This document is an excerpt from the EUR-Lex website
Document 62020TN0154
Case T-154/20: Action brought on 19 March 2020 — IY v Parliament
Kawża T-154/20: Rikors ippreżentat fid-19 ta’ Marzu 2020 – IY vs Il-Parlament
Kawża T-154/20: Rikors ippreżentat fid-19 ta’ Marzu 2020 – IY vs Il-Parlament
ĠU C 201, 15.6.2020, p. 28–28
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
15.6.2020 |
MT |
Il-Ġurnal Uffiċjali tal-Unjoni Ewropea |
C 201/28 |
Rikors ippreżentat fid-19 ta’ Marzu 2020 – IY vs Il-Parlament
(Kawża T-154/20)
(2020/C 201/39)
Lingwa tal-kawża: il-Franċiż
Partijiet
Rikorrent: IY (rappreżentanti: T. Bontinck u A. Guillerme, avukati)
Konvenut: Il-Parlament Ewropew
Talbiet
Ir-rikorrenti titlob li l-Qorti Ġenerali jogħġobha:
prinċipalment:
— |
tannulla d-deċiżjoni ta’ tkeċċija tar-rikorrenti tal-4 ta’ Lulju 2019; |
— |
tikkundanna lill-Parlament Ewropew għall-ħlas ta’ kumpens ta’ EUR 20 000 għad-danni morali subiti; |
— |
tikkundanna lill-Parlament Ewropew għall-ispejjeż; |
sussidjarjament:
— |
tikkonstata l-illegalità tax-xoljiment tal-grupp politiku ENL; |
— |
konsegwentement, tannulla d-deċiżjoni ta’ tkeċċija tar-rikorrenti tal-4 ta’ Lulju 2019; |
— |
tikkundanna lill-Parlament Ewropew għall-ħlas ta’ kumpens ta’ EUR 20 000 għad-danni morali subiti; |
— |
tikkundanna lill-Parlament Ewropew għall-ispejjeż; |
Motivi u argumenti prinċipali
Insostenn tar-rikors tagħha, ir-rikorrenti tinvoka, prinċipalment, ħames motivi.
1. |
L-ewwel motiv ibbażat fuq żball manifest ta’ evalwazzjoni. Ir-rikorrenti tqis li d-deċiżjoni ta’ tkeċċija, immotivata esklużivament mill-allegata dissoluzzjoni tal-grupp politiku Ewropew ENL, hija vvizzjata minn żball manifest ta’ evalwazzjoni. |
2. |
It-tieni motiv ibbażat fuq użu ħażin ta’ poter, peress li l-Parlament Ewropew uża s-setgħat tiegħu sabiex ipinġi sempliċi miżura ta’ bdil ta’ isem ta’ grupp politiku Ewropew bħala dissoluzzjoni ta’ grupp politiku. |
3. |
It-tielet motiv ibbażat fuq ksur tad-dritt għal smigħ. Ir-rikorrenti tqis li d-dritt tagħha li tinstema’ qabel it-teħid ta’ kull deċiżjoni ta’ tkeċċija ma ġiex osservat. |
4. |
Ir-raba’ motiv, ibbażat fuq ksur tal-prinċipju ta’ ugwaljanza fit-trattament, safejn il-Parlament applika proċeduri differenti lill-membri tal-persunal tal-grupp politiku allegatament xolt. |
5. |
Il-ħames motiv, ibbażat fuq ksur tal-prinċipju ta’ amministrazzjoni tajba u ta5 dmir ta’ premura. |
Sussidjarjament, ir-rikorrenti teċepixxi l-illegalità tad-deċiżjoni ta’ xoljiment tal-grupp politiku Ewropew ENL. Hija ssostni li peress li d-deċiżjoni ta’ xoljiment hija illegali, peress li hija vvizzjata minn żball manifest ta’ evalwazzjoni u minn użu ħażin ta’ poter, id-deċiżjoni ta’ tkeċċija, li hija bbażata esklużivament fuq dan ix-xoljiment, hija għalhekk ukoll illegali u għandha tiġi annullata.