Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62022TN0087

Kawża T-87/22: Rikors ippreżentat fis-17 ta’ Frar 2022 – Hahn Rechtsanwälte vs Il-Kummissjoni

ĠU C 165, 19.4.2022, p. 38–39 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
ĠU C 165, 19.4.2022, p. 32–33 (GA)

19.4.2022   

MT

Il-Ġurnal Uffiċjali tal-Unjoni Ewropea

C 165/38

Rikors ippreżentat fis-17 ta’ Frar 2022 – Hahn Rechtsanwälte vs Il-Kummissjoni

(Kawża T-87/22)

(2022/C 165/46)

Lingwa tal-kawża: il-Ġermaniż

Partijiet

Rikorrent: Hahn Rechtsanwälte PartG mbB (Bremen, il-Ġermanja) (rappreżentant: K. Künstner, avukat)

Konvenut: Il-Kummissjoni Ewropea

Talbiet

Ir-rikorrenti titlob li l-Qorti Ġenerali jogħġobha:

—

tannulla d-Deċiżjoni tal-Kummissjoni C(2021)9326 final tas-7 ta’ Diċembru 2021;

—

tikkundanna lill-Kummissjoni għall-ispejjeż.

Motivi u argumenti prinċipali

Insostenn tar-rikors, ir-rikorrenti tinvoka tliet motivi.

1.

L-ewwel motiv ibbażat fuq l-assenza ta’ motivi ta’ rifjut skont l-Artikolu 4(2) tar-Regolament Nru 1049/2001 (1)

—

Il-Kummissjoni ma wrietx l-eżistenza ta’ interessi kummerċjali, fis-sens tal-Artikolu 4(2) tar-Regolament (KE) Nru 1049/2001, denji ta’ protezzjoni tal-partijiet fil-proċedura ta’ akkordju AT.40178 – Emissjonijiet tal-karozzi, u lanqas ma wettqet eżami individwali ta’ kull każ.

—

Il-Kummissjoni ma tistax tinvoka l-protezzjoni tal-attivitajiet ta’ investigazzjoni, peress li din hija investigazzjoni li tirrigwarda akkordju diġà magħluq li ta lok għal deċiżjoni definittiva u li, minbarra dan, il-Kummissjoni ma wettqitx eżami individwali ta’ kull każ.

—

Il-Kummissjoni tibbaża ruħha fuq il-preżunzjoni ġenerali ta’ nuqqas ta’ żvelar, minkejja li l-kundizzjonijiet tal-ewwel u/jew tat-tielet inċiż tal-Artikolu 4(2) tar-Regolament Nru 1049/2001 ma humiex issodisfatti, li għandu bħala effett inverżjoni inammissibbli tar-relazzjoni bejn regola u eċċezzjoni f’dak li jikkonċerna d-dritt ta’aċċess.

2.

It-tieni motiv ibbażat fuq l-eżistenza ta’ interess pubbliku superjuri li jiġġustifika l-iżvelar, fis-sens tal-Artikolu 4(2) tar-Regolament Nru 1049/2001.

—

Il-Kummissjoni b’mod żbaljat ma kkonstatatx l-eżistenza ta’ interess pubbliku superjuri fis-sens tal-Artikolu 4(2) tar-Regolament Nru 1049/2001.

—

Il-ksur tal-interess ġenerali huwa f’dan il-każ manifest, sa fejn l-akkordju antikompetittiv jikkonċerna wkoll it-tagħmir ta’ riduzzjoni tal-vetturi ħfief privati u fejn emissjonijiet eċċessivi ta’ ossidi ta’ nitroġenu għandhom effetti dannużi għal wirt komuni bħas-saħħa, l-ambjent u l-klima.

—

Skont l-Aġenzija Ewropea għall-Ambjent (EEA), in-numru ta’ mwiet dovut għat-tniġġis tal-ajru ta’ diossidu ta’ nitroġenu huwa ta’ madwar 12 800 persuna fis-sena għall-Ġermanja biss.

3.

It-tielet motiv ibbażat fuq l-assenza ta’ eżami konkret ta’ aċċess parzjali konformement mal-Artikolu 4(2) tar-Regolament Nru 1049/2001

—

Il-Kummissjoni ma eżaminatx b’mod suffiċjentement konkret jekk, sussidjarjament, għandux jingħata aċċess parzjali għall-fajl skont l-Artikolu 4(2) tar-Regolament Nru 1049/2001.

—

Ma kienx hemm eżami tal-kwistjoni jekk miżura li tikkonċerna d-dritt ta’ aċċess inqas restrittiv fir-rigward tar-rikorrenti hijiex eventwalment possibbli.

(1)  Regolament (KE) Nru 1049/2001 tal-Parlament Ewropew u tal-Kunsill tat-30 ta’ Mejju 2001 dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni (ĠU Edizzjoni Speċjali bil-Malti, Kapitolu 1, Vol. 3, p. 331).

Top