Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document E2022P0010

Azzjoni mressqa fis-27 ta’ Settembru 2022 minn Eviny AS kontra l-Awtorità ta' Sorveljanza tal-EFTA (Kawża E-10/22) 2022/C 437/04

PUB/2022/1292

ĠU C 437, 17.11.2022, p. 4–4 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

17.11.2022   

MT

Il-Ġurnal Uffiċjali tal-Unjoni Ewropea

C 437/4

Azzjoni mressqa fis-27 ta’ Settembru 2022 minn Eviny AS kontra l-Awtorità ta' Sorveljanza tal-EFTA

(Kawża E-10/22)

(2022/C 437/04)

Fis-27 ta’ Settembru 2022 tressqet azzjoni kontra l-Awtorità ta’ Sorveljanza tal-EFTA quddiem il-Qorti tal-EFTA minn Eviny AS, irrappreżentata mill-avukati Svein Terje Tveit u Paul Gunnar Hagelund, Arntzen de Besche, Ruseløkkveien 30, 0251 Oslo, in-Norveġja.

Eviny AS titlob lill-Qorti tal-EFTA biex:

1.

Tannulla d-Deċiżjoni Nru 161/22/COL, tas-6 ta’ Lulju 2022, tal-Awtorità ta’ Sorveljanza tal-EFTA; u

2.

Tordna lill-Awtorità ta’ Sorveljanza tal-EFTA sabiex iġġarrab il-kostijiet tal-proċeduri.

Sfond legali u fattwali u motivi miġjuba bħala sostenn:

—

Eviny AS (ir-“rikorrent”) hija kumpanija Norveġiża tal-enerġija rinnovabbli, inkorporata taħt il-liġi Norveġiża, li tipproduċi u tqassam l-elettriku fil-Punent tan-Norveġja.

—

Id-Deċiżjoni Nru 161/22/COL (“id-deċiżjoni kkontestata”) ġiet adottata wara lment minn Nelfo, assoċjazzjoni kummerċjali Norveġiża, bid-data tal-11 ta’ Mejju 2017, dwar għajnuna mill-Istat mogħtija mill-Muniċipalità ta’ Bergen.

—

Il-miżuri kkontestati jirrigwardaw il-kumpens żejjed għall-pagament tal-kostijiet tal-operat u tal-manutenzjoni u l-kostijiet kapitali fir-rigward tal-infrastruttura tad-dwal tat-toroq f’Bergen.

—

Ir-rikorrent jitlob l-annullament tad-deċiżjoni kkontestata u jibbaża r-rikors tiegħu fuq il-motivi li ġejjin:

—

L-awtorità ta’ Sorveljanza tal-EFTA wettqet żball manifest ta’ valutazzjoni fl-applikazzjoni tagħha tal-kunċett ta’ impriża billi kkonkludiet li s-sjieda u l-operat tad-dwal tat-toroq huma attività ekonomika;

—

L-awtorità ta’ Sorveljanza tal-EFTA wettqet żball manifest ta’ valutazzjoni meta kkonkludiet li r-rikorrent irċieva vantaġġ ekonomiku permezz ta’ kumpens żejjed;

—

Ma hemm l-ebda distorsjoni tal-kompetizzjoni jew effett fuq il-kummerċ;

—

L-għajnuna allegata għandha tiġi klassifikata bħala għajnuna eżistenti li mhijiex soġġetta għal irkupru; u

—

Id-deċiżjoni kkontestata hija bbażata fuq eżami insuffiċjenti tal-fatti u tonqos milli tipprovdi motivazzjoni xierqa bi ksur tal-Artikolu 16 tal-Ftehim bejn l-Istati tal-EFTA dwar it-Twaqqif ta’ Awtorità ta’ Sorveljanza u Qorti tal-Ġustizzja.
Top