Awtorizzazzjoni ta' l-għajnuna Statali fil-qafas tad-Dispożizzjonijiet ta' l-Artikoli 87 u 88 tat-Trattat tal-KE

Fir-rigward ta' dawn il-każijiet il-Kummissjoni ma tqajjimx oġġezzjonijiet

(Test b'rilevanza għaż-ŻEE)

(2007/C 278/01)

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/community_law/state_aids/

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/community_law/state_aids/

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/community_law/state_aids/

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/community_law/state_aids/

Rata tal-kambju ta' l-euro (1)

L-20 ta' Novembru 2007

(2007/C 278/02)

1 euro=

(1)  

Sors: rata tal-kambju ta' referenza ppubblikata mill-Bank Ċentrali Ewropew.

Il-proċedura nazzjonali Griega għall-allokazzjoni tad-drittijiet limitati tat-traffiku ta' l-ajru

(2007/C 278/03)

Skond l-Artikolu 6 tar-Regolament tal-Parlament Ewropej u tal-Kunsill Nru (KE) 847/2004 dwar in-negozjati u l-implimentazzjoni tal-ftehimiet dwar is-servizzi ta' l-ajru bejn l-Istati Membri u pajjiżi terzi, il-Kummissjoni Ewropea tippubblika l-proċedura nazzjonali segwenti biex titqassam fost titolari Komunitarji eliġibbli ta' drittijiet tat-traffiku ta' l-ajru fejn huma limitati skond ftehimiet ta' servizz ta' l-ajru ma' pajjiżi terzi.

Notifika minn qabel ta' konċentrazzjoni

(Każ COMP/M.4973 — OAK Hill/Forgings International)

Każ li jista' jiġi kkunsidrat għall-proċedura simplifikata

(Test b'rilevanza għaż-ŻEE)

(2007/C 278/04)

(1)  ĠU L 24, 29.1.2004, p. 1.

(2)  ĠU C 56, 5.3.2005, p. 32.

Notifika minn qabel ta' konċentrazzjoni

(Każ COMP/M.4964 — Sun Capital Funds/Mark IV)

Każ li jista' jiġi kkunsidrat għall-proċedura simplifikata

(Test b'rilevanza għaż-ŻEE)

(2007/C 278/05)

(1)  ĠU L 24, 29.1.2004, p. 1.

(2)  ĠU C 56, 5.3.2005, p. 32.

Notifika minn qabel ta' konċentrazzjoni

(Każ COMP/M.4981 — AT&T/IBM)

Każ li jista' jiġi kkunsidrat għall-proċedura simplifikata

(Test b'rilevanza għaż-ŻEE)

(2007/C 278/06)

(1)  ĠU L 24, 29.1.2004, p. 1.

(2)  ĠU C 56, 5.3.2005, p. 32.

Pubblikazzjoni ta' applikazzjoni skond l-Artikolu 6(2) tar-Regolament tal-Kunsill (KE) Nru 510/2006 dwar il-protezzjoni ta' indikazzjonijiet ġeografiċi u denominazzjonijiet ta' l-oriġini għal prodotti agrikoli u oġġetti ta' l-ikel

(2007/C 278/07)

Din il-pubblikazzjoni tikkonferixxi d-dritt għal oġġezzjoni għall-applikazzjoni skond l-Artikolu 7 tar-Regolament tal-Kunsill (KE) Nru 510/2006 (1). Id-dikjarazzjonijiet ta' oġġezzjoni għandhom jaslu l-Kummissjoni fi żmien sitt xhur mid-data ta' din il-pubblikazzjoni.

SINTEŻI

REGOLAMENT TAL-KUNSILL (KE) NRU 510/2006

“JIHOČESKÁ NIVA”

Nru tal-KE: CZ/PGI/005/0405/20.10.2004

DPO ( ) IĠP ( X )

Din is-sinteżi tagħti l-elementi ewlenin ta' l-ispeċifikazzjoni tal-prodott b'għan informattiv biss.

