—

għal Customs Support Holland BV, minn A. Jansen u J. Biermasz, advocaaten,

—

għall-Gvern Olandiż, minn M. Bulterman u B. Koopman, bħala aġenti,

—

għall-Kummissjoni Ewropea, minn A. Caeiros u H. Kranenborg, bħala aġenti,

1

It-talba għal deċiżjoni preliminari tirrigwarda l-interpretazzjoni tal-intestaturi 2304, 2308 u 2309 tan-nomenklatura magħquda li tinsab fl-Anness I tar-Regolament tal-Kunsill (KEE) Nru 2658/87, tat-23 ta’ Lulju 1987, dwar in-nomenklatura tat-tariffa u l-istatistika u dwar it-Tariffa Komuni ta’ Dwana (ĠU Edizzjoni Speċjali bil-Malti, Kapitolu 2, Vol. 2, p. 382), kif emendat mir-Regolament tal-Kummissjoni (KE) Nru 948/2009, tat-30 ta’ Settembru 2009 (ĠU L 287, p. 1, iktar ’il quddiem in-“NM”).

2

Din it-talba tressqet fil-kuntest ta’ kawża bejn l-iStaatssecretaris van Financiën (segretarjat tal-Istat għall-finanzi) u l-Customs Support Holland BV dwar il-klassifikazzjoni, fi ħdan in-NM, ta’ konċentrat tal-proteina tas-soja, ikkummerċjalizzat taħt l-isem “Imcosoy 62” u użat bħala ingredjent fl-għalf kompost għall-għoġġiela żgħar ħafna.

3

Il-klassifikazzjoni doganali tal-oġġetti importati fl-Unjoni Ewropea hija rregolata min-NM. Il-klassifikazzjoni doganali tal-oġġetti importati fl-Unjoni Ewropea hija rregolata min-NM.

4

Skont l-Artikolu 12(1) tar-Regolament Nru 2658/87, kif emendat bir-Regolament tal-Kunsill (KE) Nru 254/2000, tal-31 ta’ Jannar 2000 (ĠU Edizzjoni Speċjali bil-Malti, Kapitolu 2, Vol. 9, p. 357), il-Kummissjoni Ewropea għandha, kull sena, tadotta regolament li jirriproduċi l-verżjoni sħiħa tan-NM u tar-rati tad-dazju doganali, kif din il-verżjoni tirriżulta mill-miżuri adottati mill-Kunsill tal-Unjoni Ewropea jew mill-Kummissjoni. L-imsemmi Regolament għandu jiġi ppubblikat mhux iktar tard mill-31 ta’ Ottubru f’Il-Ġurnal Uffiċjali tal-Unjoni Ewropea u għandu japplika mill-1 ta’ Jannar tas-sena ta’ wara. Mill-proċess ippreżentat quddiem il-Qorti tal-Ġustizzja jirriżulta li l-verżjoni tan-NM applikabbli għall-fatti prinċipali hija dik relattiva għas-sena 2010, li tirriżulta mir-Regolament Nru 948/2009.

5

L-ewwel parti tan-NM, marbuta mad-dispożizzjonijiet preliminari, tinkludi l-Kapitolu I, iddedikat għar-“Regoli ġenerali”, u t-Taqsima A tiegħu, intitolata “Regoli ġenerali għall-interpretazzjoni tan-nomenklatura magħquda”, tipprovdi b’mod partikolari:

“Il-klassifikazzjoni ta’ oġġetti fin-[NM] għanda tkun irregolata mill-prinċipji li ġejjin:

[...]

[…]”

6

It-tieni parti tan-NM tinkludi l-Kapitolu 23, intitolat “Fdal u skart mill-industrija tal-ikel; għalf tal-annimali ppreparat”, li jinkludi l-intestaturi 2304, 2308 u 2309.

7

L-intestatura 2304 tan-NM hija fformulata kif ġej:

8

L-intestatura 2308 tan-NM hija fformulata kif ġej:

[...]

2308 00 90

[...]

