13.10.2014   

MT

Il-Ġurnal Uffiċjali tal-Unjoni Ewropea

C 361/2

—

tannulla s-sentenza tal-Qorti Ġenerali tas-27 ta’ Frar 2014 fil-Każ T-602/11;

—

sussidjarjament, tirrinvija l-kawża quddiem il-Qorti Ġenerali għal deċiżjoni finali;

—

tikkundanna lill-UASI bħala konvenut fil-proċedimenti quddiem il-Qorti Ġenerali sabiex iħallas l-ispejjeż tal-ewwel istanza u tal-appell.

1

Il-Qorti Ġenerali naqset milli tipproduċi prova tal-eżistenza tal-probabbiltà ta’ konfużjoni reali bejn it-trade marks inkwistjoni. Il-fatt li tinstab probabbiltà ta’ konfużjoni reali bejn żewġ trade marks proprja u oġġettiva ma jistax jikkonsisti biss fl-affermazzjoni li, fid-dawl tal-identità tal-oġġetti rispettivi tagħhom, u fid-dawl tal-ftit xebh viżiv u fonetiku li hemm bejniethom (u minkejja li kunċettwalment huma differenti), ma jistax jiġi eskluż li l-konsumatur rilevanti jista’ jqis li l-oġġetti rispettivi joriġinaw mill-istess impriża jew minn impriżi li huma marbuta ekonomikament. “Probabbiltà ta’ konfużjoni” ma tfissirx biss possibbiltà ta’ konfużjoni iżda pjuttost il-probabbiltà li ser ikun hemm konfużjoni. Probabbiltà ta’ konfużjoni ma tistax tiġi preżunta mill-fatt biss li hemm ftit xebh bejn iż-żewġ trademarks, anki meta l-oġġetti rispettivi tagħhom huma identiċi.

2.

Is-sentenza li qed tiġi appellata applikat b’mod żbaljat ukoll l-Artikolu 8(1)(b) tar-Regolament dwar it-trade mark Komunitarja peress li l-Qorti Ġenerali naqset milli tieħu inkunsiderazzjoni l-impatt u l-piż tan-nuqqas ta’ xebh kunċettwali tas-sinjali fi ħdan l-evalwazzjoni sħiħa tal-probabbiltà ta’ konfużjoni bejn it-trade marks li kienu jirrappreżentaw ftit xebh viżiv u orali. Skont ġurisprudenza stabbilita l-kontenut kunċettwali tat-trade mark li għaliha saret applikazzjoni għal reġistrazzjoni għandu jkun biżżejjed sabiex jikkuntrasta l-ftit xebh viżiv u orali li, skont il-Qorti Ġenerali, jeżisti bejn it-trade mark li għaliha saret applikazzjoni għal reġistrazzjoni u t-trade mark preċedenti.

3.

Finalment il-Qorti Ġenerali applikat b’mod żbaljat l-Artikolu 8(1)(b) tar-Regolament dwar it-trade mark Komunitarja billi evalwat l-eżistenza ta’ probabbiltà ta’ konfużjoni bejn is-sinjali inkwistjoni mingħajr ma ħadet inkunsiderazzjoni l-elementi kollha rilevanti għaċ-ċirkustanzi tal-każ sabiex tistabbilixxi l-probabbiltà ta’ konfużjoni. Iktar speċifikatament, il-Qorti Ġenerali injorat ċirkustanza kruċjali li kienet parti mill-fatti li jirrigwardaw il-proċedura: l-oriġini, l-istorja, it-tifsira ġeografika tal-kelma inkluża fit-trade marks inkwistjoni fil-proċeduri u l-konnessjoni simbolika tagħha mal-oġġetti li jaqgħu taħt din it-trade mark. Konsegwentement u fid-dawl ta’ dan, il-Qorti Ġenerali ħolqot distorsjoni anki fil-fatti li jirrigwardaw il-proċeduri.