—

tannulla d-deċiżjoni tal-Kummissjoni li tordna spezzjoni C (2023) 1689 final tat-8 ta’ Marzu 2023;

—

tannulla kull miżura ordnata mill-Kummissjoni matul l-ispezzjoni; b’mod partikolari, il-Qorti Ġenerali għandha tiddikjara t-tkomplija tal-ispezzjoni inammissibbli u tordna lill-Kummissjoni tirritorna l-kopji kollha tad-dokumenti magħmula u miġbura mill-awtorità matul l-ispezzjoni; u

—

tikkundanna lill-Kummissjoni għall-ispejjeż.

1.

L-ewwel motiv ibbażat fuq assenza manifesta ta’ fondatezza tad-deċiżjoni li tordna spezzjoni

L-Artikolu 1 tad-deċiżjoni li tordna spezzjoni għandha tiġi annullata, peress li l-ilmenti inkluża fiha huma manifestament infondati. Anki jekk jiġi preżunt li l-allegazzjonijiet fattwali tal-Kummissjoni huma korretti (quod non), fuq il-bażi tal-ġurisprudenza stabbilita tal-Qorti tal-Ġustizzja, tal-Linji Gwida tal-Kummissjoni nfisha u ta’ informazzjoni pubblika disponibbli għall-Kummissjoni qabel ma adottat id-deċiżjoni li tordna spezzjoni, dawn ma jikkostitwixxux ksur tal-Artikoli 101 u 102 TFUE.

2.

It-tieni motiv ibbażat fuq indizji insuffiċjenti għall-adozzjoni ta’ deċiżjoni li tordna spezzjoni

Jidher li fiż-żmien tal-adozzjoni tad-deċiżjoni tagħha, il-Kummissjoni ma kellhiex provi suffiċjenti ta’ aġir antikompetittiv sabiex tiġġustifika spezzjoni.

3.

It-tielet motiv ibbażat fuq motivazzjoni insuffiċjenti u nuqqas ta’ preċiżjoni tad-deċiżjoni li tordna spezzjoni

L-Artikolu 1 tad-deċiżjoni li tordna spezzjoni għandu jiġi annullat peress li ma huwiex suffiċjentement immotivat u jinkludi deskrizzjoni twila ħafna u impreċiża dwar is-suġġett tal-ispezzjoni, b’tali mod li ma jippermettix lir-rikorrenti jkunu jafu b’mod ċar l-obbligi tagħhom ta’ kooperazzjoni fl-ispezzjoni.

4.

Ir-raba’ motiv ibbażat fuq ksur tal-prinċipju ta’ proporzjonalità

L-Artikolu 1 tad-deċiżjoni li tordna spezzjoni, u d-deċiżjonijiet l-oħra relatati magħha, meħuda sussegwentement mill-Kummissjoni matul l-ispezzjoni, għandhom jiġu annullati minħabba li jiksru l-prinċipju ta’ proporzjonalità. Dan japplika, b’mod partikolari, għat-tkomplija tal-ispezzjoni fil-bini tal-konvenuta fi Brussell, ordnata mill-Kummissjoni għal żmien indefinit, li tippreġudika b’mod eċċessiv id-drittijiet tar-rikorrenti.

5.

Il-ħames motiv ibbażat fuq ksur tar-regoli proċedurali essenzjali u tad-drittijiet tad-difiża

Il-Kummissjoni naqset milli tiżgura li l-awtoritajiet responsabbli tal-Awstrija kellhom il-mezzi kollha neċessarji sabiex jeżerċitaw is-setgħa ta’ kontroll tagħhom fir-rigward tar-rispett tad-drittijiet fundamentali tar-rikorrenti matul l-ispezzjoni. Għalhekk, il-Kummissjoni kisret regoli proċedurali essenzjali u ppreġudikat id-drittijiet tad-difiża tar-rikorrenti. Barra minn hekk, il-Kummissjoni kisret id-dritt tar-rikorrenti għal assistenza legali, protett mill-Karta tad-Drittijiet Fundamentali.