7.6.2011   

MT

Il-Ġurnal Uffiċjali tal-Unjoni Ewropea

C 167/1

I.

A.

B.

C.

D.

E.

F.

G.

H.

H.1.

H.2.

II.

I.

J.

K.

L.

M.

N.

O.

P.

Q.

R.

S.

T.

III.

A.

A.1.

A.2.

B.

B.1.

B.2.

B.3.

B.4.

C.

D.

E.

F.

ANNESS I —

ANNESS II —

ANNESS III —

1.

Dan ir-rapport janalizza l-ġestjoni baġitarja u finanzjarja tal-Parlament Ewropew matul is-sena finanzjarja 2010. Ifisser l-użu li sar mir-riżorsi finanzjarji u l-avvenimenti li kellhom influwenza sinifikanti fuq l-attivitajiet matul is-sena (f’Taqsima I u II) u jagħti ħarsa ġenerali lejn ir-riżultati miksuba meta mqabbla mal-objettivi stabbiliti għall-2010 (Taqsima III).

2.

Ir-rapport tfassal skont l-Artikolu 122 tar-Regolament tal-Kunsill (KE, Euratom) Nru 1605/2002 tal-25 ta' Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej (1) (li minn issa ’l quddiem se jissejjaħ “ir-Regolament Finanzjarju”), l-Artikolu 185 tar-Regolament tal-Kummissjoni (KE, EURATOM) Nru 2342/2002 tat-23 ta' Diċembru 2002 li jippreskrivi regoli ddettaljati għall-implimentazzjoni tar-Regolament tal-Kunsill (KE, Euratom) Nru 1605/2002 fuq ir-Regolamenti Finanzjaru li jgħodd għall-baġit ġenerali tal-Komunitajiet Ewropej (2) (li minn issa ’l quddiem se jissejħu “ir-Regoli Implimentattivi”) u l-Artikolu 13(2) tar-Regoli Interni dwar l-implimentazzjoni tal-baġit tal-Parlament Ewropew (3). L-analiżi hija bbażata fuq il-kontijiet provviżorji, kif stabbiliti mill-Uffiċjal tal-Kontabilità.

3.

L-approprjazzjonijiet finali tal-Parlament ammontaw għal EUR 1 616 760 399, li huma 19,99 % tal-infiq amministrattiv totali tal-UE, jiġifieri l-intestatura V tal-Qafas Finanzjarju (4). It-Tabella 1 hawn isfel tipprovdi ħarsa ġenerali lejn l-implimentazzjoni tal-baġit tal-Parlament fis-sena finanzjarja 2010.

Tabella 1

L-użu tal-approprjazzjonijiet għall-2010

4.

Id-dħul imdaħħal fil-kontijiet fil-31 ta' Diċembru 2010 ammonta għal EUR 243 094 204 u kien jinkludi EUR 110 298 523 fi dħul assenjat.

5.

L-approprjazzjonijiet awtorizzati fil-baġit inizjali tal-Parlament għall-2010 ammontaw għal EUR 1 607 363 235, u dawn jirrappreżentaw żieda ta’ 5 % fuq il-baġit tal-2009 (EUR 1 529 970 930).

6.

Il-baġit emendatorju 1/2010, li kien jammonta għal EUR 9 397 164, ġie adottat fid-19 ta' Mejju 2010 biex jiffinanzja n-nefqa addizzjonali li kinet ġejja direttament mid-dħul fis-seħħ tat-Trattat ta' Liżbona li jemenda t-Trattat dwar l-Unjoni Ewropea u t-Trattat li jistabbilixxi l-Komunità Ewropea. Il-baġit emendatorju żied iċ-ċifri tal-persunal b'150. Total ta' 75 kariga saħħew l-assistenza lill-gruppi politiċi, 70 kariga ġew assenjati lis-segretarjati tal-Kumitati u 5 karigi kienu ddedikati lid-Direttorat għar-Relazzjonijiet mal-Parlamenti Nazzjonali. Issaħħu żewġ partiti baġitarji, b'mod partikolari: Il-Partita 1200“Remunerazzjoni u Allowances” u l-Partita 4220/01 “L-assistenza parlamentari: assistenti lokali”. L-approprjazzjonijiet għall-assistenza personali għall-Membri żdiedu — l-allowance tas-segretarjat żdiedet b'EUR 1 500 fix-xahar għal kull Membru mill-1 ta' Mejju 2010.

7.

L-impenji ammontaw għal EUR 1 552 290 272, jiġifieri 96 % tal-approprjazzjonijiet finali (2009: 93 %). Il-ħlasijiet ammontaw għal EUR 1 321 261 642, jiġifieri 85 % tal-impenji li ttieħdu (2009: 87 %).

8.

Ir-riporti awtomatiċi għas-sena finanzjarja 2011 ammontaw għal EUR 231 028 630, jiġifieri 15 % tal-approprjazzjonijiet impenjati (2009: 13 %). L-approprjazzjonijiet mhux impenjati fl-aħħar tas-sena li ġew riportati għas-sena finanzjarja 2011 (riporti mhux awtomatiċi) ammontaw għal EUR 9 240 000 — jiġifieri 0,6 % tal-approprjazzjonijiet finali (2009: 0,7 %) — u ntużaw għall-għanijiet stipulati fit-tabella 2.

Tabella 2

L-iskop tar-riporti mhux awtomatiċi għall-2011

9.

Ir-riporti awtomatiċi għall-2010 ammontaw għal EUR 180 265 823. Il-ħlasijiet minn dawn ir-riporti ammontaw għal EUR 156 561 474 (87 %, meta mqabbla ma' 92 % fl-2009). L-ammont ikkanċellat għalhekk kien ta' EUR 23 704 349. Il-parti l-kbira tal-kanċellazzjonijiet sar: fl-Artikolu 140“Aġenti oħra u ħaddiema esterni”, fl-Artikolu 200“Bini”, fl-Artikolu 202“In-nefqa fuq il-bini” u fl-Artikolu 324“Produzzjoni u Tixrid”. L-ammonti kkanċellati u r-raġunijiet ewlenin għall-kanċellazzjonijiet huma ppreżentati fit-tabella 3.

Tabella 3

Raġunijiet ewlenin għall-kanċellazzjonijiet tar-riporti awtomatiċi mill-2009 għall-2010

10.

Ir-riporti mhux awtomatiċi għall-2010 riportati għall-2010 skont l-Artikolu 9(2a) ammontaw għal EUR 10 100 000 u kkonċernaw il-Partita 2003“Akkwist ta' bini” (EUR 9 100 000) u l-Partita 2008“Infiq ieħor relatat mal-bini” (EUR 1 000 000).

11.

L-approprjazzjonijiet kollha riportati ġew impenjati qabel il-31 ta' Marzu 2010 kif mitlub mir-Regolament Finanzjarju. L-iskop tagħhom kien ix-xiri tal-Bini Millenáris f'Budapest għad-Dar tal-Ewropa u d-drittijiet anċillari marbuta max-xiri. Fir-rigward tal-ħlasijiet li jikkorrispondu mal-impenji, li jeħtieġ li jsiru qabel il-31 ta' Diċembru 2010, tħallas total ta' 92 % fil-Partita 2003. Ir-raġuni ewlenija għal din ir-rata ta' konsum hija li l-prezz finali tal-bejgħ kien inqas milli kien previst. Ir-rata ta' konsum fil-Partita 2008 kienet 0 % peress li fl-aħħar mill-aħħar ma kienu meħtieġa l-ebda drittijiet anċillari.

12.

Id-dħul assenjat li kien disponibbli fl-2010 ammonta għal EUR 110 298 523 (2009: EUR 27 576 932). Ir-rata ta' impenn kienet 13 % (2009: 44 %). Il-ħlasijiet ammontaw għal EUR 10 247 794, jiġifieri 74 % tal-impenji li ttieħdu (2009: 74 %). Ġie riportat bilanċ ta' EUR 110 017 852 għas-sena finanzjarja 2011 (2009: EUR 20 637 870). Is-sors tal-approprjazzjonijiet mid-dħul assenjat huwa analizzat fid-dijagramma hawn isfel.

Dijagramma 1

Approprjazzjonijiet minn dħul assenjat 2010 skont il-kapitolu

13.

Il-parti l-kbira ta' dawn l-approprjazzjonijiet li kienu ġejjin mill-Kapitolu 20 fl-2010 hija dovuta għall-ħlas mill-Istat Belġjan. L-Istat Belġjan irrimborża s-somma ta' EUR 85 987 000 fis-27 ta' Jannar 2010 fil-kuntest tat-tqassim tal-ispiża tal-art li fuqha hemm is-sit għall-Bini D4 u D5 u tal-ispejjeż ta' żvilupp tas-saqaf fuq l-Istazzjon Brussell-Lussemburgu. F'konformità mar-Regolament Finanzjarju, dan l-ammont iddaħħal fil-kontijiet bħala “dħul assenjat” u jista' jintuża biss biex jiffinanzja proġetti tal-proprjetà (prinċipju tal-ispeċifikazzjoni). Is-somma involuta setgħet intużat fl-2010, iżda tista' wkoll, jekk ikun meħtieġ, tiġi riportata għal snin finanzjarji sussegwenti. B'mod partikolari, tista' tintuża biex jittejbu l-kundizzjonijiet loġistiċi u tal-ħidma tal-Membri billi jiġi pprovdut uffiċċju ieħor għall-assistenti. Parti mill-ammont tista' tintuża wkoll, fejn ikun xieraq, għax-xiri ta' bini li għandu qed jinkera.

