This document is an excerpt from the EUR-Lex website
Document 62021TN0148
Case T-148/21: Action brought on 11 March 2021 — Paccor Packaging and Others v Commission
Kawża T-148/21: Rikors ippreżentat fil-11 ta’ Marzu 2021 – Paccor Packaging et vs Il-Kummissjoni
Kawża T-148/21: Rikors ippreżentat fil-11 ta’ Marzu 2021 – Paccor Packaging et vs Il-Kummissjoni
ĠU C 206, 31.5.2021, p. 30–31
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
31.5.2021 |
MT |
Il-Ġurnal Uffiċjali tal-Unjoni Ewropea |
C 206/30 |
Rikors ippreżentat fil-11 ta’ Marzu 2021 – Paccor Packaging et vs Il-Kummissjoni
(Kawża T-148/21)
(2021/C 206/38)
Lingwa tal-kawża: l-Ingliż
Partijiet
Rikorrenti: Paccor Packaging GmbH (Düsseldorf, il-Ġermanja) u 6 rikorrenti oħra (rappreżentanti: P. Kugel u G. Dávid, avukati)
Konvenuta: Il-Kummissjoni Ewropea
Talbiet
Ir-rikorrenti jitolbu li l-Qorti Ġenerali jogħġobha:
— |
tannulla r-Regolament ta’ Implimentazzjoni tal-Kummissjoni (UE) 2020/2151 tas-17 ta’ Diċembru 2020 (1) fl-intier tiegħu, jew, sussidjarjament, tannulla r-Regolament Nru 2020/2151 parzjalment, sa fejn jikkonċerna l-Artikolu 2(4) tiegħu kif ukoll l-Anness IV tiegħu, jew, sussidjarjament, tannulla r-Regolament Nru 2020/2151 parzjalment, għal dak li jikkonċerna t-tazzi magħmula kompletament mill-plastik; |
— |
tannulla r-Regolament Nru 2020/2151 parzjalment, għal dak li jikkonċerna l-Artikolu 3; |
— |
tannulla, parzjalment, id-Direttiva (UE) 2019/904 tal-5 ta’ Ġunju 2019 (2), għal dak li jikkonċerna l-Artikolu 7 sa fejn japplika għal tazzi u l-punt 4 taħt il-Parti D tal-Anness tagħha; u |
— |
tikkundanna lill-konvenuta għall-ispejjeż. |
Motivi u argumenti prinċipali
Insostenn tar-rikors tagħhom, ir-rikorrenti jinvokaw seba’ motivi u motiv ta’ illegalità:
1. |
L-ewwel motiv ibbażat fuq li l-konvenuta, billi adottat ir-Regolament Nru 2020/2051 kisret l-Artikolu 7 tad-Direttiva 2019/904 dwar it-tnaqqis tal-impatt ta’ ċerti prodotti tal-plastik fuq l-ambjent u eċċediet is-setgħat mogħtija lilha mill-Kunsill tal-Unjoni Ewropea u l-Parlament Ewropew. |
2. |
It-tieni motiv ibbażat fuq li l-konvenuta, billi adottat ir-Regolament Nru 2020/2051, kisret eżiġenza proċedurali essenzjali billi adottatu wara t-3 ta’ Lulju 2020, u l-verżjonijiet lingwistiċi korretti relatati, iktar minn sitt xhur wara l-limitu ta’ żmien stabbilit mill-Kunsill tal-Unjoni Ewropea u l-Parlament Ewropew fid-Direttiva 2019/904. |
3. |
It-tielet motiv ibbażat fuq li l-konvenuta, billi adottat ir-Regolament Nru 2020/2151, kisret l-Artikolu 7 tad-Direttiva 2019/904 u l-prinċipji ta’ ċertezza legali u ta’ protezzjoni tal-aspettattivi leġittimi. |
4. |
Ir-raba’ motiv ibbażat fuq li l-konvenuta, billi adottat ir-Regolament Nru 2020/2051, kisret id-dmir tagħha li tipprovdi raġunijiet. |
5. |
Il-ħames motiv ibbażat fuq li l-konvenuta kisret l-Artikolu 7(1) tad-Direttiva 2019/904, wettqet żball ta’ evalwazzjoni u eċċediet il-kompetenza tagħha. |
6. |
Is-sitt motiv ibbażat fuq li l-konvenuta kisret l-Artikolu 7(2)(c) tad-Direttiva 2019/904 u manifestament wettqet żball ta’ evalwazzjoni. |
7. |
Is-seba’ motiv ibbażat fuq li l-konvenuta kisret il-prinċipju ta’ proporzjonalità. Ir-rikorrenti jqajjmu wkoll motiv ta’ illegalità, skont l-Artikolu 277 TFUE, billi jallegaw li l-Artikolu 7 u l-punt 4 tal-Parti D tal-Anness għad-Direttiva 2019/904 huma illegali. |
(1) Regolament ta’ Implimentazzjoni tal-Kummissjoni (UE) 2020/2151 tas-17 ta’ Diċembru 2020 li jistabbilixxi regoli dwar l-ispeċifikazzjonijiet armonizzati ta’ mmarkar għall-prodotti tal-plastik li jintużaw darba biss elenkati fil-Parti D tal-Anness tad-Direttiva (UE) 2019/904 tal-Parlament Ewropew u tal-Kunsill dwar it-tnaqqis tal-impatt ta’ ċerti prodotti tal-plastik fuq l-ambjent (ĠU 2020 L 428, p. 57).
(2) Direttiva (UE) 2019/904 tal-Parlament Ewropew u tal-Kunsill tal-5 ta’ Ġunju 2019 dwar it-tnaqqis tal-impatt ta’ ċerti prodotti tal-plastik fuq l-ambjent (ĠU 2019 L 155, p. 1).