1.   Dipartiment responsabbli fl-Istat Membru

2.   Grupp:

Din l-applikazzjoni hija għal deroga mill-Artikolu 5(1) tar-Regolament (KE) Nru 510/2006, peress li fiż-żona jeżisti produttur wieħed biss. Ir-rekwiżiti stipulati fl-Artikolu 2 tar-Regolament (KE) Nru 1898/2006 huma sodisfatti.

3.   Tip ta' Prodott:

Klassi: 1.3 Ġobon:

4.   Speċifikazzjoni:

(sinteżi tar-rekwiżiti permezz ta' l-Artikolu 4(2) tar-Regolament (KE) Nru 510/2006)

4.1   Isem: “Jihočeská Niva”

4.2   Deskrizzjoni: Il-materja prima bażika li tintuża fil-produzzjoni ta' dan il-ġobon naturali li fih il-moffa huwa ħalib tal-baqar ipproċessat. Il-ġobon huwa magħmul esklussivament minn ħalib miż-żona deżinjata.

Dehra esterna: Il-ġobon huwa forma ta' rota, b'dijametur ta' 180-200 mm u għoli ta' bejn wieħed u ieħor 10 ċm (piż bejn wieħed u ieħor 2,8 kg); il-marki ta' trattament bil-ħasil jew brix fuq il-qoxra, il-moffa blu tagħti fl-aħdar tikber fil-ġobna kollha kif ukoll il-qoxra qisha xama' fuq il-wiċċ tal-ġobon mhumiex sinjali ta' difetti. Il-wiċċ tal-ġobna jista' jkun ta' lewn bajdani għal kannella ċar.

Dehra interna: Il-ġewwieni tal-ġobna huwa abjad lewn il-krema jew simili għall-butir b'vini ħodor jagħtu fil-blu fejn il-moffa tikber fih u għandu marki rikonoxxibbli tat-titqib.

Il-konsistenza tal-ġobon: Ħafif, jitfarrak, u mmaturat b'konsistenza; il-preżenza ta' moffa barranija mhix permessa.

Togħma, riħa: Mielaħ, pikkanti, aromatiku, ponta taqta', karatteristiċi tal-moffa koltivata Penicillium roqueforti.

L-għamla tal-prodott mat-tqegħid fis-suq, Minbarra l-forma ta' rota, kif ingħad hawn fuq, li jkollha piż ta' madwar 2,8 kg, il-ġobon jinbiegħ ukoll fil-forma ta' nofs tond (piż ta' madwar 1,2 kg) u bħala porzjoni li jiżnu 115 g jew 220 g.

Rekwiżiti fiżiċi/kimiċi:

Kontenut ta' materjal niexef: 52 %

Kontenut ta' xaħam fil-materjal niexef: 50 %

Kontenut ta' melħ: 3-5,5 %

Proprjetajiet mikrobijoloġiċi: Il-ġobon fih il-moffa kkultivata Penicillium roqueforti PY jew PV, CB jew PR1 (sa PR4). Barra minn hekk, f'termini ta' rekwiżiti mikrobijoloġiċi, il-ġobon jissodisfa l-kriterji standard għas-sikurezza ta' l-ikel u l-iġjene tal-proċess ta' produzzjoni.

Ippakkjar: L-ippakkjar huwa nadif u uniformi, ikopri l-uċuh kollha u huwa mmarkat preċiżament.

4.3   Żona Ġeografika: Iż-żona ġeografika hija r-reġjun tal-Boħemja t'Isfel, li l-konfini tagħha huma demarkati bl-Att Nru 36/1960 Coll. dwar it-Tqassim Territorjali ta' l-Istat, kif emendat l-aħħar.

4.4   Prova ta' l-oriġini: Minbarra t-testijiet standard, kull ċisterna ta' ħalib fornit tkun ukoll iċċekkjata biex jiġi żgurat li ma jkunx fiha inibituri residwi. Il-lottijiet individwali jiġu mmarkati matul il-proċess kollu ta' maturazzjoni u ppakkjar. Kull lott jiġi ttestjat fil-laboratorju matul il-proċess, li jibda mill-ħalib sakem il-ġobon ikun lest biex jitqassam (kontrolli interoperattivi u fil-punt tal-ħruġ). Jinżammu reġistri aġġornati fir-rigward tat-testijiet kollha li jsiru.

