Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document C2016/058/11

Notifika minn qabel ta’ konċentrazzjoni (Il-Każ M.7758 — Hutchison 3G Italy/WIND/JV) (Test b'rilevanza għaż-ŻEE)

ĠU C 58, 13.2.2016, p. 40–40 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

13.2.2016   

MT

Il-Ġurnal Uffiċjali tal-Unjoni Ewropea

C 58/40

Notifika minn qabel ta’ konċentrazzjoni

(Il-Każ M.7758 — Hutchison 3G Italy/WIND/JV)

(Test b'rilevanza għaż-ŻEE)

(2016/C 58/11)

1.

Fil-5 ta’ Frar 2016, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Hutchison Europe Telecommunications SARL (il-Lussemburgu), ikkontrollata minn CK Hutchison Holdings Limited (“CKHH”, Hong Kong), u l-impriża VimpelCom Lussemburgu Holdings SARL (il-Lussemburgu), ikkontrollata minn VimpelCom Ltd (“VCL”, Bermuda) takkwista skont it-tifsira tal-Artikolu 3(1)(b) u 3(4) tar-Regolament dwar l-Għaqdiet, il-kontroll konġunt ta’ impriża konġunta ġdida (l-“IK”, il-Lussemburgu) permezz ta’ kontribuzzjoni lill-IK tal-attivitajiet tan-negozju rispettivi tagħhom fl-Italja.

2.

L-attivitajiet kummerċjali tal-impriżi kkonċernati huma:

—

CKHH huwa grupp multinazzjonali, bil-kwartieri tiegħu f’Hong Kong u elenkati fil-Honk Kong Stock Exchange Limited. CKHH għandu ħames negozji ċentrali: il-portijiet u servizzi relatati; il-bejgħ bl-imnut; l-infrastruttura; l-enerġija; u t-telekomunikazzjoni.

—

VCL huwa grupp multinazzjonali, bil-kwartieri tiegħu f’Amsterdam u nnegozjat fuq in-NASDAQ Global Select Market. VCL jipprovdi servizzi tal-leħen u tad-dejta permezz ta’ firxa ta’ teknoloġiji mobbli u fissi tradizzjonali u broadband f’14-il pajjiż taħt diversi marki kummerċjali differenti.

—

L-IK se tipprovdi servizzi ta’ telekomunikazzjoni mobbli u fissi fl-Italja.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati sabiex iressqu l-kummenti li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-faks (+32 22964301) bil-posta elettronika lil COMP-MERGER-REGISTRY@ec.europa.eu jew bil-posta, bin-numru ta’ referenza M.7758 — Hutchison 3G Italy/WIND/JV, f’dan l-indirizz:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

Top