‐ oħrajn:”

9

L-intestatura 2309 tan-NM hija fformulata kif ġej:

10

Skont in-Nota 1 tal-Kapitolu 23 tan-NM, l-intestatura 2039 ta’ din tal-aħħar tinkludi “prodotti ta’ kwalità użata għal għalf tal-annimali, mhux speċifikati jew imsemmijin band’oħra, magħmulin bl-ipproċessar ta’ materjali veġetali jew annimali f’tali stat li jkunu tilfu l-karatteristiċi essenzjali tal-materjal oriġinali, ħlief skart veġetali, fdal veġetali u riżultati ta’ dan l-ipproċessar”.

11

Il-Kunsill tal-Kooperazzjoni Doganali, li sar l-Organizzazzjoni Dinjija tad-Dwana (ODD), twaqqaf permezz tal-Konvenzjoni dwar il-ħolqien tal-imsemmi kunsill, konkluża fi Brussell fil-15 ta’ Diċembru 1950. Is-sistema armonizzata għad-deskrizzjoni u għall-kodifikazzjoni ta’ merkanziji (iktar ’il quddiem is-“SA”) tfasslet mill-ODD u ġiet stabbilita bil-Konvenzjoni Internazzjonali fuq is-Sistema Armonizzata għad-Deskrizzjoni u l-Kodifikazzjoni ta’ oġġetti, konkluża fi Brussell fl-14 ta’ Ġunju 1983, u approvata, flimkien mal-Protokoll li jemendaha tal-24 ta’ Ġunju 1986, f’isem il-Komunità Ekonomika Ewropea, bid-Deċiżjoni tal-Kunsill 87/369/KEE, tas-7 ta’ April 1987 (ĠU Edizzjoni Speċjali bil-Malti, Kapitolu 2, Vol. 2, p. 288). In-NM tadotta l-intestaturi u s-subintestaturi b’sitt ċifri tas-SA. Huma biss is-seba’ u t-tmien ċifri li jifformaw sottodiviżjonijiet li japplikaw għaliha biss.

12

In-noti ta’ spjegazzjoni tas-SA ġew elaborati fi ħdan l-ODD skont id-dispożizzjonijiet tal-imsemmija konvenzjoni.

13

In-nota ta’ spjegazzjoni li tirrigwarda l-intestatura 2304 tas-SA tipprovdi li:

“Din l-intestatura tinkludi l-għalf tal-bhejjem u fdalijiet oħrajn solidi li jirriżultaw mill-estrazzjoni, permezz ta’ ippressar, permezz ta’ solventi jew permezz ta’ ċentrifugazzjoni, taż-żejt li jinsan fil-żrieragħ tas-soja. Dawn il-fdalijiet jikkonstitwixxu għalf għall-bhejjem l-iktar preġjati.

[...]

Din l-intestatura teskludi:

[...]

14

In-nota ta’ spjegazzjoni dwar l-intestatura 2308 tas-SA tipprevedi:

“Bla ħsara għal xi intestatura oħra iktar speċifika tan-nomenklatura u li tkun speċifika għall-għalf tal-annimali, din l-intestatura tinkludi prodotti u fdalijiet veġetali kif ukoll residwi jew prodotti li jirriżultaw miksuba matul il-proċess industrijali ta’ ipproċessar ta’ materjali veġetali bil-ħsieb tal-estrazzjoni ta’ uħud mill-komponenti tagħhom.

[...]”

15

In-nota ta’ spjega li tirrigwarda l-intestatura 2309 tas-SA tipprovdi li:

“Din l-intestatura tinkludi l-preparazzjonijiet ta’ pjanti għall-għalf fil-forma ta’ għasel jew fiz-zokkor, kif ukoll preparazzjonijiet għall-ikel tal-annimali li tikkonsistu f’taħlita ta’ diversi elementi nutrittivi, maħsuba:

[...]

[...]

