This document is an excerpt from the EUR-Lex website
Document C2008/328/07
Call for proposals — EACEA/35/08 for the implementation of Erasmus Mundus External Cooperation Window in the academic year 2009-2010 — The Community Action programme for the promotion of cooperation between higher education institutions and the exchange of students, researchers and academic staff from EU Member States and Third Countries
Sejħa għall-proposti — EACEA/35/08 għall-implimentazzjoni tat-Tieqa ta' Kooperazzjoni Esterna tal-Erasmus Mundus għas-sena akkademika 2009-2010 — Il-programm ta' Azzjoni Komunitarju għall-promozzjoni tal-kooperazjoni bejn istituzzjonijiet ta' edukazzjoni ogħla u għall-iskambju tal-istudenti, riċerkaturi u persunal akkademiku mill-Istati Membri tal-UE u Pajjiżi Terzi
Sejħa għall-proposti — EACEA/35/08 għall-implimentazzjoni tat-Tieqa ta' Kooperazzjoni Esterna tal-Erasmus Mundus għas-sena akkademika 2009-2010 — Il-programm ta' Azzjoni Komunitarju għall-promozzjoni tal-kooperazjoni bejn istituzzjonijiet ta' edukazzjoni ogħla u għall-iskambju tal-istudenti, riċerkaturi u persunal akkademiku mill-Istati Membri tal-UE u Pajjiżi Terzi
ĠU C 328, 23.12.2008, p. 24–26
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
23.12.2008 |
MT |
Il-Ġurnal Uffiċjali ta’ l-Unjoni Ewropea |
C 328/24 |
SEJĦA GĦALL-PROPOSTI — EACEA/35/08
għall-implimentazzjoni tat-Tieqa ta' Kooperazzjoni Esterna tal-Erasmus Mundus għas-sena akkademika 2009-2010
Il-programm ta' Azzjoni Komunitarju għall-promozzjoni tal-kooperazjoni bejn istituzzjonijiet ta' edukazzjoni ogħla u għall-iskambju tal-istudenti, riċerkaturi u persunal akkademiku mill-Istati Membri tal-UE u Pajjiżi Terzi
(2008/C 328/07)
1. GĦANIJIET U DESKRIZZJONI
It-Tieqa ta' Kooperazzjoni Esterna tal-Erasmus Mundus timmira lejn l-arrikkiment reċiproku u fehim aħjar bejn l-Unjoni Ewropea u Pajjiżi Terzi. Hija mfassla sabiex trawwem il-kooperazzjoni istituzzjonali fil-qasam tal-edukazzjoni ogħla bejn l-Unjoni Ewropea u Pajjiżi Terzi permezz ta' skema ta' mobilità li tindirizza l-iskambji tal-istudenti u tal-persunal akkademiku għall-istudju, tagħlim, taħriġ u riċerka.
Jekk jogħġbok innota li t-tielet Sejħa għall-Proposti għat-Tieqa ta' Kooperazzjoni Esterna tal-EM (ECW) hija integrata fl-Azzjoni II “Sħubiji” fl-ambitu tal-programm il-ġdid Erasmus Mundus II li għandu l-għan li jippromwovi kooperazzjoni istituzzjonali u attivitajiet ta' mobilità.
2. APPLIKANTI U PAJJIŻI ELIĠIBBLI
L-applikanti għandhom ikunu Universitajiet jew Istituzzjonijiet Ewropej tal-Edukazzjoni Ogħla li jirrappreżentaw sħubija ta' mhux aktar minn 20 istituzzjoni msieħba.
Is-sħubija għandha tkun magħmula minn Istituzzjonijiet Ewropej tal-Edukazzjoni Ogħla, li qabel id-data tal-pubblikazzjoni tas-Sejħa preżenti jkollhom Karta tal-Erasmus, u Istituzzjonijiet tal-Edukazzjoni Ogħla ta' Pajjiżi Terzi li huma rikonoxxuti u akkreditati mill-awtoritajiet nazzjonali.
L-attivitajiet għandhom isiru f'wieħed mill-pajjiżi eliġibbli koperti minn din is-Sejħa. Hemm tliet gruppi ta' pajjiżi/reġjuni eliġibbli:
— |
is-27 Stat Membru tal-Unjoni Ewropea, |
— |
il-Pajjiżi Kandidati Ewropej (il-Kroazja u t-Turkija) u l-pajjiżi taż-ŻEE (l-Iżlanda, il-Liechtenstein u n-Norveġja), |
— |
il-Pajjiżi Terzi u r-reġjuni ġeografiċi li ġejjin: |
l-Arġentina, il-Brażil, iċ-Ċina, ir-Russja, l-Indja, ir-reġjun tal-Asja, ir-Repubbliki tal-Asja Ċentrali, ir-reġjun tal-Amerika Latina, ir-reġjun tal-Lvant Nofsani, iż-żona tal-viċinat tan-Nofsinhar u tal-Lvant, ir-reġjun tal-Balkani tal-Punent.
