EUR-Lex Access to European Union law
This document is an excerpt from the EUR-Lex website
Document 62018TN0196
Case T-196/18: Action brought on 20 March 2018 — Vital Capital Investments and Others v Council and Others
Kawża T-196/18: Rikors ippreżentat fl-20 ta’ Marzu 2018 – Vital Capital Investments et vs Il-Kunsill et
Kawża T-196/18: Rikors ippreżentat fl-20 ta’ Marzu 2018 – Vital Capital Investments et vs Il-Kunsill et
ĠU C 166, 14.5.2018, p. 43–44
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
14.5.2018 |
MT |
Il-Ġurnal Uffiċjali tal-Unjoni Ewropea |
C 166/43 |
Rikors ippreżentat fl-20 ta’ Marzu 2018 – Vital Capital Investments et vs Il-Kunsill et
(Kawża T-196/18)
(2018/C 166/55)
Lingwa tal-kawża: l-Ingliż
Partijiet
Rikorrenti: Vital Capital Investments LP (Tortola, il-Gżejjer Verġni Brittaniċi) u 6 oħra (rappreżentanti: A. Markides, M. Ioannides, C. Velaris u C. Velaris, avukati, A. Robertson, QC, u G. Rothschild, Barrister)
Konvenuti: Il-Kunsill tal-Unjoni Ewropea, Il-Kummissjoni Ewropea, Il-Bank Ċentrali Ewropew, il-Grupp tal-Euro (rappreżentati mill-Kunsill tal-Unjoni Ewropea) u L-Unjoni Ewropea (rappreżentata mill-Kummissjoni Ewropea)
Talbiet
Ir-rikorrenti jitolbu li l-Qorti Ġenerali jogħġobha:
|
— |
tordna lill-konvenuti jħallsu lir-rikorrenti l-ammonti msemmija fl-iskeda annessa mar-rikors flimkien mal-interess mis-26 ta’ Marzu 2013 sas-sentenza tal-Qorti tal-Ġustizzja, bħala kumpens għad-dannu subit b’riżultat tad-deċiżjonijiet tal-Grupp tal-Euro fir-rigward tar-riżoluzzjoni ta’ Cyprus Popular Bank Public Co Ltd (iktar ’il quddiem “Laiki Bank”), tal-bail-in ta’ Bank of Cyprus Public Company Limited (iktar ’il quddiem “Bank of Cyprus”) u tal-bejgħ tal-assi u tan-negozju tal-banek imsemmija fil-Greċja, u/jew bħala riżultat tal-provvista ta’ għajnuna fil-forma ta’ likwidità ta’ emerġenza lil Laiki Bank bil-kunsens tal-Bank Ċentrali Ewropew u tat-trasferiment sussegwenti taħt id-direzzjoni tal-Bank Ċentrali Ewropew tar-responsabbiltà rilevanti lil Bank of Cyprus; |
jew alternattivament:
|
— |
tiddikjara li l-konvenuti għandhom responsabbiltà mhux kuntrattwali u tiddetermina l-proċedura li għandha tiġi segwita bil-għan li jiġi stabbilit it-telf effettivament rekuperabbli tar-rikorrenti; |
u f’kull każ:
|
— |
tordna lill-konvenuti jħallsu lir-rikorrenti l-ispejjeż tar-rikors. |
Motivi u argumenti prinċipali
Insostenn tar-rikors tagħhom, ir-rikorrenti jinvokaw żewġ motivi li huma essenzjalment identiċi jew simili għal dawk invokati fil-Kawża T-147/18, APG Intercon et vs Il-Kunsill et.