B.- Il-preparazzjonijiet maħsuba sabiex jikkompletaw, billi jikkalibraw, l-ikek prodott fl-irziezet (ikel ’li jikkumplementa’)

Is-sustanzi prodotti fl-irziezet huma, b’mod ġenerali, pjuttost neqsin fil-qasam tal-proteini, fil-qasam tal-minerali jew tal-vitamini. Il-preparazzjonijiet maħsuba sabiex jagħmlu tajjeb għal dawn in-nuqqasijiet b’md li l-annimali jibbenefikaw minn alimentazzjoni ekwilibrata, huma komposti, minn naħa, minn dawn l-aħħar imsemmija materji u, min-naħa l-oħra, minn elementi li jikkumplementaw il-materji enerġetiċi (hydrocarbon), fejn dawn tal-aħħar iservu bħala appoġġ għal komponenti oħra tat-taħlita.

Minkejja li, fil-livell kwalitattiv, il-kompożizzjoni ta’ dawn il-preparazzjonijiet hija pjuttost analoga għal dawk tal-preparazzjonijiet previsti fil-paragrafu A, dawk huma madankollu differenti minn dawn tal-aħħar minħabba l-kontenut relattivament għoli ta’ wieħed jew l-ieħor mill-elementi nutrittivi inklużi fil-kompożizzjoni tagħhom.

[...]

C.- Il-preparazzjonijiet maħsuba li jidħlu fil-produzzjoni tal-ikel ‘komplut’ jew li ‘jikkumplementa’ deskritt fil-paragrafi A u B iktar ’il fuq

Dawn il-preparazzjonijiet, iddeżinjati kummerċjalment taħt l-isem ta’ taħlitiet minn qabel huma, b’mod ġenerali, kompożizzjonijiet ta’ natura kumplessa li jinkludu assjem ta’ elementi (li kultant jissejħu addittivi), li n-natura u l-proporzjonjiet tagħhom huma stabbiliti bil-ħsieb tal-produzzjoni żooteknika ddeterminata. [...]

Dan it-titolu ma jkoprix:

[...]

[...]”

16

Mid-deċiżjoni tar-rinviju jirriżulta li l-Imcosoy 62 huwa konċentrat tal-proteina tas-soja miksub fi tmiem żewġ operazzjonijiet industrijali.

17

Skont id-deċiżjoni tar-rinviju, wara li tkun tneħħiet mill-qoxra tagħha, ġiet mgħaffġa u msajra, il-fażola tas-soja tiġi, fl-ewwel lok, suġġetta għal proċess ta’ estrazzjoni taż-żejt tagħha li fi tmiemu jifdal dak li jissejjaħ id-dqiq tal-estrazzjoni tas-soja. Dan id-dqiq jiġi sussegwentement ipproċessat bl-ethanol u bl-ilma sabiex minnu jiġi estratt ix-xaħam rimanenti, sabiex jitnaqqas minnu l-kontenut tal-elementi li ma humiex proteini, prinċipalment il-karboidrati u l-fibri alimentari, u sabiex jitneħħew ċerti sustanzi noċivi. Il-konċentrat tal-proteina tas-soja b’hekk miksuba ma jkunx jinkludi traċċi tal-ethanol użat. Huwa jkun ikkostitwit, b’mod partikolari, minn proteini, fl-ammont ta’ 62 % tal-piż, u minn lamtu, fl-ammont mill-inqas ta’ 10 % tal-piż.

18

Skont id-deċiżjoni tar-rinviju, minħabba l-konċentrazzjoni għolja tiegħu f’karboidrati, id-dqiq tal-estrazzjoni tas-soja, kull kif użat fl-għalf tal-annimali, ma jistax iservi bħala ingredjent fl-għalf kompost maħsub għall-għoġġiela żgħar ħafna. Għall-kuntrarju, il-konċentrat tal-proteina tas-soja, miksub mid-dqiq tal-estrazzjoni tas-soja, jista’ jikkostitwixxi ingredjent fl-għalf kompost maħsub għall-għoġġiela żgħar ħafna, minħabba l-konċentrazzjoni mnaqqsa ta’ karboidrati u ta’ fibri alimentari.

19

Fis-7 ta’ Settembru 2010, fuq talba mressqa mill-Customs Support Holland BV, l-awtorità doganali tal-Pajjiżi l-Baxxi pprovdiet informazzjoni tariffarja vinkolanti li tikklassifika l-Imcosoy 62 taħt l-intestatura 2309 90 31 tan-NM.