14.

Id-dħul assenjat li ġie riportat għall-2010 ammonta għal EUR 20 637 870 (2009: EUR 36 808 922). L-impenji li ttieħdu ammontaw għal EUR 15 646 888 (2009: EUR 36 024 461). Il-ħlasijiet fl-2010 rrapreżentaw 65 % tal-impenji li ttieħdu (2009: 94 %).

15.

Approprjazzjonijiet li jammontaw għal EUR 55 230 127 (2009: EUR 102 241 198), jiġifieri 3,4 % tal-approprjazzjonijiet finali (2009: 7 %) kienu kkanċellati. Ir-raġunijiet ewlenin għall-kanċellazzjonijiet huma mniżżla fit-tabella t'hawn taħt:

Tabella 4

Raġunijiet ewlenin għall-kanċellazzjonijiet mill-approprjazzjonijiet attwali fl-2010

16.

Matul is-sena finanzjarja, ġew approvati 13-il trasferiment C skont l-Artikoli 24 u 42 tar-Regolament Finanzjarju (7) . Koprew total ta' EUR 84 274 488, jiġifieri 5,2 % tal-approprjazzjonijiet finali (fl-2009: 18-il trasferiment li jammontaw għal 4 % tal-approprjazzjonijiet finali). Il-President awtorizza 6 trasferimenti P skont l-Artikolu 22(1) tar-Regolament Finanzjarju (8), li jkopru total ta' EUR 4 009 571, jew 0,2 % tal-approprjazzjonijiet finali (2009: 9 trasferimenti li jirrappreżentaw 2 % tal-approprjazzjonijiet finali). Analiżi tat-trasferimenti skont il-bażi ġuridika kif ukoll skont l-iskop tagħhom hija spjegata fil-qosor fit-tabelli t'hawn taħt.

17.

B'kollox, kien hemm 19-il trasferiment P u C fl-2010, li involvew total ta' EUR 88 284 059, jew 5,5 % tal-approprjazzjonijiet finali (2009: 27 trasferiment li involvew total ta' EUR 100 518 607, jew 7 % tal-approprjazzjonijiet finali).

Tabella 5

Trasferimenti skont il-bażi ġuridika

Tabella 6

Analiżi tat-trasferimenti C skont il-linja baġitarja destinatarja

Tabella 7

Analiżi tat-trasferimenti C skont il-kategorija u l-iskop tal-infiq

18.

Din it-taqsima tħares lejn l-użu tal-approprjazzjonijiet minn Kapitolu 10 0 “Approprjazzjonijiet Provviżorji”, Kapitolu 10 1 “Riserva ta’ kontinġenza”, Kapitolu 10 3 “Riżerva għat-tkabbir”, Kapitolu 10 5 “Approprjazzjoni provviżorja għall-bini” u Kapitolu 10 6 “Riżerva għall-objettivi ta' prijorità l-ġodda”. Dawn il-kapitoli, inklużi fit-Titolu 10 “Infiq ieħor”, minn issa 'l quddiem jissejħu bħala “approprjazzjonijiet provviżorji”. It-Titolu 10 “Infiq ieħor” kien is-sors ewlieni tal-approprjazzjonijiet trasferiti fl-2010 (50 %, jew EUR 42 241 800).

19.

Minn dak l-ammont, total ta' EUR 14 089 600 ġie ttrasferit għal skopijiet ta' politika tal-proprjetà, total ta' EUR 13 000 000 ġie ttrasferit għal skopijiet ta' IT, total ta' EUR 10 550 000 ġie ttrasferit għal skopijiet ta' Persunal u EUR 4 602 200 għal skopijiet oħrajn. L-iskop tat-trasferimenti mill-approprjazzjonijet provviżorji huwa mfisser hawn taħt.

Tabella 8

Skop tat-trasferimenti mill-approprjazzjonijiet provviżorji

20.

Din it-taqsima tħares lejn it-trasferimenti minn sorsi li mhumiex it-Titolu 10 “Infiq ieħor”. Total ta’ EUR 42 032 688 ġie trasferit minn titoli oħrajn. Il-politika tal-proprjetà kienet responsabbli għall-parti l-kbira (41 %) ta' dawn it-trasferimenti, segwita mill-persunal (30 %) u l-IT (28 %). Ħarsa ġenerali lejn dawn it-trasferimenti tingħata fit-Tabella 9.

21.

Ħarsa ġenerali lejn it-trasferimenti P tingħata fit-Tabella 10.

Tabella 9

Skop tat-trasferimenti C minn sorsi li mhumiex approprjazzjonijiet provviżorji

Tabella 10

Skop tat-trasferimenti P

22.

Din it-taqsima tagħti ħarsa lejn l-użu tal-approprjazzjonijiet skont il-kapitolu baġitarju, is-sehem tagħhom tal-baġit globali u l-bidliet fl-użu tal-approprjazzjonijiet meta mqabbel mas-sena finanzjarja preċedenti. Fl-analiżi tal-ġestjoni finanzjarja tal-Parlament fl-2010 meta mqabbla mas-sena finanzjarja preċedenti, għandhom jitqiesu ċ-ċirkostanzi li ġejjin:

23.

Ir-raġunijiet imsemmijin hawn fuq kellhom influwenza kbira fuq l-approprjazzjonijiet baġitarji tal-2010 meta mqabbel mas-sena finanzjarja 2009.

24.

Erba' kapitoli kienu responsabbli għal 70 % tat-total tal-impenji. Dawn kienu: il-Kapitolu 10“Membri tal-istituzzjoni”, il-Kapitolu 12“Uffiċjali u aġenti temporanji”, il-Kapitolu 20“Bini u nefqiet relatati” u l-Kapitolu 42“Nefqa relatata mal-assistenza parlamentari”. It-Tabella 11 t'hawn taħt tipprovdi analiżi skont il-kapitolu tal-approprjazzjonijiet impenjati fl-2010 meta mqabbla ma' dawk impenjati fl-2009. Id-dijagrammi 2u 3 aktar ’l isfel jipprovdu rappreżentazzjoni grafika tal-bidliet.

Tabella 11

Approprjazzjonijiet impenjati fl-2010 meta mqabbla ma' dawk impenjati fl-2009

Dijagramma 2

Analiżi tal-infiq fl-2010 skont il-kapitolu

Dijagramma 3

L-evoluzzjoni tal-approprjazzjonijiet għall-impenji bejn l-2009 u l-2010, skont il-kapitolu

25.

Dan il-kapitolu kien jirrappreżenta 13 % tan-nefqa totali fis-sena finanzjarja 2010 u żdied b'24 % meta mqabbel mal-2009. Din iż-żieda tista' tiġi spjegata biż-żieda fil-Partita 1000“Salarji” — li żdiedet b'121 %, u b'żieda ta' 16 % fil-Partita 1004“Spejjeż għall-vjaġġi regolari” li ġiet paċuta permezz ta' tnaqqis fil-Partita 1006“Allowance għall-ispejjeż ġenerali” — li naqset bi 13 %, u tnaqqis fil-Partita 1033“Skemi ta’ pensjonijiet voluntarji għall-Membri” - li naqset b'99 %.

26.

Dawn l-iżviluppi kienu dovuti għad-dħul fis-seħħ tal-Istatut il-ġdid tal-Membri fl-2009. Is-sena finanzjarja 2010 kienet l-ewwel sena sħiħa li fiha l-Istatut tal-Membri kien implimentat għalkollox. L-ewwel stimi għall-baġit 2010 saru fil-bidu tal-2009, jiġifieri qabel id-dħul fis-seħħ tal-Istatut tal-Membri. Anke fl-aħħar tal-2009, wara l-ewwel xhur tal-implimentazzjoni tal-Istatut tal-Membri, il-valutazzjoni tal-ħtiġijiet finanzjarji setgħet tiġi stmata biss b'ċertu firxa ta' nuqqas ta' sigurtà, meta jitqies li l-2009 kienet sena atipika b'iktar minn 50 % tal-Membri eletti għall-ewwel darba, bis-sitwazzjoni li r-regoli kienu ġodda għall-Membri kif ukoll għall-amministrazzjoni, bl-ispeċifiċitajiet ta' perjodu ta' wara elezzjoni.

27.

L-impenji fil-Partita 1000“Salarji” kienu għalhekk fil-livell ta' EUR 67 712 999 (33 % tal-impenji tal-Kapitolu 10), filwaqt li ġew impenjati EUR 75 133 000 fil-Partita 1004“Spejjeż għall-vjaġġi regolari”, li jirrappreżentaw 36 % tal-impenji tal-Kapitolu 10. Din l-aħħar Partita tkopri l-ispejjeż tal-ivvjaġġar u tas-sussistenza b'rabta mal-ivvjaġġar għall-postijiet tax-xogħol u minnhom, kif ukoll ta' vjaġġar ieħor fuq xogħol.

