This document is an excerpt from the EUR-Lex website
Document 62018TN0084
Case T-84/18: Action brought on 15 February 2018 — VG v Commission
Kawża T-84/18: Rikors ippreżentat fil-15 ta’ Frar 2018 – VG vs Il-Kummissjoni
Kawża T-84/18: Rikors ippreżentat fil-15 ta’ Frar 2018 – VG vs Il-Kummissjoni
ĠU C 152, 30.4.2018, p. 37–38
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
30.4.2018 |
MT |
Il-Ġurnal Uffiċjali tal-Unjoni Ewropea |
C 152/37 |
Rikors ippreżentat fil-15 ta’ Frar 2018 – VG vs Il-Kummissjoni
(Kawża T-84/18)
(2018/C 152/47)
Lingwa tal-kawża: l-Ingliż
Partijiet
Rikorrenti: VG (rappreżentanti: G. Pandey u V. Villante, avukati)
Konvenuta: Il-Kummissjoni Ewropea
Talbiet
Ir-rikorrenti titlob li l-Qorti Ġenerali jogħġobha:
— |
bħala kwistjoni preliminari, jekk ikun il-każ, tiddikjara l-Artikolu 90 tar-Regolamenti tal-Persunal invalidu u inapplikabbli għal dawn il-proċeduri skont l-Artikolu 270 tat-Trattat dwar il-Funzjonament tal-Unjoni Ewropea; |
— |
tannulla, l-ewwel nett, id-deċiżjoni tat-30 ta’ Ottubru 2017 tal-Uffiċċju Ewropew għas-Selezzjoni tal-Persunal (EPSO) li tiċħad l-ilment ippreżentat mir-rikorrenti fil-31 ta’ Lulju 2017; |
— |
tannulla, it-tieni nett, id-deċiżjoni tal-EPSO tad-19 ta’ April 2017 li tiċħad it-talba tagħha għal eżami mill-ġdid tad-deċiżjoni tal-EPSO/tal-Bord tal-Għażla li ma tiġix ammessa għall-fażi segwenti tal-kompetizzjoni; |
— |
tannulla, it-tielet nett, id-deċiżjoni tas-6 ta’ Frar 2017 li dehret fuq il-kont diġitali EPSO li r-rikorrenti ma tiġix inkluża fl-abbozz ta’ lista ta’ kandidati magħżula għall-finijiet tal-kompetizzjoni EPSO/AD/323/16; |
— |
tannulla, ir-raba’ nett, l-avviż ta’ kompetizzjoni EPSO/AD/323/16, ippubblikat fis-26 ta’ Mejju 2016 (1); |
— |
tannulla, fl-aħħar nett, fl-intier tiegħu, l-abbozz riżultanti ta’ lista ta’ uffiċjali magħżula sabiex jipparteċipaw fil-kompetizzjoni msemmija; |
— |
tikkundanna lill-konvenuta tħallas lir-rikorrenti danni fl-ammont ta’ EUR 50 000; |
— |
tikkundanna lill-konvenuta għall-ispejjeż. |
Motivi u argumenti prinċipali
Insostenn tar-rikors tagħha, ir-rikorrenti tinvoka tliet motivi.
1. |
L-ewwel motiv: żball manifest ta’ evalwazzjoni mill-EPSO/mill-Bord tal-Għażla fl-evalwazzjoni tal-esperjenza professjonali tar-rikorrenti u, barra minn hekk, ksur tal-Anness III tal-avviż ta’ kompetizzjoni inkwistjoni li jiddeskrivi fid-dettall l-esperjenza professjonali rikjesta. |
2. |
It-tieni motiv: ksur tal-Artikolu 41 tal-Karta tad-Drittijiet Fundamentali tal-Unjoni Ewropea u tad-dritt għal smigħ tar-rikorrenti, kif ukoll, barra minn hekk, ksur tal-obbligu ta’ motivazzjoni u tal-Artikolu 296 tat-Trattat dwar il-Funzjonament tal-Unjoni Ewropea. |
3. |
It-tielet motiv: ksur tal-Artikoli 1, 2, 3 u 4 tar-Regolament Nru 1/58 (2), ksur tal-Artikoli 1d u 28 tar-Regolamenti tal-Persunal u tal-Artikolu 1(1)(f) tal-Anness III ta’ dawn ir-Regolament kif ukoll, barra minn hekk, ksur tal-prinċipji ta’ trattament ugwali u ta’ nondiskriminazzjoni. |
(2) Regolament Nru 1 tal-15 ta’ April 1958 li jistabbilixxi l-lingwi li għandhom jintużaw mill-Komunità Ekonomika Ewropea (ĠU Edizzjoni Speċjali bil-Malti, Kapitolu 1, Vol. 1, p. 3).