Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document E2016P0004

Azzjoni mressqa fit-2 ta’ Marzu 2016 mill-Awtorità ta’ Sorveljanza tal-EFTA kontra r-Renju tan-Norveġja (Kawża E-4/16)

ĠU C 338, 15.9.2016, p. 12–12 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

15.9.2016   

MT

Il-Ġurnal Uffiċjali tal-Unjoni Ewropea

C 338/12

Azzjoni mressqa fit-2 ta’ Marzu 2016 mill-Awtorità ta’ Sorveljanza tal-EFTA kontra r-Renju tan-Norveġja

(Kawża E-4/16)

(2016/C 338/14)

Azzjoni kontra r-Renju tan-Norveġja tressqet quddiem il-Qorti tal-EFTA fit-2 ta’ Marzu 2016 mill-Awtorità ta’ Sorveljanza tal-EFTA, irrappreżentata minn Carsten Zatschler, Clémence Perrin u Marlene Lie Hakkebo, li jaġixxu bħala Aġenti tal-Awtorità ta’ Sorveljanza tal-EFTA, 35 Rue Belliard, 1040 Brussell, il-Belġju.

L-Awtorità ta’ Sorveljanza tal-EFTA titlob lill-Qorti tal-EFTA biex:

1.

Tiddikjara li r-Renju tan-Norveġja naqas milli jissodisfa l-obbligi tiegħu skont l-Artikolu 33 tal-Ftehim bejn l-Istati tal-EFTA dwar it-Twaqqif ta’ Awtorità ta’ Sorveljanza u ta’ Qorti tal-Ġustizzja billi naqas milli jadotta, sad-data ta’ skadenza taż-żmien preskritt fl-opinjoni motivata mibgħuta lir-Renju tan-Norveġja skont l-Artikolu 31(2) ta’ dan il-Ftehim, il-miżuri meħtieġa biex jikkonforma mas-sentenza tal-Qorti tat-2 ta’ Diċembru 2013 fil-Kawża E-13/13 (l-Awtorità ta’ Sorveljanza tal-EFTA vs. ir-Renju tan-Norveġja).

2.

Tordna lill-konvenut iħallas l-ispejjeż ta’ dawn il-proċedimenti.

L-isfond legali u fattwali u l-motivi miġjuba bħala sostenn:

—

L-applikazzjoni tindirizza n-nuqqas tar-Renju tan-Norveġja li jikkonforma, sa mhux aktar tard mit-8 ta’ Settembru 2015, ma’ opinjoni motivata mogħtija mill-Awtorità ta’ Sorveljanza tal-EFTA fit-8 ta’ Lulju 2015 rigward in-nuqqas ta’ dan l-Istat li jissodisfa l-obbligi tiegħu skont l-Artikolu 33 tal-Ftehim bejn l-Istati tal-EFTA dwar it-Twaqqif ta’ Awtorità ta’ Sorveljanza u ta’ Qorti tal-Ġustizzja (“SCA”), li jieħu l-miżuri meħtieġa sabiex jikkonforma mas-sentenza tal-Qorti tat-2 ta’ Diċembru 2013 fil-Kawża E-13/13 (l-Awtorità ta’ Sorveljanza tal-EFTA vs Ir-Renju tan-Norveġja).

—

Il-Kawża E-13/13 kienet tikkonċerna l-konformità tar-Renju tan-Norveġja mad-Direttiva 2005/60/KE tal-Parlament Ewropew u tal-Kunsill tas-26 ta’ Ottubru 2005 dwar il-prevenzjoni tal-użu tas-sistema finanzjarja għall-iskop tal-ħasil tal-flus u l-finanzjament tat-terroriżmu (“id-Direttiva AML”).
Top