14.7.2014   

MT

Il-Ġurnal Uffiċjali tal-Unjoni Ewropea

C 223/20

—

tiddikjara dan ir-rikors ammissibbli u fondat;

—

tannulla d-deċiżjoni tal-Kummissjoni tal-24 ta’ Marzu 2014 li tordna lil-Lussemburgu jipprovdi informazzjoni dwar il-prattika ta’ deċiżjonijiet antiċipattivi fil-qasam fiskali;

—

tikkundanna lill-Kummissjoni għall-ispejjeż.

1.

L-ewwel motiv ibbażat fuq ksur tal-Artikolu 10 tar-Regolament Nru 659/1999 u tad-drittijiet tad-difiża, sa fejn il-Kummissjoni ma għandiex il-minimu ta’ informazzjoni meħtieġa sabiex tiġġustifika t-talbiet ta’ informazzjoni li jinsabu fl-inġunzjoni, filwaqt li s-setgħat ta’ investigazzjoni tagħha huma suġġetti għar-rekwiżit li jkollha, minn qabel, informazzjoni fattwali u oġettiva suffiċjenti li tkun tali li tagħti lok għal suspett raġonevoli dwar l-eżistenza ta’ ksur. Ir-rikorrent isostni li b’dan il-mod il-Kummissjoni qed tagħmel “talba esplorattiva għall-informazzjoni”vera u proprja li hija inkompatibbli mad-drittijiet tad-difiża.

2.

It-tieni motiv ibbażat fuq ksur tal-prinċipju ta’ proporzjonalità, sa fejn i) ma hemmx relazzjoni bejn l-informazzjoni li l-Kummissjoni diġà għandha u n-natura u l-portata tal-informazzjoni mitluba mingħand ir-rikorrent u sa fejn ii) l-inġunżjoni ta’ informazzjoni tmur lil hinn mil-limiti ta’ dak li huwa xieraq u neċessarju sabiex jintlaħqu l-objettivi mfittxa mill-Kummissjoni.

3.

It-tielet motiv ibbażat fuq ksur tal-obbligu ta’ motivazzjoni suffiċjenti, peress li l-Kummissjoni la esponiet ir-raġunijiet li jiġġustifikaw l-inġunzjoni kkontestata u lanqas ma indikat b’mod ċar il-preżunzjonijiet li hija trid tivverifika.

4.

Ir-raba’ motiv ibbażat fuq ksur tal-Artikoli 4 u 5 TUE u fuq in-nuqqas ta’ osservanza tal-kompetenza tal-Istati Membri fil-qasam tat-tassazzjoni diretta.