PUBBLIKAZZJONI TA' POST VAKANTI GĦALL-KARIGA TA' DIRETTUR FL-ISTITUT EWROPEW GĦALL-UGWALJANZA BEJN L-IRĠIEL U N-NISA

(grad AD 13)

COM/2007/10049

(2007/C 92 A/01)

L-Istitut Ewropew għall-Ugwaljanza bejn l-irġiel u n-nisa, li għandu l-kwartieri ġenerali tiegħu f'Vilnius, qed jirrekluta d-direttur tiegħu.

Id-direttur ser jiġi nominat mill-Kunsill ta' Amministrazzjoni ta' l-Istitut fuq il-bażi ta' lista ta' kandidati magħżula u proposti mill-Kummissjoni Ewropea. Huwa (Hija) j/tkun nominat(a) bħala aġent temporanju fil-grad AD 13 skond l-Artikolu 2 a tal-Kundizzjonijiet ta' Impjieg li japplikaw għall-aġenti l-oħra tal-Komunitajiet Ewropej għal perjodu ta' ħames snin li jiġġedded għal perjodu ieħor li ma jistax ikun ta' iktar minn ħames snin. L-Istitut u l-Kummissjoni japplikaw politika ta' opportunitajiet indaqs.

Il-kandidati jridu jkunu ċittadini ta' wieħed mill-Istati Membri ta' l-Unjoni Ewropea.

Id-deskrizzjoni tal-kariga, l-applikazzjoni u l-istruzzjonijiet sabiex tintbagħat applikazzjoni jistgħu jitniżżlu mill-indirizz li ġej:

http://ec.europa.eu/dgs/personnel_administration/working_senior_mgt_en.htm

Id-data sa meta jistgħu jaslu l-applikazzjonijiet hija l-4 ta' Ġunju 2007.