28.

Fl-2010 l-Membri għamlu total ta' 17 058 vjaġġ biex jattendu sessjonijiet parzjali fi Strasburgu u fi Brussell, 30 216 vjaġġ għal laqgħat tal-kumitati u 2 536 vjaġġ għal laqgħat tal-gruppi politiċi fi Brussell (9). Fir-rigward tal-ivvjaġġar barra mill-postijiet tax-xogħol tas-soltu tal-Parlament, kien hemm 866 vjaġġ għal laqgħat tal-kumitati, 1 399 vjaġġ għal laqgħat tal-gruppi politiċi u 1 842 vjaġġ b'rabta mal-laqgħat tad-delegazzjonijiet parlamentari.

29.

L-impenji fil-Partita 1006“Allowance għall-ispejjeż ġenerali” kienu jammontaw għal EUR 36 966 241 (18 % tal-impenji tal-Kapitolu 10) Dak l-ammont kien ikopri spejjeż li jirriżultaw mill-attivitajiet parlamentari tal-Membri. L-allowance ta' kull xahar hija ta' EUR 4 223.

30.

Dan il-kapitolu ammonta għal 34 % tan-nefqa tal-2010 — l-ikbar sehem tan-nefqa komplessiva. Kien hemm żieda ta' 6 % fl-infiq meta mqabbel mas-sena preċedenti minħabba żieda fl-Artikolu 120. Kienet dovuta primarjament għal iktar infiq (+ 6 %) fil-Partita 1200“Remunerazzjoni u allowances” li kien rifless fil-baġit emendatorju (+ EUR 4 565 164) u trasferimenti wara d-deċiżjoni tal-Qorti tal-Ġustizzja rigward l-adattament b'lura tas-salarji fl-2009.

31.

Il-Partita 1200 kellha tissaħħaħ b'EUR 6,2 miljun (trasferiment C6) minħabba rata ta' karigi battala reali aktar baxxa milli kien stmat (ġie presuppost tnaqqis b'rata fissa standard għolja wisq fl-istadju tal-ippjanar) u l-fatt li l-baġit 2010 ma kienx qies biżżejjed in-numru li kulma jmur qed jiżdied ta' trasferimenti ta' uffiċjali minn Istituzzjonijiet Ewropej oħrajn, meta jimtlew karigi ġodda u battala. Tabilħaqq, dawn it-trasferimenti kienu jikkonċernaw primarjament persuni kkwalifikati li ngħaqdu mal-Parlament bi gradi ogħla mill-gradi bażiċi, AST1 u AD5, previsti għall-valutazzjoni tal-approprjazzjonijiet għal karigi ġodda. Barra minn hekk, it-trasferiment C12 żied l-approprjazzjonijiet fil-Partita b'EUR 10,6 miljun. L-objettiv ta' dan it-trasferiment kien li jiġu pprovduti biżżejjed fondi biex ikopru l-adattament b'lura tas-salarji fl-2009 (10) u fl-2010.

32.

Fil-Kapitolu 12, il-Partita 1200“Remunerazzjoni u allowances” kienet responsabbli għal madwar 99 % tan-nefqa. L-impenji f'din il-Partita ammontaw għal EUR 525 864 796.

33.

Fl-2010, ġew reklutati 301 uffiċjal u membru temporanju tal-persunal mas-Segretarjat Ġenerali, 149 aġent temporanju ġew reklutati mal-gruppi politiċi u 425 ġew reklutati bħala assistenti parlamentari akkreditati. Sal-31 ta' Diċembru 2010, il-Parlament kien impjega total ta' 5 515 uffiċjal u membru temporanju tal-persunal. Minn dawn il-membri tal-persunal, 4 951 kienu impjegati mas-Segretarjat u 564 mal-gruppi politiċi.

34.

Fir-rigward tad-distribuzzjoni tal-persunal skont il-ġeneru, fil-31 ta’ Diċembru 2010 n-nisa ammontaw għal 25 % tal-Kapijiet ta’ Unità, 28 % tad-Diretturi u 33 % tad-Diretturi Ġenerali. Id-dijagramma t'hawn taħt tagħti t-tqassim tal-persunal skont il-ġeneru u skont il-grupp ta' funzjoni.

Dijagramma 4

Persunal tas-segretarjat skont il-ġeneru

35.

Dan il-kapitolu ammonta għal 7 % tan-nefqa fl-2010. Iż-żieda ta' 17 % fuq l-2009 kienet dovuta għal żieda ta' 27 % fl-infiq fil-Partita 1402“Interpreti għall-konferenzi” u fl-Artikolu 142“Servizzi Esterni” (+ 20 %). 52 % tal-approprjazzjonijiet fil-Kapitolu 14 kienu allokati għall-Partita 1402 u 24 % għall-Partita 1400“Aġenti oħra”.

36.

Għall-Partita 1402“Interpreti għall-konferenzi”, l-impenji ammontaw għal EUR 54 990 000 u koprew, bħala parti mill-kooperazzjoni interistituzzjonali (fost l-oħrajn), id-drittijiet, il-kontribuzzjonijiet tas-sigurtà soċjali, l-ispejjeż tal-ivvjaġġar u l-allowances tas-sussistenza tal-interpreti awżiljarji tal-konferenzi li jintużaw mill-Parlament biex jaħdmu f'laqgħat organizzati mill-Parlament jew minn istituzzjonijiet oħra, f’każijiet fejn is-servizzi ma jkunux jistgħu jingħataw mill-interpreti tal-Parlament (uffiċjali jew persunal temporanju).

37.

L-interpreti tal-Parlament u l-interpreti awżiljarji tal-konferenzi ħadmu 109 256 jum ta' interpretu fl-2010 fis-servizz tal-Parlament u tal-istituzzjonijiet l-oħra (11) fil-każijiet fejn is-servizzi tal-Parlament jipprovdu l-interpretazzjoni (16 % aktar milli fl-2009, li kienet sena elettorali). L-interpreti tal-Parlament ħadmu 51 977 ġurnata (21 % aktar milli fl-2009), u l-interpreti awżiljarji tal-konferenzi 57 279 (12 % aktar milli fl-2009).

38.

L-impenji fil-Partita 1400“Aġenti oħra” ammontaw għal EUR 25 212 376. Din il-Partita tkopri primarjament ir-remunerazzjoni, inklużi l-allokazzjonijiet u l-allowances, tal-aġenti l-oħra, b’mod partikulari aġenti kuntrattwali, lokali, konsulenti speċjali, il-ħlasijiet ta’ min iħaddem għall-iskemi differenti ta’ sigurtà soċjali kif ukoll l-impatt tal-koeffiċent korrettiv applikabbli għar-remunerazzjoni ta’ dawn l-aġenti kif ukoll għall-impjieg tal-persunal temporanju tal-aġenziji. Fil-31 ta' Diċembru 2010, il-Parlament kien jimpjega 634 aġent kuntrattwali. Ġew trasferiti approprjazzjonijiet addizzjonali għal din il-Partita matul is-sena biex jiġi ffinanzjat ir-reklutaġġ ta' persunal kuntrattwali Kroat bi tħejjija għall-adeżjoni tal-Kroazja mal-UE.

39.

Fid-Dijagramma 5 tingħata analiżi tal-aġenti kuntrattwali skont il-grupp ta’ funzjoni.

Dijagramma 5

Persunal b'kuntratt skont il-grupp ta’ funzjoni

40.

Dan il-kapitolu ammonta għal 1 % tan-nefqa fl-2010. Kien hemm tnaqqis ta' 5 % fl-approprjazzjonijiet impenjati f'dan il-kapitolu meta mqabbel mal-2009, minħabba li ma kien ebda nfiq fil-Partita 1613“Taħriġ Professjonali Ulterjuri: Spejjeż ta' missjonijiet”. Din il-Partita tneħħiet min-nomenklatura tal-baġit 2010 u l-approprjazzjonijiet ġew trasferiti għall-Artikolu 300“Nefqiet għall-missjonijiet tal-istaff”.

41.

Disgħa u tletin fil-mija tal-impenji fil-Kapitolu 16 saru fil-Partita 1654“Ċentri għat-tfal żgħar u skejjel materni approvati”, 28 % fil-Partita 1612“Taħriġ Professjonali Ulterjuri” u 17 % fil-Partita 1652“Nefqiet kurrenti għall-operat amministrattiv tar-ristoranti u l-kantins”.

42.

Is-Subpartita 1654/01 “Ċentri għat-tfal żgħar u skejjel materni approvati: immaniġġjar estern taċ-ċentri tat-tfal żgħar tal-Parlament u tal-“family room” fi Brussell u nefqa relatata” kienet responsabbli għall-parti l-kbira tal-infiq fil-Partita 1654. L-impenji f'din il-Partita kienu jammontaw għal EUR 5 163 866 u koprew il-kontribuzzjoni tal-Parlament għall-ispejjeż globali taċ-ċentri għat-tfal żgħar u l-iskejjel materni esterni li magħhom kien hemm ftehim.

43.

