EUR-Lex Access to European Union law
This document is an excerpt from the EUR-Lex website
Document C2008/324/07
Communication from the Commission to all farmers concerning set aside from 2009
Komunikazzjoni mill-Kummissjoni lill-bdiewa kollha rigward is-serħan tal-art mill-2009 'l quddiem
Komunikazzjoni mill-Kummissjoni lill-bdiewa kollha rigward is-serħan tal-art mill-2009 'l quddiem
ĠU C 324, 19.12.2008, p. 11–11
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
19.12.2008 |
MT |
Il-Ġurnal Uffiċjali ta’ l-Unjoni Ewropea |
C 324/11 |
Komunikazzjoni mill-Kummissjoni lill-bdiewa kollha rigward is-serħan tal-art mill-2009 'l quddiem
(2008/C 324/07)
Il-Kummissjoni tixtieq tiġbed l-attenzjoni tal-bdiewa kollha tal-Komunità għall-fatt li fl-20 ta' Novembru 2008, il-Kunsill għamel ftehim politiku dwar kompromess tal-Presidenza (1) fuq il-proposta (COM(2008) 306 finali (2)) għall-Verifika tas-Saħħa.
B'mod partikolari, il-Kunsill qabel li jabolixxi, b'seħħ mill-1 ta' Jannar 2009, il-ħtiġijiet għas-serħan tal-art kif stabbilit bir-Regolament tal-Kunsill tad-29 ta' Settembru 2003 (KE) Nru 1782/2003 li jistabbilixxi regoli komuni għal skemi diretti ta' appoġġ fi ħdan il-politika agrikola komuni u li jistabbilixxi ċerti skemi ta' appoġġ għall-bdiewa u li jemenda r-Regolamenti (KEE) Nru 2019/93, (KE) Nru 1452/2001, (KE) Nru 1453/2001, (KE) Nru 1454/2001, (KE) Nru 1868/94, (KE) Nru 1251/1999, (KE) Nru 1254/1999, (KE) Nru 1673/2000, (KEE) Nru 2358/71 u (KE) Nru 2529/2001 (3).
Għaldaqstant, minn dik id-data, il-bdiewa ċertament (4) mhumiex se jkunu obbligati jserrħu l-art mill- produzzjoni sabiex ikunu intitolati għall-ammonti provduti taħt ħlasijiet diretti.
L-adozzjoni u l-pubblikazzjoni fil-Ġurnal Uffiċjali tat-test legali li jabolixxi s-serħan tal-art għandhom, madankollu, jseħħu biss wara l-1 ta' Jannar 2009.
Sabiex il-bdiewa jkunu infurmati dwar is-sitwazzjoni li ġejja, il-Kummissjoni diġà ppubblikat Komunikazzjoni fil-Ġurnal Uffiċjali (2008/C 186/06) (5).
(1) Dokument tal-Kunsill 16049/08: irreferi: http://www.consilium.europa.eu
(2) COM(2008) 306: Proposta għal Regolament tal-Kunsill li jistabbilixxi regoli komuni għal skemi ta' appoġġ dirett taħt ilpolitika agrikola komuni għall-bdiewa u li jistabbilixxi ċerti skemi ta' appoġġ għall-bdiewa; proposta għal Regolament tal-Kunsill dwar modifiki fil-politika agrikola komuni billi jemenda r-Regolamenti (KE) Nru 320/2006, (KE) Nru 1234/2007, (KE) Nru 3/2008 u (KE) Nru (…)/2008; proposta għal Regolament tal-Kunsill li jemenda r-Regolament (KE) Nru 1698/2005 dwar l-appoġġ għall-iżvilupp rurali mill-Fond Agrikolu Ewropew għall-Iżvilupp Rurali (FAEŻR).
(3) ĠU L 270, 21.10.2003, p. 1.
(4) Irreferi wkoll għar-Regolament tal-Kunsill (KE) Nru 1107/2007 tas-26 ta' Settembru 2007 b'deroga mir-Regolament (KE) Nru 1782/2003 li jistabbilixxi regoli komuni għal skemi diretti ta' appoġġ fi ħdan il-politika agrikola komuni u li jistabbilixxi ċerti skemi ta' appoġġ għall-bdiewa fir-rigward tal-art imwarrba, għall-2008 (ĠU L 253, 28.9.2007, p. 1) li permezz tiegħu r-rata tas-serħan tal-art obbligatorja ġiet stipulata għal żero fl-2008.
(5) ĠU C 186, 23.7.2008, p. 8.