5.1.2011

MT

Il-Ġurnal Uffiċjali tal-Unjoni Ewropea

C 2/1

---

Ir-rata tal-interessi applikata mill-Bank Ċentrali Ewropew għall-operazzjonijiet prinċipali ta' rifinanzjament (1):

1,00 % fl-1 ta’ Jannar 2011

Rata tal-kambju tal-euro (2)

L-4 ta’ Jannar 2011

2011/C 2/01

1 euro =

	Munita	Rata tal-kambju
USD	Dollaru Amerikan	1,3421
JPY	Yen Ġappuniż	110,20
DKK	Krona Daniża	7,4533
GBP	Lira Sterlina	0,85875
SEK	Krona Żvediża	8,9545
CHF	Frank Żvizzeru	1,2669
ISK	Krona Iżlandiża
NOK	Krona Norveġiża	7,8090
BGN	Lev Bulgaru	1,9558
CZK	Krona Ċeka	24,888
EEK	Krona Estona
HUF	Forint Ungeriż	275,85
LTL	Litas Litwan	3,4528
LVL	Lats Latvjan	0,7098
PLN	Zloty Pollakk	3,9403
RON	Leu Rumen	4,2676
TRY	Lira Turka	2,0744
AUD	Dollaru Awstraljan	1,3298
CAD	Dollaru Kanadiż	1,3330
HKD	Dollaru ta' Hong Kong	10,4253
NZD	Dollaru tan-New Zealand	1,7483
SGD	Dollaru tas-Singapor	1,7244
KRW	Won tal-Korea t'Isfel	1 502,39
ZAR	Rand ta' l-Afrika t'Isfel	8,9185
CNY	Yuan ren-min-bi Ċiniż	8,8697
HRK	Kuna Kroata	7,3895
IDR	Rupiah Indoneżjan	12 053,57
MYR	Ringgit Malażjan	4,1129
PHP	Peso Filippin	58,516
RUB	Rouble Russu	40,9015
THB	Baht Tajlandiż	40,337
BRL	Real Brażiljan	2,2192
MXN	Peso Messikan	16,3642
INR	Rupi Indjan	60,4481

---

(1)  Rata applikata għall-operazzjoni l-iktar reċenti mwettqa qabel il-jum indikat. Fil-każ ta' sejħa għall-offerti b'rata varjabbli, ir-rata tal-interessi hija r-rata marġinali.

(2)  Sors: rata tal-kambju ta' referenza ppubblikata mill-Bank Ċentrali Ewropew.

---

5.1.2011

MT

Il-Ġurnal Uffiċjali tal-Unjoni Ewropea

C 2/2

---

SEJĦA GĦALL-PROPOSTI – EACEA/36/10

Kooperazzjoni bejn l-UE u l-Istati Uniti fl-Edukazzjoni Ogħla u t-Taħriġ Professjonali

Atlantis: Azzjonijiet għal Rabtiet Transatlantiċi u Netwerks Akkademiċi fit-Taħriġ u l-Istudji Integrati

Sejħa għal proposti 2011

2011/C 2/02

1.   Għanijiet u Deskrizzjoni

L-għanijiet ġenerali huma li jippromwovu fehim reċiproku bejn il-popli tal-Komunità Ewropea u tal-Istati Uniti tal-Amerka, inkluż tagħrif usa’ dwar il-lingwi, il-kulturi u l-istituzzjonijiet tagħhom u kif ukoll titjieb il-kwalità tal-iżvilupp tar-riżorsi umani kemm fil-Komunità Ewropea kif ukoll fl-Istati Uniti tal-Amerka;

2.   Applikanti eliġibbli

Il-preżentazzjoni ta’ talbiet għal għotjiet fl-ambitu ta’ din is-sejħa hija miftuħa għall-istituzzjonijiet ta’ edukazzjoni għolja u għall-istituzzjonijiet ta’ edukazzjoni u taħriġ professjonali (inklużi Community Colleges fl-Istati Uniti). Għall-Miżuri b’Orjentament Politiku, is-sejħa hija miftuħa għal organizzazzjonijiet oħra bħal aġenziji ta’ akkreditament, aġenziji jew organizzazzjonijiet edukattivi, kumpaniji privati, gruppi industrijali u kummerċjali, organizzazzjonijiet mhux governattivi, istituti tar-riċerka u korpi professjonali. L-applikanti eliġibbli jridu jkunu stabbiliti f’wieħed mill-pajjiżi tal-Unjoni Ewropea.

