This document is an excerpt from the EUR-Lex website
Document 62016TN0071
Case T-71/16 P: Appeal brought on 17 February 2016 by Carlo de Nicola against the judgment of the Civil Service Tribunal of 18 December 2015 in Case F-82/12 De Nicola v EIB
Kawża T-71/16 P: Appell ippreżentat fis-17 ta’ Frar 2016 minn Carlo De Nicola mis-sentenza mogħtija mit-Tribunal għas-Servizz Pubbliku fit-18 ta’ Diċembru 2015 fil-Kawża F-82/12, De Nicola vs BEI
Kawża T-71/16 P: Appell ippreżentat fis-17 ta’ Frar 2016 minn Carlo De Nicola mis-sentenza mogħtija mit-Tribunal għas-Servizz Pubbliku fit-18 ta’ Diċembru 2015 fil-Kawża F-82/12, De Nicola vs BEI
ĠU C 118, 4.4.2016, p. 37–37
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
4.4.2016 |
MT |
Il-Ġurnal Uffiċjali tal-Unjoni Ewropea |
C 118/37 |
Appell ippreżentat fis-17 ta’ Frar 2016 minn Carlo De Nicola mis-sentenza mogħtija mit-Tribunal għas-Servizz Pubbliku fit-18 ta’ Diċembru 2015 fil-Kawża F-82/12, De Nicola vs BEI
(Kawża T-71/16 P)
(2016/C 118/42)
Lingwa tal-kawża: it-Taljan
Partijiet
Appellant: Carlo De Nicola (Strassen, il-Lussemburgu) (rappreżentant: G. Ferabecoli, avukat)
Partijiet oħra fil-proċedura: Il-Bank Ewropew tal-Investiment
Talbiet
L-appellant jitlob li l-Qorti Ġenerali jogħġobha:
— |
tilqa’ dan l-appell u, permezz ta’ riforma parzjali tas-sentenza appellata, tannulla l-paragrafi 2 u 3 tad-dispożittiv kif ukoll il-punti 68 sa 75 tas-sentenza stess; |
— |
konsegwentement, tikkundanna lill-BEI għall-kumpens għad-danni subiti minn C. De Nicola, kif mitlub fir-rikors promotur jew, sussidjarjament, tirrinvijja l-kawża quddiem Awla oħra tat-Tribunal għas-Servizz Pubbliku, diversament presedut, bil-għan li mill-ġdid tingħata deċiżjoni fuq il-punti annullati. |
— |
tikkundanna lill-appellat għall-ispejjeż. |
Aggravji u argumenti prinċipali
Dan l-appell huwa mis-sentenza tat-Tribunal għas-Servizz Pubbliu (Imħallef uniku), tat-18 ta’ Diċembru 2015, De Nicola vs Il-Bank Ewropew tal-Investiment (F-82/12).
L-aggravji u l-argumenti prinċipali huma simili għal dawk invokati fil-Kawża T-55/16 P, De Nicola vs Il-Bank Ewropew tal-Investiment.
L-appellant jargumenta, b’mod partikolari, li t-talba għad-danni fil-Kawża F-82/12 tqieset b’mod żbaljat bħala ekwivalenti għat-talba għad-danni fil-Kawża F-55/08 u li ġiet ikkonstatata b’mod żbaljat l-eżistenza ta’ res judicata fir-rigward ta’ uħud mit-talb għal kumpens għad-danni.