EUR-Lex Access to European Union law
This document is an excerpt from the EUR-Lex website
Document 62016TN0125
Case T-125/16: Action brought on 23 March 2016 — Léon Van Parys v Commission
Kawża T-125/16: Rikors ippreżentat fit-23 ta’ Marzu 2016 – León Van Parys vs Il-Kummissjoni
Kawża T-125/16: Rikors ippreżentat fit-23 ta’ Marzu 2016 – León Van Parys vs Il-Kummissjoni
ĠU C 175, 17.5.2016, p. 28–29
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
17.5.2016 |
MT |
Il-Ġurnal Uffiċjali tal-Unjoni Ewropea |
C 175/28 |
Rikors ippreżentat fit-23 ta’ Marzu 2016 – León Van Parys vs Il-Kummissjoni
(Kawża T-125/16)
(2016/C 175/32)
Lingwa tal-kawża: l-Olandiż
Partijiet
Rikorrenti: Firma León Van Parys NV (Antwerpen, il-Belġju) (rappreżentanti: P. Vlaemminck, B. Van Vooren u R. Verbeke, avukati)
Konvenuta: Il-Kummissjoni Ewropea
Talbiet
— |
tannulla d-Deċiżjoni tal-Kummissjoni C(2016) 95 finali, tal-20 ta’ Jannar 2016 fil-fajl REC 07/07(REV) li tikkonstata li huwa ġġusitifikat li tipproċedi għat-teħid inkunsiderazzjoni a posteriori tad-dazji fuq l-importazzjoni u li l-maħfra tad-dazji hija ġġustifikata fir-rigward ta’ debitur u parzjalment iġġustifikata fil-każ partikolari ta’ debitur ieħor, iżda li ma hijiex iġġustifikata fir-rigward ta’ dan id-debitur partikolari għal parti oħra, u li temenda d-Deċiżjoni tal-Kummissjoni C(2010) 2858, tas-6 ta’ Mejju 2010; |
— |
tiddikjara li l-Artikolu 909 tar-Regolament Nru 2454/93 (1) ta l-effett sħiħ tiegħu fir-rigward tar-rikorrenti preżenti insegwitu għas-sentenza tad-19 ta’ Marzu 2013, T-324/10, li permezz tagħha l-Qorti Ġenerali annullat favur ir-rikorrenti (preżenti u ta’ dak iż-żmien) l-Artikolu 1(3) tad-Deċiżjoni C(2010) 2858 oriġinali b’tali mod li konformement mal-Artikolu 909 tar-Regolament Nru 2454/93, ir-rikorrenti preżenti tibbenefika mill-maħfra sħiħa tad-dejn doganali kif ukoll tal-interessi jew tal-ispejjeż li huma direttament jew indirettament relatati miegħu; |
— |
tikkundanna lill-Kummissjoni għall-ispejjeż |
Motivi u argumenti prinċipali
Insostenn tar-rikors tagħha, ir-rikorrenti tinvoka ħames motivi.
1. |
L-ewwel motiv ibbażat fuq ksur tal-Artikoli 907 u 909 tar-Regolament Nru 2454/93 u tal-Artikolu 41 tal-Karta tad-Drittijiet Fundamentali tal-Unjoni Ewropea
|
2. |
It-tieni motiv ibbażat fuq ksur tal-Artikolu 907 tar-Regolament Nru 2454/93 u tal-Artikolu 41 tal-Karta tad-Drittijiet Fundamentali tal-Unjoni Ewropea.
|
3. |
It-tielet motiv, invokat b’mod sussidjarju, ibbażat fuq ksur tal-prinċipju ta’ amministrazzjoni tajba peress li s-sentenza tad-19 ta’ Marzu 2013, Firma Van Parys vs Il-Kummissjoni (T-324/10, EU:T:2013:136) għandha tkun eżegwita f’terminu raġonevoli li ma għandux jaqbeż it-terminu inizjali ta’ disa’ xhur previst mill-Artikolu 907 tar-Regolament Nru 2454/93. |
4. |
Ir-raba’ motiv, invokat b’mod iktar sussidjarju, ibbażat fuq abbuż ta’ poter peress li l-Kummissjoni twettaq stħarriġ ġdid komplet u għalhekk tasal għal konklużjoni li tmur kontra l-konstatazzjonijiet tal-Qorti Ġenerali fis-sentenza tad-19 ta’ Marzu 2013, Firma Van Parys vs Il-Kummissjoni (T-324/10, EU:T:2013:136). |
5. |
Il-ħames motiv, invokat b’mod iktar sussidjarju, ibbażat fuq interpretazzjoni żbaljata tal-qafas regolatorju dwar l-organizzazzjoni tas-suq tal-banana u ksur tal-prinċipju ta’ ugwaljanza.
|
(1) Regolament tal-Kummissjoni (KEE) Nru 2454/93, tat-2 ta’ Lulju 1993, li jiffissa d-dispożizzjonijiet għall-implementazzjoni tar-Regolament tal-Kunsill (KEE) Nru 2913/92 li jistabbilixxi il-Kodiċi Doganali Komunitarju (ĠU Edizzjoni Speċjali bil-Malti, Kapitolu 2, Vol. 6, p. 3).
(2) Regolament tal-Kummissjoni (KE) Nru 2362/98, tat-28 ta’ Ottubru 1993, li jistabbilixxi metodi għall-applikazzjoni tar-Regolament tal-Kunsill (KEE) Nru 404/93 f’dak li jikkonċerna s-sistema ta’ importazzjoni ta’ banana fil-Komunità (ĠU L 293, p. 32).