Emendi għar-regoli tal-proċedura tal-Qorti tal-EFTA

Adottati mill-Qorti fis-16 ta’ Mejju 2012

(Il-verżjoni bl-Ingliż biss hija awtentika)

2013/C 132/07

Il-QORTI TAL-EFTA,

Wara li kkunsidrat il-Ftehim bejn l-Istati tal-EFTA dwar it-Twaqqif ta' Awtorità ta’ Sorveljanza u l-Qorti tal-Ġustizzja, iffirmat f'Oporto fit-2 ta' Mejju 1992 u, b'mod partikolari, l-Artikolu 43(2) tiegħu,

Wara li kkunsidrat il-Protokoll 5 tal-Ftehim bejn l-Istati tal-EFTA dwar it-Twaqqif ta' Awtorità tas-Sorveljanza u l-Qorti tal-Ġustizzja, dwar l-Istatut tal-Qorti, u b'mod partikolari, l-Artikolu 43 tiegħu,

Filwaqt li huwa meħtieġ għall-Qorti, fid-dawl tal-esperjenza, li jkollha bażi legali ċara għat-tqegħid fil-prattika tad-direzzjonijiet bil-ħsieb li tittejjeb it-tmexxija tal-proċedimenti, b’mod partikolari fir-rigward tat-tressiq ta’ trattazzjonijiet bil-miktub u kif isir is-smigħ quddiemha;

ADOTTAT ID-DEĊIŻJONI LI ĠEJJA LI TEMENDA R-REGOLI TAL-PROĊEDURA TAGĦHA:

Artikolu 1

It-test li ġej għandu jiddaħħal wara l-Artikolu 97a:

Artikolu 2

1.   Din id-Deċiżjoni, li hija awtentika bl-Ingliż, għandha tiġi ppubblikata fit-Taqsima taż-ŻEE u fis-Suppliment taż-ŻEE ta’ Il-Ġurnal Uffiċjali tal-Unjoni Ewropea, u għandha tidħol fis-seħħ fil-jum wara l-pubblikazzjoni tiegħu.

2.   Il-Qorti se tittraduċi uffiċjalment din id-Deċiżjoni fil-Ġermaniż, l-Islandiż u n-Norveġiż.