—

tannulla d-deċiżjoni tal-Presidenta tas-SRB tas-16 ta’ Lulju 2021 li ma tikklassifikax mill-ġdid lir-rikorrent wara l-eżerċizzju ta’ riklassifikazzjoni 2021;

—

sa fejn meħtieġ, tannulla d-Deċiżjoni tas-SRB tal-14 ta’ Frar 2022 li tiċħad l-ilment ippreżentat mir-rikorrent fil-15 ta’ Ottubru 2021 fil-konfront tad-deċiżjoni li ma tikklassifikahx mill-ġdid;

—

tikkundanna lill-konvenut għall-ispejjeż.

1.

L-ewwel motiv, ibbażat fuq il-ksur tar-regoli proċedurali applikabbli għall-implimentazzjoni tal-eżerċizzju ta’ klassifikazzjoni mill-ġdid kif previst mill-Artikolu 5 tad-dispożizzjonijiet ġenerali ta’ eżekuzzjoni tal-Artikolu 54 tal-Kondizzjonijiet tal-impjieg applikabbli għall-aġenti l-oħra tal-Unjoni (iktar ’il quddiem id-“DĠE”).

2.

It-tieni motiv, ibbażat fuq l-analiżi żbaljata tal-Artikolu 4 tad-DĠE u l-evalwazzjoni żbaljata tal-livelli ta’ responsabbiltà fil-konfront ta’ servizz u mhux fil-konfront ta’ grad.

3.

It-tielet motiv, ibbażat fuq il-ksur tar-regoli ta’ proċedura tal-kumitat imħallat ta’ klassifikazzjoni mill-ġdid u tal-obbligu li jitfassal rapport dwar kull eżerċizzju ta’ evalwazzjoni.

4.

Ir-raba’ motiv, ibbażat fuq il-ksur tad-dritt ta’ aċċess għad-dokumenti u l-ksur tal-prinċipji ta’ trasparenza, ta’ prevedibbiltà u ta’ ċertezza legali kif ukoll tal-eżistenza ta’ parzjalità, għall-inqas oġġettiva, minħabba n-nuqqas ta’ informazzjoni f’diversi stadji tal-proċedura.

5.

Il-ħames motiv, ibbażat fuq il-ksur tal-obbligu ta’ motivazzjoni u żbalji mwettqa fil-lista tal-fatturi evalwati.

6.

Is-sitt motiv, ibbażat fuq il-ksur tal-Anness II tad-DĠE u tal-medja prospettata stabbilita.

7.

Is-seba’ motiv, ibbażat fuq l-iżball manifest ta’ evalwazzjoni tal-fajl tar-rikorrent, tal-merti tiegħu u tal-anzjanità tiegħu meta mqabbel mal-kollegi tiegħu li jagħmlu parti mill-istess direttorat.