarket Sausages ilhom mill-1952 jingħataw bħala parti mill-premijiet f'din it-tellieqa.

Il-majjali ma jinżammux aktar fl-istalel, iżda ż-żona ta' East Anglia fir-Renju Unit, fejn jinsab Newmarket, hija magħrufa sew għat-trobbija tal-majjali. Dan minħabba l-farms predominanti tal-uċuħ/ċereali, ikkonċentrati fiż-żona fejn il-majjali jintemgħu l-prodotti sekondarji taċ-ċereali. Il-ħobż oriġinarjament użat fiz-zalzett kien il-ħobż mhux mibjugħ li jkun fadal għand il-furnara lokali, li sabu mezz tajjeb biex jeħilsu mill-ħobż li jkun ilu hemm ġurnata u ma kienx ikun jista' jinbiegħ bħala 'frisk'. Din id-drawwa għadha tiġi prattikata sal-lum.

5.2.   Speċifiċità tal-prodott:

In-Newmarket Sausages għandhom kontenut għoli ta’ laħam u għamla raffa u mħawra. Il-produtturi lokali jkomplu jagħmlu z-zalzett bl-użu tar-riċetti tradizzjonali li ntirtu minn ġenerazzjoni għall-oħra.

In-Newmarket Sausage huwa magħruf għall-għamla raffa u ferm imħawra tiegħu li tinkludi l-bżar abjad u iswed, il-melħ, is-sagħtar, it-tursin, in-noċimuskata u ż-żieda ta' togħmiet naturali ta' lumi niexef bħala antiossidant. In-Newmarket Sausages intrabtu sfiq mat-tiġrijiet taż-żwemel għaliex kienu jinbigħu bħala ikla sħuna ħafifa għal matul it-tiġrijiet u fit-taverni varji matul l-istaġun tat-tiġrijiet. Dawk li kienu jmorru jaraw it-tiġrijiet kienu jixtruhom ukoll biex jeħduhom magħhom id-dar wara l-avveniment. Il-popolarità tagħhom xterdet lilhinn mill-korsa u jibqgħu popolari mal-familja Rjali.

5.3.   Rabta kawżali bejn iż-żona ġeografika u l-kwalità jew il-karatteristiċi tal-prodott (għal DPO) jew il-kwalità speċifika, ir-reputazzjoni jew karatteristiċi oħra speċifiċi tal-prodott (għal IĠP):

Ir-reputazzjoni tal-prodott

In-Newmarket Sausages minnufih saru ikla ħafifa popolari mad-dilettanti tat-tiġrijiet taż-żwiemel, li jinkludu membri mill-Familja Rjali. Is-Sausages ilhom popolari mad-Dar Irjali sa mill-bidu tas-Seklu 19. Ir-riċetta għaz-zalzett ta’ Newmarket ilha l-istess sa minn żmien ir-Reġina Vittorja, u tibqa' issir fuq l-istess standards eżiġenti kif dejjem kien. isirubl-idejn u bl-akbar reqqa f’lottiijet żgħar, u jkunu ħielsa minn kuluri u togħmiet artifiċjali.

Il-popolarità taz-zalzett kibret lilhinn miċ-ċrieki tat-tiġrijiet taż-żwiemel, u silta mill-kronaka tan-Newmarket Local History Society fiha dokumentazzjoni ta' noti ta’ skrivan ferrovjarju li kien iqatta’ sagħtejn tlieta kull ġimgħa tat-tlielaq, waqt l-istaġun intens tagħhom, iħejji l-pakketti taz-zalzett fuq il-ferroviji sejrin lejn l-inħawi tat-tlielaq, meta l-komunikazzjonijiet ferrovjarji saru aktar frekwenti.

Il-produzzjoni taz-zalzett kienet inevitabbli fi Newmarket minħabba l-pożizzjoni tiegħu f’Suffolk. Il-kontea kienet ilha produttur ewlieni ta’ laħam tal-majjal tajjeb, u l-laħam tal-majjal l-iswed ta’ Suffolk kien preġjat bħala ħelu u delikat. Fiż-żona ta’ Newmarket dawk li jieħdu ħsieb l-istalel u l-kampanjoli lokali kienu jżommu l-majjali li kienu jitħallew jimirħu fil-libertà u jieklu l-fdalijiet u l-foraġġ. Il-belt kellha mat-tnax-il biċċier jew aktar fi tmiem is-seklu 19 u l-bidu tas-seklu 20; ħafna minnhom kienu jrabbu, isemmnu u jbiċċru l-majjali tagħhom sabiex jipprovdu z-zalzett tagħhom.

Għalkemm jingħad li kienu joperaw mat-tnax-il biċċier fi Newmarket fil-bidu tas-seklu 20, li kull wieħed minnhom kien jipproduċi z-zalzett tiegħu, in-numru ta’ ħwienet naqas bil-mod il-mod u baqgħu biss tliet produtturi tan-Newmarket Sausage. Għalkemm l-aktar referenza bikrija għal Newmarket u z-zalzett insibuha fl-1618, tip distint ta’ zalzett li jissejjaħ “Newmarket Sausage” jidher biss fil-letteratura ta’ nofs l-1800, ir-referenza tal-1849 hawn fuq tkun l-aktar waħda bikrija li nstabet s'issa.

Aktar riċentement, kien hemm bosta referenzi għan-Newmarket Sausage f’kotba tat-tisjir u kotba gwida. Huma deskritti f' “Traditional Foods of Britain”, (Laura Mason ma’ Catherine Brown, Prospect Books 1999), parti minn inventarju tal-prodotti tal-ikel mir-reġjuni kollha tal-Unjoni Ewropea, u Clarissa Dickson-Wright, fl-aktar ktieb riċenti tagħha, tfakkar l-aktar esperjenza bikrija tagħha maz-zalzett ta’ Newmarket. Il-Google għandu 4 190 referenza għan-“Newmarket sausage”. In-Newmarket Local History Society, fl-istorja tagħha ta' Newmarket tagħti artiklu sħiħ tal-produzzjoni lokali taz-zalzett, u tissostanzja kull ma hu affermat. Wieħed mill-produtturi tan-Newmarket Sausages ilu jforni z-zalzett tiegħu skont Mandat Irjali mill-1907 u bħalissa għandu Mandat bħala fornitur tal-Maestà Tagħha r-Reġina. Iz-zalzett ta’ produttur ieħor jingħata bħala premju tradizzjonali lill-ġerrejja rebbieħa fl-aktar tiġrija antika taż-żwiemel tal-pajjiż, in-Newmarket Town Plate. Issir ukoll referenza għan-Newmarket Sausages mill-British Tourist Authority fil-pubblikazzjoni tagħhom “Taste England” u fuq is-sit http://www.EnjoyEngland.com

Referenza għall-pubblikazzjoni tal-ispeċifikazzjoni:

http://archive.defra.gov.uk/foodfarm/food/industry/regional/foodname/products/documents/newmarket-sausage-pgi-110822.pdf

---

(1)  ĠU L 93, 31.3.2006, p. 12.

---