L-impenji fil-Partita 1612“Taħriġ Professjonali Ulterjuri” ammontaw għal EUR 3 680 850 u koprew l-infiq fuq it-taħriġ għat-titjib tal-ħiliet u l-prestazzjoni tal-persunal, u l-effiċjenza tal-istituzzjoni. Fl-2010 kien hem 7 504 persuna li attendew korsijiet interni tal-lingwi, u apparti minn dawn 392 parteċipant attendew korsijiet barra mill-post tax-xogħol. Barra minn hekk, 733 persuna attendew korsijiet tal-IT u 998 attendew korsijiet ta' taħriġ finanzjarju. Ħamsa u tmenin membru tal-persunal attendew korsijiet li saru mill-Iskola Amministrattiva Ewropea. Fir-rigward tat-taħriġ mhux lingwistiku, b'kollox 6 853 parteċipant attendew korsijiet ta' taħriġ interni, u 198 attendew korsijiet esterni.

44.

L-impenji fil-Partita 1652“Nefqiet kurrenti għall-operat amministrattiv tar-ristoranti u l-kantins” ammontaw għal EUR 2 313 000. Din il-Partita tkopri l-ispejjeż operattivi tar-ristoranti u l-kantins. Ir-ristoranti u l-kantins servew madwar 1 339 000 klijent, u l-ħanut tal-persunal serva xi 161 000.

45.

Dan il-Kapitolu kien responsabbli għal 12 % tal-infiq fl-2010, 2 % aktar mill-2009. Iż-żieda fl-infiq fil-Partiti 2003“Akkwist ta' bini” (12), 2022“It-tindif u l-manutenzjoni” u 2000“Kirjiet” kienet paċuta bi tnaqqis fl-infiq fil-Partita 2007“Sistemazzjoni fil-bini” u 2001“Ħlasijiet ta' ċnus”. Fir-rigward tal-Partita 2001, fl-2010 ddaħħal ammont ta' EUR 86 miljun f'approprjazzjonijiet minn dħul assenjat f'din il-Partita (ara l-parti I tar-rapport dwar l-approprjazzjonijiet minn dħul assenjat).

46.

Fid-dijagramma t'hawn taħt tingħata analiżi tal-approprjazzjonijiet fil-Kapitolu 20 skont it-tip tan-nefqa.

Dijagramma 6

Analiżi tan-nefqa fil-Kapitolu 20

47.

L-impenji li ddaħħlu fil-Partita 2022“It-tindif u l-manutenzjoni” (21 % tal-kapitolu) ammontaw għal EUR 39 351 882 u koprew l-ispiża, abbażi tal-kuntratti attwali, tal-manutenzjoni tal-bini, tal-liftijiet, tas-sistemi tat-tisħin u tal-klimatizzazzjoni u tal-bibien kontra n-nirien, kif ukoll ix-xogħol tat-titbjid u tat-tiswija, eċċ.

48.

L-impenji li ddaħlu fil-Partita 2026“Sigurtà u sorveljanza tal-bini” (21 % tal-kapitolu) ammontaw għal EUR 38 917 198 u koprew essenzjalment l-ispejjeż tal-għassa u tas-sorveljanza tal-bini okkupat mill-Parlament fit-tliet postijiet regolari ta' xogħol u fl-uffiċċji tal-informazzjoni. Kien hemm 1 023 (13) aġent tas-sigurtà jaħdmu fil-bini tal-Parlament fl-aħħar tal-2010.

49.

Dan il-kapitolu ammonta għal 9 % tan-nefqa tal-2010. L-infiq fil-Kapitolu 21 żdied bi 30 % meta mqabbel mal-2009, b'mod partikolari minħabba ż-żieda fl-infiq fl-Artikolu 210“L-informatika u t-telekomunikazzjonijiet”. L-infiq f'din il-Partita żdied b'34 % minħabba tliet trasferimenti C (7, 11 u 14) li ammontaw għal madwar EUR 24 miljun. L-approprjazzjonijiet tal-artikolu 210 jammontaw għal 82 % tal-kapitolu 21. Il-maġġoranza tal-approprjazzjonijiet ta' dan il-kapitolu huma mqassma f'żewġ Partiti: 2100“Tagħmir u softwer għat-teknoloġiji tal-informatika u tal-innovazzjoni” (41 %) u 2102“Assistenza esterna għat-teknoloġiji tal-informatika u tal-innovazzjoni” (41 % wkoll). Fid-dijagramma t'hawn taħt tingħata analiżi tan-nefqa tal-Kapitolu 21.

50.

Iż-żieda ta' 30 % riflessa fit-trasferimenti msemmija hawn fuq hija dovuta għall-introduzzjoni tal-istrateġija għal perjodu medju ta' żmien għall-ICTs adottata mill-Bureau u b'mod partikolari s-Sistema tal-ġestjoni tal-Għarfien u l-proġetti tal-IT sinifikanti ħafna inklużi f'dawn il-programmi. L-estensjoni tan-netwerks mingħajr fili u ċ-Ċentru tad-Data fi Brussell ukoll għandhom rwol ewlieni fir-rigward tal-implikazzjonijiet baġitarji (għal aktar dettalji ara l-parti III tar-rapport).

Dijagramma 7

Analiżi tan-nefqa fil-Kapitolu 21

51.

L-impenji li ddaħħlu fil-Partita 2100“Tagħmir u softwer għat-teknoloġiji tal-informatika u tal-innovazzjoni” ammontaw għal EUR 56 626 299. Din l-approprjazzjoni kopriet in-nefqa fuq ix-xiri, il-kiri, is-“servicing” u l-manutenzjoni ta' tagħmir u softwer għall-istituzzjoni, u xogħol relatat. Dan it-tagħmir u dan is-softwer jikkonċerna b’mod partikolari s-sistemi taċ-ċentru tal-informatika u tat-telekomunikazzjoni, l-informatika fil-livell tad-dipartimenti u tal-gruppi politiċi, kif ukoll il-votazzjoni elettronika.

52.

L-impenji li ttieħdu fil-partita 2102“Assistenza esterna għat-teknoloġiji tal-informatika u tal-innovazzjoni” ammontaw għal EUR 55 814 490 u fil-biċċa l-kbira koprew l-ispejjeż għall-assistenza esterna minn kumpaniji ta’ servizzi u ta’ konsulenza rigward l-ipproċessar ta’ data b’rabta mat-tħaddim ta’ ċentru tal-informatika u tan-netwerk, il-produzzjoni u l-manutenzjoni tal-applikazzjonijiet, l-assistenza għall-utenti, inklużi Membri Parlamentari u l-gruppi politiċi, it-twettiq ta’ studji, u t-tfassil u l-input ta’ dokumentazzjoni teknika.

53.

Il-kapaċità informatika u l-potenza tal-ipproċessar żdiedu bi 28 % tul il-perjodu rieżaminat. F’Diċembru 2009, il-kapaċità tal-memorja kienet ta’ 1 803 021 gigabytes (Gb), meta mqabbel ma 2 314 240 Gb fi tmiem l-2010. Rigward il-potenza tal-ipproċessar, il-kapaċità tas-sistemi tal-IT ċentrali tal-Parlament biex jipproċessaw kwantità speċifika ta’ data f’perijodu partikolari tinżamm fl-istess livell tas-sena preċedenti. Barra minn hekk, biex tiġi żgurata s-sigurtà tas-sistemi tal-informazzjoni, in-numru ta’ patches ittestjati u integrati fin-netwerk, is-servers, is-softwer u l-postijiet tax-xogħol naqas b’46 % (1 886 fl-aħħar tal-2009, meta mqabbel ma’ 1 019 fl-aħħar tal-2010) minħabba iktar stabbiltà tas-sistema tal-IT.

54.

Dan il-kapitolu ammonta għal 1 % tan-nefqa tal-2010. It-tnaqqis b’4 % f’dan il-kapitolu fl-2009 kien primarjament minħabba nfiq iktar baxx fl-Artikolu 232“Spejjeż legali u ħsarat”– li naqas b’21 %.

55.

In-nefqa f’dan l-artikolu kienet analizzata kif ġej: 55 % fl-Artikolu 235“Telekomunikazzjoni”; 19 % fl-Artikolu 230“Kanċellerija, provvisti għall-uffiċċju u oġġetti għall-konsum diversi” u 10 % fl-Artikolu 232“Spejjeż legali u ħsarat”.

56.

Dan il-Kapitolu ammonta għal 2 % tan-nefqa tal-2010. L-approprijazzjonijiet tal-2010 żdied bi 15 % meta mqabbel mal-2009. Dan irriżulta minn żieda fl-Artikolu 300“Nefqiet għall-missjonijiet tal-istaff”. Fl-2010 l-Parlament bil-mod issokta l-attività tiegħu bi sħiħ wara s-sena tal-elezzjonijiet l-2009.

57.

Fl-2010, kien hemm 33 200 missjoni (vjaġġi) li koprew total ta’ 98 629 jum ta’ missjoni. Bosta mill-missjonijiet kienu jinvolvu l-ivvjaġġar bejn it-tliet postijiet tax-xogħol tal-Parlament (Brussell – 5 391 missjoni Strasburgu – 20 125; u l-Lussemburgu – 2 477).

58.

