Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document C2010/108/06

Notifika minn qabel ta' konċentrazzjoni (Każ COMP/M.5658 – Unilever/Sara Lee Body Care) Test b’relevanza għaż-ŻEE

ĠU C 108, 28.4.2010, p. 7–7 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

28.4.2010   

MT

Il-Ġurnal Uffiċjali tal-Unjoni Ewropea

C 108/7

Notifika minn qabel ta' konċentrazzjoni

(Każ COMP/M.5658 – Unilever/Sara Lee Body Care)

(Test b’relevanza għaż-ŻEE)

2010/C 108/06

1.

Fil-21 ta’ April 2010, il-Kummissjoni rċeviet notifika ta' proposta għal konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Unilever N.V., l-Olanda, u Unilever Plc, ir-Renju Unit, (flimkien “Unilever”) jakkwistaw skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll sħiħ tal-impriża Sara Lee Household and Body Care International (“Sara Lee Body Care”, l-Olanda), li hija proprjetà ta' Sara Lee Corporation (“Sara Lee”, l-Istati Uniti tal-Amerika) permezz ta' offerta irrevokabbli li torbot, imħabbra fil-25 ta’ Settembru 2009, u miftiehma minn Sara Lee li taċċetta.

2.

L-attivitajiet kummerċjali tal-impriżi kkonċernati huma:

—

Unilever hija manifattur multinazzjonali ta' prodotti tal-konsumatur imfittxija ħafna fis-suq. In-negozju prinċipali tagħha huwa fil-kategoriji tal-ikel, tal-kura tad-dar u tal-kura personali,

—

Sara Lee Body Care hija attiva fis-swieq tal-kura personali u l-kura tal-ħasil tal-ħwejjeġ.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.5658 – Unilever/Sara Lee Body Care, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

Top