C2013/118A/01

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
EUR-Lex - C2013/118A/01 - EN

Help

Search tips

Need more search options? Use the Advanced search

Document C2013/118A/01

Help

Avviż ta' kompetizzjonijiet ġenerali — EPSO/AD/252/13 (AD 9) u EPSO/AD/253/13 (AD 12)

ĠU C 118A, 25.4.2013, p. 1–8 (BG, ES, CS, DA, DE, ET, EL, EN, FR, GA, IT, LV, LT, HU, MT, NL, PL, PT, RO, SK, SL, FI, SV)

HTML

PDF

Official Journal

25.4.2013

Il-Ġurnal Uffiċjali tal-Unjoni Ewropea

CA 118/1

AVVIŻ TA' KOMPETIZZJONIJIET ĠENERALI

EPSO/AD/252/13 (AD 9) u EPSO/AD/253/13 (AD 12)

(2013/C 118 A/01)

L-Uffiċċju Ewropew għas-Selezzjoni tal-Persunal (EPSO) qed jorganizza dawn il-kompetizzjonijiet ġenerali, ibbażati fuq testijiet, sabiex tinħoloq lista ta' riżerva għar-reklutaġġ ta'

KAPIJIET TAL-UNITÀ (1)

TA' ĊITTADINANZA KROATA (HR)

fl-oqsma li ġejjin:

Liġi

Ekonomija

3.	Amministrazzjoni Pubblika Ewropea

L-għan ta' dawn il-kompetizzjonijiet hu li jinħolqu listi ta' riżerva maħsuba biex jimtlew xi pożizzjonijiet vakanti fl-istituzzjonijiet tal-Unjoni Ewropea, b'mod partikolari fil-Kummissjoni Ewropea.

Qabel tapplika, għandek taqra bir-reqqa l-gwida ppubblikata fil-Ġurnal Uffiċjali C 270 A tas-7 ta' Settembru 2012 u fuq il-websajt tal-EPSO, ħlief il-punti 4, 5.3, 5.4, 6.2 u 6.3. Il-punti 5.3, 5.4 u 6.2 huma sostitwiti bit-test fl-Anness.

Din il-gwida, li hija parti integrali mill-Avviż ta' Kompetizzjoni, se tgħinek tifhem ir-regoli dwar il-proċeduri u l-kundizzjonijiet tal-applikazzjoni.

WERREJ

I.	QAFAS ĠENERALI

II.

DMIRIJIET

III.	KUNDIZZJONIJIET TA' AMMISSJONI

IV.	TESTIJIET TA' AMMISSJONI

V.	AMMISSJONI GĦALL-KOMPETIZZJONI

VI.	ĊENTRU TA' EVALWAZZJONI U EŻAMIJIET

VII.	LISTI TA' RIŻERVA

VIII.

KIF TAPPLIKA?

ANNESS

I. QAFAS ĠENERALI

1.	Numru ta' kandidati li jikkwalifikaw skont il-kompetizzjoni u skont il-qasam

EPSO/AD/252/13 (AD 9)

EPSO/AD/253/13 (AD 12)

Liġi

Ekonomija

3.	Amministrazzjoni Pubblika Ewropea

3.	Amministrazzjoni Pubblika Ewropea

Kummenti

Int tista' tapplika għal kompetizzjoni waħda u qasam wieħed biss. Din l-għażla għandha ssir meta timla l-applikazzjoni elettronika u ma tistax tinbidel ladarba tkun ikkonfermajt u vvalidajt l-applikazzjoni tiegħek b'mod elettroniku.

Madankollu, jekk inti ma tissodisfax il-kundizzjonijiet għall-ammissjoni għall-kompetizzjoni AD 12 iżda tissodisfa dawk għal AD 9, il-bord ta' Selezzjoni jista', bil-permess tiegħek, jerġa' jassenja l-applikazzjoni tiegħek għall-kompetizzjoni AD 9. Din l-assenjazzjoni mill-ġdid issir fil-mument tal-ammissjoni.

