Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62022TN0056

Kawża T-56/22: Rikors ippreżentat fis-26 ta’ Jannar 2022 – Ir-Renju Unit vs Il-Kummissjoni

ĠU C 158, 11.4.2022, p. 11–11 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
ĠU C 158, 11.4.2022, p. 8–9 (GA)

11.4.2022   

MT

Il-Ġurnal Uffiċjali tal-Unjoni Ewropea

C 158/11

Rikors ippreżentat fis-26 ta’ Jannar 2022 – Ir-Renju Unit vs Il-Kummissjoni

(Kawża T-56/22)

(2022/C 158/13)

Lingwa tal-kawża: l-Ingliż

Partijiet

Rikorrent: Ir-Renju Unit tal-Gran Brittanja u l-Irlanda ta’ Fuq (rappreżentanti: L. Baxter, aġent, u T. Buley, Barrister)

Konvenut: Il-Kummissjoni Ewropea

Talbiet

Ir-rikorrent jitlob li l-Qorti Ġenerali jogħġobha:

—

tannulla d-Deċiżjoni ta’ Implimentazzjoni tal-Kummissjoni (UE) 2021/2019 (1) sa fejn teskludi mill-finanzjament tal-Unjoni Ewropea ċertu infiq imġarrab mill-aġenziji tal-pagamenti akkreditati tar-rikorrent taħt il-Fond Agrikolu Ewropew ta’ Garanzija under the European Agricultural Guarantee Fund (FAEG) u taħt il-Fond Agrikolu Ewropew għall-Iżvilupp Rurali (FAEŻR) għall-motiv imsemmi ta’ dgħufija fid-definizzjoni ta’ “bidwi attiv – kumpanniji konnessi”; u

—

tikkundanna lill-konvenuta għall-ispejjeż.

Motivi u argumenti prinċipali

Insostenn tar-rikors tiegħu, ir-rikorrent jinvoka motiv uniku, li permezz tiegħu jallega li l-interpretazzjoni tal-konvenuta tal-Artikolu 9(2) tar-Regolament (UE) Nru 1307/2013 (2) hija żbaljata. Fil-fehma tar-rikorrent, l-Artikolu 9(2) tar-Regolament (UE) Nru 1307/2013 jirrigwarda biss ħlasijiet diretti lill-bdiewa (kif iddefinit fl-Artikolu 4 tar-regolament imsemmi) li huma stess joperaw l-infrastruttura jew is-servizzi rilevanti. Ir-rikorrent isostni li l-konvenuta hija żbaljata peress li:

—

i. Il-lingwaġġ u t-tifsira tal-Artikolu 9(2) tar-Regolament (UE) Nru 1307/2013 ma għandhomx l-effett li jipprojbixxu ħlasijiet lil bidwi sempliċement minħabba li entità konnessa twettaq attività fil-lista negattiva ta’ dan l-artikolu.

—

ii. Ma teżisti l-ebda interpretazzjoni li tiffoka fuq l-għan jew interpretazzjoni teleoloġika tal-Artikolu 9(2) tar-Regolament (UE) Nru 1307/2013, li ma hijiex konformi mal-għanijiet ta’ dan l-artikolu.

(1)  Deċiżjoni ta’ Implimentazzjoni tal-Kummissjoni (UE) 2021/2019 tas-17 ta’ Novembru 2021 li teskludi mill-finanzjament tal-Unjoni Ewropea ċertu nefqa mġarrba mir-Renju Unit fil-qafas tal-Fond Agrikolu Ewropew ta’ Garanzija (FAEG) u tal-Fond Agrikolu Ewropew għall-Iżvilupp Rurali (FAEŻR) (ĠU 2021, L 413, p. 3).

(2)  Regolament (UE) Nru 1307/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi regoli għal pagamenti diretti lill-bdiewa taħt skemi ta’ appoġġ fil-qafas tal-politika agrikola komuni u li jħassar ir-Regolament tal-Kunsill (KE) Nru 637/2008 u r-Regolament tal-Kunsill (KE) Nru 73/2009 (ĠU 2021, L 347, p. 608)

Top