20

Fit-3 ta’ April 2012, ir-Rechtbank Haarlem (qorti ta’ Haarlem), adita bil-kawża ppreżentata mill-Customs Support Holland BV, iddikjarat ir-rikors fondat, billi kkunsidrat li l-Imcosoy 62 għandu jiġi kklassifikat taħt is-sub-intestatura 2304 00 00 tan-NM. L-awtorità doganali tal-Pajjiżi l-Baxxi appellat minn din is-sentenza quddiem il-Gerechtshof Amsterdam (qorti tal-appell ta’ Amsterdam), li ddikjarat dan l-appell infondat. Għaldaqstant, l-iStaatssecretaris van Financiën ippreżenta appell ta’ kassazzjoni quddiem il-qorti tar-rinviju kontra s-sentenza tal-Gerechtshof Amsterdam.

21

Fid-deċiżjoni tar-rinviju, il-Hoge Raad der Nederlanden (qorti suprema tal-Pajjiżi l-Baxxi) ikkunsidrat, minn naħa, li l-intestatura 2304 tan-NM tkopri biss il-prodotti li jirriżultaw direttament mill-operazzjoni tal-estrazzjoni taż-żejt u qieset, min-naħa l-oħra, li, għalkemm id-dqiq tal-estrazzjoni tas-soja jirriżulta direttament mill-proċess tal-estrazzjoni taż-żejt u għandu għalhekk jitqies li jaqa’ taħt l-intestatura 2304 tan-NM, għall-kuntrarju, it-trattament tad-dqiq tal-estrazzjoni tas-soja bil-ħsieb li jinkiseb il-konċentrat tal-proteina tas-soja huwa intiż mhux sabiex jiġi estratt iż-żejt tas-soja, iżda sabiex jirrendi l-fdalijiet ta’ din l-estrazzjoni adatti għal użu partikolari fl-għalif tal-annimali. Minn dan hija ddeduċiet li l-konċentrat tal-proteina tas-soja huwa ttrasformat fi prodott ta’ natura differenti.

22

Il-qorti tar-rinviju tikkunsidra li prodott jista’ jiġi kklassifikat taħt l-intestatura 2309 tan-NM biss jekk jirriżulta minn trasformazzjoni definittiva ta’ prodott, bl-eċċezzjoni ta’ prodotti agglomerati, jew ta’ taħlit ta’ prodott ma’ prodotti oħrajn. Barra minn hekk, dan għandu jservi biss bħala għalf għall-annimali.

23

F’dan ir-rigward, il-Hoge Raad der Nederlanden (qorti suprema tal-Pajjiżi l-Baxxi) tirrileva li l-estrazzjoni ta’ karboidrati, ta’ fibri alimentari u ta’ sustanzi noċivi tad-dqiq tal-estrazzjoni tas-soja tikkostitwixxi trasformazzjoni definittiva li tirrendi l-prodott b’hekk ittrasformat adatt għall-użu bħala ingredjent f’għalf kompost għall-għoġġiela żgħar ħafna. Madankollu, hija tenfasizza li, skont in-nota ta’ spjegazzjoni marbuta mal-intestatura 2309 tas-SA, din l-intestatura ma tistax tapplika għal prodott ikkostitwit minn materja waħda jew minn taħlita ta’ materji li taqa’ bħala tali taħt intestatura partikolari, u lanqas għall-prodotti li jirriżultaw imsemmija fl-intestatura 2308 tas-SA. Għaldaqstant, il-Hoge Raad der Nederlanden (qorti suprema tal-Pajjiżi l-Baxxi) ma teskludix li l-konċentrat tal-proteina tas-soja, li jikkonsisti fid-dqiq tal-estrazzjoni tas-soja li minnu jkunu ġew estratti ċerti elementi partikolari, jaqa’ taħt l-intestatura 2309 tan-NM.