Qed tinġibed l-attenzjoni tal-kandidati li din il-kompetizzjoni timmira essenzjalment li tiggarantixxi l-integrazzjoni ta' kwota minima ta' persunal fil-funzjoni pubblika tal-Unjoni Ewropea, fid-dawl tal-adeżjoni tal-Kroazja. Hija garanzija essenzjali biex jinżamm il-prinċipju ta' kontinwità amministrattiva rikonoxxut mill-Qrati tal-Unjoni Ewropea u għat-tħaddim tajjeb ta' din il-funzjoni pubblika. Iridu jiġu stabbiliti minn issa l-miżuri preparatorji għal dan l-għan, bla preġudizzju għall-proċess ta' ratifika tat-Trattat ta' Adeżjoni u tar-regoli meħtieġa għall-implimentazzjoni effettiva tiegħu. Il-validità tal-lista ta' riżerva hija għalhekk soġġetta għall-kundizzjoni ta' ratifika tat-Trattat ta' Adeżjoni mill-Istati Membri kollha. Fil-każ li t-Trattat ta' Adeżjoni ma jiġix ratifikat jew jekk ir-regoli msemmija ma jidħlux fis-seħħ, il-kandidati jiġu infurmati li l-proċess tal-għażla jista' jieqaf fi kwalunkwe stadju u jekk dan ikun ġie konkluż, il-kandidati fuq il-lista ta' riżerva ma jistgħu jinvokaw l-ebda dritt minn ċirkostanza bħal din.

II. DMIRIJIET

F'dawn l-oqsma kollha, l-attività prinċipali tinvolvi dmirijiet ta' tmexxija fil-livell ta' kap tal-unità, ġeneralment taħt l-awtorità ta' direttur ġenerali jew direttur. Id-dmirijiet huma kklassifikati fi tliet kategoriji:

Fil-livell operattiv

—	Id-definizzjoni tal-għanijiet strateġiċi tal-unità u l-approvazzjoni tal-programm ta' ħidma tagħha, li jikkomplementaw u li huma konformi ma' dawk tad-Direttorat/Direttorat Ġenerali.

—	L-istabbiliment u l-iżgurar tal-organizzazzjoni u l-qsim effiċjenti tax-xogħol fl-unità sabiex jinkisbu r-riżultati mistennija.

—	L-evalwazzjoni tal-grad ta' twettiq tal-għanjiet permezz tal-indikaturi adattati u t-tfassil ta' rapporti ta' ġestjoni dwar ir-riżultati miksuba.

—	Il-verifika tal-konformità tad-deċiżjonijiet u l-operazzjonijiet mad-dispożizzjonijiet regolamentari u l-proċeduri uffiċjali.

Fil-livell tal-ġestjoni tar-riżorsi

—

L-iżgurar ta' ġestjoni effiċjenti tal-persunal, skont il-politika tal-istituzzjoni f'dak li jirrigwarda riżorsi umani, immirat lejn l-iżvilupp ta' unità b'rendiment għoli bi spirtu qawwi ta' kollaborazzjoni. Dan ifisser b'mod partikolari l-ħila li jiġu żviluppati u utilizzati bl-aħjar mod il-ħiliet ta' kull individwu, kif ukoll li jiġu antiċipati u ġestiti kunflitti eventwali fit-tim.

—	Id-determinazzjoni tal-ħtiġijiet finanzjarji u l-ġestjoni tar-riżorsi baġitarji annwali allokati lill-unità.

Fil-livell tal-komunikazzjoni u tar-rappreżentazzjoni

—	L-istabbiliment u ż-żamma ta' djalogu interattiv fl-unità biex il-persunal ikun infurmat sewwa dwar l-aspetti strateġiċi u politiċi ewlenin u jirċievi rispons xieraq dwar il-ħidma tiegħu.

—	L-iżgurar tad-dmirijiet ta' konsulenza, koordinazzjoni u/jew negozjar ma' servizzi jew ma' istituzzjonijiet oħra dwar kwistjonijiet relatati max-xogħol tal-unità.

—	Ir-rappreżentazzjoni tal-unità, tad-dipartiment jew tas-servizz fil-kumitati, fi gruppi ta' ħidma jew f'entitajiet oħra kemm fl-Istituzzjoni kif ukoll lil hinn minnha.

Dawn ir-responsabbiltajiet jesiġu kandidati li huma orjentati lejn is-servizz, li għandhom sens ta' organizzazzjoni, u li huma miftuħa għal teknoloġiji ġodda.