L-approprijazzjonijiet f’dan il-Kapitolu ammontaw għal 6 % tan-nefqa tal-2010. Kien hemm żieda ta’ 4 % fl-approprijazzjonijiet meta mqabbel mas-sena preċedenti. Ħamsa u għoxrin fil-mija tal-approprijazzjonijiet tal-kapitolu ntużaw għall-partita 3244“L-Organizzazzjoni u l-ospitalità ta' gruppi ta' viżitaturi, il-programm Euroscola u stediniet għall-multiplikaturi tal-opinjoni minn pajjiżi terzi”, 14 % għall-partita 3242“Nefqiet għall-pubblikazzjoni, t-tagħrif u l-parteċipazzjoni f’manifestazzjonijiet pubbliċi”, 13 % għall-partita 3243“Iċ-Ċentru għall-Viżitaturi” u 12 % għall-partita 3248“In-nefqa għall-informazzjoni awdjoviżiva”.

59.

Fid-dijagramma t'hawn taħt tingħata analiżi tan-nefqa.

Dijagramma 8

Analiżi tan-nefqa fil-Kapitolu 32

60.

L-impenji li ttieħdu fil-partita 3244“L-Organizzazzjoni u l-ospitalità ta' gruppi ta' viżitaturi, il-programm Euroscola u stediniet għall-multiplikaturi tal-opinjoni minn pajjiżi terzi” kienu jammontaw għal EUR 24 534 587 u koprew sussidji li ngħataw għal żjarat ta’ gruppi u s-superviżjoni assoċjata u l-ispejjeż tal-infrastruttura, l-ispejjeż tat-tħaddim tal-programm Euroscola, u l-finanzjament tal-apprendistati għall-multiplikaturi tal-opinjoni minn pajjiżi terzi.

61.

L-impenji li ttieħdu fil-partita 3242“Nefqiet għall-pubblikazzjoni, t-tagħrif u l-parteċipazzjoni f’manifestazzjonijiet pubbliċi” ammontaw għal EUR 13 633 133 u koprew, b’mod partikolari, in-nefqa fuq il-pubblikazzjonijiet tal-informazzjoni, inklużi l-pubblikazzjonijiet elettroniċi, l-attivitajiet tal-informazzjoni, ir-relazzjonijiet pubbliċi, il-parteċipazzjoni fl-avvenimenti pubbliċi, il-fieri kummerċjali u l-wirjiet fl-Istati Membri u fil-pajjiżi ta' adeżjoni, kif ukoll l-aġġornament tal-Osservatorju Istituzzjonali u Leġiżlattiv Ewropew (OEIL).

62.

L-impenji li ttieħdu fil-partita 3243“Iċ-Ċentru tal-Viżitaturi” żdiedu b’mod sinifikanti (+ 227 %) meta mqabbel mal-2009 u jammontaw għal EUR 12 725 985. L-evoluzzjoni tan-nefqa hija konformi mal-ippjanar ta’ dan il-proġett kumpless ħafna. Għad-dettalji ara l-parti III tar-rapport.

63.

L-impenji li ttieħdu fil-partita 3248“In-nefqa għall-informazzjoni awdjoviżiva” ammontaw għal EUR 12 137 103 u koprew nefqa relatata ma’:

64.

Rigward il-produzzjoni tal-informazzjoni adjoviżiva, fl-2010 kien hemm 12 275 siegħa għall-midja u klijenti oħra. Ta’ min jinnota li b’kollox ġew trasmessi minn fuq l-internet 767 laqgħa tal-kumitat ta’ nofstanhar (meta mqabbel mal-2009 l-volum tas-sessjonijiet tal-kumitati li ġew trasmessi minn fuq l-internet irdoppja). Rigward il-produzzjoni tal-Ewropa bis-Satellita, ġew prodotti 809 punti tal-aħbarijiet ġodda, 58 klipp tal-informazzjoni u 475 storja lajv.

65.

Dan il-Kapitolu kopra 5 % tan-nefqa tal-2010 u kien hemm żieda ta’ 10 % meta mqabbel mas-sena finanzjarja preċedenti. L-Artikolu 400“Nefqa amministrattiva kurrenti u nefqa marbuta mal-attivitajiet politiċi ta' informazzjoni tal-gruppi politiċi u tal-Membri mhux affiljati” kopra 70 % tal-approprijazzjonijiet tal-Kapitolu 40. L-impenji ta’ dak l-artikolu ammontaw għal EUR 53 355 142 u kien maħsub li jkopru dawn li ġej b’rabta mal-gruppi politiċi u l-Membri mhux affiljati:

66.

L-Artikolu 402“Kontribuzzjonijiet lill-Partiti Politiċi Ewropej” kopra 18 % (EUR 14 m) tal-approprijazzjonijiet tal-Kapitolu 40.

Dijagramma 9

Analiżi tan-nefqa fil-Kapitolu 40

67.

Dan il-Kapitolu kopra 10 % tan-nefqa tal-2010 u n-nefqa kienet stabbli bejn l-2009 u l-2010. L-Artikolu 4220“L-assistenza parlamentari” ammonta għal 99 % tal-approprijazzjonijiet f’dan il-kapitolu. L-impenji li ttieħdu f’dan l-artikolu ammontaw għal EUR 152 645 163 kif ukoll l-ispejjeż tal-assistenza parlamentari. Hu mfakkar li l-baġit li jemenda fl-2010 żied l-assistenza personali għall-Membri (ara l-parti I tar-rapport għad-dettalji).

68.

Fil-31.12.2010 kien hemm 1 483 assistent parlamentari akkreditat jaħdem mal-PE. F’Diċembru 2010, 2 198 assistent lokali kellhom kuntratt tal-impjieg mal-Membri. L-għadd medju ta’ assistenti lokali impjegati hu ta’ 3,4 għal kull Membru. L-għadd ta’ assistenti lokali impjegati għal kull Membru jvarja ħafna, bejn 0 u 45 fl-2010. Minkejja li 97 Membru ma għandhomx impjegati lokali, 35 Membru rreklutaw iktar minn 10 impjegati fl-Istati Membri tagħhom fl-2010.

69.

Il-Kapitoli f’dan it-titolu fihom approprijazzjonijiet proviżorji li jistgħu jkunu impenjati biss ladarba jiġu trasferiti għal linja operattiva. Trasferimenti ta’ approprijazzjonijiet proviżorji jiġu ttrattati fit-Taqsima I ta’ dan ir-rapport. L-approprijazzjonijiet inizjali f’dan it-titolu ammontaw għal EUR 46 441 800, jiġifieri 3 % tal-approprijazzjonijiet inizjali totali. Total ta’ EUR 42 241 800 ġew trasferiti u l-baġit li jemenda naqqas l-approprijazzjonijiet fil-Kapitolu 10 5 “Approprjazzjoni provviżorja għall-bini” b’EUR 4 000 000. Il-bilanċ mhux użat tal-Kapitolu 10 1 “Riserva ta’ kontinġenza” laħaq EUR 200 000, madwar 0,1 % tal-approprjazzjonijiet finali totali fl-2010.

70.

Wara l-elezzjonijiet Ewropej tal-2009, fl-2010 l-Parlament reġa’ assuma b’mod gradwali l-attività sħiħa tiegħu tul is-sena. Kienet sena ta’ adattament kontinwu f’dak li jikkonċerna t-titjib tal-metodi ta' xogħol u l-modernizzazzjoni tagħhom, u dan jimxi id f'id mar-responsabilitajiet politiċi u leġiżlattivi tiegħu, u l-evalwazzjoni li tikkonċerna sensiela ta' inizjattivi multiannwali mnedija matul dawn l-aħħar ftit snin. Wara r-ratifika tat-Trattat ta’ Lisbona u d-dħul fis-seħħ tiegħu fl-1 ta’ Diċembru 2009, kellhom jiġu indirizzati adattamenti meħtieġa li kienu jeħtieġu nefqa baġitarja (qabbel l-informazzjoni dwar il-baġit li jemenda fil-parti I tar-rapport).

71.

L-objettivi mniżżla hawn taħt huma bbażati fuq il-linji gwida stabbiliti mis-Segretarju Ġenerali għall-2009-2010 kif ukoll dawk adottati mill-Parlament fir-riżoluzzjonijiet tiegħu:

72.

It-Trattat estenda l-użu tal-ko-deċiżjoni bħala l-proċedura leġiżlattiva ordinarja, li tapplika għal madwar 95 % tal-leġiżlazzjoni. It-Trattat kellu wkoll konsegwenzi kbar fuq il-każijiet kollha fejn il-proċedura ta’ konsultazzjoni ġiet sostitwita bil-proċedura ta’ approvazzjoni, partikolarment rigward in-negozjati u l-konklużjoni tal-ftehimiet internazzjonali.

73.

Barra minn hekk, it-Trattat ta’ Lisbona implika segwitu tekniku addizzjonali mis-servizzi tal-Parlament: inizjattivi miċ-ċittadini, il-konsultazzjoni obbligatorja tal-Kumitat tar-Reġjuni u tal-Kumitat Ekonomiku u Soċjali Ewropew, responsabilità akbar għall-Bank Ċentrali Ewropew, rwol ġdid fil-ħatra ta’ Imħallfin u tal-Avukati-Ġenerali tal-Qorti tal-Ġustizzja u tal-Qrati Ġenerali, drittijiet ġodda għat-tagħrif, eċċ.

