This document is an excerpt from the EUR-Lex website
Document 62024TN0114
Case T-114/24: Action brought on 21 February 2024 — Masset v Commission
Kawża T-114/24: Rikors ippreżentat fil-21 ta’ Frar 2024 – Masset vs Il-Kummissjoni
Kawża T-114/24: Rikors ippreżentat fil-21 ta’ Frar 2024 – Masset vs Il-Kummissjoni
ĠU C, C/2024/2457, 8.4.2024, ELI: http://data.europa.eu/eli/C/2024/2457/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
Il-Ġurnal Uffiċjali |
MT Is-serje C |
C/2024/2457 |
8.4.2024 |
Rikors ippreżentat fil-21 ta’ Frar 2024 – Masset vs Il-Kummissjoni
(Kawża T-114/24)
(C/2024/2457)
Lingwa tal-kawża: il-Franċiż
Partijiet
Rikorrent: Dominique Masset (Lens, Franza) (rappreżentant: G. Tumerelle, avukat)
Konvenut: Il-Kummissjoni Ewropea
Talbiet
Ir-rikorrent jitlob li l-Qorti Ġenerali jogħġobha:
— |
tannulla r-Regolament ta’ Implimentazzjoni tal-Kummissjoni (UE) 2023/2660 (1) tat-28 ta’ Novembru 2023 li jġedded l-approvazzjoni tas-sustanza attiva glifosat f’konformità mar-Regolament (KE) Nru 1107/2009 tal-Parlament Ewropew u tal-Kunsill, u li jemenda r-Regolament ta’ Implimentazzjoni tal-Kummissjoni (UE) Nru 540/2011. |
Motivi u argumenti prinċipali
Insostenn tar-rikors tiegħu, ir-rikorrent jinvoka erba’ motivi.
1. |
L-ewwel motiv ibbażat fuq il-ksur tar-Regolament (KE) Nru 1107/2009. Fl-ewwel lok, ir-rikorrent iqis li l-metodoloġija ta’ analiżi użata mill-Awtorità Ewropea għas-Sigurtà tal-Ikel (EFSA) u mill-Kummissjoni Ewropea għall-adozzjoni tar-Regolament 2023/2660 jiksru r-Regolament Nru 1107/2009 (2), hekk kif interpretata mis-sentenza tal-1 ta’ Ottubru 2019, Blaise et (C-616/17, EU:C:2019:800). Fit-tieni lok, ir-rikorrent isostni li r-Regolament ta’ Implimentazzjoni kkontestat jikser l-Artikolu 4 tar-Regolament Nru 1107/2009 minħabba li ma josservax il-kriterji ta’ approvazzjoni. |
2. |
It-tieni motiv ibbażat fuq l-assenza ta’ garanzija tal-livell għoli ta’ protezzjoni tas-saħħa tal-bniedem, tal-annimali u tal-ambjent previst mit-Trattat dwar il-Funzjonament tal-Unjoni Ewropea, mill-Karta tad-Drittijiet Fundamentali tal-Unjoni Ewropea u mir-Regolament Nru 1107/2009. |
3. |
It-tielet motiv ibbażat fuq l-assenza ta’ osservanza tal-prinċipju ta’ prekawzjoni. |
4. |
Ir-raba’ motiv, ibbażat fuq il-ksur tad-dritt għal għajxien f’ambjent salutari. |
(1) ĠU L, 2023/2660
(2) Regolament (KE) Nru 1107/2009 tal-Parlament Ewropew u tal-Kunsill tal-21 ta’ Ottubru 2009 dwar it-tqegħid fis-suq ta’ prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (ĠU 2009, L 309, p. 1).
ELI: http://data.europa.eu/eli/C/2024/2457/oj
ISSN 1977-0987 (electronic edition)