Barra l-attività prinċipali ta' ġestjoni, għandek tieħu nota tal-kompiti speċifiċi għal kull qasam ta' din il-kompetizzjoni, kif ġej:

Qasam 1: Liġi

—

It-tfassil, it-tħejjija u l-analiżi tal-leġiżlazzjoni tal-Unjoni Ewropea, kif ukoll il-monitoraġġ tal-applikazzjoni tagħha (il-kuntatti mal-amministrazzjonijiet u mal-Istati Membri; mistoqsijiet miċ-ċittadini tal-Unjoni Ewropea; fejn meħtieġ, l-eżami ta' fajls prekontenzjużi relatati ma' ksur tal-liġi tal-Unjoni Ewropea).

—	L-għoti ta' parir legali lill-istituzzjonijiet u lill-entitajiet tagħhom dwar kwistjonijiet speċifiċi u dwar il-politiki tal-Unjoni Ewropea.

—	It-twettiq ta' diversi dmirijiet fil-qasam tat-tilwim, it-tfassil ta' pożizzjonijiet u r-rappreżentazzjoni tal-istituzzjonijiet fil-qafas ta' kwistjonijiet kontenzjużi, prinċipalment quddiem il-Qorti tal-Ġustizzja, il-Qorti tal-Ewwel Istanza jew it-Tribunal tas-Servizz Pubbliku tal-Unjoni Ewropea.

—	Ir-riċerka ta' kwistjonijiet legali relatati mal-Unjoni Ewropea, mal-liġi nazzjonali, jew mad-dritt internazzjonali.

—	Is-sehem fin-negozjati jew fi ftehimiet internazzjonali.

Qasam 2: Ekonomija

—	Analiżi u valutazzjoni kontinwi tal-ekonomiji tal-Istati Membri u tal-politiki ekonomiċi, baġitarji, monetarji u finanzjari, u t-tfassil tat-tbassir ekonomiku.

—	Analiżi tal-ekonomiji ta' pajjiżi terzi.

—	Analiżi ekonomika u konsulenza fl-oqsma relatati mal-politika tal-Unjoni Ewropea (il-politika reġjonali, il-kompetizzjoni, il-kummerċ, l-ambjent tan-negozju regolatorju u fiskali, l-industrija, ir-riċerka, l-impjiegi, eċċ.).

—	L-iżvilupp u l-implimentazzjoni tal-istrumenti finanzjarji u l-assistenza teknika tal-Unjoni Ewropea, b'mod partikolari l-ġestjoni ta' programmi.

—	Analiżi finanzjarja tal-proġetti tal-Unjoni Ewropea.

—	Ħidma u konsulenza fil-qasam tal-istatistika (metodoloġija, ġbir, ipproċessar, validazzjoni, analiżi, tfassil ta' proġetti u l-ġestjoni tas-sistemi operattivi).

Qasam 3: Amministrazzjoni Pubblika Ewropea

—

Is-sorveljanza tat-twettiq ta' dmirijiet amministrattivi, konsultattivi jew ta' superviżjoni f'qasam wieħed jew aktar ta' attività tal-istituzzjoni, dawn l-attivitajiet jistgħu jkunu jikkonċernaw kwistjonijiet interni tal-UE (it-telekomunikazzjonijiet, it-trasport, l-enerġija, l-ambjent, il-konsum, l-affarijiet soċjali, eċċ.) jew kwistjonijiet esterni (għajnuna għall-iżvilupp, kummerċ, eċċ.).

—	It-tfassil ta' approċċi jew azzjonijiet ġodda billi ssir analiżi kif ukoll billi jitwettqu studji speċjalizzati.

—	Il-koordinazzjoni tat-tħejjija tax-xogħlijiet ta' gruppi varji ta' ħidma fil-livelli kollha, u s-segwitu tagħhom.

—	Il-koordinazzjoni f'livell intern, interistituzzjonali jew internazzjonali, l-applikazzjoni ta' regoli u ta' proċeduri, speċjalment fid-dipartimenti orizzontali tal-Istituzzjoni.

III. KUNDIZZJONIJIET TA' AMMISSJONI

Fid-data ta' għeluq stabbilita għall-applikazzjoni elettronika, int għandek tissodisfa l-kundizzjonijiet kollha ġenerali u speċifiċi li ġejjin:

1.	Kundizzjonijiet ġenerali

a)	Trid tkun ċittadin Kroat.

b)	Tkun tgawdi d-drittijiet ċivili tiegħek.

c)	Tkun wettaqt kwalunkwe obbligu impost mil-liġijiet dwar ir-reklutaġġ applikabbli fil-qasam militari.

d)	Tissodisfa r-rekwiżiti dwar il-karattru biex twettaq id-dmirijiet previsti.

