Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62018TN0125

Kawża T-125/18: Rikors ippreżentat fit-28 ta’ Frar 2018 – Associazione – GranoSalus vs Il-Kummissjoni

ĠU C 152, 30.4.2018, p. 46–47 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

30.4.2018   

MT

Il-Ġurnal Uffiċjali tal-Unjoni Ewropea

C 152/46

Rikors ippreżentat fit-28 ta’ Frar 2018 – Associazione – GranoSalus vs Il-Kummissjoni

(Kawża T-125/18)

(2018/C 152/56)

Lingwa tal-kawża: it-Taljan

Partijiet

Rikorrenti: Associazione Nazionale Granosalus – Liberi – Cerealicoltori & Consumatori (Associazione – GranoSalus) (Foggia, l-Italja) (rappreżentant: G. Dalfino, avukat)

Konvenuta: Il-Kummissjoni Ewropea

Talbiet

Ir-rikorrenti titlob li l-Qorti Ġenerali jogħġobha tannulla r-Regolament ta’ Implimentazzjoni tal-Kummissjoni (UE) 2017/2324 tat-12 ta’ Diċembru 2017 li jġedded l-approvazzjoni tas-sustanza attiva glifosat skont ir-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta’ prodotti għall-protezzjoni tal-pjanti u li jemenda l-Anness tar-Regolament ta’ Implimentazzjoni tal-Kummissjoni (UE) Nru 540/2011.

Motivi u argumenti prinċipali

Insostenn tar-rikors tagħha, ir-rikorrenti tinvoka żewġ motivi.

1.

L-ewwel motiv ibbażat fuq ksur tad-dispożittiv magħqud tal-Artikoli 168, 169 u 191 TFUE u tal-Artikolu 35 tal-Karta tad-Drittijiet Fundamentali tal-Unjoni Ewropea, tar-Regolament (KE) Nru 2009/1107, ir-Regolament (UE) Nru 2016/429 u r-Regolament (UE) Nru 2013/1305, kif emendat bir-Regolament (UE) Nru 2017/2393, id-Direttiva 98/83/KE u d-Direttiva (UE) 2015/1787; il-prinċipju ta’ prekawzjoni, il-prinċipji ta’ proporzjonalità u raġonevolezza kif ukoll tal-prinċipji ta’ amministrazzjoni tajba, legalità u trasparenza amministrattiva; l-eċċess minħabba żnaturament tal-fatti, istruzzjoni u motivazzjoni insuffiċjenti u dehra ta’ motivazzjoni; in-nuqqas ta’ loġika manifesta, il-fondament żbaljat u ksur tar-Regolament ta’ Implimentazzjoni (UE) 2017/2324.

Insostenn ta’ dan il-motiv, ir-rikorrenti tinvoka:

—

Il-ksur permezz tar-Regolament ta’ Implimentazzjoni (UE) 2017/2324 tal-prinċipji u l-prekawzjonijiet stabbiliti bir-Regolament (KE) 2009/1107 sabiex jiġu protetti s-saħħa tal-bniedem, il-konsumaturi, l-annimali u l-ambjent;

—

Il-ksur tal-prinċipju ta’ prekawzjoni u l-ksur tal-ġurisprudenza tal-Qorti Ġenerali u tal-Qorti tal-Ġustizzja;

—

L-assenza ta’ investigazzjoni dwar l-effetti tal-glifosat, b’mod partikolari fuq l-annimali u l-ilma ta’ taħt l-art u ksur tal-proċeduri imposti bir-Regolament (KE) 2009/1107;

—

L-illegalità tal-ispeċifikazzjonijiet tar-Regolament ta’ Implimentazzjoni (UE) 2017/2324 sa fejn huma mħollija għad-diskrezzjoni tal-Istati Membri mingħajr ma jiġu imposti parametri ta’ riferiment.

2.

It-tieni motiv ibbażat fuq l-illegalità tar-Regolament ta’ Implimentazzjoni (UE) 2017/2324 għal ksur tad-dritt għas-saħħa tal-assoċjati Granosalus u kuntrarju għal-linji gwida ta’ PAK tar-Regolament Nru 1305/2013, kif emendat mir-Regolament (UE) 2017/2393.

Insostenn ta’ dan il-motiv, ir-rikorrenti tinvoka:

—

Il-fatt li l-preżenza ta’ glifosat fil-prodotti u l-oġġetti ta’ użu ta’ kuljum taffettwa s-saħħa tal-assoċjati Granosalus bħala ċittadini tal-Unjoni Ewropea u bħala konsumaturi;

—

Il-fatt li l-użu tal-glifosat jaffettwa l-kummerċjalizzazzjoni tal-prodotti tal-assoċjati Granosalus assoċjati u l-applikazzjoni tajba tas-sistema tal-kompetizzjoni fit-territorju tal-Unjoni Ewropea.
Top