1.

L-espressjoni “ipproċessar ta’ data personali”, fis-sens tal-punt 2 tal-Artikolu 4 tal-GDPR, għandha tiġi interpretata fis-sens li tinkludi attività li tinvolvi l-inklużjoni, fil-fajl personali ta’ impjegat, ta’ informazzjoni li tikkonċerna lil dan l-istess impjegat miksuba mill-persuna li timpjega permezz tad-direttorat tagħha li jaġixxi fil-kwalità tiegħu bħala korp investigattiv fil-konfront tal-impjegat?

2.

L-espressjoni “sistema ta’ arkivjar”, li tintuża fil-punt 6 tal-Artikolu 4 tal-GDPR, għandha tiġi interpretata fis-sens li tinkludi l-fajl personali tal-impjegat jew tal-ħaddiem li jaħdmu fi ħdan direttorat tal-persuna li timpjega, meta l-informazzjoni tkun inġabret minn direttorat ieħor tal-persuna li timpjega li jkollu l-kwalità ta’ korp investigattiv?

3.

L-Artikolu 9(2)(b) tal-GDPR għandu jiġi interpretat fis-sens li l-istruttura ta’ persuna li timpjega tista’ tiġbor u taħżen data dwar il-fatt li l-impjegat kien issuspettat, akkużat jew is-suġġett ta’ proċeduri kriminali meta din l-informazzjoni tkun inġabret minn struttura oħra tal-persuna li timpjega li jkollha l-kwalità ta’ korp investigattiv?

4.

Id-“dritt li wieħed jintesa”, fis-sens tal-Artikolu 17(1)(a) tal-GDPR, għandu jiġi interpretat fis-sens li l-persuna li timpjega għandha tħassar id-data kollha mill-fajl personali tal-impjegat li tkun ġabret u ħażnet permezz ta’ direttorat ieħor tagħha li jkollu l-kwalità ta’ korp investigattiv fil-konfront tal-impjegati tagħha, u li tkun tikkonċerna l-fatt li dan l-impjegat:

5.

Data personali li “tkun ġiet ipproċessata illegalment”, fis-sens tal-Artikolu 17(1)(d) tal-GDPR, għadha tiġi interpretata fis-sens li tinkludi d-data li l-persuna li timpjega tkun kisbet, ġabret u ħażnet permezz ta’ struttura oħra tagħha li jkollha funzjonijiet investigattivi fi proċeduri kriminali kontra impjegati li jaqgħu taħt strutturi organizzattivi oħra tal-persuna li timpjega, liema data tinżamm fil-fajl personali u tikkonċerna l-fatt li l-impjegat:

6.

“Data personali”, fis-sens tal-punt 1 tal-Artikolu 3 tad-Direttiva (UE) 2016/680 tal-Parlament Ewropew u tal-Kunsill tas-27 ta’ April 2016 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-awtoritajiet kompetenti għall-finijiet tal-prevenzjoni, l-investigazzjoni, is-sejbien jew il-prosekuzzjoni ta’ reati kriminali jew l-eżekuzzjoni ta’ pieni kriminali, u dwar il-moviment liberu ta’ tali data, u li tħassar id-Deċiżjoni Qafas tal-Kunsill 2008/977/ĠAI (2), ikkunsidrat flimkien mal-Artikolu 52 tal-Karta tad-Drittijiet Fundamentali tal-Unjoni Ewropea, għandha tiġi interpretata fis-sens li tinkludi data li l-persuna li timpjega tkun kisbet, ġabret u ħażnet permezz tal-istruttura tagħha li jkollha l-funzjonijiet ta’ korp investigattiv fi proċeduri kriminali kontra impjegat li jeżerċita l-funzjonijiet tiegħu fi struttura oħra tal-persuna li timpjega?

7.

“Ipproċessar” ta’ data personali fis-sens tal-punt 2 tal-Artikolu 3 tad-Direttiva 2016/680, ikkunsidrat flimkien mal-Artikolu 52 tal-Karta tad-Drittijiet Fundamentali, għandu jiġi interpretat fis-sens li jinkludi attività ta’ ħażna ta’ data mill-persuna li timpjega fil-fajl personali tal-impjegat, liema data l-persuna li timpjega tkun kisbet, ġabret u ħażnet permezz tal-istruttura tagħha li jkollha l-funzjonijiet ta’ korp investigattiv fi proċeduri kriminali kontra impjegat tal-persuna li timpjega li jeżerċita l-funzjonijiet tiegħu fi struttura oħra tal-persuna li timpjega?

8.

L-Artikolu 9(1) tad-Direttiva 2016/680, ikkunsidrat flimkien mal-Artikolu 52 tal-Karta tad-Drittijiet Fundamentali, għandu jiġi interpretat fis-sens li jippermetti lill-persuna li timpjega tiġbor u taħżen informazzjoni dwar impjegat li kien issuspettat, akkużat jew is-suġġett ta’ proċeduri kriminali, liema informazzjoni l-persuna li timpjega tkun ġabret permezz ta’ struttura organizzattiva oħra tagħha li jkollha l-kwalità ta’ korp investigattiv fi proċeduri kriminali kontra dan l-impjegat?

9.

L-Artikolu 16(2) tad-Direttiva 2016/680, ikkunsidrat flimkien mal-Artikolu 52 tal-Karta tad-Drittijiet Fundamentali, għandu jiġi interpretat fis-sens li l-persuna li timpjega għandha tħassar id-data kollha mill-fajl personali tal-impjegat li l-persuna li timpjega tkun ġabret u ħażnet permezz tal-istruttura organizzattiva tagħha li jkollha l-kwalità ta’ korp investigattiv fi proċeduri kriminali kontra dan l-impjegat, liema data tikkonċerna l-fatt li dan l-impjegat:

10.

L-Artikolu 1 tad-Direttiva tal-Kunsill 2000/78/KE tas-27 ta’ Novembru 2000 li tistabbilixxi qafas ġenerali għall-ugwaljanza fit-trattament fl-impjieg u fix-xogħol (3) għandu jiġi interpretat fis-sens li ma jippermettix lill-persuna li timpjega, li struttura organizzattiva tagħha twettaq attivitajiet investigattivi fil-konfront ta’ impjegat li jaqa’ taħt struttura oħra, tirrifjuta avvanz fil-karriera lil dan l-impjegat għas-sempliċi raġuni li dan tal-aħħar: