This document is an excerpt from the EUR-Lex website
Document 62022TN0343
Case T-343/22: Action brought on 9 June 2022 — Mozelsio v Commission
Kawża T-343/22: Rikors ippreżentat fid-9 ta’ Ġunju 2022 – Mozelsio vs Il-Kummissjoni
Kawża T-343/22: Rikors ippreżentat fid-9 ta’ Ġunju 2022 – Mozelsio vs Il-Kummissjoni
ĠU C 284, 25.7.2022, p. 58–59
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
ĠU C 284, 25.7.2022, p. 57–58
(GA)
25.7.2022 |
MT |
Il-Ġurnal Uffiċjali tal-Unjoni Ewropea |
C 284/58 |
Rikors ippreżentat fid-9 ta’ Ġunju 2022 – Mozelsio vs Il-Kummissjoni
(Kawża T-343/22)
(2022/C 284/79)
Lingwa tal-kawża: il-Franċiż
Partijiet
Rikorrent: Muriel Mozelsio (Enghien, il-Belġju) (rappreżentanti: D. Grisay u A. Ansay, avukati)
Konvenut: Il-Kummissjoni Ewropea
Talbiet
Ir-rikorrenti titlob li l-Qorti Ġenerali jogħġobha:
— |
tirċievi din it-talba għal annullament/responsabbiltà mhux kuntrattwali/evalwazzjoni inċidentali ta’ validità; |
— |
tiddikjaraha ammissibbli u, konsegwentement, |
— |
prinċipalment
|
— |
sussidjarjament
|
— |
infinitament sussidjarjament
|
— |
tikkundanna lill-Kummissjoni għall-ispejjeż. |
Motivi u argumenti prinċipali
Insostenn tar-rikors, ir-rikorrenti tinvoka erba’ motivi.
1. |
L-ewwel motiv, ibbażat fuq l-eċċezzjoni ta’ illegalità fl-Artikolu 77(1) u l-Artikolu 11(2) tal-Anness VIII tar-Regolamenti tal-Persunal tal-uffiċjali tal-Unjoni Ewropea (iktar ’il quddiem ir-“Regolamenti tal-Persunal”). Ir-rikorrenti ssostni, insostenn tal-illegalità tad-dispożizzjonijiet imsemmija iktar ’il fuq, li uffiċjal jew membru tal-persunal għandu jkun jista’ jagħmel għażla infurmata dwar it-trasferiment tad-drittijiet nazzjonali tal-pensjoni tiegħu għas-sistema Ewropea fil-mument li jieħu l-pensjoni tiegħu u mhux qabel. Madankollu, l-applikazzjoni tar-regola attwali timplika differenza fit-trattament meta mqabbel ma’ uffiċjal li jew jgħaddi l-karriera kollha tiegħu fi ħdan is-sistema Ewropea, jew ikun daħal fis-servizz tal-istituzzjonijiet Ewropej mingħajr ma jittrasferixxi drittijiet tal-pensjoni miksuba qabel fis-sistema tal-pensjoni ta’ Stat Membru. Ir-rikorrenti b’hekk tqis li jeżisti ksur tal-prinċipju ta’ nondiskriminazzjoni li jirriżulta fl-illegalità tad-dispożizzjonijiet ikkontestati. |
2. |
It-tieni motiv, ibbażat fuq il-ksur tad-dmirijiet ta’ assistenza u premura msemmija fl-Artikolu 24 tar-Regolamenti tal-Persunal. Ir-rikorrenti tinvoka l-fatt li, meta ġew ittrasferiti d-drittijiet tal-pensjoni tagħha, hija ma rċeviet l-ebda tabella li tispeċifika li hija kellha dritt għar-rimbors tal-ekwivalenti attwarju mhux akkreditat tal-ammonti kkontribwiti għall-iskema nazzjonali oriġinali tagħha u mhux kontabilizzati fis-sistema tal-pensjoni tal-Unjoni. |
3. |
It-tielet motiv, ibbażat fuq il-ksur tal-prinċipju ta’ ugwaljanza fit-trattament u ta’ nondiskriminazzjoni. Skont ir-rikorrenti, il-fatt li xi uffiċjali jingħataw rimbors meta d-drittijiet tal-pensjoni tagħhom jiġu ttrasferiti u oħrajn ma humiex jikkostitwixxi ksur tal-prinċipju ta’ ugwaljanza fit-trattament u ta’ diskriminazzjoni inġustifikata. |
4. |
Ir-raba’ motiv, ibbażat fuq l-eżistenza ta’ arrikkiment indebitu għad-detriment tar-rikorrenti. Ir-rikorrenti ssostni li, fil-mument tat-trasferiment tad-drittijiet nazzjonali tagħha għall-iskema tal-pensjoni tal-istituzzjonijiet tal-Unjoni Ewropea, ma seħħ ebda rimbors tal-eċċess tal-ekwivalenti attwarjali mhux ikkunsidrat għall-kalkolu tal-akkreditazzjoni tas-snin ta’ anzjanità tagħha. |