Jinżamm reġistru ċentrali ta' fornituri tal-ħalib u ta' xerrejja tal-prodotti aħħarin.

Il-materji primi kollha li jidħlu fil-proċess tal-produzzjoni jridu jikkorrispondu ma' l-ispeċifikazzjoni mill-produttur (fornitur) rilevanti; dawn l-ispeċifikazzjonijiet jinżammu aġġornati. Il-fornituri tal-materji primi huma meħtieġa biex il-produttur ikun jista' jagħmel stqarrija dwar l-assenza ta' organiżmi modifikati ġenetikament u dikjarazzjoni dwar l-allerġeni preżenti.

L-ippakkjar li jintuża huwa speċifikat bħal tajjeb għall-kuntatt ma' l-ikel.

Il-produzzjoni tal-ġobon blu Jihočeská Niva huwa rregolat bis-sistema HACCP u hwua soġġett għas-sistema ta' kontroll stipulata fil-Gwidi għall-Iġjene Tajba u Prassi tal-Manifattura; jinżammu r-reġistri dwar it-testijiet kollha li jsiru (ġurnali tal-laboratorju, rekords tekniċi, reġistri tas-sistema elettronika LAB u reġistri tat-testijiet).

Il-prodott aħħari jrid jissodisfa r-regolamenti ta' l-iġjene rilevanti.

L-attivitajiet kollha ta' produzzjoni u l-konformità ma' l-ispeċifikazzjoni huma taħt is-superviżjoni permanenti ta' l-awtorità ta' kontroll, li hija l-Krajská veterinární správa (l-amministrazzjoni veterinarja reġjonali) għar-reġjun tal-Boħemja ta' isfel.

Minbarra data oħra, informazzjoni dwar il-produttur, jiġifieri l-isem u l-indirizz tal-kumpanija, hija indikata fuq il-pakkett.

4.5   Il-Metodu tal-produzzjoni: Ħalib ipproċessat b'kontenut ta' xaħam ta' 3,45 % jitferra' f'magna tal-ġobon, u miegħu jiżdiedu kulturi komuni, li jiżguraw aċidifikazzjoni tajba tal-ġobon matul il-proċessi kollha tal-produzzjoni u ta-maturazzjoni. It-togħma karatteristika tal-Jihočeská Niva tiġi mill-moffa kkoltivata Penicillium roqueforti (ara t-Taqsima 4.2), li ilha tintuża għal għexieren ta' snin (l-istokk tal-koltivazzjoni huwa ġeneralment disponibbli għall-użu fl-industrija ta' l-ikel). Wara li jiżdied it-tames u l-ħalib jobqot, il-granuli ta' ġobon li jirriżultaw jitqiegħdu fil-qwieleb f'għamla ta' rota. Ix-xorrox jitħalla joqtor u l-kultura ta' mikro-flora tiġi żviluppata f'temperatura ristretta. Il-ġobon jitmellaħ f'żewġ fażijiet: l-ewwel fis-salmura, imbagħad bl-għorik bil-melħ oħxon. Fl-imgħoddi l-maturazzjoni kien iseħħ biss f'kantini naturali tal-maturazzjoni li kienu mħaffra fil-blat tal-franka. Fl-2005, minħabba ż-żieda fil-produzzjoni ta' dan il-ġobon blu, inbnew kantini għall-maturazzjoni mgħammra bl-arja kundizzjonata għal temperatura u umdità kkontrollati. Il-ġobon jitħalla jimmatura fil-kantini għallinqas għal erba' ġimgħat. Il-wiċċ tal-ġobon misjur jinħasel jew jinbarax, imbagħad il-ġobon jiġi ppakjat fil-fojl ta' l-aluminju jew karta speċjali li tħalli l-ossiġnu jgħaddi. Parti mill-produzzjoni tinqasam f'porzjonijiet u tiġi ppakkjata fi bramel tal-plastik u mgħottija bil-plastik stampat. L-ippakkjar irid ikun uniformi, nadif u mmarkat tajjeb.