Konsorzju li japplika għall-programm Atlantis irid jissodisfa l-kriterji ta’ sħubija li ġejjin:

—

Il-Proġetti ta’ Lawrja Transatlantika jridu jinkludu wieħed miż-żewġ konsorzja/għażliet: (1) ta’ sħubija: mhux inqas minn żewġ istituzzjonijiet tal-UE minn Stati Membri tal-UE differenti u istituzzjoni mill-Istati Uniti jew (2) mhux inqas minn żewġ istituzzjonijiet tal-UE minn Stati Membri tal-UE differenti u żewġ istituzzjonijiet mill-Istati Uniti (mill-istess stati jew differenti).

—	Eċċellenza fi proġetti ta’ mobilità jridu jinkludu mhux inqas minn żewġ istituzzjonijiet tal-UE minn Stati Membri tal-UE differenti u żewġ istituzzjonijiet mill-Istati Uniti (mill-istess stati jew differenti). Sħubiji addizzjonali ’l fuq min-numru minimu ma jżidux il-baġit.

—	Il-miżuri politiċi ta’ orjentazzjoni jridu jinkludu mhux inqas minn minn żewġ istituzzjonijiet tal-UE minn Stati Membri tal-UE differenti u żewġ istituzzjonijiet mill-Istati Uniti (mill-istess stati jew differenti). Sħubiji addizzjonali ’l fuq min-numru minimu ma jżidux il-baġit.

3.   Azzjonijiet eliġibbli u t-tul tagħhom

Hemm tliet tipi ta’ azzjonijiet fl-ambitu ta’ din is-sejħa, li huma:

Azzjoni 1 –   Proġetti ta’ Konsorzji ta’ Lawrji Universitarji Transatlantiċi

Din l-Azzjoni tipprovdi appoġġ għall-konsorzji tal-istituzzjonijiet tal-edukazzjoni ogħla fl-UE u fl-Istati Uniti (minn hawn ’il quddiem imsejħin “konsorzju”) biex jimplimentaw programmi duppliċi/doppji jew konġunti ta’ lawrji universitarji li f’dan id-dokument issir referenza għalihom bħala “Lawrji Transatlantiċi”. L-appoġġ jinkludi għotjiet ta’ mobilità għall-istudenti u l-membri tal-persunal akkademiku u amministrattiv (“fakultà”).

Azzjoni 2 –   Proġetti ta’ Mobilità b’Eċċellenza

Din l-Azzjoni tipprovdi fondi għal proġetti internazzjonali ta’ żvilupp tal-kurrikulu li jinvolvu mobilità transatlantika fuq medda qasira ta’ żmien mhux direttament marbuta ma’ għotja ta’ grad universitarju konġunt jew dupliċi/doppju. L-appoġġ jinkludi għotjiet ta’ mobilità għall-istudenti u l-membri tal-persunal akkademiku u amministrattiv (“fakultà”).

Azzjoni 3 –   Miżuri b’Orjentament Politiku

Din l-Azzjoni tipprovdi appoġġ għal proġetti u attivitajiet multilaterali bejn l-UE u l-Istati Uniti mfassla biex itejbu l-kollaborazzjoni fil-qasam tal-edukazzjoni ogħla u tat-taħriġ professjonali.

It-tul massimu tal-proġetti jiddependi mill-azzjoni u jvarja bejn 24 u 48 xahar. L-Attivitajiet huma ppjanati li jibdew fl-1.10.2011 u, skont l-azzjoni tal-programm, jispiċċaw sentejn jew erba' snin wara.

Proġetti ta’ lawrja Transatlantiċi	48 xahar
Eċċellenza fil-Mobilità	48 xahar
Miżuri b’Orjentament Politiku	24 xahar

4.   Il-Kriterji tal-għoti

Il-kriterji tal-għoti għal Proġetti ta’ Lawrja Transatlantiċi u Proġetti għal Eċċellenza fil-Mobilità

Se jiġu applikati dawn il-kriterji ta’ kwalità għad-determinazzjoni tal-punteġġ kumplessiv tal-kwalità ta’ kull proposta eliġibbli:

L-importanza tal-proġett propost, (li jirrappreżenta 30 % tal-punteġġ totali).

Il-kwalità tad-disinn tal-proġett propost, (li jirrappreżenta 70 % tal-punteġġ totali).

