This document is an excerpt from the EUR-Lex website
Document C2012/110/04
Call for proposals — EAC/S06/12 — Preparatory Action: European Partnership on Sports (Open call)
Sejħa għal proposti – EAC/S06/12 – Azzjoni Preparatorja: Sħubija Ewropea fI-Isports (Sejħa miftuħa)
Sejħa għal proposti – EAC/S06/12 – Azzjoni Preparatorja: Sħubija Ewropea fI-Isports (Sejħa miftuħa)
ĠU C 110, 17.4.2012, p. 4–5
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
17.4.2012 |
MT |
Il-Ġurnal Uffiċjali tal-Unjoni Ewropea |
C 110/4 |
Sejħa għal proposti – EAC/S06/12
Azzjoni Preparatorja: Sħubija Ewropea fI-Isports
(Sejħa miftuħa)
2012/C 110/04
1. Għanijiet u deskrizzjoni
Din is-sejħa għall-proposti sservi biex timplimenta s-Sħubija Ewropea ta' Azzjoni Preparatorja fl-Isports skont id-Deċiżjoni tal-Kummissjoni li tadotta l-programmi ta' ħidma annwali tal-2012 dwar l-għotjiet u l-kuntratti għall-Azzjoni Preparatorja – Sħubija Ewropea fl-Isports u għall-Proġett bi Prova – Sħubiji ta' Għarfien.
L-għan ewlieni ta' din l-Azzjoni Preparatorja huwa li jitħejjew l-azzjonijiet tal-UE f'dan il-qasam għall-ġejjieni, fuq il-bażi tal-Kapitolu tal-Isport tal-Programm tal-Unjoni propost għall-Edukazzjoni, it-Taħriġ, iż-Żgħażagħ u għall-Isport għall-2014-2020 “Erasmus għall-Kulħadd”, waqt li jibni fuq il-prijoritajiet stabbiliti fil-White Paper tal-2007 dwar l-isport u l-Komunikazzjoni tal-2011 dwar l-Iżvilupp tad-Dimensjoni Ewropea fl-Isport.
Din is-sejħa għall-proposti se tappoġġja proġetti transnazzjonali mressqa minn entitajiet pubbliċi jew għaqdiet mhux intiżi għall-qligħ sabiex jidentifikaw u jittestjaw netwerks adatti u prassi tajba fis-settur- tal-isport, fl-oqsma li ġejjin:
(1) |
Il-ġlieda kontra l-logħob miftiehem, |
(2) |
Il-promozzjoni tal-attività fiżika li tappoġġja t-tixjiħ attiv, |
(3) |
Żieda fl-għarfien dwar modi effettivi ta' kif wieħed jista' jippromwovi l-isport f'livell muniċipali, |
(4) |
Kompetizzjonijiet bażiċi konġunta transkonfinali tal-isport f'reġjuni ġirien u fl-Istati Membri. |
Id-dipartiment tal-Kummissjoni responsabbli għall-implimentazzjoni u l-ġestjoni ta' din l-azzjoni huwa l-Unità tal-Isport tad-Direttorat Ġenerali għall-Edukazzjoni u l-Kultura.
2. Eliġibbiltà
2.1. L-applikant
L-applikanti eliġibbli jridu jkunu
— |
Entitajiet pubbliċi; |
— |
Għaqdiet mhux intiżi għall-qligħ. |
L-applikanti jrid ikollhom
— |
Status ġuridiku; |
— |
L-uffiċċji ewlenin tagħhom reġistrati f'wieħed mill-Istati Membri tal-UE. |
Il-persuni naturali ma jistgħux jibagħtu applikazzjoni għal din is-sejħa għall-proposti.
2.2. Proposti
Għal din is-sejħa għall-proposti, huma eliġibbli l-proposti li ġejjin:
— |
il-proposti mressqa permezz tal-formola ta' applikazzjoni uffiċjali u li tikkonforma mar-rekwiżiti tagħha, mimlija kollha u ffirmata; |
— |
proposti li jaslu sad-data tal-għeluq stipulata f'din is-sejħa għall-proposti; |
— |
proposti li jinvolvu azzjonijiet esegwiti kollha fl-Istati Membri tal-Unjoni Ewropea; |
— |
proposti li jinkludu netwerk transnazzjonali b'imsieħba minn tal-anqas ħames Stati Membri tal-UE. |
3. Baġit u tul tal-proġett
Il-baġit disponibbli għal din is-sejħa għall-proposti huwa ta' EUR 3 500 000, taħt l-intestatura “Sħubija Ewropea ta' Azzjoni Preparatorja fl-Isports” (l-Artikolu 15.05.20).
Il-kofinanzjament tal-UE se jkun ipprovdut għal massimu ta' 60 % tat-total ta' spejjeż eliġibbli. Minimu ta' 20 % tat-total ta' spejjeż eliġibbli għandu jkun ipprovdut minn finanzjament privat ta' parti terza. L-ispejjeż tal-persunal ma għandhomx jaqbżu l-50 % tat-total ta' spejjeż eliġibbli. Il-kontribuzzjonijiet in natura mhumiex aċċettati bħala ko-finanzjament. Il-Kummissjoni tirriserva d-dritt li ma tagħtix il-finanzjament kollu disponibbli, u dan jiddependi mill-għadd u mill-kwalità tal-proġetti mressqa.
Il-proġetti jridu jibdew bejn l-1 ta' Jannar 2013 u l-31 ta' Marzu 2013 u jintemmu mhux aktar tard mit-30 ta' Ġunju 2014.
Il-perjodu tal-eliġibbiltà għall-ispejjeż huwa l-perjodu ta' tul il-proġett kif speċifikat fil-kuntratt.
4. Skadenza għall-applikazzjonijiet
L-applikazzjonijiet għandhom jintbagħtu mhux aktar tard mill-31 ta' Lulju 2012, bit-timbru tal-posta bħala prova, lil:
European Commission |
Directorate-General for Education and Culture — Unit E3 |
MADO 20/73 |
1049 Bruxelles/Brussel |
BELGIQUE/BELGIË |
5. Aktar tagħrif
It-testi l-oħra marbuta ma' din is-sejħa għall-proposti, li jinkludu l-formola tal-applikazzjoni u l-gwida tal-programm li tinkludi l-ispeċifikazzjonijiet tekniċi u amministrattivi, jinsabu fl-indirizz tal-internet li ġej:
http://ec.europa.eu/sport/preparatory_actions/doc1009_en.htm
L-applikazzjonijiet iridu jkunu konformi mat-testi msemmija hawn fuq u jridu jitressqu fil-formoli pprovduti.