24

F’dawn iċ-ċirkustanzi, il-Hoge Raad der Nederlanden (qorti suprema tal-Pajjiżi l-Baxxi) iddeċidiet li tissospendi l-proċeduri u tagħmel lill-Qorti tal-Ġustizzja d-domandi preliminari li ġejjin:

25

Permezz taż-żewġ domandi tagħha, li jeħtieġ li jiġu eżaminati flimkien, il-qorti tar-rinviju tistaqsi, essenzjalment, jekk l-NM għandhiex tiġi interpretata fis-sens li konċentrat tal-proteina tas-soja, bħal dak inkwistjoni fil-kawża prinċipali, jaqa’ taħt l-intestatura 2304, 2308 jew 2309 ta’ din in-nomenklatura.

26

Bil-għan li tirrispondi d-domandi magħmula, għandu, minn naħa, jiġi enfasizzat li r-regoli ġenerali għall-interpretazzjoni tan-NM jipprevedu li l-klassifikazzjoni tal-merkanziji għandha tiġi ddeterminata skont it-termini tal-intestaturi u tan-noti tat-taqsimiet u l-kapitoli, filwaqt li l-kliem tat-titoli tat-taqsimiet, tal-kapitoli jew tas-sub-kapitoli jitqies li għandu biss valur indikattiv (ara s-sentenzi Lukoyl Neftohim Burgas, C‑330/13, EU:C:2014:1757, punt 33, u Baby Dan, C-272/14, EU:C:2015:388, punt 25).

27

Għandu jitfakkar li skont ġurisprudenza stabbilita, fl-interess taċ-ċertezza legali u tal-faċilità tal-istħarriġ, il-kriterju deċiżiv għall-klassifikazzjoni tariffarja tal-merkanzija għandu jiġi identifikat, b’mod ġenerali, mill-karatteristiċi u mill-proprjetajiet oġġettivi tagħhom, kif iddefiniti mill-kliem tal-intestatura tan-NM u min-noti tat-taqsima jew tal-kapitolu (ara, b’mod partikolari, is-sentenzi Proxxon, C-500/04, EU:C:2006:111, punt 21, kif ukoll Vario Tek, C-178/14, EU:C:2015:152, punt 21 u l-ġurisprudenza ċċitata).

28

Fir-rigward tan-noti ta’ spjegazzjoni tas-SA, għandu jingħad ukoll li, minkejja l-fatt li dawn ma għandhomx saħħa vinkolanti, dawn jikkostitwixxu strumenti importanti għall-finijiet li tiġi żgurata applikazzjoni uniformi tat-tariffa doganali komuni u jipprovdu, bħala tali, elementi ta’ valur għall-interpretazzjoni tagħha (ara, f’dan is-sens, is-sentenzi Kloosterboer Services, C‑173/08, EU:C:2009:382, punt 25, u Agroferm, C-568/11, EU:C:2013:407, punt 28). Madankollu, dawn ma jistgħux jemendaw il-kontenut tan-noti tan-NM (ara, f’dan is-sens, is-sentenza Duval, C-44/15, EU:C:2015:783, punt 24).

29

Sussegwentement, l-użu li għalih huwa intiż il-prodott jista’ wkoll jikkostitwixxi kriterju oġġettiv għall-klassifikazzjoni sa fejn dan ikun inerenti għall-imsemmi prodott, u din in-natura inerenti għandha tkun tista’ tiġi evalwata skont il-karatteristiċi u l-proprjetajiet oġġettivi tal-prodott (sentenzi Swiss Caps, C‑410/08 sa C-412/08, EU:C:2009:794, punt 29, u Agroferm, C-568/11, EU:C:2013:407, punt 41).

30

F’dan il-każ, fir-rigward tal-intestatura 2308 tan-NM, hemm lok li jiġi rrilevat li, kif jirriżulta mill-kliem tagħha, din tal-aħħar hija intestatura residwali. Għaldaqstant, jeħtieġ, fid-dawl tar-regola ġenerali 3 a) għall-interpretazzjoni tan-NM, li jiġi eżaminat, preliminarjament, jekk prodott bħal dak inkwistjoni fil-kawża prinċipali jistax jaqa’ taħt l-intestaturi 2304 jew 2309 tan-NM.

