Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62018TN0539

    Kawża T-539/18: Rikors ippreżentat fil-15 ta’ Settembru 2018 – Ayuntamiento de Quart de Poblet vs Il-Kummissjoni

    ĠU C 427, 26.11.2018, p. 82–83 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    26.11.2018   

    MT

    Il-Ġurnal Uffiċjali tal-Unjoni Ewropea

    C 427/82

    Rikors ippreżentat fil-15 ta’ Settembru 2018 – Ayuntamiento de Quart de Poblet vs Il-Kummissjoni

    (Kawża T-539/18)

    (2018/C 427/109)

    Lingwa tal-kawża: l-Ispanjol

    Partijiet

    Rikorrent: Ayuntamiento de Quart de Poblet (Quart de Poblet, Spanja) (rappreżentanti: B. Sanchis Piqueras, J. Rodríguez Pellitero, avukati)

    Konvenuta: Il-Kummissjoni Ewropea

    Talbiet

    Ir-rikorrent jitlob li l-Qorti Ġenerali jogħġobha:

    —

    tiddikajra r-rikors ammissibbli u fondat;

    —

    tikkonferma u tiddikjara li:

    —

    ir-rikorrent wettaq korrettement l-obbligi kuntrattwali tiegħu li għandu skont il-kuntratti;

    —

    konsegwentement, għandu dritt għall-finanzjament irrikonoxxut skont l-istess kuntratti;

    —

    it-talba tal-Kummissjoni Ewropea għall-ħlas lura ta’ ammonti speċifiċi għall-proġett Diego u għall-proġett SEED hija inammissibbli u infondata;

    —

    tannulla n-noti ta’ debitu jew, fi kwalunkwe każ, tiddikjarahom illegali;

    —

    tordna lill-Kummissjoni Ewropea tħallas lura lir-rikorrent l-ammonti mitluba li tħallsu minn dan tal-aħħar.

    —

    sussidjarjament, tiddikjara ammissibbli u/jew eliġibbli għall-finanzjament dik il-parti tal-ammonti mitluba mill-Kummissjoni Ewropea li l-Qorti Ġenerali tqis xierqa;

    —

    fi kwalunkwe każ, tikkundanna lill-Kummissjoni Ewropea għall-ispejjeż.

    Motivi u argumenti prinċipali

    Insostenn tar-rikors tiegħu, ir-rikorrent jinvoka tliet motivi.

    1.

    L-ewwel motiv ibbażat fuq klassifikazzjoni żbaljata tal-ispejjeż mill-Kummissjoni Ewropea.

    —

    Ir-rikorrent jikkontesta bħala żbaljata, peress li ma osservatx id-dispożizzjonijiet tal-kuntratti, il-klassifikazzjoni mill-Kummissjoni Ewropea tal-ispejjeż bħala diretti jew indiretti u/jew mhux attribwibbli, abbażi tar-rapport tal-awdituri tagħha, u li jimponi li r-rikorrent iħallas lura s-sussidji riċevuti għat-twettiq tal-proġetti DIEGO u SEED.

    2.

    It-tieni motiv ibbażat fuq il-kwantifikazzjoni żbaljata tal-ispejjeż mill-Kummissjoni Ewropea.

    —

    Ir-rikorrent jikkontesta din il-kwantifikazzjoni bħala żbaljata, billi din ma osservatx dak li huwa stabbilit f’dan ir-rigward fil-kuntratti.

    3.

    It-tielet motiv ibbażat fuq ksur tal-kuntratti mill-Kummissjoni Ewropea.

    —

    Skont ir-rikorrent, il-Kummissjoni tikser dak previst mill-kuntratti, billi kklassifikat u kkwantifikat b’mod żbaljat l-ispejjeż attribwibbli u tippersisti f’dan il-ksur, minkejja l-argumenti u l-provi prodotti fil-proċeduri kontradittorji, u b’hekk hija f’mala fides.
    Top