74.

75.

It-tisħiħ tar-rwol tal-parlamenti nazzjonali permezz tat-Trattat ta’ Lisbona kellu effett dirett fuq il-metodi ta’ ħidma tal-Parlament u, b'mod partikulari, tal-kumitati parlamentari; il-mekkaniżmu l-ġdid ta’ kontroll imsaħħaħ tal-prinċipju tas-sussidjarjetà (karta “safra” u karta “oranġjo”), il-miżuri ulterjuri ta’ salvagwardja introdotti mit-Trattat ta’ Lisbona (“brejks ta’ emerġenza”), jew l-iżvilupp meħtieġ ta’ djalogu preleġiżlattiv u postleġiżlattiv mal-parlamenti nazzjonali għandu impatt fuq l-attivitajiet u l-ammont ta’ xogħol tal-kumitati.

76.

Ħafna deċiżjonijiet leġiżlattivi importanti bdew u tħejjew mill-kumitati: mir-rifjut tal-ftehim tal-kondiviżjoni ta’ data SWIFT għall-adozzjoni tal-baġit 2011, l-inizjattiva taċ-ċittadini, il-pakkett tas-sorveljanza finanzjarja, l-SEAE, il-governanza ekonomika eċċ. L-attività leġiżlattiva qed jerġa’ jikseb il-momentum, u bosta inizjattivi non-leġiżlattivi strateġiċi mressqa mill-Kummissjoni fl-2010 jistgħu jiġu segwiti minn għadd kbir ta’ proposti leġiżlattivi relatati fix-xhur li ġejjin, partikolarment fil-qafas tal-istrateġija UE 2020.

77.

Għall-ewwel darba wara d-dħul fis-seħħ tat-Trattat ta’ Lisbona, ġiet implimentata l-proċedura baġitarja riveduta tal-UE. Barra minn hekk, il-Parlament assuma responsabilitajiet ġodda marbuta man-nefqiet obbligatorji tal-UE. Minbarra dan, il-PE beda jaħdem fuq l-allinjament tal-ftehim interistituzzjonali dwar id-dixxiplina baġitarja u ġestjoni finanzjarja soda mar-rekwiżiti tat-Trattat ta’ Lisbona u qed jistenna bil-ħerqa għal rieżami sħiħ ta’ nofs it-terminu tal-qafas finanzjarju multiannwali.

78.

It-Trattat għandu konsegwenzi importanti fil-qasam tar-relazzjonijiet esterni. Il-Parlament igawdi minn setgħat ġodda leġiżlattivi, baġitarji u ta’ kontroll u għandu rwol fin-nomina u fir-relazzjonijiet mal-Viċi President tal-Kummissjoni u r-Rappreżentant Għoli u mar-Rappreżentanti Speċjali tiegħu/tagħha). Għall-Parlament dan jaffettwa b’mod partikolari l-entitajiet li jindirizzaw il-politika kummerċjali komuni u s-Servizz għall-Azzjoni Esterna.

79.

Fil-qafas tan-negozjati dwar l-istabbiliment tas-Servizz Ewropew għall-Azzjoni Esterna (SEAE), il-PE kiseb konċessjonijiet importanti f'termini tal-iskrutinju tal-Parlament u l-kontroll ex-ante demokratiku tal-Politika Estera u ta' Sigurtà Komuni (PESK). Il-Parlament kiseb id-dritt li jiġi kkonsultat, f’format xieraq għall-kunfidenzjalità tal-każ, qabel l-adozzjoni mill-Kunsill tal-mandati jew l-istrateġiji tal-PESK. Kiseb ukoll d-dritt għall-MPE li jkollhom aċċess għal informazzjoni klassifikata tal-PESK fuq bażi li dan l-aċċess ikun disponibbli skont il-ħtieġa (l-ewwel użu sar għall-mandat ta’ negozjati dwar il-Ftehim Qafas UE-Libja) u impenn mir-Rappreżentant Għoli/il-Viċi-President li tibda l-proċess tan-negozjati mill-ġdid tal-ftehim Interistituzzjonali dwar l-aċċess għal informazzjoni klassifikata tal-Politika ta’ Sigurtà u ta’ Difiża Komuni (PSDK). Il-Kumitat għall-Affarijiet barranin ingħata d-dritt ukoll li jintervista lil dawk nominati għall-Kap ta’ Delegazzjoni jew il-karigi tar-Rappreżentanti Speċjali tal-UE qabel ma jibdew il-ħidma tagħhom. Erba' Kapijiet ta’ Delegazzjonijiet tal-UE maħtura dan l-aħħar ġew intervisti f’laqgħat in camera s’issa. Fl-aħħar, il-Parlament kiseb ħafna iktar trasparenza fil-baġit tal-PESK, peress li minn issa ‘l quddiem ser tapplika l-proċedura ordinarja u l-missjonijiet tal-PSDK ewlenin ser ikunu identifikati b'mod ċar f'partiti separati (kif diġà sar fil-baġit 2011).

80.

Bit-Trattat ta’ Lisbona, ir-relazzjonijiet tal-UE maż-Żona Ekonomika Ewropea (ŻEE) u l-Istati Membri tagħha nbidlu fil-kwalità, minħabba l-involviment attwali dirett tal-PE fin-negozjati ta’ għadd sinifikanti ta’ ftehimiet maż-ŻEE u iktar minn 100 ftehim bilaterali mal-Isvizzera.

81.

Rigward it-tkabbir tal-UE, 32 membru tal-persunal Kroat ġew reklutati. Essenzjalment kienu assenjati għas-servizzi lingwistiċi u s-servizzi ta’ Direttorati Ġenerali oħra involuti fit-tħejjija għat-tkabbir. Minn nofs Settembru, l-Unità Kroata l-ġdida bdiet il-ħidma tagħha fuq it-traduzzjoni ta’ dokumenti ewlenin tal-PE.

82.

Wara d-dħul fis-seħħ tat-Trattat ta’ Lisbona u r-responsabilitajiet l-ġodda tal-Parlament, il-livelli ta’ reklutaġġ fid-dipartimenti tas-segretarjati tal-kumitati parlamentari ġew aġġornati u fil-futur se jikkonsistu f’6 jew 9 jew 12-il amministratur skont l-ammont ta’ xogħol leġiżlattiv tagħhom. Bl-istess mod, il-livelli ta’ reklutaġġ tad-dipartimenti ta’ politika, ir-relazzjonijiet mal-parlamenti nazzjonali, il-librerija, is-segretarjati tal-gruppi politiċi kif ukoll il-pakkett għall-assistenti tal-Membri ġew adattati. Il-baġit ta’ emenda żied l-ammont ta’ persunal għall-gruppi politiċi b’75, għas-segretarjati tal-kumitati b’70 u għar-relazzjonijiet mal-parlamenti nazzjonali b’5 postijiet. L-għotja għas-segretarjat żdied b’EUR 1 500 fix-xahar għal kull Membru. Barra minn hekk, sabiex tiżdied l-effiċjenza, is-segretarjati tad-delegazzjonijiet u l-assemblei interparlamentari tpoġġew fi gruppi reġjonali konġunti li jippermettu lill-kollegi jispeċjalizzaw f’reġjun u biex ikun faċilitat l-iskambju ta’ informazzjoni bejn id-delegazzjonijiet bilaterali marbuta u l-assemblei multilaterali.

83.

L-għoti ta’ għajnuna lill-President u lill-Viċi-Presidenti ttejjeb permezz tal-preparazzjoni ta’ aġġornamenti ta’ sessjonijiet parzjali minn task force bejn is-servizzi bil-parteċipazzjoni tad-Direttorat għas-Seduta Plenarja, id-Direttorat għas-Servizzi tal-Presidenza, id-Direttorat għall-Atti Leġiżlattivi u d-Direttorat għal-Librerija u l-Ġestjoni Dokumentarja.

84.

L-għoti ta’ servizzi lill-Membri (servizzi analitiċi u analiżi tal-librerija) żdied b’mod sinifikanti (+40 % meta mqabbel mal-perjodu korrispondenti tul is-sitt terminu parlamentari): is-servizzi analitiċi kienu konsolidati, u s-servizzi tal-informazzjoni kibru b’pass sod. Il-produzzjoni analitika żdiedet f’termini ta’ volum kif ukoll għadd ta’ prodotti. Prodotti ġodda ġew żvilupati bil-ħsieb li jiġu ssodisfati l-ħtiġijiet tal-Membri b’mod iktar effikaċi. Is-servizz ipprovdut lill-klijenti tal-librerija (mhux biss l-MPE) ittejjeb permezz tal-introduzzjoni ta’ sistema ta’ ġestjoni tal-katalogi elettronika ġdida (inkluż għall-akkwisti), li ġiet integrata fis-sit elettroniku.

85.

L-istabbiliment ta’ mekkaniżmi biex jit wasslu u jintbagħtu l-opinjonijiet tal-parlamenti nazzjonali (in-numru ta’ dawn qed jiżdied bil-ħeffa) iffaċilita komunikazzjoni aħjar bejn il-parlamenti f’dan il-qasam u l-għoti iktar imħaffef u flessibbli ta’ informazzjoni lill-kumitati parlamentari relevanti.

