Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document C2011/307/08

Notifika minn qabel ta' konċentrazzjoni (Każ COMP/M.6383 – Cargill/KoroFrance) Test b’relevanza għaż-ŻEE

ĠU C 307, 19.10.2011, p. 9–9 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

19.10.2011   

MT

Il-Ġurnal Uffiċjali tal-Unjoni Ewropea

C 307/9

Notifika minn qabel ta' konċentrazzjoni

(Każ COMP/M.6383 – Cargill/KoroFrance)

(Test b’relevanza għaż-ŻEE)

2011/C 307/08

1.

Fil-11 ta’ Ottubru 2011, il-Kummissjoni rċiviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Cargill, Incorporated (“Cargill”, Stati Uniti), il-kumpanija holding aħħarija tal-Grupp Cargill, permezz tas-sussidjarja kollha kemm hi tagħha Cargill International Luxembourg 3 Sàrl, takkwista fi ħdan it-tifsira tal-Artikolu 3(1)(b) tar-Regolament dwar l-Għaqdiet kontroll assolut tal-impriża KoroFrance SAS (“KoroFrance”, Franza) permezz tax-xiri ta' ishma.

2.

L-attivitajiet kummerċjali tal-impriżi kkonċernati huma:

—

Għal Cargill: attiva fil-produzzjoni u l-kummerċjalizzazzjoni internazzjonali tal-ikel, l-agrikoltura u l-ġestjoni tal-prodotti u s-servizzi ta' riskju. In-negozju kummerċjali tal-Cargill jinkludi l-kummerċjalizzazzjoni taċ-ċereali u l-komoditajiet, l-ipproċessar u r-raffinazzjoni taż-żerriegħa u tal-kolza, tħin tad-dqiq, l-ipproċessar tal-laħam u s-servizzi finanzjarji,

—

Għal KoroFrance: kumpanija holding tal-Grupp Provimi, li hi attiva fil-manifattura u l-fornitura tal-ikel tal-annimali.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6383 – Cargill/KoroFrance, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

Top