—

tiddikjara r-rikors ammissibbli u fondat rigward il-forma u l-kontenut tiegħu;

—

konsegwentement, tannulla d-deċiżjoni kkontestata;

—

tikkundanna lill-Kummissjoni għall-ispejjeż.

1.

L-ewwel motiv ibbażat fuq nuqqas ta’ twettiq tal-obbligu ta’ investigazzjoni u tal-obbligu ta’ motivazzjoni

Il-Kummissjoni naqset milli twettaq l-obbligu tagħha li teżamina bir-reqqa ċ-ċirkustanzi u ftehimiet invokati mir-rikorrent, minkejja l-eżistenza ta’ restrizzjonijiet estremi tal-kompetizzjoni. L-argumenti invokati mir-rikorrent ġew miċħuda mingħajr ma ġew eżaminati u, fid-deċiżjoni kkontestata, il-Kummissjoni sempliċement għamlet konstatazzjonijiet sommarji u superfiċjali.

2.

It-tieni motiv ibbażat fuq il-fatt li l-Kummissjoni ma evalwatx b’mod korrett l-interessi tal-Unjoni

Il-Kummissjoni qieset b’mod żbaljat li l-ksur invokat mir-rikorrent jidher limitat għal ġewwa Stat Membru wieħed u b’dan il-mod hija injorat il-portata internazzjonali tal-fatti. Il-Kummissjoni lanqas ma ħadet inkunsiderazzjoni t-tul ta’ żmien tal-ksur u kkonkludiet b’mod żbaljat li l-qrati u l-awtoritajiet nazzjonali huma f’pożizzjoni tajba sabiex jeżaminaw il-prattiki antikompetittivi invokati mir-rikorrent.