86.

Is-sena 2010 kienet l-ewwel sena sħiħa li fiha l-Parlament kien responsabbli għall-implimentazzjoni ta' Statut ġdid għall-Membri u l-Istatut il-ġdid għall-Assistenti. Il-Grupp Temporanju ta’ Valutazzjoni tal-Implimentazzjoni tal-Istatut tal-Membri u l-Assistenti' Statute (TEG), imwaqqaf mill-Bureau fl-2009 u kompost minn erba’ Viċi-Presidenti, il-Kwestatur fil-kariga u l-President tal-Kumitat għall-Affarijiet Legali, kompla l-ħidma tiegħu fl-2010 bl-appoġġ tas-servizzi tal-Parlament. Ir-rakkomandazzjonijiet tat-TEG wasslu għal sett ta’ modifiki għall-Miżuri Implimentattivi għall-Istatut tal-Membri u tal-Assistenti adottati mill-Bureau fil-laqgħat tiegħu fl-2009 u fl-2010.

87.

Is-servizzi ppreparaw l-applikazzjonijiet tal-IT meħtieġa biex jiġi implimentat l-Istatut kif ukoll l-adattament tal-formoli meħtieġa għall-Membru u l-assistenti u ħafna informazzjoni (diversi settijiet ta’ Mistoqsijiet u Tweġibiet biex jitqassmu fost il-Membri, karti ta' informazzjoni għall-intranet, eċċ).

88.

L-interpretazzjoni ġiet ipprovduta lill-Parlament Ewropew għal 5 664 laqgħa inklużi missjonijiet barra t-tliet postijiet tax-xogħol u s-servizzi tal-IAP Barra minn hekk, l-interpretazzjoni kienet disponibbli għal 590 laqgħa għall-Kummissjoni Ewropea, 69 laqgħa għall-Kumitat tar-Reġjuni, 136 laqgħa għall-Qorti tal-Awdituri, inklużi missjonijiet u 6 għaċ-Ċentru tat-Traduzzjoni

89.

Ġie tradott total ta’ 1 721 191 paġna (1 033 176 minnhom internament, 381 804 esternament u 306 211 għar-rapport verbatim). L-analiżi ta’ traduzzjoni mqassma skont il-kategorija u l-evoluzzjoni tagħha mill-2008 tidher hawn taħt. Is-servizzi tal-Parlament irnexxielhom ikampaw bit-talba għat-traduzzjoni minkejja l-fatt li l-iskadenzi minimi għall-preżentazzjoni ta’ dokumenti għat-traduzzjoni stabbilit fil-Kodiċi ta’ Kondotta dwar il-Multilingwaliżmu ġie rrispettat biss f’35 % tal-każijiet.

Dijagramma 10

Analiżi ta’ paġni tradotti bejn l-2008 u 2010

90.

Fl-24 ta’ Marzu 2010, wara l-proposta tal-Kumitat għall-Istrateġija tal-Innovazzjoni tal-ICT, il-Bureau adotta l-pjan ta’ strateġija tal-ICT għal perjodu ta’ żmien medju. Din l-istrateġija hija msejsa fuq tliet pilastri:

91.

Hu meħtieġ li l-ICT fil-Parlament Ewropew jissodisfa żewġ objettivi. L-ewwel objettiv hu li jiġi stabbilit u jinżamm servizz ta’ kwalità għolja u li jkun sostenibbli fl-użu tal-ICT, għall-komunikazzjoni istituzzjonali tiegħu maċ-ċittadini Ewropej, għall-għoti ta’ appoġġ lill-Membri tiegħu u għall-funzjonament tal-amministrazzjoni tiegħu. It-tieni objettiv hu li jitwasslu prodotti tal-ICT għall-linji gwida politiċi għall-‘użu sħiħ tat-Trattat il-ġdid ta’ Lisbona bil-għan li jingħata aktar poter lill-MPE fl-eżerċitar tal-mandat tagħhom’ għat-‘titjib tal-komunikazzjoni mobbli, il-konnettività, il-mobilità u l-interoperabilità’ u għat-‘tisħiħ tal-komunikazzjoni istituzzjonali mal-parlamenti nazzjonali, maċ-ċittadini Ewropej u mas-soċjetà ċivili’.

92.

Fil-qafas tal-istrateġija, is-Sistema tal-Ġestjoni tal-Għarfien (KMS) għandha l-għan li tipprovdi lill-Membri u lis-Segretarjat Ġenerali b’search engine wieħed għal dokumenti leġiżlattivi abbażi ta’ metadata multilingwa li jista’ jkun kondiviż fuq livell interistituzzjonali (14). L-2009 u l-2010 kienu ddedikati għall-produzzjoni tal-proċess ta’ indiċizzazzjoni, speċifikazzjonijiet funzjonali, tlestija ta’ siti elettroniku u databases esterni.

93.

Rigward iċ-Ċentru tad-Data l-ġdid fi Brussell id-disinn u l-arkitettura ppjanata kif ukoll il-pjan ta’ migrazzjoni tlestew. Bħala parti mill-proġett e-Parliament, inbdiet il-produzzjoni ta’ AT4AM (ġestjoni tal-emendi). Fil-kuntest tal-proġett Paperless, ġew ipprovduti provi tal-kunċetti għal e-Meeting u e-Committees. Ġie istallat tagħmir tad-dawl għan-netwerk mingħajr fili fl-emiċikli fi Brussell u Strasburgu. Tlestew studju u l-preparazzjoni tal-implimentazzjoni ta’ Wi-Fi fil-binjiet kollha tal-Membri. Barra minn hekk, ġie introdott Uffiċċju ta’ Servizz ġdid tal-ITEC għall-MPE biex tiġi pprovduta għajnuna personalizzata lill-Membri.

94.

Rigward is-sit elettroniku awdjoviżiv għall-professjonisti, f’Diċembru 2010 ġiet imnedija pjattaforma awdjoviżiva online ġdida faċli biex tintuża mill-utent. Diġà saret il-punt ta' kuntatt ewlieni għal materjal ta’ vidjo, awdjo u ritratti tax-xandir ta’ kwalità prodotti mill-Parlament, partikolarment għal pakketti tematiċi. Is-servizz tat-trasmissjoni fuq l-internet ġie estiż għall-kumitati parlamentari kollha, il-konferenzi tal-istampa u avvenimenti istituzzjonali importanti. Issa hemm disponibbli 13-il trasmissjoni simultanja.

95.

Titjib ewlieni tat-televiżjoni minn fuq l-internet tal-Parlament jinkludi l-organizzazzjoni mill-ġdid tal-kontenut, trasmissjoni ta’ programmi b’iktar ħeffa, titjib viżwali u navigazzjoni f’temi speċifiċi. Fl-istess waqt, kien hemm iktar integrazzjoni tal-programmi Europarltv permezz tas-sit elettroniku ewlieni tal-Parlament u l-paġni ta’ Facebook. Kien hemm 9 858 549 viżitatur differenti fl-2010 u 255 922 828 paġna ġew aċċessati b’kollox.

96.

Fl-attivitajiet kollha organizzati minnhom, l-Uffiċċji ta’ Informazzjoni tal-PE (EPIOs) laħqu madwar 6 miljun ċittadin direttament u 60 miljun ċittadin indirettament. B’mod partikolari, EPIOs organizzaw 86 Fora taċ-Ċittadini, inklużi 5 b’dimensjoni transkonfinali. Il-fora rnexxew bħala strument biex iżid, b’mod kwalitattiv u kwantitattiv, il-kuntatti diretti tal-Parlament maċ-ċittadini tal-UE. Barra minn hekk, l-EPIOs irnexxew fl-organizzazzjoni ta’ avvenimenti biex jiċċelebraw il-Jum Internazzjonali tan-Nisa u Jum l-Ewropa, bis-60 anniversarju tad-Dikjarazzjoni ta’ Schuman din is-sena. Mill-analiżi tal-istampa li toħroġ kuljum flimkien mal-EPIOs, total ta’ madwar 100 artikolu dwar iċ-ċelebrazzjonijiet ta’ Jum l-Ewropa ġew identifikati fil-midja ta’ iktar minn nofs l-Istati Membri. B’kollox 26 avveniment u kampanja ġew organizzati madwar id-dinja u laħqu lil 100 552 parteċipanti fil-bini tal-PE u eluf ta’ parteċipanti barra l-bini.

97.

Għall-Premju Sakharov ġew organizzati bosta attivitajiet differenti mill-EPIOs biex jiġu promossi d-Drittijiet tal-Bniedem u l-Premju Sakharov. Fl-2010 il-Premju ngħata lil Guillermo Farinas ta’ oriġini Kubana.

98.

