Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document C2020/444A/07

    Addendum għall-Avviż ta’ kompetizzjoni ġenerali — EPSO/AST-SC/10/20 — Segretarji (SC 1/SC 2) (ĠU C 211 A, 25.6.2020)

    ĠU C 444A, 22.12.2020, p. 8–8 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    22.12.2020   

    MT

    Il-Ġurnal Uffiċjali tal-Unjoni Ewropea

    CA 444/8

    Addendum għall-Avviż ta’ kompetizzjoni ġenerali — EPSO/AST-SC/10/20 — Segretarji (SC 1/SC 2)

    (Il-Ġurnal Uffiċjali tal-Unjoni Ewropea C 211 A tal-25 ta’ Ġunju 2020)

    (2020/C 444 A/07)

    1.

    		 Minħabba t-tifqigħa tal-COVID-19, mis-6 ta’ Marzu 2020 ’l quddiem, l-EPSO kellu jinterrompi u jissospendi l-attivitajiet tiegħu relatati mal-kompetizzjonijiet li għaddejjin, sabiex jiżgura l-miżuri ta’ prekawzjoni xierqa kollha f’konformità mal-istruzzjonijiet u l-linji gwida pprovduti mill-istituzzjonijiet tal-UE u mill-awtoritajiet nazzjonali. B’mod partikolari, dan affettwa l-organizzazzjoni tat-testijiet bi preżenza fiżika fil-bini tal-EPSO jew f’wieħed miċ-ċentri akkreditati tal-EPSO. L-EPSO inizjalment kien qed jippjana li jerġa’ jibda l-ittestjar minn nofs Settembru 2020. Madankollu, minħabba s-sitwazzjoni attwali tal-COVID-19, li fiha l-awtoritajiet nazzjonali introduċew miżuri li jipprojbixxu laqgħat kbar ta’ nies u jillimitaw l-ivvjaġġar għal raġunijiet ta’ saħħa pubblika, mhux se jkun possibbli li jiġu organizzati testijiet bi preżenza fiżika fil-bini tal-EPSO fil-futur prevedibbli.

    2.

    		 Biex jikkonkludi l-kompetizzjonijiet ġenerali f’perjodu ta’ żmien raġonevoli, l-EPSO se jiddetermina l-aħjar mod ta’ ttestjar għal kull kompetizzjoni u jinforma lill-kandidati fi żmien xieraq. Għalhekk it-testijiet kollha relatati mal-kompetizzjoni msemmija hawn fuq issa se jsiru jew mill-bogħod jew f’wieħed miċ-ċentri tat-testijiet akkreditati tal-EPSO.

    L-ittestjar online mill-bogħod jippermetti lill-kandidati jagħmlu t-testijiet id-dar, fl-uffiċċju eċċ. mingħajr ma jkollhom bżonn jivvjaġġaw lejn ċentru tal-ittestjar tal-EPSO. Tali ttestjar isir minn issa ’l quddiem permezz ta’ videoconferencing online. Id-dettalji tekniċi kollha jiġu pprovduti fi żmien xieraq, inklużi struzzjonijiet dwar kif għandha tiġi ttestjata l-konnessjoni qabel il-jum attwali tal-ittestjar. Il-kandidati jridu jiċċekkjaw il-profil tal-EPSO tagħhom mill-inqas darbtejn fil-ġimgħa.

    3.

    		 Fil-każ tal-ittestjar fiċ-ċentri akkreditati tal-EPSO, il-kandidati jkunu jistgħu jagħżlu minn fost għadd kbir ta’ dawk iċ-ċentri tal-ittestjar kemm madwar l-Ewropa kif ukoll madwar id-dinja. Jittieħdu l-miżuri sanitarji kollha li huma meħtieġa għall-iskop li jsir it-test f’dawn iċ-ċentri tat-testijiet.

    4.

    		 L-istediniet għat-testijiet jiġu ppubblikati fil-kontijiet EPSO tal-kandidati.

    5.

    		 Għal din il-kompetizzjoni, it-test tal-ħiliet tal-Microsoft Office Word b’Mistoqsijiet b’Għażla Multipla (MCQ) issa se jiġi organizzat jew mill-bogħod jew f’wieħed miċ-ċentri tat-testijiet akkreditati tal-EPSO.

    6.

    		 Għal din il-kompetizzjoni, it-testijiet ta’ valutazzjoni issa se jiġu organizzati jew mill-bogħod jew f’wieħed miċ-ċentri tat-testijiet akkreditati tal-EPSO.
    Top