This document is an excerpt from the EUR-Lex website
Document 62022TN0031
Case T-31/22: Action brought on 11 January 2022 — Perez Lopes Pargana Calado v Court of Justice
Kawża T-31/22: Rikors ippreżentat fil-11 ta’ Jannar 2022 – Perez Lopes Pargana Calado vs Il-Qorti tal-Ġustizzja
Kawża T-31/22: Rikors ippreżentat fil-11 ta’ Jannar 2022 – Perez Lopes Pargana Calado vs Il-Qorti tal-Ġustizzja
ĠU C 158, 11.4.2022, p. 9–9
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
ĠU C 158, 11.4.2022, p. 7–7
(GA)
11.4.2022 |
MT |
Il-Ġurnal Uffiċjali tal-Unjoni Ewropea |
C 158/9 |
Rikors ippreżentat fil-11 ta’ Jannar 2022 – Perez Lopes Pargana Calado vs Il-Qorti tal-Ġustizzja
(Kawża T-31/22)
(2022/C 158/10)
Lingwa tal-kawża: il-Portugiż
Partijiet
Rikorrent: Ana Teresa Perez Lopes Pargana Calado (Lisbona, il-Portugall) (rappreżentant: M. Marques Matias, avukata)
Konvenut: Il-Qorti tal-Ġustizzja tal-Unjoni Ewropea
Talbiet
Ir-rikorrenti titlob li l-Qorti Ġenerali jogħġobha:
— |
tikkunsidra bħala nulla, minħabba nuqqas ta’ motivazzjoni, id-deċiżjoni relatata mar-rikorrenti fl-ambitu ta’ din il-kawża; |
— |
tissostitwixxi d-deċiżjoni b’oħra, li tindika jekk ir-rikorrenti ġietx aċċettata jew le, u fil-każ li ma tkunx, liema hija l-motivazzjoni li timmilita kontriha meta mqabbel mal-kandidati l-oħra u mal-avviż ta’ kompetizzjoni; |
— |
tirrevedi u tissostitwixxi d-deċiżjoni b’oħra li taċċetta lill-kompetitriċi, taħt termini ugwali għal dawk tal-kompetituri l-oħra. |
Motivi u argumenti prinċipali
Insostenn tar-rikors tagħha, ir-rikorrenti tinvoka seba’ motivi.
1. |
L-ewwel motiv ibbażat fuq ksur tal-prinċipju ta’ ugwaljanza. Id-deċiżjoni ma kinitx ekwa meta mqabbel mal-kandidati l-oħra; |
2. |
It-tieni motiv ibbażat fuq impossibbiltà ta’ applikazzjoni minħabba illegalità ta’ ksur; |
3. |
It-tielet motiv ibbażat fuq indikazzjonijiet tal-Qorti tal-Ġustizzja biex tintemm traduzzjoni li tkun qed issir; |
4. |
Ir-raba’ motiv ibbażat fuq konformità tad-dokumentazzjoni kollha prodotta mar-rekwiżiti u fuq in-nuqqas ta’ aċċettazzjoni li ma kinitx inkluża fir-raġunijiet għal esklużjoni; |
5. |
Il-ħames motiv ibbażat fuq il-ħtieġa li d-dikjarazzjoni mogħtija jmissha tneħħiet u ma kellhiex tippreġudika lill-kandidata inkwantu ma kinitx tagħmel parti mid-dokumentazzjoni mitluba; |
6. |
Is-sitt motiv ibbażat fuq ksur tad-dritt għal smigħ qabel l-adozzjoni tal-miżuri ta’ esklużjoni mill-kompetizzjoni fuq il-bażi ta’ allegat ksur (Artikolu 41(2)(a) tal-Karta tad-Drittijiet Fundamentali tal-Unjoni Ewropea); |
7. |
Is-seba’ motiv ibbażat fuq ksur tad-dmir, min-naħa tal-amministrazzjoni, ta’ motivazzjoni tad-deċiżjonijiet tagħha (Artikolu 41(2)(ċ) tal-Karta tad-Drittijiet Fundamentali). |