This document is an excerpt from the EUR-Lex website
Document 62023CN0752
Case C-752/23 P: Appeal brought on 6 December 2023 by Dow Silicones Corp. and Others against the judgment of the General Court (Second Chamber, Extended Composition) delivered on 20 September 2023 in Cases T-858/16 and T-867/16, Dow Silicones and Others v Commission
Kawża C-752/23 P: Appell ippreżentat fis-6 ta’ Diċembru 2023 minn Dow Silicones Corp. et mis-sentenza mogħtija mill-Qorti Ġenerali (It-Tieni Awla Estiża) fl-20 ta’ Settembru 2023 fil-Kawżi T-858/16 u T-867/16, Dow Silicones et vs Il-Kummissjoni
Kawża C-752/23 P: Appell ippreżentat fis-6 ta’ Diċembru 2023 minn Dow Silicones Corp. et mis-sentenza mogħtija mill-Qorti Ġenerali (It-Tieni Awla Estiża) fl-20 ta’ Settembru 2023 fil-Kawżi T-858/16 u T-867/16, Dow Silicones et vs Il-Kummissjoni
ĠU C, C/2024/1531, 26.2.2024, ELI: http://data.europa.eu/eli/C/2024/1531/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
|
Il-Ġurnal Uffiċjali |
MT Serje C |
|
C/2024/1531 |
26.2.2024 |
Appell ippreżentat fis-6 ta’ Diċembru 2023 minn Dow Silicones Corp. et mis-sentenza mogħtija mill-Qorti Ġenerali (It-Tieni Awla Estiża) fl-20 ta’ Settembru 2023 fil-Kawżi T-858/16 u T-867/16, Dow Silicones et vs Il-Kummissjoni
(Kawża C-752/23 P)
(C/2024/1531)
Lingwa tal-kawża: l-Ingliż
Partijiet
Appellanti: Dow Silicones Corp., li kienet Dow Corning Corp.; Dow Silicones Belgium, li kienet Dow Corning Europe; Vinventions, li kienet Nomacorc (rappreżentanti: H. Gilliams, L. Goossens, avukati)
Appellata: Il-Kummissjoni Ewropea
Talbiet
L-appellanti jitolbu li l-Qorti tal-Ġustizzja jogħġobha:
|
— |
tannulla s-sentenza appellata; |
|
— |
tikkundanna lill-Kummissjoni għall-ispejjeż tal-proċeduri tal-appellanti f’din il-kawża, kif ukoll fil-Kawżi T-858/16 u T-867/16, u |
|
— |
tannulla d-Deċiżjoni tal-Kummissjoni (UE) 2016/1699 tal-11 ta’ Jannar 2016 dwar l-iskema ta’ għajnuna li tirrigwarda l-eżenzjoni tal-qligħ eċċessiv SA.37667 (2015/C) (ex 2015/NN) implimentata mill-Belġju (1) jew, fi kwalunkwe każ, l-Artikolu 2 tagħha. |
Sussidjarjament:
|
— |
tannulla s-sentenza appellata, u |
|
— |
tibgħat il-każ lura quddiem il-Qorti Ġenerali. |
Aggravji u argumenti prinċipali
L-ewwel aggravju huwa dirett kontra l-konstatazzjoni fis-sentenza appellata li d-Deċiżjoni tal-Kummissjoni 2016/1699 iddefinixxiet korrettement il-qafas ta’ referenza kif ukoll li kienet iġġustifikata li ssib li l-iskema tidderoga mis-sistema ta’ referenza.
It-tieni aggravju huwa dirett kontra l-konstatazzjoni fis-sentenza appellata li d-Deċiżjoni tal-Kummissjoni 2016/1699 kienet iġġustifikata li tikkwalifika l-iskema bħala miżura selettiva.
It-tielet aggravju huwa dirett kontra l-konstatazzjoni fis-sentenza appellata li l-ordni ta’ rkupru, kif espress fid-Deċiżjoni tal-Kummissjoni 2016/1699, kien iġġustifikat.
ELI: http://data.europa.eu/eli/C/2024/1531/oj
ISSN 1977-0987 (electronic edition)