This document is an excerpt from the EUR-Lex website
Document 62014TN0519
Case T-519/14: Action brought on 10 July 2014 — Grupo Morera & Vallejo and DSA v Commission
Kawża T-519/14: Rikors ippreżentat fl- 10 ta’ Lulju 2014 – Grupo Morera & Vallejo y DSA vs Il-Kummissjoni
Kawża T-519/14: Rikors ippreżentat fl- 10 ta’ Lulju 2014 – Grupo Morera & Vallejo y DSA vs Il-Kummissjoni
ĠU C 303, 8.9.2014, p. 49–50
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
8.9.2014 |
MT |
Il-Ġurnal Uffiċjali tal-Unjoni Ewropea |
C 303/49 |
Rikors ippreżentat fl-10 ta’ Lulju 2014 – Grupo Morera & Vallejo y DSA vs Il-Kummissjoni
(Kawża T-519/14)
2014/C 303/58
Lingwa tal-kawża: l-Ispanjol
Partijiet
Rikorrenti: Grupo Morera & Vallejo, SL (Sevilla, Spanja), DSA Defensa y Servicios del Asegurado, SA (Sevilla, Spanja) (rappreżentanti: E. Navarro Varona, P. Vidal Martínez u G. Canalejo Lasarte, avukati)
Konvenuta: Il-Kummissjoni Ewropea
Talbiet
— |
tannulla d-deċiżjoni taħt l-Artikolu 263 TFUE sa fejn hija tiddikjara l-eżistenza ta’ għajnuna mill-Istat u tordna l-irkupru tagħha mill-investituri; |
— |
sussidjarjament, tannulla l-Artikoli 1, 2 u 4.1 tad-deċiżjoni kkontestata, li jidentifikaw lill-investituri bħala benefiċjarji li għandhom jirrimborsaw l-allegata għajnuna; |
— |
sussidjarjament, tannulla l-ordni għall-irkupru tal-għajnuna mill-investituri taħt l-Artikolu 4.1 in fine, bi ksur tal-prinċipji ta’ ċertezza legali u ta’ aspettattivi leġittimi, peress li ma tistax tordna l-irkupru f’data qabel id-data tal-pubblikazzjoni tad-deċiżjoni ta’ ftuħ; |
— |
sussidjarjament, tannulla l-Artikolu 2 tad-deċiżjoni u tiddikjara bħala mhux konformi mad-dritt il-metodu użat għad-determinazzjoni tal-allegat vantaġġ li għandu jiġi rrimborsat mill-investituri propost mill-paragrafi 263 u 167 tiegħu, li għandu jiġi aġġustat billi jiġi kkunsidrat tnaqqis speċifiku; |
— |
tiddikjara l-ineżistenza jew, alternattivament, l-annullament parzjali tal-Artikolu 4.1 tad-deċiżjoni dwar il-projbizzjoni li “jittrasferixxu l-ispiża tal-irkupru lil persuni oħra”, sa fejn din timplika dikjarazzjoni dwar il-projbizzjoni jew l-allegata invalidità tal-klawżoli kuntrattwali kontra partijiet terzi fl-ammonti li għandhom jiġu rrimobrsati mill-investituri lill-Istat Spanjol, u |
— |
tikkundanna lill-Kummissjoni għall-ispejjeż. |
Motivi u argumenti prinċipali
Il-motivi u l-argumenti prinċipali huma simili għal dawk invokati fil-Kawżi T-401/14, Duro Felguera vs Il-Kummissjoni, T-700/13, Bankia vs Il-Kummissjoni u T-500/14, Derivados del Flúor vs Il-Kummissjoni.