2.	Kundizzjonijiet speċifiċi

2.1.

Kwalifiki

Qasam 1:

Liġi

i)	livell ta' edukazzjoni li jikkorrispondi għal kors ta' studju universitarju komplut, iċċertifikat b'diploma ta' tmiem il-kors, sakemm il-perjodu normali tal-edukazzjoni universitarja jkun ta' erba' snin jew iktar; jew

ii)	livell ta' edukazzjoni li jikkorrispondi għal kors ta' studju universitarju komplut, iċċertifikat b'diploma ta' tmiem il-kors, esperjenza professjonali xierqa ta' mill-anqas sena (fil-livell ta' gradwat), sakemm il-perjodu normali tal-edukazzjoni universitarja jkun ta' mill-inqas tliet snin; jew

iii)	livell ta' edukazzjoni li jikkorrispondi għal kors ta' studju universitarju komplut, iċċertifikat b'diploma ta' tmiem il-kors sewgwit minn kors postgradwatorju fil-liġi ċċertifikat b'diploma.

Qasam 2:

Ekonomija

i)	livell ta' edukazzjoni li jikkorrispondi għal kors ta' studju universitarju komplut, iċċertifikat b'diploma li turi t-tmiem tal-istudji, fil-mikro/makroekonomija/fl-istatistika u/jew fil-kummerċ sakemm il-perjodu normali tal-edukazzjoni universitarja jkun ta' erba' snin jew iktar jew

ii)

livell ta' edukazzjoni li jikkorrispondi għal kors ta' studju universitarju komplut, iċċertifikat b'diploma ta' tmiem il-kors, fil-mikro/makroekonomija/fl-istatistika u/jew fil-kummerċ segwit minn esperjenza professjonali xierqa ta' mill-anqas sena (fil-livell ta' gradwat), sakemm il-perjodu normali tal-edukazzjoni universitarja jkun ta' mill-inqas tliet snin

jew

iii)	livell ta' edukazzjoni li jikkorrispondi għal kors ta' studju universitarju ċċertifikat b'diploma ta' tmiem il-kors sewgwit minn kors postgradwatorju fil-mikro/makroekonomija/ fl-istatistika u/jew fil-kummerċ iċċertifikat b'diploma jew Master of Business Administration.

Qasam 3:

Amministrazzjoni Pubblika Ewropea

i)	livell ta' edukazzjoni li jikkorrispondi għal kors ta' studju universitarju komplut, iċċertifikat b'diploma ta' tmiem il-kors sakemm il-perjodu normali tal-edukazzjoni universitarja jkun ta' erba' snin jew iktar jew

ii)

livell ta' edukazzjoni li jikkorrispondi għal kors ta' studju universitarju komplut, iċċertifikati b'diploma ta' tmiem il-kors, segwit minn esperjenza professjonali xierqa ta' mill-anqas sena (fil-livell ta' gradwat), sakemm il-perjodu normali tal-edukazzjoni universitarja jkun ta' mill-inqas tliet snin.

2.2.

Esperjenza professjonali

—	wara l-kisba tal-grad/tad-diploma mitlub/a taħt i) jew iii) JEW

—	wara l-kisba tal-grad/tad-diploma u l-esperjenza professjonali mitluba taħt ii),

Grad AD 9

irid ikollok tal-inqas 10 snin esperjenza professjonali rilevanti għad-dmirijiet, inklużi 3 snin fil-maniġment u/jew fil-koordinazzjoni tal-persunal li jinvolvu responsabbiltà ta' ġestjoni reali tal-persunal, kif deskritt f'dan l-avviż ta' kompetizzjoni (ara t-Taqsima II).

Biex tiġi vvalutata l-esperjenza f'pożizzjonijiet ta' tmexxija, il-Bord ta' Selezzjoni se jikkunsidra l-informazzjoni rilevanti mogħtija mill-kandidati, bħal:

1)	it-titlu u d-deskrizzjoni eżatta tal-pożizzjonijiet maniġerjali li kellhom,

2)	in-numru ta' persunal li kienu responsabbli minnhom f'dawn il-pożizzjonijiet,

3)	in-numru ta' livelli ġerarkiċi 'l fuq u 'l isfel u n-numru ta' persunal fl-istess livell.