Minħabba n-natura bijoteknoloġika tal-prodott, il-ġobon blu jrid jiġi ppakkjat direttament fil-faċilità tal-produzzjoni. Dan huwa wkoll meħtieġ biex tinżamm il-kwalità tal-prodott, l-iġjene u l-indafa, biex il-ġobon ma jkunx jista' jiġi mfixkel ma' ġobon minn reġjuni oħra, u wkoll għall-finijiet tat-traċċabilità tal-prodott.

4.6   Rabta: Il-ġobon blu Jihočeská Niva ilu jiġi prodott fl-impjant Český Krumlov bl-istess metodu mill-1951. Il-ġobon huwa msemmi għall-mergħat ta' Šumava, minn fejn ġej l-ingredjent ewlieni — ħalib tal-baqra mwassal fl-impjant taċ-Český Krumlov mill-Boħemja ta' Isfel, partikolarment mill-għoljiet ta' Šumava. Il-ħalib ġej minn waħda mir-reġjunijiet l-inqas imniġġsa. Il-mergħat jinsabu fiż-żoni protetti ta' Novohradské Hory, Blanský les u Šumava, u l-flora unika taż-żona għandha influwenza pożittiva fuq it-togħma tal-ħalib.

Dawn il-mergħat joffru varjetà wiesgħa ta' flora speċifika għar-reġjun. Pjanti biz-zokk qasir (spika, żwien, eċċ.) b'diversità kbira ta' varjetajiet huma karatterstiċi, flimkien ma' ċerti varjetajiet rari tipiċi taż-żona. Pjanta speċjali endemika hija l-Phyteuma nigrum. Pjanti speċjali oħra jinkludu l-Gentiana pannonica, Ligusticum mutellina, Arnica montana, Gentianella praecox tas-sottospeċi Bohemica, ċerti tipi ta' orkidej terrestri, eċċ.

Dan il-pajżaġġ varjat, imħarbat huwa kkaratterizzat minn ambjent nadif ħafna, partikolarment ir-reġjun ta' Český Krumlov u l-għoljiet ta' Šumava (iddikjarati bħala Riżerva Bijosferika ta' l-UNESCO fl-1990). Il-fatt li ġie dikjarat għadd kbira ta' pajżaġġi uffiċjalment protetti, tnejn minnhom protetti mill-UNESCO, jixhed li l-ambjent naturali tal-Boħemja ta' Isfel huwa prezzjuż ħafna.

Tabilħaqq, l-esperjenza tan-nies tal-lokal fil-produzzjoni ta' dan il-ġobon blu, mgħoddi minn ġenerazzjoni għall-oħra, ukoll kellha influwenza kbira fuq il-kwalità u l-karatteristiċi tal-Jihočeská Niva.

Il-ġobon blu Jihočeská Niva.huwa apprezzat ħafna fis-suq Ċek, kemm mill-pubbliku ġenerali, kif ukoll mill-ispeċjalisti fl-industrija tal-ħalib. Għal bosta snin, il-Jihočeská Niva ġie minn ta' quddiem fost l-aqwa ġobnijiet bil-moffa f'esibizzjonijiet nazzjonali tal-ġobon (skond bord ta' speċjalisti):

1999 — it-2 post

2000 — it-2 post

2002 — it-3 post

2004 — it-3 post

2005 — l-1 post

2007 — l-1 post

Jihočeská Niva huwa wkoll apprezzat ħafna mill-pubbliku ġenerali.

Il-volumi tal-bejgħ juru wkoll il-popolarità tal-Jihočeská Niva fost il-konsumaturi tal-ġobon blu. Ir-reġistri tal-produttur juru biċ-ċar li ma hemm l-ebda tnaqqis perċepibbli fil-bejgħ:

2003 — 2 341 884 kg mibjugħa

2004 — 2 256 793 kg mibjugħa

2005 — 2 386 668 kg mibjugħa

2006 — 2 568 764 kg mibjugħa

Dawn il-volumi tal-bejgħ juru l-popolarità stabbli ta' dan il-prodott fost il-konsumaturi madwar ir-Repubblika Ċeka.

