This document is an excerpt from the EUR-Lex website
Document 62024TN0256
Case T-256/24: Action brought on 14 May 2024 – RMC-Consulting and Others v Parliament
Kawża T-256/24: Rikors ippreżentat fl-14 ta’ Mejju 2024 – RMC-Consulting et vs Il-Parlament
Kawża T-256/24: Rikors ippreżentat fl-14 ta’ Mejju 2024 – RMC-Consulting et vs Il-Parlament
ĠU C, C/2024/4601, 29.7.2024, ELI: http://data.europa.eu/eli/C/2024/4601/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
Il-Ġurnal Uffiċjali |
MT Is-serje C |
C/2024/4601 |
29.7.2024 |
Rikors ippreżentat fl-14 ta’ Mejju 2024 – RMC-Consulting et vs Il-Parlament
(Kawża T-256/24)
(C/2024/4601)
Lingwa tal-kawża: il-Franċiż
Partijiet
Rikorrenti: RMC-Consulting Sàrl (Lussemburgu, Il-Lussemburgu), Felgen & Associés Engineering SA (Il-Lussemburgu) u Egis Bâtiments International (Montreuil, Franza) (rappreżentant: J. Wolter, avukat)
Konvenut: Il-Parlament Ewropew
Talbiet
Ir-rikorrenti jitolbu li l-Qorti Ġenerali jogħġobha:
— |
tikkundanna lill-Parlament Ewropew iħallas lill-imsemmija rikorrenti l-ammont ta’ EUR 4 998 850,54, bħala ammont prinċipali, flimkien mal-interessi moratorji fuq kull fattura prevista kuntrattwalment fil-każ ta’ ħlas tardiv, jiġifieri interessi moratorji kkalkolati abbażi tar-rata applikata mill-Bank Ċentrali Ewropew fir-rigward tal-operazzjonijiet ta’ rifinanzjament prinċipali tagħha, flimkien ma’ tmien punti perċentwali, rata fis-seħħ fl-ewwel jum tax-xahar li fih il-ħlas sar eżiġibbli; |
— |
tiddikjara li l-interessi moratorji għandhom jiġi kkalkolati fuq kull fattura b’effett mill-jum tal-iskadenza tagħhom jiġifieri (i) mit-2 ta’ Frar 2023 għall-fatturi [kunfidenzjali] (1), u (ii) għall-fattura [kunfidenzjali] mit-13 ta’ Frar 2023, sad-data tal-ħlas, jew mid-data tat-talba ta’ intimazzjoni tal-20 ta’ Ġunju 2023, inkluża fl-ittra ta’ intimazzjoni tal-5 ta’ Ġunju 2023, jew mill-jum li fih ġie ppreżentat ir-rikors, sad-data tal-ħlas; |
— |
tordna lill-Parlament jirrestitwixxi l-garanzija bankarja għall-eżekuzzjoni korretta għall-perijodu 1 ta’ ammont ta’ EUR 466 116; |
— |
tiddikjara li l-Parlament huwa responsabbli kuntrattwalment inkella delittwalment fis-sens tal-Artikoli 1382 u 1383 tal-Kodiċi Ċivili Lussemburgiż minħabba d-danni kkawżati mir-rifjut tiegħu li jħallas il-fatturi dovuti u li jirrestitwixxi l-garanzija skaduta jew ir-rifjut li jinnegozja kwistjoni tranżazzjonali; |
— |
tikkundanna lill-Parlament iħallas lill-imsemmija rikorrenti l-ammont ta’ EUR 35 855,20 għall-ispejjeż tal-avukat antiċipati; |
— |
tordna lill-Parlament iħallas lill-imsemmija rikorrenti l-ispejjeż kollha sostnuti għall-finijiet tal-proċedura skont l-Artikolu 133 tar-Regoli tal-Proċedura tal-Qorti Ġenerali, peress li jkun inġust li huma jitħallew isostnu tali spejjeż waħedhom fid-dawl tal-aġir tal-konvenut li wassal għat-tilwima; |
— |
tordna lill-Parlament iħallas lill-imsemmija rikorrenti l-ammont ta’ EUR 15 000 għall-ispejjeż kollha neċessarjament sostnuti għall-finijiet tal-proċedura, skont l-Artikolu 140 tar-Regoli tal-Proċedura tal-Qorti Ġenerali, peress jkun inġust li huma jitħallew isostnu tali spejjeż waħedhom fid-dawl tal-aġir tal-konvenut li wassal għat-tilwima. |
Motivi u argumenti prinċipali
Insostenn tar-rikors tagħhom, ir-rikorrenti jinvokaw ħames motivi.
1. |
L-ewwel motiv huwa bbażat fuq nuqqas ta’ twettiq ta’ obbligi kuntrattwali min-naħa tal-Parlament, abbażi tal-fatt li dan tal-aħħar huwa obbligat iħallas lir-rikorrenti għas-servizzi li huma pprovdew, konformement mad-dispożizzjoni kuntrattwali. |
2. |
It-tieni motiv huwa bbażat fuq l-ammonti ffatturati. Ir-rikorrenti jsostnu li l-fatturi kollha ġew diskussi bejn il-partijiet u li l-ammonti ma ġewx ikkontestati. |
3. |
It-tielet motiv huwa bbażat fuq nuqqas ta’ prova ta’ kull ineżekuzzjoni kuntrattwali min-naħa tar-rikorrenti. |
4. |
Ir-raba’ motiv huwa bbażat fuq talba ta’ restituzzjoni tal-garanzija ta’ eżekuzzjoni korretta. Ir-rikorrenti jitolbu l-liberazzjoni tal-garanzija ta’ eżekuzzjoni korretta ta’ ammont ta’ EUR 466 116. |
5. |
Il-ħames motiv huwa bbażat fuq id-dannu mġarrab mir-rikorrenti li jqisu li n-nuqqasijiet jew in-negliġenzi mwettqa mill-Parlament jimplikaw ir-responsabbiltà kuntrattwali jew delittwali tiegħu skont l-Artikoli 1382 u 1383 tal-Kodiċi Ċivili Lussemburgiż. |
(1) Données confidentielles occultées.
ELI: http://data.europa.eu/eli/C/2024/4601/oj
ISSN 1977-0987 (electronic edition)