Grad AD 12

irid ikollok tal-inqas 10 snin esperjenza professjonali rilevanti għad-dmirijiet, inklużi 5 snin fil-maniġment u/jew fil-koordinazzjoni tal-persunal li jinvolvu responsabbiltà ta' ġestjoni reali tal-persunal, kif deskritt f'dan l-avviż ta' kompetizzjoni (ara t-Taqsima II).

Biex tiġi vvalutata l-esperjenza f'pożizzjonijiet ta' tmexxija, il-Bord ta' Selezzjoni se jikkunsidra l-informazzjoni rilevanti mogħtija mill-kandidati, bħal:

1)	it-titlu u d-deskrizzjoni eżatta tal-karigi u t-tul ta' żmien tagħhom,

2)	in-numru ta' persunal li l-kandidati kienu responsabbli minnhom f'dawn il-pożizzjonijiet,

3)	in-numru ta' livelli ġerarkiċi 'l fuq u 'l isfel u n-numru ta' persunal fl-istess livell.

2.3.

Għarfien lingwistiku

F'konformità mas-sentenza mogħtija mill-Qorti tal-UE (l-Awla Manja) fil-Kawża C-566/10 P, ir-Repubblika Taljana v il-Kummissjoni, l-istituzzjonijiet tal-UE huma obbligati jindikaw ir-raġunijiet għalfejn jillimitaw l-għażla tat-tieni lingwa f'din il-kompetizzjoni għal għadd ristrett ta' lingwi uffiċjali tal-UE.

Għaldaqstant il-kandidati huma infurmati li l-għażliet tat-tieni lingwa aċċettati għal din il-kompetizzjoni ġew definiti b'konformità mal-interess tas-servizz li jeżiġi li dawk li jiġu rreklutati jkunu jistgħu jibdew jaħdmu minnufih u jikkomunikaw b'mod effiċjenti fix-xogħol tagħhom ta' kuljum. Jekk dan ma jkunx il-każ, it-tħaddim effettiv tal-istituzzjonijiet ikun affettwat ħażin ħafna.

Abbażi ta' prassi tal-istituzzjonijiet tal-Unjoni li ilha titħaddem fir-rigward tal-lingwi użati għal komunikazzjoni interna u b'kunsiderazzjoni wkoll tal-ħtiġijiet tas-servizzi dwar il-komunikazzjoni esterna u l-immaniġġar tal-fajls, l-Ingliż, il-Franċiż u l-Ġermaniż jibqgħu l-aktar lingwi użati. Barra minn hekk, l-Ingliż, il-Franċiż u l-Ġermaniż huma t-tieni lingwa l-aktar magħżula mill-kandidati tal-kompetizzjonijiet fejn għandhom għażla libera. Dan jikkonferma l-livell ta' edukazzjoni u l-kompetenzi professjonali li attwalment wieħed jista' jistenna mill-kandidati f'pożizzjonijiet fl-Istituzzjonijiet tal-Unjoni, jiġifieri l-għarfien ta' mill-inqas waħda minn dawn il-lingwi. Konsegwentement, meta wieħed iqabbel l-interess tas-servizz u l-ħtiġijiet u l-ħiliet tal-kandidati, meta jitqies il-qasam partikolari ta' din il-kompetizzjoni, ikun ġust li jiġu organizzati testijiet f'dawn it-tliet lingwi sabiex jiġi żgurat li, tkun xi tkun l-ewwel lingwa uffiċjali tagħhom, il-kandidati kollha jkunu jafu tajjeb mill-inqas waħda mit-tliet lingwi uffiċjali fil-livell ta' xogħol.

Barra minn hekk, fl-interess ta' trattament ugwali tal-kandidati kollha, inklużi dawk li l-ewwel lingwa uffiċjali tagħhom hija waħda minn dawn it-tlieta, kulħadd huwa meħtieġ li jagħmel it-test fit-tieni lingwa tiegħu, magħżula minn fost dawn it-tliet lingwi. Il-valutazzjoni tal-kompetenzi speċifiċi b'dan il-mod tippermetti lill-Istituzzjonijiet tal-Unjoni jevalwaw il-ħila tal-kandidati li jkunu jistgħu jaħdmu minnufih f'ambjent simili għal dak li se jsibu fl-impjieg. Dawn id-dispożizzjonijiet ma jaffettwawx it-tagħlim ulterjuri ta' tielet lingwa ta' ħidma, b'konformità mal-Artikolu 45(2) tar-Regolamenti tal-Persunal.

