This document is an excerpt from the EUR-Lex website
Document 62022CN0214
Case C-214/22: Action brought on 22 March 2022 — European Commission v Grand Duchy of Luxembourg
Kawża C-214/22: Rikors ippreżentat fit-22 ta’ Marzu 2022 – Il-Kummissjoni Ewropea vs il-Gran Dukat tal-Lussemburgu
Kawża C-214/22: Rikors ippreżentat fit-22 ta’ Marzu 2022 – Il-Kummissjoni Ewropea vs il-Gran Dukat tal-Lussemburgu
ĠU C 191, 10.5.2022, p. 25–25
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
ĠU C 191, 10.5.2022, p. 21–21
(GA)
10.5.2022 |
MT |
Il-Ġurnal Uffiċjali tal-Unjoni Ewropea |
C 191/25 |
Rikors ippreżentat fit-22 ta’ Marzu 2022 – Il-Kummissjoni Ewropea vs il-Gran Dukat tal-Lussemburgu
(Kawża C-214/22)
(2022/C 191/33)
Lingwa tal-kawża: il-Franċiż
Partijiet
Rikorrent: Il-Kummissjoni Ewropea (rappreżentant: E. Manhaeve, A. Azéma, I. Zaloguin, aġenti)
Konvenut: Il-Gran Dukat tal-Lussemburgu
Talbiet
Ir-rikorrenti titlob li l-Qorti tal-Ġustizzja jogħġobha:
— |
tikkonstata li peress li ma adottax mhux iktar tard mill-4 ta’ Ottubru 2016 id-dispożizzjonijiet leġiżlattivi, regolamentari u amministrattivi neċessarji sabiex jikkonforma ruħu mal-Artikoli 8(7), 9 u 10(2) tad-Direttiva 2014/42/UE tal-Parlament Ewropew u tal-Kunsill tat-3 ta’ April 2014 dwar l-iffriżar u l-konfiska ta’ mezzi strumentali u r-rikavat minn attività kriminali fl-Unjoni Ewropea (1) jew, fi kwalunkwe każ, peress li ma kkomunikax dawn il-miżuri lill-Kummissjoni, il-Lussemburgu naqas milli jwettaq l-obbligi imposti fuqu bis-saħħa tal-Artikolu 12 tal-imsemmija direttiva; |
— |
timponi fuq il-Lussemburgu, skont id-dispożizzjonijiet tal-Artikolu 260(3) TFUE, il-ħlas ta’ pagamenti ta’ penalità ta’ EUR 7 096,50 għal kull ġurnata ta’ dewmien mid-data tal-għoti tas-sentenza f’din il-kawża għal nuqqas ta’ twettiq tal-obbligu ta’ komunikazzjoni tal-miżuri ta’ traspożizzjoni tal-Artikoli 8(7), 9 u 10(2) tad-Direttiva 2014/42; |
— |
tikkundanna lil-Lussemburgu għall-ispejjeż. |
Motivi u argumenti prinċipali
Id-Direttiva 2014/42/UE tal-Parlament Ewropew u tal-Kunsill tat-3 ta’ April 2014 dwar l-iffriżar u l-konfiska ta’ mezzi strumentali u r-rikavat minn attività kriminali fl-Unjoni Ewropea tippermetti lill-Istati Membri jirkupraw b’mod iktar faċli l-qligħ magħmul mill-kriminali permezz tal-kriminalità organizzata. L-Istati Membri kellhom jittrasponu d-direttiva sal-4 ta’ Ottubru 2016. Il-Kummissjoni fetħet il-proċedura ta’ ksur fil-konfront tal-Lussemburgu f’Novembru 2016 u sussegwentement bagħtitlu opinjoni motivata f’Marzu 2019. Issa, sal-ġurnata tal-lum, il-Lussemburgu ma kkomunikatx lill-Kummissjoni t-traspożizzjoni sħiħa tad-direttiva fil-liġi nazzjonali tagħha.
(1) ĠU 2014, L 127, p. 39, rettifika fil-ĠU 2014, L 138, p. 114.