Uċuħ nazzjonali ġodda tal-muniti tal-euro fiċ-ċirkolazzjoni

(2013/C 379/11)

Il-muniti tal-euro għaċ-ċirkolazzjoni għandhom l-istatus ta' valuta legali fiż-żona kollha tal-euro. Il-Kummissjoni tippubblika d-disinji l-ġodda kollha tal-muniti tal-euro (1) bil-ħsieb li tinforma lill-partijiet kollha kkonċernati mitluba li jużaw il-muniti f’xogħolhom kif ukoll biex tinforma lill-pubbliku b'mod ġenerali.

Il-pajjiż li qed joħroġ il-munita: L-Istat tal-Belt tal-Vatikan

Data tal-ħruġ: Jannar 2014

Deskrizzjoni tad-disinji: Il-muniti taċ-ċenteżmu, taż-2 ċenteżmi u tal-5 ċenteżmi tal-euro juru l-profil tax-xellug tal-Kap tal-Istat il-ġdid, il-Papa Franġisku. Il-kliem “CITTÀ DEL VATICANO” fuq, f'nofs tond. Is-sena tal-ħruġ “2014” u l-marka taz-zekka “R” fuq il-lemin.

Il-muniti tal-10 ċenteżmi, tal-20 ċenteżmu u tal-50 ċenteżmu tal-euro juru l-wiċċ tal-Kap tal-Istat il-ġdid, il-Papa Franġisku. Il-kliem “CITTÀ DEL VATICANO” fuq, f'nofs tond. Is-sena tal-ħruġ “2014” u l-marka taz-zekka “R” fuq il-lemin.

Il-muniti tal-euro u taż-2 euro juru l-wiċċ tal-Kap tal-Istat il-ġdid il-Papa Franġisku kemxejn mdawwar lejn ix-xellug. Il-kliem “CITTÀ DEL VATICANO” fuq, f'nofs tond. Is-sena tal-ħruġ “2014” u l-marka taz-zekka “R” fuq il-lemin.

Iċ-ċirku estern tal-munita jirrappreżenta t-12-il stilla tal-bandiera Ewropea.

Il-kitba fuq ix-xifer tal-munita taż-2 euro hija: 2 *, ripetuta sitt darbiet, darba bis-sew darba bil-maqlub.

(1)  Ara ĠU C 373, 28.12.2001, p. 1, ĠU C 254, 20.10.2006, p. 6 u ĠU C 248, 23.10.2007, p. 8 għal referenza għall-muniti euro l-oħra.