Fl-2010 għall-ewwel darba is-Servizz tal-Viżitaturi laqa’ iktar minn 300 000 viżitatur. Kien hemm madwar 220 000 viżitatur fi Brussell u madwar 80 000 waqt is-sessjonijiet plenarji fi Strasburgu. B’kollox dawn il-viżitaturi rrappreżentaw madwar 7 900 grupp. Madwar 28 400 kienu viżitaturi individwali, li l-biċċa l-kbira tagħhom segwew it-tour multimedjali l-ġdid fi Brussell. Fi Strasburgu, total ta’ 8 574 parteċipant (studenti u għalliema tas-sekondarja) ħadu sehem fl-avvenimenti Euroscola ta’ kull xahar organizzati mill-Uffiċċju ta’ Informazzjoni.

99.

Il-proġett kumpless ħafna taċ-Ċentru tal-Viżitaturi dieħel fl-aħħar fażi tiegħu. Hu organizzat fi 8 oqsma ta’ esperjenza b’total ta’ 36 istallazzjoni tal-midja tematika differenti li jkunu aċċessibbli minn iktar minn 300 punt ta’ aċċess. Il-wirja permanenti fiha iktar minn 700 storja differenti jew “affarijiet li trid tara” fil-wirja. Billi jitqies it-tour tal-gwida tal-midja, il-logħba ta’ role-play multimodali, adattamenti tal-kontenut speċifiċi għat-tfal u l-persuni b’diżabilità u l-klipps tal-MPE fuq il-ħajt, l-għadd globali ta’ “unitajiet ta’ informazzjoni” se jaqbeż l-4 500. Billi jitqies il-multingwaliżmu, l-għadd ta’ “unitajiet ta’ informazzjoni” ikollu jiġi prodott u jitqiegħed fil-wirja hu madwar 20 000 u 30 000 unità. L-approċċ tematiku għandu karatteristiċi differenti li jvarjaw minn xjenza politika u kwistjonijiet leġiżlattivi għall-istorja u s-soċjoloġija. Għall-kuntrarju ta' proġetti ta’ mużewijiet tradizzjonali, li huma bbażati fuq kollezzjoni eżistenti, l-iżvilupp u l-produzzjoni tal-kontenut tal-wirja huma parti integrali tal-proġett taċ-Ċentru tal-Viżitaturi. Dan iwassal biex il-proċessi ta’ ppjanar u akkwist ikunu kumplessi ħafna.

100.

Il-proġett biex tiġi stabbilita Dar għall-Istorja Ewropea ġiet inizjata mill-President tal-Parlament Ewropew Hans-Gert Pöttering fl-2007. Fl-istess sena, il-Bureau ddeċieda li jikostitwixxi Kumitat tal-Esperti biex ifassal kunċett għad-Dar għall-Istorja Ewropea. Skont il-‘Bażi Konċettwali’,wieħed mill-għanijiet ewlenin tad-Dar għall-Istorja Ewropea “huwa li l-Ewropej ta' kull ġenerazzjoni jitgħallmu iżjed dwar l-istorja tagħhom stess u, b'hekk, jikkontribwixxu biex l-iżvilupp tal-Ewropa jiġi mifhum aħjar, issa u fil-ġejjieni. Wara l-pubblikazzjoni tal-kompetizzjoni arkitettonika, sitta u għoxrin espressjoni għal interess valida ġew ippreżentati. Dawn l-espressjonijiet ta’ interess ġew eżaminati minn kumitat ta’ evalwazzjoni, li temm xogħlu f’Jannar 2010. Dan l-eżami wassal biex tnax-il kandidat inżammu u ntlabu jippreparaw id-disinn preliminari. F’Settembru 2010, ġurija internazzjonali eżaminat il-proġetti.

101.

Il-politika tal-proprjetà fuq terminu ta’ żmien medju adottata b’deċiżjoni tal-Bureau tal-24 ta’ Marzu 2010 tipprevedi l-objettivi li ġejjin:

102.

Fil-laqgħa tiegħu tal-24.3.2010, il-Bureau awtorizza lill-Viċi-Presidenti bir-responsabilità għall-politika tal-proprjetà tal-parlament u s-Segretarju Ġenerali biex jimplimentaw dik il-politika fuq terminu ta’ żmien medju u biex iressqu kwalunkwe proposta relevanti lill-Bureau għal deċiżjoni. B’mod partikolari, stabbilixxa l-objettiv tax-xiri tal-binjiet mikrija mill-Parlament fi Brussell.

103.

F’dan ir-rigward, fl-2010 nxtara l-Bini REMARD fi Brussell u tħejja proġett ta’ xiri tad-Dar tal-Ewropea f’Sofija.

104.

B’rabta mal-estensjoni tal-Bini KAD fil-Lussemburgu, in-nefqa tal-kuntratt konkluż għax-xogħlijiet ġeotermiċi kienet 30 % inqas minn kif kien previst. Dan kien riżultat milqugħ tajjeb li jista’ jiġi spjegat minħabba proċedura ta’ tenders mifruxa ħafna, li permezz tagħha pparteċipaw kumpaniji minn iktar minn erba’ pajjiżi differenti. Is-sejħa għat-tenders għall-kostruzzjoni tal-bini ġiet ippubblikata f’Awwissu 2010. Is-sejħa għat-tenders għall-finanzjament tax-xogħol ta’ kostruzzjoni ġiet ippubblikata fi tmiem Diċembru 2010.

105.

Tlesta x-xogħol fuq l-uffiċċji ta’ informazzjoni ta’ Budapest, Washington, Londra u l-Aja. Ġie ffirmat il-kuntratt ta’ disinn tal-uffiċċju ta’ Kopenħagen. Il-Bureau qabel li jinfetħu n-negozjati dwar il-kiri mas-sidien tal-binjiet li fihom hu skedat li jkunu l-uffiċċji ta’ Ħelsinki u Wrocław. Wara tfittxija għall-proprjetà, intgħażel il-Vini Rakovsky f’Sofija. Għandha tittieħed deċiżjoni finali mill-awtoritajiet dwar il-kwistjoni sal-31 ta' Marzu 2011.

106.

Bil-ħsieb li l-emissjonijiet tal-karbonju jitnaqsu, il-kuntratti ta’ qafas il-ġodda u l-addenda għall-kuntratti eżistenti għandhom jistipulaw li l-karozzi uffiċċjali u l-vetturi kummerċjali kollha pprovduti għall-użu mill-Parlament għandhom jikkonformu mal-istandard Euro5. Il-vetturi tal-Parlament ukoll qed jiġu sostitwiti. Ġie implimentat kuntratt ġdid għat-trasport tal-Membri fi Strasburgu.

107.

Il-Parlament stabbilixxa skema ta’ ‘aġent li jħallas’ mal-STIB fi Brussell biex jiġi promoss l-użu tat-trasport pubbliku (karoxxi tal-linja, trams u ferroviji taħt l-art tal-STIB). B’kuntratt iffirmat f'Ottubru 2010, il-Parlament iħallas 50 % tal-ispejjeż tal-biljetti staġjonali annwali mixtrija mill-uffiċjali u persunal ieħor. Din is-sistema ilha topera minn tmiem Diċembru 2010.

108.

Ġie mniedi wkoll proġett ambjentali ewlieni bl-isem “Relighting” fi Brussell (biex il-bozoz fl-uffiċċji kollha jiġu sostitwiti b’bozoz LED bulbs sabiex jiġġeneraw tfaddil tal-enerġija) fi tmiem l-2010.

109.

Il-bidliet ewlenin għaċ-ċart organizzativa u l-ġestjoni tal-PE huma mniżżla fil-qosor fit-tabella ta’ hawn taħt:

Tabella 12

Sommarju tal-bidliet ta’ ristrutturar fis-Segretarjat Ġenerali fl-2010

110.

Rigward titjib tal-ġestjoni ieħor, ġiet introdotta fil-Parlament il-kontabilità bbażata fuq flus dovuti. L-implimentazzjoni tal-appoġġ tal-IT għal dawn il-modifiki żied fil-ħeffa fl-aħħar tal-2010. Pakketti tax-Xogħol 1 (Inizjalizzazzjoni ta’ fornituri ta’ bilanċi/fornituri tas-servizzi) u 2 (fatturi deħlin u fornituri/fornituri ta’ servizzi) daħlu fil-produzzjoni sħiħa. Għall-pakkett tax-xogħol 3 (fatturi ħerġin u ktieb tad-debituri) il-parti relatata mar-rekwiżiti tan-negozji, ir-reġistrazzjonijiet tal-kontijiet u r-rapporti ġiet mitmuma.

111.

L-applikazzjoni l-ġdida “Kuntratti Web” għall-ġestjoni finanzjarja u amministrattiva tal-proċeduri tal-akkwist pubbliku (proġett ewlieni AWP 100.c) bdiet il-fażi pilota tagħha fl-2010 b’parteċipazzjoni kbira minn kważi d-DĠs kollha.

112.

Fl-aħħar, ġie introdott monitoraġġ komprensiv rigward il-Programm ta’ Xogħol Amministrattiv 2009-2011 għad-Direttorati Ġenerali kollha. Il-Programm ta’ Xogħol Amministrattiv huwa strument ta’ ġestjoni u, per se, jirrifletti xi nkiseb minn kull DĠ u s-Servizz Legali tul perjodu tax-xogħol. Id-DĠs kollha jirraportaw regolarment dwar il-progress tal-proġetti ewlenin tagħhom.