Lingwa 1

—	il-lingwa prinċipali għarfien profond tal-Kroat u

Lingwa 2

—	it-tieni lingwa għarfien sodisfaċenti tal-Franċiż (FR), tal-Ġermaniż (DE) jew tal-Ingliż (EN)

IV. TESTIJIET TA' AMMISSJONI

It-testijiet ta' ammissjoni jsiru fuq il-kompjuter u huma organizzati mill-EPSO. Il-ġurija tiddetermina l-livell ta' diffikultà tat-testijiet u tapprova s-suġġett tagħhom abbażi tal-proposti magħmula mill-EPSO.

1.	L-istedina għat-testijiet

Inti tiġi mistieden għat-testijiet jekk tkun ivvalidajt l-applikazzjoni tiegħek u tkun bgħatt il-fajl tiegħek komplut fil-ħin (ara t-Taqsima VIII).

Attenzjoni:

1)	meta tivvalida l-applikazzjoni tiegħek, inti tiddikjara li tissodisfa l-kundizzjonijiet ġenerali u speċifiċi tat-Taqsima III;

2)	biex tipparteċipa fit-testijiet, trid tirriżerva data; din ir-riżervazzjoni għandha bilfors issir fiż-żmien li jiġi indikat lilek permezz tal-profil tiegħek tal-EPSO.

2.	Deskrizzjoni tat-testijiet u dettalji dwar il-marki

Sensiela ta' testijiet ibbażati fuq mistoqsijiet b'għażla multipla bl-għan li jiġu evalwati l-kapaċitajiet u l-kompetenzi ġenerali tiegħek fir-rigward ta':

Test a)

raġunament verbali

marki: minn 0 sa 50 punt

Test b)

raġunament numeriku

marki: minn 0 sa 50 punt

Il-minimu meħtieġ għat-testijiet a) u b) flimkien huwa ta' 50 punt

3.	Lingwa tat-testijiet

Lingwa 2 (Franċiż, Ġermaniż jew Ingliż)

V. AMMISSJONI GĦALL-KOMPETIZZJONI

Wara t-testijiet ta' ammissjoni, id-dokumenti ġustifikattivi jiġu eżaminati għall-kandidati li jkunu kisbu l-marka minima biex jgħaddu, f'ordni dixxendenti ta' mertu, biex jiġi vverifikat li dawn il-kandidati jissodisfaw il-kundizzjonijiet ġenerali u speċifiċi ta' eliġibbiltà stipulati fl-avviż tal-kompetizzjoni. Din il-verifika tibqa' ssir sakemm jintlaħaq il-limitu ta' kandidati li jistgħu jiġu ammessi għall-kompetizzjoni u li effettivament jissodisfaw il-kundizzjonijiet kollha għall-ammissjoni. Id-dokumenti ġustifikattivi tal-kandidati li jkunu ġew ikklassifikati taħt dan il-limitu ma jiġux eżaminati.

In-numru ta' kandidati ammessi għall-kompetizzjoni jikkorrispondi, għal kull kompetizzjoni u qasam, ma' tliet darbiet in-numru tal-kandidati magħżula indikat f'dan l-avviż ta' kompetizzjoni u se jkun ippubblikat fuq is-sit tal-internet tal-EPSO (http://blogs.ec.europa.eu/eu-careers.info/). Dawn il-kandidati (2) jkunu mistiedna jipparteċipaw fl-istadju li jkun imiss.

VI. ĊENTRU TA' EVALWAZZJONI U EŻAMIJIET

L-eżamijiet jinkludu:

—	testijiet fiċ-ċentru ta' evalwazzjoni

—	eżami orali

Minħabba raġunijiet ta' organizzazzjoni, it-testijiet li jsiru fiċ-ċentru ta' evalwazzjoni u l-eżamijiet orali jsiru fi Brussell, normalment fi ġranet konsekuttivi.

1.	Ċentru ta' evalwazzjoni

Qabel l-intervista tiegħek mal-membri tal-ġurija, inti tkun mitlub tieħu sehem f'xi testijiet fiċ-ċentru ta' evalwazzjoni. Dawn it-testijiet isiru fil-linwa 2 (bl-Ingliż, bil-Ġermaniż jew bil-Franċiż).