31

Fir-rigward tal-intestatura 2304 tan-NM, jeħtieġ li jiġi rrilevat li, kif tenfasizza l-qorti tar-rinviju, l-Imcosoy 62 ma jikkostitwixxix fdalijiet, fis-sens tal-intestatura 2304 tan-NM, tal-operazzjoni li permezz tagħha ż-żejt jiġi estratt mill-fażola tas-soja, iżda dderivat minn dawn il-fdalijiet, miksub wara proċess separat u ulterjuri, speċjalment implementat bil-għan li jiġi prodott dan il-konċentrat tal-proteina u li matulu titneħħa parti mill-elementi li jikkostitwixxu d-dqiq tal-estrazzjoni tas-soja.

32

Barra minn hekk, in-nota ta’ spjegazzjoni marbuta mal-intestatura 2304 tas-SA tispeċifika li huma esklużi b’mod partikolari minn din l-intestatura, il-konċentrati tal-proteini miksuba bl-eliminazzjoni ta’ ċerti elementi li jikkostitwixxu d-dqiq tas-soja li minnhom ikun tneħħa ż-żejt, maħsuba sabiex jiżdiedu ma’ preparazzjonijiet tal-ikel.

33

Issa, fl-ewwel lok, mid-deċiżjoni tar-rinviju jirriżulta li l-Imcosoy 62 huwa konċentrat tal-proteina, maħsub sabiex jintuża bħala ingredjent fl-għalf għall‑għoġġiela żgħar ħafna u li dan il-prodott jinkiseb mid-dqiq tal-estrazzjoni tas-soja, wara proċess li permezz tiegħu, minn naħa, jitneħħew xaħam rimanenti ta’ dan id-dqiq u ċerti sustanzi noċivi u, min-naħa l-oħra, jitnaqqas il-kontenut ta’ elementi li ma humiex proteini. Isegwi li l-prodott inkwistjoni fil-kawża prinċipali jikkostitwixxi konċentrat ta’ proteini li jinkiseb bl-eliminazzjoni ta’ ċerti elementi li jikkostitwixxu d-dqiq tas-soja u li huwa intiż li jiżdied ma’ preparazzjonijiet tal-ikel.

34

Fit-tieni lok, id-dqiq tal-estrazzjoni tas-soja, li minnu jinkiseb l-Imcosoy 62, għandu jitqies li huwa prodott imnaddaf miż-żejt, anki jekk jista’ jiġi nnotat li għad fih preżenza minima ta’ żejt (ara, f’dan is-sens, is-sentenza Fancon, 129/81, EU:C:1982:91, punti 10 u 14).

35

Isegwi li konċentrat tal-proteina bħal dak inkwistjoni fil-kawża prinċipali, ma jistax jitqies li jaqa’ taħt l-intestatura 2304 tan-NM.

36

Fir-rigward tal-intestatura 2309 tan-NM, mill-ġurisprudenza tal-Qorti tal-Ġustizzja jirriżulta li “preparazzjoni” fis-sens ta’ din l-intestatura, għandha tfisser jew it-trasformazzjoni ta’ prodott, jew taħlita ma’ prodotti oħrajn. Sabiex ikun jista’ jaqa’ taħt l-intestatura 2309 tan-NM, il-prodott inkwistjoni għandu addizzjonalment, minn naħa, ikun tajjeb biss bħala għalf għall-annimali u, min-naħa l-oħra, ikun għadda minn trasformazzjoni definittiva jew jirriżulta f’taħlita ta’ materji differenti (ara, b’analoġija fir-rigward tal-intestatura 2307 tat-tariffa doganali komuni tal-1965, li tippreċedi l-intestatura 2309 tan-NM, is-sentenzi Henck, 36/71, EU:C:1972:25, punti 4 u 12, kif ukoll van de Poll,38/72, EU:C:1972:127, punt 5).

37

Mid-deskrizzjoni tal-proċess ta’ produzzjoni fid-deċiżjoni tar-rinviju jirriżulta li l-Imcosoy 62 huwa prodott li għadda minn trasformazzjoni definittiva u li huwa tajjeb biss bħala għalf għall-annimali.

