This document is an excerpt from the EUR-Lex website
Document 62020TN0036
Case T-36/20: Action brought on 22 January 2020 — IF v Parliament
Kawża T-36/20: Rikors ippreżentat fit-22 ta’ Jannar 2020 – IF vs Il-Parlament
Kawża T-36/20: Rikors ippreżentat fit-22 ta’ Jannar 2020 – IF vs Il-Parlament
ĠU C 114, 6.4.2020, p. 10–11
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
6.4.2020 |
MT |
Il-Ġurnal Uffiċjali tal-Unjoni Ewropea |
C 114/10 |
Rikors ippreżentat fit-22 ta’ Jannar 2020 – IF vs Il-Parlament
(Kawża T-36/20)
(2020/C 114/09)
Lingwa tal-kawża: l-Ingliż
Partijiet
Rikorrenti: IF (rappreżentant: C. Bernard-Glanz, lawyer)
Konvenut: Il-Parlament Ewropew
Talbiet
Ir-rikorrenti titlob li l-Qorti Ġenerali jogħġobha:
— |
tannulla d-deċiżjoni tas-16 ta’ April 2019 li teħles lir-rikorrenti mid-dmirijiet tagħha bħala viċi segretarju ġenerali tal-Alleanza tad-Demokratiċi u l-Liberali għall-Ewropa; |
— |
tikkundanna lill-konvenuta tħallas ammont ta’ EUR 50 000 bħala kumpens għad-dannu morali mġarrab, flimkien mal-interessi bir-rata legali annwali sal-ħlas sħiħ; |
— |
tikkundanna lill-konvenuta tħallas l-ammont ta’ EUR 1 000 bħala kumpens għall-impossibilità li terġa’ tpoġġi lir-rikorrenti fil-pożizzjoni legali preċedenti tagħha, flimkien mal-interessi bir-rata legali annwali sal-ħlas sħiħ; |
— |
tikkundanna lill-konvenuta għall-ispejjeż. |
Motivi u argumenti prinċipali
Insostenn tar-rikors tagħha, ir-rikorrenti jinvoka tliet motivi.
1. |
L-ewwel motiv huwa bbażat fuq inkompetenza tal-awtur tal-att u tal-ksur tal-“prinċipju ta’ paralleliżmu tar-rekwiżiti formali”.
|
2. |
It-tieni motiv huwa bbażat fuq ksur tad-dritt għal smigħ qabel ma tittieħed kwalunkwe miżura individwali li tolqotha negattivament.
|
3. |
It-tielet motiv huwa bbażat fuq ksur d-dritt ta’ kull persuna li l-affarijiet tagħha jiġi ttrattat b’mod imparzjali, ġust u b’reqqa u motivazzjoni insuffiċjenti.
|