Dan jidher ukoll mill-fatt li l-Jihočeská Niva huwa ppreżentat bħala wieħed mill-prodotti lokali tipiċi f'film promozzjonali qasir dwar ir-reġjun tal-Boħemja ta' Isfel.

4.7   Organu ta' Spezzjoni:

4.8   Tikkettar: —

(1)  ĠU L 93, 31.3.2006, p. 12.

Pubblikazzjoni ta' applikazzjoni għal emenda skond l-Artikolu 6(2) tar-Regolament tal-Kunsill (KE) Nru 510/2006 dwar il-protezzjoni ta' l-indikazzjonijiet ġeografiċi u d-denominazzjonijiet ta' l-oriġini tal-prodotti agrikoli u ta' l-oġġetti ta' l-ikel

(2007/C 278/08)

Din il-pubblikazzjoni tikkonferixxi d-dritt għal oġġezzjoni għall-applikazzjoni skond l-Artikolu 7 tar-Regolament tal-Kunsill (KE) Nru 510/2006 (1). Id-dikjarazzjonijiet ta' oġġezzjoni għandhom jaslu l-Kummissjoni fi żmien sitt xhur mid-data ta' din il-pubblikazzjoni.

APPLIKAZZJONI GĦAL EMENDA

REGOLAMENT TAL-KUNSILL (KE) NRU 510/2006

Applikazzjoni għal emenda skond l-Artikolu 9 u l-Artikolu 17(2)

“LAGUIOLE”

Nru tal-KE: FR/PDO/117/0120/18.02.2004

DPO (X) IĠP ( )

1.   Intestatura ta' l-ispeċifikazzjoni għall-emendar

2.   Tip ta' emenda/i

3.   Emendi:

Żona ġeografika:

Estensjoni taż-żona ġeografika għal 3 komuni tad-dipartiment ta' Cantal: Fridefont, Maurines u Saint-Martial, li jikkorrispondu għall-kriterji naturali u umani ddefiniti minn din id-denominazzjoni.

Metodu ta' produzzjoni:

Il-metodu ta' produzzjoni jiżdidulu dawn il-paragrafi:

L-użu ta' trattament u addittivi għall-ġobnijiet huwa suġġett għal regolamentazzjoni ġenerali.

Jidher li tekniki ġodda li għadd minnhom jikkonċernaw trattament u addittivi, bħall mikrofiltrazzjoni, il-konċentrazzjoni parzjali tal-ħalib jew l-enżimi għall-maturazzjoni, jistgħu jkollhom konsegwenzi fuq il-karatteristiċi tal-ġobnijiet ta' denonminazzjoni ta' l-oriġini. Ċerti addittivi enżimatiċi jidhru partikolarment inkompatibbli maż-żamma tal-karatteristiċi essenzjali tal-produzzjonijiet b'DPO.

Deher għalhekk neċessarju li fl-ispeċifikazzjonijiet tad-denominazzjonijiet ta' l-oriġini jiġu ppreċiżati, flimkien mal-metodu tal-produzzjoni, il-prattiki attwali li jikkonċernaw l-użu ta' trattamenti u addittivi għall-ħalib u fil-produzzjoni tal-ġobnijiet, sabiex jiġi evitat li prattiki futuri li mhumiex ikkunsidrati jeffettwaw il-karatteristiċi tal-ġobnijiet denominati.

SINTEŻI

REGOLAMENT TAL-KUNSILL (KE) NRU 510/2006

“LAGUIOLE”

Nru tal-KE: FR/PDO/117/0120/18.02.2004

DPO ( X ) IĠP ( )

Din is-sinteżi tagħti l-elementi ewlenin ta' l-ispeċifikazzjoni tal-prodott b'għan informattiv biss.

1.   Dipartiment responsabbli fl-Istat Membru:

2.   Grupp:

3.   Tip ta' prodott:

Klassi 1.3 — Ġobon

4.   Speċifikazzjoni:

(sinteżi tal-kundizzjonijiet imsemmija fl-Artikolu 4(2) tar-Regolament (KE) Nru 510/2006)

4. 1   Isem: “Laguiole”

4.2   Deskrizzjoni: Ġobon tal-ħalib tal-baqra ippressat u mhux imsajjar, bil-qoxra ħoxna mnixxfa u mfarfra; ta' forma ċilindrika minn 30 sa 40 ċm ta' dijametru, 40 ċm għoli, u piż bejn 25 u 50 kg; mill-inqas 45 % ta' materja xaħmija wara tnixxif sħiħ u mill-inqas 58 % ta' materja niexfa.

Il-ġobon huwa ta' lewn isfar u l-qoxra ta' lewn bajdani u jagħti fl-oranġjo ċar li jsir kannella jagħti fl-ambra waqt il-maturazzjoni.

It-tqegħid fis-suq ta' “Laguiole râpé” huwa pprojbit.

Meta l-ġobon jinbiegħ wara l-pre-ppakkjar, il-biċċiet iridu jkollhom bilfors parti bil-qoxra karatteristika tad-denominazzjoni.

4.3.   Żona ġeografika: Madwar sittin komun tal-pjanura ta' l'Aubrac, li tinfirex fuq id-dipartimenti ta' l'Aveyron, Cantal u Lozère.

Dipartiment ta' Aveyron

Distett ta' Rodez:

Distrett ta' Millau:

Dipartiment ta' Cantal

Canton de Chaudes-Aigues: il-komuni ta' Anterrieux, Chaudes-Aigues, Deux-Verges, Espinasse, Fridefont, Jabrun, Lieutadès, Maurines, Saint-Martial, Saint-Rémy-de-Chaudes-Aigues, Saint-Urcize, La Trinitat.

Dipartiment ta' Lozère

Distrett ta' Mende:

4.4   Prova ta' l-oriġini: Kull operatur jimla “dikjarazzjoni ta' attitudni” rreġistrata għand is-servizz ta' l-I.N.A.O. u li jippermetti lil ta' l-aħħar jidentifika l-operaturi kollha. Dawn għandhom iżommu għad-dispożizzjoni ta' l-I.N.A.O. r-reġistri kif ukoll kull dokument meħtieġ għall-kontroll ta' l-oriġini, tal-kwalità u tal-kundizzjonijiet ta' produzzjoni tal-ħalib u tal-ġobon.

Fil-qafas ta' kontroll li jsir fuq il-karatteristiċi tal-prodott b'denominazzjoni ta' l-oriġini, eżami analitiku u organolettiku għandu l-għan li jassigura l-kwalità u t-tipiċità tal-prodotti ppreżentati għal dan l-eżami.

4.5   Metodu ta' produzzjoni: Il-produzzjoni tal-ħalib u l-produzzjoni u l-manifattura tal-ġobnijiet iridu jsiru fiż-żona ġeografika.

Ir-razez bovini Simmenthal française u Aubrac biss huma awtorizzati.

L-ikel tal-baqar huwa assigurat, ħlief f'eċċezzjonijiet klimatiċi, mill-produzzjonijiet ta' l-għalf taż-żona ġeografika: Għaxeb (ħaxix mriegħi) tul mill-inqas 120 jum fis-sena, ħuxlief fi proporzjon ta' mill-inqas 30 % fix-xitwa, u furrajna. Hija pprojbita l-furrajna fil-qamħirrum fir-razzjonijiet tal-baqar tal-ħalib.

Il-ta' produzzjoni medja tal-ħalib għal kull baqra f'razzett m'għandhiex tkun aktar minn 6 000 litru kull sena.

Minbarra l-materja prima tal-ħalib, l-uniċi ingredjenti jew sustanzi awżiljari għall-produzzjoni jew addittivi awtorizzati fil-ħalib, u waqt il-produzzjoni, huma t-tames, il-kulturi tal-batterji, il-ħmira, il-moffa li jkollha l-innokwità tagħha ppruvata, u l-melħ.

Prodotta esklussivament mil-ħalib nej tal-baqra, sħiħ, miżjud bit-tames fi żmien mhux aktar minn 48 siegħa wara t-taħliba l-aktar bikrija f'temperatura bejn 30 u 35 °C, il-baqta tinkiser u tiġi ppressata għall-ewwel maturazzjoni, u tingħata minimu ta' ħames dawriet. Wara t-tieni tqattigħ, il-ġobna titmellaħ minn ġewwa u titqiegħed fil-forma u terġa' tingħata pressa twila u progressiva. Maturazzjoni f'kantini kesħin u umdi, 6 sa 12 °C, għal mill-inqas 4 xhur.