Il-kriterji tal-għoti għall-Miżuri b’Orjentament Politiku

Se jiġu applikati dawn il-kriterji ta’ kwalità għad-determinazzjoni tal-punteġġ kumplessiv tal-kwalità ta’ kull proposta eliġibbli:

L-importanza tal-proġett propost, (li jirrappreżenta 30 % tal-punteġġ totali)

L-importanza tal-proġett propost, (li jirrappreżenta 70 % tal-punteġġ totali).

Deskrizzjoni iżjed dettajlata fuq il-kriterji tal-għoti tista' tinstab fil-gwida tal-programm.

Waqt l-għażla, ser tingħata prijorità lil (bil-kondizzjoni li l-proposta tirrappreżenta l-kwalità mistennija)

—	proġetti li jitressqu minn konsorzji ta' istituzzjonijiet u dipartimenti ġodda kif ukoll istituzzjonijiet u dipartimenti li ma ngħatawx fondi bħala msieħba ewlenin fiż-żewġ proċeduri ta' selezzjoni preċedenti ta' Atlantis

—	proposti li jiffukaw fuq edukazzjoni u taħriġ vokazzjonali ta' livell ogħla jew postsekondarju.

Iż-żewġ naħat iħeġġu proposti fl-oqsma kollha ta' suġġetti iżda se tingħata attenzjoni speċjali għall-applikazzjonijiet li jittrattaw il-kwistjonijiet tal-intraprenditorija, is-sostenibilità u l-ambjent.

5.   Baġit

Il-baġit disponibbli min-naħa tal-UE jammonta għal madwar EUR 6,44 miljuni.

Għall-istituzzjonijiet tal-Istati Uniti ser jiġu pprovduti fondi komparabbli. Huwa antiċipat li:

—	Ser jiġu ffinanzjati bejn seba’ u għaxar proġetti ta’ Azzjoni 1, b’massimu ta' EUR 428 000,

—	Ser jiġu ffinanzjati bejn seba’ u disa’ proġetti ta’ Azzjoni 2, b’massimu ta' EUR 180 000 u

—	Ser jiġu ffinanzjati bejn ħames u seba' proġetti, b’massimu ta' EUR 70 000.

6.   Data ta’ skadenza

L-applikazzjonijiet għandhom jiġu sottomessi kemm lill-UE kif ukoll lill-Istati Uniti mhux aktar tard mis-7 ta’ April 2011. L-applikazzjonijiet li jkollhom it-timbru postali wara din id-data ma jitqiesux.

L-applikant Ewropew irid jibgħat l-applikazzjoni lill-Aġenzija Eżekuttiva għall-Edukazzjoni, l-Awdjoviżiv u l-Kultura, f’dan l-indirizz:

L-Aġenzija Eżekuttiva għall-Edukazzjoni, l-Awdjoviżiv u l-Kultura

EU-US Call 2011

Avenue du Bourget 1 — BOUR 02/17

1140 Bruxelles/Brussel

BELGIQUE/BELGIË

L-applikazzjonijiet f’isem l-istituzzjoni kap tal-UE għandhom jintbagħtu fil-formola korretta, mimlija kif suppost, iffirmata mill-persuna awtorizzata li tidħol f’impenji li jorbtu ġuridikament f’isem l-organizzazzjoni li qed tapplika u datata.

L-applikanti tal-UE li jeħtieġu iktar informazzjoni jistgħu jikkuntattjaw lill-Aġenzija Eżekuttiva għall-Edukazzjoni, l-Awdjoviżiv u l-Kultura f’dan l-indirizz elettroniku: EACEA-EU-US@ec.europa.eu

L-applikant Amerikan għandu jibgħat l-applikazzjoni lill-Istati Uniti u l-informazzjoni u l-istruzzjonijiet fil-pakkett tal-applikazzjoni jistgħu jinstabu http://e-grants.ed.gov

L-applikanti tal-Istati Uniti li jeħtieġu iktar informazzjoni, jekk jogħġobhom jikkuntattjaw:

Tanyelle Richardson

US Department of Education

International Studies Group

1990 K Street N.W.

Suite 6017

Washington, DC 20006-8521

UNITED STATES OF AMERICA

Tel. +1 2025027626

Fax +1 2025027869

Posta elettronika: tanyelle.richardson@ed.gov

7.   Aktar informazzjoni

It-test tas-sejħa għall-gwida tal-programm u l-formoli tal-applikazzjoni huma disponibbli fuq il-websajt li ġejja:

http://eacea.ec.europa.eu/extcoop/usa/index_en.htm

L-applikazzjonijiet għandhom jikkonformaw mar-rekwiżiti stipulati fit-test sħiħ u jintbagħtu bl-użu tal-formola pprovduta.

---