Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document C2010/168/07

Notifika minn qabel ta' konċentrazzjoni (Każ COMP/M.5924 – Trident/Hellman & Friedman/Sedgwick) – Każ li jista' jiġi kkunsidrat għal proċedura simplifikata Test b’relevanza għaż-ŻEE

ĠU C 168, 26.6.2010, p. 8–8 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

26.6.2010   

MT

Il-Ġurnal Uffiċjali tal-Unjoni Ewropea

C 168/8

Notifika minn qabel ta' konċentrazzjoni

(Każ COMP/M.5924 – Trident/Hellman & Friedman/Sedgwick)

Każ li jista' jiġi kkunsidrat għal proċedura simplifikata

(Test b’relevanza għaż-ŻEE)

2010/C 168/07

1.

Fit-18 ta’ Ġunju 2010, il-Kummissjoni rċeviet notifika ta' proposta ta' konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi Hellman & Friedman Capital Partners VI, L.P. (“HFCP VI”, ir-Renju Unit), waħda mill-fondi ta' investiment privati kkontrollata minn Hellman & Friedman LLC (dawn il-fondi, kollettivament ma' Hellman & Friedman LLC, “H&F”, l-Istati Uniti tal-Amerika) u Trident IV, L.P. (“Trident IV”, l-Istati Uniti tal-Amerika), waħda mill-fondi ta' investiment privati kkontrollata minn Stone Point Capital LLC (dawn il-fondi, kollettivament ma' Stone Point Capital LLC, “Trident”, l-Istati Uniti tal-Amerika), fl-ambitu tat-tifsira tal-Artikolu 3(1)(b) tar-Regolament dwar l-Għaqdiet, jakkwistaw kontroll konġunt ta' Sedgwick, Inc., inkluż il-kumpaniji varji li din tikkontrolla b'mod dirett jew indirett (“Sedgwick”, l-Istati Uniti tal-Amerika), permezz ta' tmexxija jew kwalunkwe mezzi oħrajn.

2.

L-attivitajiet kummerċjali tal-impriżi kkonċernati huma:

—

H&F: fond ta' investiment privat investiment ta' kapital fit-tul f'negozji fi swieq li qed jikbru,

—

Trident: fond ta' investiment privat, investiment fl-industriji tal-assigurazzjoni, tal-benefiċċji tal-impjegati u tas-servizzi finanzjarji,

—

Sedgwick: topera fil-qasam ta' servizzi ta' amministrazzjoni terzi primarjament fis-swieq ta' kumpens tal-ħaddiema, diżabilità, responsabbiltà u swieq oħra relatati, fl-Istati Uniti u l-Kanada biss.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.5924 – Trident/Hellman & Friedman/Sedgwick, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

(2)  ĠU C 56, 5.3.2005, p. 32 (“Avviż ta’ proċedura simplifikata”).

Top