4.6.   Rabta: Il-produzzjoni tal-ġobon f'dan ir-reġjun tmur lura għar-raba' seklu. Mis-seklu tnax 'il quddiem, l-abbaziji ta' Aubrac u ta' Bonneval irranġaw biex il-produzzjoni tal-ġobon b'tali mod li l-produzzjoni tal-ħalib fis-Sajf tintuża biex titma' lill-pellegrini fix-Xitwa. Din il-prattika bdew jagħmluha wkoll il-bdiewa tal-madwar. Il-ġobon ifakkar fl-inħawi minn fejn ġej minħabba li qisu waħda mill-ġebliet tal-pilastri tal-knejjes Romaneski tal-Massif Central, li ġew mill-passjoni tan-nies fi triqithom lejn Santiago de Compostela. Fl-1897, il-bdiewa tal-muntanji ngħaqdu f'sindakat ta' bejgħ (Syndicat de vente), li mbagħad sar sindikat ta' protezzjoni (Syndicat de défense) fl-1939, sabiex fl-aħħar waslu għal denominazzjoni fl-1961.

Ir-reġjun ta' Aubrac għandu karatteristiċi distintivi għall-aħħar (l-art u l-klima ħorox, l-altitudni għolja u konfini naturali tal-pajsaġġ). Il-flora għanja tiegħu, aromatika u abbondanti tikkontribwixxi għal-ħalib rikk u għat-togħma tiegħu. Il-metodi u l-għarfien tal-produtturi ta' l-imgħoddi nżammu sabiex tiġi ppreżervata l-produzzjoni tradizzjonali u l-aktar il-maturazzjoni bil-mod u metikoluża f'kantini kesħin u umdi.

4.7.   Organu ta' spezzjoni:

L-Institut National des Appellations d'Origine huwa stabbiliment pubbliku ta' natura amministrattiva, li jgawdi minn personalità ċivili, u jaqa' taħt il-Ministeru ta' l-Agrikoltura.

Il-kontroll tal-kundizzjonijiet ta' produzzjoni li għandhom denominazzjoni ta' l-oriġini qiegħed f'idejn l-INAO.

In-nuqqas ta' osservanza tad-delimitazzjoni taż-żona ġeografika jew ta' waħda mill-kundizzjonijiet tal-produzzjoni iġġib magħha l-projbizzjoni ta' l-użu, taħt kwalunkwe forma u għal kwalunkwe għan, ta' l-isem tad-denominazzjoni ta' l-oriġini.

Id-DGCCRF huwa servizz tal-Ministeru ta' l-Ekonomija, Finanzi u Industrija.

4.8   Tikkettar: Minbarra isem id-Denominazzjoni u t-tismija “Appellation d'Origine”, miktuba b'ittri li jkunu mill-inqas daqs żewġ terzi ta' qies l-akbar ittri li jidhru fuq it-tikketti, il-ġobon b'Denominazzjoni jridu jkollhom fuq it-tikketti tagħhom il-logo bil-kitba INAO, it-tismija “Appellation d'Origine Contrôlée” u isem id-Denominazzjoni. Jekk dan il-logo isir b'timbru tal-linka, għandu jidher mill-inqas darbtejn fuq id-dawra tal-ġobon.

Il-kelmiet “buron” (l-għarix tar-ragħaj) u “fermier” (tar-razzett) huma awtorizzati taħt ċerti kondizzjonijiet.

L-identifikazzjoni tal-ġobon hija wkoll garantita b'timbru intaljat fuq il-qoxra tal-ġobon, li jkollu l-barri ta' Laguiole u l-kelma “Laguiole”.

It-tikketti jistgħu jiġu ssostitwiti permezz ta' stampar fuq il-qoxra tal-ġobon.

(1)  ĠU L 93, 31.3.2006, p. 12.