Ir-rapport dwar it-testijiet jiġi kkomunikat lill-Bord ta' Selezzjoni bħala appoġġ espert u kontribuzzjoni teknika fil-proċess ta' teħid ta' deċiżjoni.

Dawn it-testijiet jinkludu b'mod partikolari:

—	eżerċizzju bil-miktub li fih tkun mitlub tittratta dokumenti varji;

—	eżerċizzju ta' evalwazzjoni tal-ħiliet ta' ġestjoni tiegħek;

—	intervista ma' espert fir-riżorsi umani biex jiġi evalwat il-profil tal-kompetenzi tiegħek.

Minħabba li r-rapport prodott fiċ-ċentru tal-evalwazzjoni mhuwiex kopert mir-regoli dwar is-segretezza li jirregolaw il-Bord ta' Selezzjoni, ir-rapport taċ-ċentru ta' evalwazzjoni jingħatalek fi tmiem l-eżami orali.

2.	Eżami orali

Fil-jum ta' wara l-eżamijiet fiċ-ċentru ta' evalwazzjoni, tiġi mistieden għal intervista mal-Bord ta' Selezzjoni (fil-lingwa 2 tiegħek) biex dan ikun jista' jikkompleta l-evalwazzjoni tiegħu dwar:

—	l-għarfien speċifiku tiegħek relatat mal-qasam inkwistjoni;

—	l-esperjenza professjonali tiegħek u l-kapaċità tiegħek li torganizza u tikkoordina x-xogħol ta' unità amministrattiva, kif ukoll il-kapaċità ta' adattament tiegħek, ta' negozjar, ta' teħid ta' deċiżjonijiet u b'mod aktar ġenerali l-qadi ta' dmirijiet ta' Kap tal-Unità;

—	l-għarfien ġenerali tiegħek dwar l-Unjoni Ewropea, l-istituzzjonijiet u l-politiki tagħha;

—	l-għarfien tiegħek tal-lingwa prinċipali (lingwa 1).

Dan l-eżami jingħata marki minn 0 sa 100 punt (il-minimu meħtieġ huwa 60 punt).

VII. LISTI TA' RIŻERVA

1.	Kandidati li jiddaħħlu fil-listi ta' riżerva

Il-Bord ta' Selezzjoni jniżżel ismek fil-lista ta' riżerva (3) (ara t-taqsima I.1, In-numru ta' kandidati li jikkwalifikaw) jekk int tkun wieħed mill-kandidati li jkunu kisbu l-minimu meħtieġ flimkien ma' waħda mill-aħjar marki fl-eżami orali.

2.	Klassifika

Il-listi għal kull kompetizzjoni jiġu stabbiliti skont il-qasam u f'ordni alfabetika.

VIII. KIF TAPPLIKA?

1.	Applikazzjoni elettronika

Int għandek tapplika b'mod elettroniku billi ssegwi l-proċedura indikata fuq il-websajt tal-EPSO.

Data ta' għeluq: it-28 ta' Mejju 2013 f'12:00 (nofsinhar), ħin ta' Brussell

2.	Trażmissjoni tal-fajl ta' applikazzjoni

Flimkien mal-applikazzjoni elettronika, għandek tipprintja kopja tal-applikazzjoni elettronika tiegħek li tkun ivvalidajt, tiffirmaha u tibgħatha, mehmuża mad-dokumenti ġustifikattivi rilevanti, fl-indirizz li ġej:

European Personnel Selection Office (EPSO)

C-25

Open competition EPSO/AD/252/13 or EPSO/AD/253/13

1049 Bruxelles/Brussel

BELGIQUE/BELGIUM

Data ta' għeluq: it-28 ta' Mejju 2013, it-timbru tal-posta jservi bħala prova

Dettalji: ara l-punt 6.1 tal-Gwida applikabbli għall-kompetizzjonijiet ġenerali.

(1) F'dan l-avviż kull referenza għal persuna tas-sess maskil tirreferi wkoll għal persuna tas-sess femminil.

(2) Fil-każ li fl-aħħar post ikunu jinsabu diversi kandidati li jkunu kisbu l-istess marka, dawn il-kandidati kollha jkunu mistiedna għaċ-ċentru ta' evalwazzjoni.

(3) Fil-każ li fl-aħħar post, diversi kandidati jkunu kisbu l-istess marka, dawn il-kandidati kollha jitniżżlu fil-lista ta' riżerva.