3. ATTIVITAJIET ELIĠIBBLI
L-għotjiet mingħand il-KE ser jikkontribwixxu għall-finanzjament tas-sħubijiji bbażati fuq l-Istituzzjonijiet bejn istituzzjonijiet tal-edukazzjoni ogħla Ewropej u dawk tal-Pajjiżi Terzi sabiex ikopru t-tipi ta' attivitajiet li ġejjin:
— |
l-organizzazzjoni tal-mobilità individwali tal-istudenti tal-edukazzjoni ogħla kif ukoll il-persunal akkademiku, u |
— |
l-implimentazzjoni tal-mobilità individwali. It-tipi ta' mobilità u edukazzjoni li sejrin jiġu ffinanzjati f'din is-Sejħa huma:
|
It-tul ta' żmien ippjanat għal proġett ma jistax jaqbeż 48 xahar.
L-attivitajiet eliġibbli, inklużi l-attivitajiet ta' tħejjija, jistgħu jibdew fil-15 ta' Lulju 2009 bil-kundizzjoni li l-kuntratti jkunu diġà ffirmati. L-azzjonijiet għandhom jintemmu qabel il-15 ta' Lulju 2013.
Ħlief f'każijiet ta' “forza maġġuri” ġustifikati kif xieraq u soġġetti għal awtorizzazzjoni minn qabel mill-Aġenzija, il-mobilità individwali kollha għandha tinbeda l-iktar tard fl-1 ta' Settembru 2010.
4. KRITERJI TAL-GĦOTI
Il-kriterji tal-għoti jippermettu l-evalwazzjoni tal-kwalità tal-proposti preżentati b'relazzjoni mal-għanijiet u l-prijoritajiet stabbiliti sabiex, l-għotjiet jingħataw lill-azzjonijiet li l-iktar ikunu jirriflettu l-effikaċja tas-Sejħa għall-Proposti.
L-applikazzjonijiet se jkunu valutati skont il-kriterji tal-għoti li ġejjin u jingħata punteġġ fuq skala ta' 100:
— |
il-kapaċità operattiva u l-għarfien espert tal-applikant u l-imsieħba (punteġġ: 10 minn 100), |
— |
relevanza tal-attivitajiet skont l-għan tas-Sejħa tal-Proposti (punteġġ: 25 minn 100), |
— |
metodoloġija tat-tmexxija tas-sħubija u tal-implimentazzjoni tal-attivitajiet tal-mobilità (punteġġ: 50 minn 100), |
— |
sostenibbiltà( punteġġ: 15 minn 100). |
5. BAĠIT DISPONIBBLI
L-ammont kumplessiv indikattiv li huwa disponibbli fl-ambitu ta' din is-sejħa għall-proposti huwa ta' EUR 163,500 miljun għar-reġjuni ġeografiċi u l-pajjiżi li ġejjin:
Twieqi ġeografiċi |
Strument ta' Kooperazzjoni |
Ammont Kumplessiv Indikattiv |
Għadd ta' proġetti mistennija li jkunu ffinanzjati |
In-Nofsinhar tal-Mediterran, il-Lvant tal-Ewropa u r-Russja |
ENPI |
EUR 29 miljun |
8 |
Il-Jemen, l-Iran u l-Iraq |
DCI |
EUR 3 miljun |
1 |
Ir-Repubbliki tal-Asja Ċentrali |
DCI |
EUR 5 miljun |
2 |
Il-Balkani tal-Punent |
IPA |
EUR 8,5 miljun |
2 |
Reġjun tal-Asja |
|||
Reġjonali tal-Asja |
DCI |
EUR 20 miljun |
4 |
L-Indja |
DCI |
EUR 19 miljun |
4 |
Iċ-Ċina |
DCI |
EUR 26 miljun |
5 |
Reġjun tal-Amerika Latina |
|||
Il-Brażil |
DCI |
EUR 9,3 miljun |
3 |
L-Arġentina |
DCI |
EUR 2,1 miljun |
1 |
Reġjonali tal-Amerika Latina |
DCI |
EUR 41,6 miljun |
13 |
6. DATA TA' SKADENZA
Id-data ta' skadenza għat-tressiq ta' proposti hija sa mhux iktar tard mit-13 ta' Marzu 2009. Il-proposti għandhom jintbagħtu lil dan l-indirizz:
Aġenzija Eżekuttiva għall-Edukazzjoni, l-Awdjoviżiv u l-Kultura |
Sejħa għall-proposti “Erasmus Mundus — Tieqa ta' Kooperazzjoni Esterna 08/” |
Unità P4 |
Avenue du Bourget 1 (BOUR 00/37) |
B-1140 Brussell |
Il-verżjoni elettronika tal-applikazzjoni flimkien mad-dokumenti ta' sostenn għandhom jintbagħtu lil dan l-indirizz ta' posta elettronika:
EACEA-EM-EXTCOOP@ec.europa.eu
Se jkunu aċċettati biss il-proposti li jintbagħtu bl-użu tal-formola ta' applikazzjoni korretta, mimlija kif suppost u ttimbrata u verifikata mir-rappreżentant legali tal-istituzzjoni tal-edukazzjoni ogħla Ewropew li jkun applika.
7. AKTAR TAGĦRIF
Il-Linji Gwida għall-applikanti għall-għotjiet u l-formola ta' applikazzjoni relevanti huma disponibbli fil-websajt li ġejja:
http://eacea.ec.europa.eu/extcoop/call/index.htm
L-applikazzjonijiet għandhom jintbagħtu bl-użu tal-formola ta' applikazzjoni relevanti u għandhom ikun fihom l-annessi kollha meħtieġa.