EUR-Lex Access to European Union law
This document is an excerpt from the EUR-Lex website
Document 62016TN0634
Case T-634/16: Action brought on 6 September 2016 — Montel v Parliament
Kawża T-634/16: Rikors ippreżentat fis-6 ta’ Settembru 2016 – Montel vs Il-Parlament
Kawża T-634/16: Rikors ippreżentat fis-6 ta’ Settembru 2016 – Montel vs Il-Parlament
ĠU C 383, 17.10.2016, p. 28–29
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
17.10.2016 |
MT |
Il-Ġurnal Uffiċjali tal-Unjoni Ewropea |
C 383/28 |
Rikors ippreżentat fis-6 ta’ Settembru 2016 – Montel vs Il-Parlament
(Kawża T-634/16)
(2016/C 383/37)
Lingwa tal-kawża: il-Franċiż
Partijiet
Rikorrenti: Sophie Montel (Saint-Vit, Franza) (rappreżentant(: G. Sauveur, avukat)
Konvenut: Il-Parlament Ewropew
Talbiet tar-rikorrenti
— |
tannulla d-deċiżjoni tas-Segretarju Ġenerali tal-Parlament Ewropew tal-24 ta’ Ġunju 2016, innotifikata fis-6 ta’ Lulju 2016, fir-rigward ta’ “ammont ta’ EUR 77 276,42 ġew imħallsa indebitament favur Sophie MONTEL” u li tordna l-uffiċjal awtorizzanti responsabbli u lill-uffiċjal tal-kontabilità tal-istituzzjoni sabiex jirkupraw din is-somma; |
— |
tannulla wkoll in-notifika u l-miżuri ta’ implementazzjoni tad-deċiżjoni ċċitati iktar ’il fuq fl-ittri tad-Direttur Ġenerali tal-Finanzi tal-5 u s-6 ta’ Lulju 2016, Ref. D 201922 u D 201851; |
— |
tannulla wkoll in-nota ta’ debitu Nru 2016-897 iffirmata mill-istess Direttur Ġenerali tal-Finanzi fl-4 ta’ Lulju 2016; |
— |
talloka lir-rikorrenti s-somma ta’ EUR 30 000 bħala kumpens għad-danni morali li jirriżultaw fl-istess ħin kemm mill-akkużi infondati maħruġa qabel il-konklużjoni tal-investigazzjoni, kif ukoll mill-preġudizzju kkawżat lir-reputazzjoni tagħha, u mill-preġudizzju sinjifikattiv inflitt fil-ħajja personali u politika tagħha permezz tad-deċiżjoni kkontestata; |
— |
li tallokalha wkoll is-somma ta’ EUR 15 000 bħala spejjeż għall-ħlas tal-avukati tagħha, l-abbozzar ta’ dan ir-rikors, l-ispejjeż tal-kopji tal-preżentata tal-imsmemi rikors u tad-dokumenti annessi miegħu u tikkundanna lill-Parlament Ewropew għall-ħlas ta’ din is-somma; |
— |
tikkundanna lill-Parlament Ewropew għall-ispejjeż kollha; |
— |
sussidjarjament, fil-każ fejn il-Qorti Ġenerali ma tqisx ruħha konvinta b’mod sħiħ mir-rilevanza u s-sinċerità tal-punti ta’ liġi u ta’ fatt esposti mir-rikorrenti, fl-interess tal-amministrazzjoni tajba tal-ġustizzja, filwaqt li tieħu inkunsiderazzjoni tal-konnessjoni indiskutibbli bejn il-fatti allegati li fuqhom hija bbażata d-deċiżjoni kkontestata, u dawk li jifformaw is-suġġett tal-investigazzjoni kriminali mibdija mill-President tal-Parlament Ewropew:
|
Motivi u argumenti prinċipali
Insostenn tar-rikors tagħha, ir-rikorrenti tinvoka ħdax-il motiv li essenzjalment huma identiċi jew simili għal dawk invokati fil-kuntest tal-Kawża T-624/16, Gollnisch vs Il-Parlament.