ANNESS

Jekk jogħġbok innota li l-punti:

—

5.3,

—

5.4 u

—

6.2

tal-gwida għall-kompetizzjonijiet ġenerali, ippubblikata fil-Ġurnal Uffiċjali C 270 A tas-7 ta' Settembru 2012 ma japplikawx għal din il-kompetizzjoni.

—

IL-PUNT 5.3: “ĊENTRU TA' EVALWAZZJONI” HUWA MIBDUL B'DAN LI ĠEJ:

“5.3. Ċentru ta' evalwazzjoni u eżami orali

Jekk l-avviż tal-kompetizzjoni jipprovdi għall-parteċipazjoni f'testijiet organizzati minn ċentru ta' evalwazzjoni qabel leżami orali, ir-riżultat ta' dawn it-testijiet se jkun kkomunikat lill-ġurija bl-uniku skop li jgħinhom fil-proċess tat-teħid ta' deċiżjoni. It-test ma jingħatax marki u jingħatalek lura fi tmiem l-eżami orali.

F'każ ta' force majeure, huwa possibbli li b'mod eċċezzjonali tinbidel id-data ta' eżami orali jekk inti titlob tali bidla minħabba raġuni ġustifikata li tintlaqa' mill-ġurija. Madanakollu, din id-deċiżjoni tittieħed b'manjiera li ma xxekkilx lomoġeneità tal-evalwazzjoni tal-prestazzjoni tal-kandidati fl-eżami orali u li ma tfixkilx il-proċess tal-kompetizzjoni flinteress tas-servizz.”

—

IT-TEST TAL-PUNT 5.4: “LISTA TA' RIŻERVA” HUWA MIBDUL B'DAN LI ĠEJ:

“Bħala riżultat tal-proċedura tal-kompetizzjoni, il-Bord tas-Selezzjoni jistabbilixxi lista ta' riżerva li tiġbor fiha l-ismijiet ta' min ikun għadda mill-kompetizzjoni. Wara, din il-lista tintbagħat lill-istituzzjonijiet li huma l-uniċi entitajiet responsabbli mir-reklutaġġ.

Il-lista ta' riżerva, kif ukoll id-data tal-iskadenza tagħha jiġu ppubblikati (1) f'Il-Ġurnal Uffiċjali tal-Unjoni Ewropea u fil-websajt tal-EPSO. F'ċerti każi, huwa possibbli li din il-lista tiġi estiża. Id-deċiżjoni dwar l-estensjoni tiġi ppubblikata biss fuq il-websajt tal-EPSO.

—

IT-TEST TAL-PUNT 6.2: “AĊĊESS GĦALL-INFORMAZZJONI” HUWA MIBDUL B'DAN LI ĠEJ:

“Wara li tiġi stabbilita l-lista ta' riżerva mill-Bord tas-Selezzjoni tal-kompetizzjoni:

—	Jekk ismek jidher fuq din il-lista, inti se tkun infurmat li rnexxejt fil-kompetizzjoni u tkun tista' fuq talba espressa, tirċievi l-punti li tkun ksibt fl-eżami orali.

—

Jekk inti ma tinsabx fuq din il-lista, il-punti li tkun ksibt fl-eżami orali jiġu kkomunikati lilek awtomatikament. Tista' tikseb ukoll, fuq talba tiegħek, kopja tal-karta ta' evalwazzjoni individwali tal-eżami orali tiegħek stabbilita mill-Bord tas-Selezzjoni.

It-talbiet għal informazzjoni għandhom jiġu indirizzati permezz tal-paġna ta' kuntatt tas-sit tal-internet tal-EPSO, mhux iktar minn għaxart ijiem kalendarji wara n-notifika tar-riżultati miksuba fil-kompetizzjoni.

It-talbiet jiġu trattati b'kunsiderazzjoni għan-natura sigrieta tax-xogħol tal-bord tas-Selezzjoni stipulata fir-Regolamenti tal-Persunal (l-Anness III, l-Artikolu 6) u fir-rispett tar-Regolament dwar il-protezzjoni tal-individwi firrigward tad-dejta personali.”

(1) Fuq it-talba ta' persuna li tkun temmet il-kompetizzjoni b'suċċess, isimha ma jkunx ippubblikat. Din it-talba għandha tasal għand l-EPSO mhux aktar tard minn ġimgħatejn wara li ssir il-komunikazzjoni tar-riżultati.”

Top

Choose the experimental features you want to try