38

Barra minn hekk, min-Nota 1 tal-Kapitolu 23 tan-NM jirriżulta li l-intestatura 2309 ta’ din tal-aħħar tinkludi l-prodotti ta’ tipi użati għal għalf tal-annimali, mhux speċifikati jew imsemmijin band’oħra, magħmulin bl-ipproċessar ta’ materjali veġetali jew annimali f’tali stat li jkunu tilfu l-karatteristiċi essenzjali tal-materjal oriġinali, ħlief skart veġetali, fdal veġetali u riżultati ta’ dan l-ipproċessar.

39

Issa, huwa stabbilit li l-Imcosoy 62 huwa prodott li jirriżulta minn materja veġetali, jiġifieri d-dqiq tal-estrazzjoni tas-soja. Barra minn hekk, dan ma jistax jiġi assimilat ma’ skart, ma’ fdal jew prodott li jirriżulta minn proċess li għalih jiġi suġġett id-dqiq tal-estrazzjoni tas-soja, peress li l-kisba ta’ dan il-prodott tikkostitwixxi l-għan proprju ta’ l-imsemmi proċess.

40

Sabiex ikun jista’ jaqa’ taħt l-intestatura 2309 tan-NM, konċentrat tal-proteina tas-soja bħall-Imcosoy 62 għandu addizzjonalment jirriżulta minn proċess li jkun wassal sabiex jintilfu l-karatteristiċi essenzjali tiegħu għall-materja veġetali li minnu huwa dderivat.

41

F’dan ir-rigward, mid-deċiżjoni tar-rinviju jirriżulta li l-proċess ta’ trasformazzjoni tad-dqiq tal-estrazzjoni tas-soja, li minnu jirriżulta l-Imcosoy 62, isegwi għan żootekniku ddeterminat peress li huwa maħsub li joħloq konċentrat tal-proteina li jista’ jittiekel mill-għoġġiela żgħar ħafna, b’differenza mid-dqiq tal-estrazzjoni tas-soja. B’hekk, il-karatteristiċi u l-proprjetajiet oġġettivi ta’ tali prodott u, b’mod partikolari, l-eliminazzjoni jew it-tnaqqis intenzjonat ta’ ċerti komponenti tad-dqiq tal-estrazzjoni tas-soja bil-għan li dan il-prodott isir adatt sabiex jintegra l-għalf ta’ ċertu tip ta’ annimal, jippermettu li jiġi kkunsidrat li dan il-prodott jissodisfa l-kundizzjonijiet rikjesti sabiex jiġi kklassifikat taħt l-intestatura 2309 tan-NM.

42

Din l-interpretazzjoni hija kkorroborata min-nota ta’ spjegazzjoni marbuta mal-intestatura 2309 tas-SA li skontha din l-intestatura tkopri speċifikament il-preparazzjonijiet maħsuba sabiex jiġu rrimedjati n-nuqqas ta’ proteini fl-għalf bażiku tal-annimali.

43

Fl-aħħar, in-NM ma tinkludix intestatura iktar speċifika li tista’ tiġi kklassifikata taħtha preparazzjoni miksuba, bħall-Imcosoy 62, mid-dqiq tal-estrazzjoni tas-soja u intiża biss għall-għalf tal-annimali.

44

Isegwi li prodott bħal dak inkwistjoni fil-kawża prinċipali għandu jiġi kklassifikat taħt l-intestatura 2309 tan-NM.

45

Din il-konklużjoni ma hijiex ikkontestata min-nota ta’ spjegazzjoni marbuta mal-intestatura 2309 tas-SA li, kif tirrileva l-qorti tar-rinviju, teskludi b’mod partikolari minn din l-intestatura, minn naħa, il-prodotti agglomerati kkostitwiti jew minn materja waħda, jew minn taħlita ta’ materji, iżda li jaqgħu bħala tali taħt intestatura determinata, u, min-naħa l-oħra, il-fdalijiet, ir-residwi u prodotti veġetali li jirriżultaw imsemmija fl-intestatura 2308 tas-SA.

