Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document E2008P0003

Azzjoni meħuda fil- 21 ta' Frar 2008 mill-Awtorità ta' Sorveljanza ta' l-EFTA kontra r-Repubblika ta' l-Iżlanda (Kawża E-3/08)

ĠU C 113, 8.5.2008, p. 19–19 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

8.5.2008   

MT

Il-Ġurnal Uffiċjali ta’ l-Unjoni Ewropea

C 113/19

Azzjoni meħuda fil-21 ta' Frar 2008 mill-Awtorità ta' Sorveljanza ta' l-EFTA kontra r-Repubblika ta' l-Iżlanda

(Kawża E-3/08)

(2008/C 113/16)

Azzjoni kontra ir-Repubblika ta' l-Iżlanda ġiet imressqa quddiem il-Qorti ta' l-EFTA fil-21 ta' Frar 2008 mill-Awtorità ta' Sorveljanza ta' l-EFTA, irrapreżentata minn Niels Fenger u Florence Simonetti, bħala aġenti.

L-Awtorità ta' Sorveljanza ta' l-EFTA talbet lill-Qorti ta' l-EFTA tiddikjara li:

(1)

Billi naqset milli taddotta l-miżuri neċessarji sabiex tagħmel l-Att b'riferiment għall-punt 12u tal-Kapitolu XV fl-Anness II tal-Ftehim dwar iż-Żona Ekonomika Ewropea (Regolament (KE) Nru 648/2004 tal-Parlament Ewropew u tal-Kunsill tal-31 ta' Marzu 2004 dwar id-deterġenti), kif adattat għall-Ftehim taż-ŻEE mill-Protokol 1, parti mill-ordni interna tagħha fiż-żmien stipulat, ir-Repubblika ta' l-Iżlanda naqset milli twettaq l-obbligi tagħha skond l-Artikolu 7 ŻEE, u

(2)

Ir-Repubblika ta' l-Iżlanda ġiet ordnata tħallas l-ispejjeż tal-proċedimenti.

Sfond legali u fattwali u eċċezzjonijiet miġjuba:

—

Il-każ preżenti jikkonċerna Regolament tal-KE dwar id-deterġenti.

—

Artikolu 7 tal-Ftehim taż-ŻEE jgħid li:

“L-Atti li għalihom hemm riferiment jew qegħdin fl-Annessi tal-Ftehim jew f'deċiżjonijiet tal-Kumitat Konġunt taż-ŻEEjikunu jorbtu lill-Partijiet Kontraenti, u jkunu, jew isiru magħmula parti mill-ordni legali intern kif ġej:

(a)

att li jikkorispondi ma' regolament ŻEE jsir parti mill-ordni legali intern tal-Partijiet Kontraenti;

(b)

att li jikkorispondi ma' direttiva taż-ŻEE iħalli f'idejn l-awtoritajiet tal-Partijiet Kontraenti l-għażla tal-forma u l-metodu ta' l-implimentazzjoni.”

—

L-Awtorità ta' Sorveljaza EFTA ssostni li l-Gvern ta' l-Iżlanda naqas milli jagħmel ir-regolament parti mill-ordni intern legali fiż-żmien stipulat.
Top