EUR-Lex Access to European Union law
This document is an excerpt from the EUR-Lex website
Document 62022TN0569
Case T-569/22: Action brought on 13 September 2022 — QZ v EIB
Kawża T-569/22: Rikors ippreżentat fit-13 ta’ Settembru 2022 – QZ vs EIB
Kawża T-569/22: Rikors ippreżentat fit-13 ta’ Settembru 2022 – QZ vs EIB
ĠU C 451, 28.11.2022, p. 15–16
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
28.11.2022 |
MT |
Il-Ġurnal Uffiċjali tal-Unjoni Ewropea |
C 451/15 |
Rikors ippreżentat fit-13 ta’ Settembru 2022 – QZ vs EIB
(Kawża T-569/22)
(2022/C 451/18)
Lingwa tal-kawża: l-Ingliż
Partijiet
Rikorrent: QZ (rappreżentanti: L. Levi u P. Baudoux, avukati)
Konvenut: Bank Ewropew tal-Investiment
Talbiet
Ir-rikorrent jitlob li l-Qorti Ġenerali jogħġobha:
— |
tannulla d-deċiżjonijiet tal-konvenut datati l-5 ta’ Ottubru 2021 u t-8 ta’ Marzu 2022 li fihom il-konvenut jallega li r-rikorrent kellu assenzi mhux iġġustifikati matul tliet perijodi kkontestati; |
— |
tannulla d-deċiżjoni tal-konvenut tat-3 ta’ Ġunju 2022 li tiċħad it-talba tar-rikorrent għal reviżjoni amministrattiva u li tikkonferma li r-rikorrent kellu assenzi mhux iġġustifikati għal tliet perijodi kkontestati; |
— |
tikkundanna lill-konvenut għall-ħlas ta’ kumpens għad-danni sostnuti mir-rikorrent; u |
— |
tikkundanna lill-konvenut għall-ħlas tal-ispejjeż kollha. |
Motivi u argumenti prinċipali
Insostenn tar-rikors tiegħu, ir-rikorrent jinvoka l-motivi li ġejjin.
1. |
Dwar l-ewwel perijodu kkontestat, ir-rikorrent iressaq tliet motivi, li jsostnu ksur tal-prinċipju ta’ ċertezza legali u tal-Artikolu 3.6 tal-Anness X tar-Regolamenti tal-Persunal, ksur tal-obbligu ta’ motivazzjoni u tad-dritt għal amministrazzjoni tajba u, ksur tad-dmir ta’ diliġenza. |
2. |
Dwar it-tieni perijodu kkontestat, ir-rikorrent iressaq żewġ motivi, li jsostnu ksur tad-dmir ta’ diliġenza u ksur tal-Artikolu 2.1, C, tal-Anness X tar-Regolamenti tal-Persunal. |
3. |
Dwar it-tielet perijodu kkontestat, ir-rikorrent iressaq motiv wieħed, li jsostni li l-konvenut ma kellux dritt skont il-liġi li jikkontesta ċ-ċertifikat mediku tar-rikorrent. |