This document is an excerpt from the EUR-Lex website
Document 62020CN0272
Case C-272/20 P: Appeal brought on 19 June 2020 by Sebastian Veit against the judgment of the General Court (Tenth Chamber) delivered on 2 April 2020 in Case T-474/18, Sebastian Veit v European Central Bank
Kawża C-272/20 P: Appell ippreżentat fid-19 ta’ Ġunju 2020 minn Sebastian Veit mis-sentenza mogħtija mill-Qorti Ġenerali (L-Għaxar Awla) fit-2 ta’ April 2020 fil-Kawża T-474/18, Sebastian vs Il-Bank Ċentrali Ewropew
Kawża C-272/20 P: Appell ippreżentat fid-19 ta’ Ġunju 2020 minn Sebastian Veit mis-sentenza mogħtija mill-Qorti Ġenerali (L-Għaxar Awla) fit-2 ta’ April 2020 fil-Kawża T-474/18, Sebastian vs Il-Bank Ċentrali Ewropew
ĠU C 371, 3.11.2020, p. 6–6
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
3.11.2020 |
MT |
Il-Ġurnal Uffiċjali tal-Unjoni Ewropea |
C 371/6 |
Appell ippreżentat fid-19 ta’ Ġunju 2020 minn Sebastian Veit mis-sentenza mogħtija mill-Qorti Ġenerali (L-Għaxar Awla) fit-2 ta’ April 2020 fil-Kawża T-474/18, Sebastian vs Il-Bank Ċentrali Ewropew
(Kawża C-272/20 P)
(2020/C 371/03)
Lingwa tal-kawża: il-Ġermaniż
Partijiet
Appellant: Sebastian Veit (rappreżentant: K. Kujath, Rechtsanwalt)
Parti oħra fil-proċedura: Il-Bank Ċentrali Ewropew
Talbiet
L-appellant jitlob li l-Qorti tal-Ġustizzja jogħġobha:
|
— |
tannulla s-sentenza tal-Qorti Ġenerali (L-Għaxar Awla) tat-2 ta’ April 2020 fil-Kawża T-474/18; |
|
— |
tannulla d-deċiżjoni tal-Bank Ċentrali Ewropew tat-3 ta’ Jannar 2018 li tirrigwarda l-klassifikazzjoni tal-appellant mill-1 ta’ Jannar 2018, kif ippreċiżata mid-deċiżjoni tal-Bank Ċentrali Ewropew tal-25 ta’ Mejju 2018; |
|
— |
tikkundanna lill-Bank Ċentrali Ewropew għall-ispejjeż. |
Aggravji u argumenti prinċipali
Is-sentenza appellata tikser id-dritt tal-Unjoni. Il-Qorti Ġenerali tat interpretazzjoni mhux eżatta tal-prinċipju ġenerali tal-ugwaljanza fit-trattament stabbilit fl-Artikolu 20, fl-Artikolu 51(1) u fl-Artikolu 52(1) tal-Karta tad-Drittijiet Fundamentali tal-Unjoni Ewropea.
Fis-sentenza tagħha l-Qorti Ġenerali ddeċidiet b’mod żbaljat li d-differenza fit-trattament tal-kandidati interni u esterni applikata mill-Bank Ċentrali Ewropej skont regoli differenti fil-klassifikazzjoni f’livell ta’ salarju kienet iġġustifikata u proporzjonata.
Il-ġurisprudenza tal-Qorti tal-Ġustizzja dwar l-interpretazzjoni tad-dispożizzjonijiet tar-Regolamenti tal-Persunal dwar il-klassifikazzjoni fi skala ta’ uffiċjal fis-servizz attiv li l-Qorti Ġenerali tapplika b’analoġija f’dan il-każ hija irrilevanti fiċ-ċirkustanzi li taw lok għat-tilwima.