46

Fir-rigward, fl-ewwel lok, tal-esklużjoni, permezz tal-imsemmija nota ta’ spjegazzjoni, tal-prodotti agglomerati kkostitwiti jew minn materja waħda jew minn taħlita ta’ materji li jaqgħu bħala tali taħt intestatura tariffarja ddeterminata, jeħtieġ li jiġi rrilevat li l-Imcosoy 62 huwa kompost, b’mod partikolari, minn proteini u minn amidon, b’tali mod li dan il-prodott ma jistax jitqies li huwa prodott agglomerat ikkostitwit minn materja waħda. L-Imcosoy 62 lanqas ma jista’ jiġi kklassifikat bħala prodott agglomerat ikkostitwit minn taħlita ta’ materji li jaqa’ bħala tali taħt intestatura determinata. Ċertament, dan il-prodott huwa dderivat mid-dqiq tal-estrazzjoni tas-soja, li jaqa’, bħala tali, taħt l-intestatura 2304 tan-NM (sentenza Fancon, 129/81, EU:C:1982:91, punt 15). Madankollu, dan il-prodott idderivat ma jinkludix il-komponenti kollha tad-dqiq tal-estrazzjoni tas-soja u ma jistax jiġi kklassifikat taħt l-intestatura 2304 tan-NM, għar-raġunijiet esposti fil-punti 31 sa 35 ta’ din is-sentenza.

47

Fir-rigward, fit-tieni lok, tal-esklużjoni permezz tal-istess nota ta’ spjegazzjoni tal-fdalijiet, residwi u prodotti veġetali li jirriżultaw imsemmija fl-intestatura 2308 tas-SA, hemm lok li jiġi rrilevat li n-noti ta’ spjegazzjoni tas-SA ma humiex vinkolanti b’differenza min-nota 1 tal-Kapitolu 23 tan-NM, li teskludi mill-intestatura 2309 tan-NM, il-fdalijiet veġetali, ir-residwi u l-prodotti veġetali li jirriżultaw mill-ipproċessar maħsub sabiex jiġi mmanifatturat il-prodott taħt din l-intestatura. Issa, kif ġie rrilevat fil-punt 39 ta’ din is-sentenza, konċentrat tal-proteina, bħall-Imcosoy 62, ma jistax jintlaqat minn tali esklużjoni.

48

Barra minn hekk, in-natura residwali tal-intestatura 2308 tas-SA tipprekludi li prodott li jikkorrispondi b’mod sħiħ għall-intestatura iktar preċiża tas-SA u tan-NM, bħal fil-każ tal-Imcosoy 62 inkonnessjoni mal-intestatura 2309 tan-NM, fid-dawl b’mod partikolari tal-użu esklużiv tiegħu għall-għalf tal-annimali, jiġi kklassifikat taħt l-intestatura 2308 tan-NM.

49

Konsegwentement, jeħtieġ li tingħata risposta għad-domandi magħmula li n-NM għandha tiġi interpretata fis-sens li konċentrat tal-proteina tas-soja, bħal dak inkwistjoni fil-kawża prinċipali, jaqa’ taħt l-intestatura 2309 ta’ din in-nomenklatura.

50

Peress li l-proċedura għandha, fir-rigward tal-partijiet fil-kawża prinċipali, in-natura ta’ kwistjoni mqajma quddiem il-qorti tar-rinviju, hija din il-qorti li tiddeċiedi fuq l-ispejjeż. L-ispejjeż sostnuti għas-sottomissjoni tal-osservazzjonijiet lill-Qorti tal-Ġustizzja, barra dawk tal-imsemmija partijiet, ma jistgħux jitħallsu lura.

Għal dawn il-motivi, il-Qorti tal-Ġustizzja (Id-Disa’ Awla) taqta’ u tiddeċiedi:

In-nomenklatura magħquda li tinsab fl-Anness I tar-Regolament tal-Kunsill (KEE) Nru 2658/87, tat-23 ta’ Lulju 1987, dwar in-nomenklatura tat-tariffa u l-istatistika u dwar it-Tariffa Komuni ta’ Dwana, kif emendat mir-Regolament tal-Kummissjoni (KE) Nru 948/2009, tat-30 ta’ Settembru 2009, għandha tiġi interpretata fis-sens li konċentrat tal-proteina tas-soja, bħal dak inkwistjoni fil-kawża prinċipali, jaqa’ taħt l-intestatura 2309 ta’ din in-nomenklatura.